Flash News
செய்திகள்
சர்வதேச நீதிபதிகளை தவிர்க்க ஐ.நா இணங்கவில்லை - சிறிலங்காவின் கூற்றை ஐ.நா நிராகரிப்பு
[ Thursday,5 January 2017, 12:35:29 ]   

போர்க்குற்ற நீதிமன்ற விசாரணைப் பொறிமுறையில் சர்வதேச நீதிபதிகளை உள்வாங்குவதில்லை என்ற சிறிலங்காவின் நிலைப்பாட்டினை ஐ.நா ஏற்றுக்கொண்டிருந்ததாக சிறிலங்கா தெரிவித்திருந்தமையை ஐ.நா இன்று முற்றாக நிராகரித்திருக்கிறது.

ஐ.நா மனித உரிமை உயர்ஸ்தானிகர் செய்ட் ராத் அல் ஹுசைன் சிறிலங்கா போர்க்குற்ற கலப்பு நீதிமன்ற விசாரணைப் பொறிமுறையில் வெளிநாட்டு நீதிபதிகளின் அதிகரித்த பங்களிப்பினையே எப்போதும் வலியுறுத்திவருவதாகவும், அந்த நிலைப்பாட்டில் மாற்றம் இல்லை என்றும் ஐ.நா தெரிவித்திருக்கிறது.


நல்லிணக்கப் பொறிமுறை குறித்த மக்கள் கருத்தறியும் செயலணி தனது அறிக்கையில் சிறிலங்காவில் இடம்பெற்ற போர்க்குற்றங்கள் மற்றும் மனித நேயத்திற்கு எதிரான குற்றங்கள் உள்ளிட்ட மோசமான குற்றங்கள் குறித்த குற்றச்சாட்டுக்களை விசாரணை செய்ய சர்வதேச நீதிபதிகள், பிரதிநிதிகளை உள்ளடக்கிய கலப்பு விசேட நீதிமன்றம் அமைக்கப்படவேண்டும் என்று பரிந்துரை செய்திருந்தது.

ஆனாலும் இந்தப் பரிந்துரையை ஏற்கப்போவதில்லை என்றும், உள்ளூர் நீதிவிசாரணைகளில் வெளிநாட்டு நீதிபதிகள் ஒருபோதும் உள்வாங்கப் படமாட்டார்கள் என்ற நிலைப்பாட்டிலிருந்து சிறிலங்கா ஒருபோதும் மாறாது என்று அமைச்சரவைப் பேச்சாளரும், சுகாதார அமைச்சருமான ராஜித சேனாரட்ண நேற்றையதினம் கூறியிருந்தார்.

அத்துடன் போர்க்குற்ற நீதிமன்ற விசாரணைப் பொறிமுறைகளில் வெளிநாட்டு நீதிபதிகளை ஏற்றுக்கொள்ளப்போவதில்லை என்ற சிறிலங்காவின் நிலைப்பாட்டினை ஐ.நா பிரநிதிகள் பலரும், குறிப்பாக கடந்த வருடம் பெப்பிரவரி மாதம் சிறிலங்காவிற்கு விஜயம் செய்திருந்த ஐ.நா மனித உரிமை உயர்ஸ்தானிகர் செய்ட் ராத் அல் ஹுசைன் அவர்களே ஏற்றுக்கொண்டிருந்ததாகவும் அவர் நேற்றையதினம் அமைச்சரவை முடிவுகளை அறிவிக்கும் வாராந்த ஊடகவியலாளர் மாநாட்டில் தெரிவித்திருந்தார்.

அவரது இந்தக் கருத்தினை ஐ.நா மனித உரிமை பேரவை முற்றாக மறுதலித்திருக்கிறது.

இன்று அதிகாலை அது தனது டுவிட்டர் பதிவில், ஐ.நா மனித உரிமை உயர்ஸ்தானிகர் செய்த் ராத் அல் ஹுசைன் எப்போதுமே சர்வதேச நீதிபதிகளை உள்ளடக்கிய கலப்பு நீதிமன்றப் பொறிமுறை ஒன்றினூடாகவே சிறிலங்காவின் போர்க்குற்றங்கள் குறித்த விசாரணைகள் மேற்கொள்ளப்படவேண்டும் என்று வலியுறுத்திவந்ததாகவும், அந்த நிலைப்பாட்டில் எவ்வித மாற்றமும் இல்லை என்று ஐ.நா மனித உரிமை பேரவை தெரிவித்திருக்கிறது.

அதுமாத்திரமன்றி, வெளிநாட்டு நீதிபதிகளை உள்ளடக்கிய கலப்பு நீதிமன்றப் பொறிமுறை ஒன்றினையே நல்லிணக்கப் பொறிமுறை குறித்த மக்கள் கருத்தறியும் செயலணியும் பரிந்துரை செய்திருப்பதனை செய்த் ராத் அல் ஹுசைன் மகிழ்வுடன் வரவேற்றிருப்பதாகவும் ஐ.நா மனித உரிமை பேரவை தனது டுவிட்டர் பதிவில் தெரிவித்திருக்கிறது.

ஐ.நா மனித உரிமை பேரவையில் 2015 ஆம் ஆண்டு ஐ.நா தீர்மானத்திற்கு சிறிலங்கா இணை அனுசரணை வழங்கியிருந்தது. இந்தத் தீர்மானத்தில், சர்வதேச நீதிபதிகளை உள்ளடக்கிய கலப்பு நீதிமன்றம் ஒன்று அமைக்கப்பட்டு போர்க்குற்றங்கள் குறித்த நீதிவிசாரணைகள் மேற்கொள்ளப்படவேண்டும் என்று கண்டிப்பாகத் தெரிவிக்கப்பட்டிருக்கிறது. ஐ.நா தீர்மானத்தினை முழுமையாக நிறைவேற்றுவதாக ஐ.நாவில் சிறிலங்கா உறுதிகூறியிருந்த போதிலும், சிறிலங்கா ஜனாதிபதி மைத்திரிபால சிறிசேனவும், பிரதமர் ரணில் விக்கிரமசிங்கவும் உள்ளூர் நீதிமன்ற விசாரணைகளில் வெளிநாட்டு நீதிபதிகளை உள்வாங்கப் போவதில்லை என்று திரும்பத்திரும்பக் கூறிவருகிறார்கள்.

இந்த நிலையில், கடந்த வருடம் பெப்பிரவரி மாதம் சிறிலங்கா விஜயம் செய்திருந்த ஐ.நா மனித உரிமை உயர்ஸ்தானிகர் செய்த் ராத் அல் ஹுசைன், சிறிலங்கா நீதித்துறையில் மிகவும் திறமைவாய்ந்த நீதிபதிகள் பலர் இருக்கிறார்கள் என்றாலும், கடந்த காலங்களில் சிறிலங்கா நீதித்துறை கடுமையாக அரசியல்மயப்படுத்தப்படுத்தப்பட்டுள்ளது என்றும், இதனால் அது, அதன் நம்பிக்கைத் தன்மையினை இழந்திருக்கிறது என்றும் தெரிவித்திருந்தார். இதனாலேயே, யுத்தத்தினால் பாதிக்கப்பட்டவர்களின் நம்பிக்கைகுரிய வகையில் சர்வதேச நீதிபதிகளை உள்ளடக்கிய கலப்பு நீதிமன்றப் பொறிமுறை ஒன்றினூடாகவே போர்க்குற்ற விசாரணை மேற்கொள்ளப்படவேண்டும் என்றும் வலியுறுத்தியிருந்தார்.

செய்தி சேவை
வவுனியாவில் காணாமல் ஆக்கப்பட்டோரின் உறவினர்கள் போராட்டம்
[ Thursday,5 January 2017, 12:35:29 ]
வவுனியாவில் காணாமல் ஆக்கப்பட்டோரின் உறவினர்கள் மூன்று அம்ச கோரிக்கைகளை முன்வைத்து இன்று இரண்டாவது நாளாக உணவுதவிர்ப்பு போராட்டத்தை முன்னெடுத்து வருகின்றனர்.
மேலும்...
ஸ்ரீலங்கா படையினர் குறித்து ஐநா சிறப்பு அறிக்கையாளர் அறிக்கை
[ Thursday,5 January 2017, 12:35:29 ]
வடமாகாணத்தில் நிலைகொண்டுள்ள படையினரை குறைக்க வேண்டும் எனவும் ஸ்ரீலங்கா படையினர் வசமுள்ள பொதுமக்களுக்குச் சொந்தமான 6124 ஏக்கர் காணிகள் உடனடியாக விடுவிக்கப்பட வேண்டும் என்றும் சிறுபான்மையினர் தொடர்பான ஐ.நா சிறப்பு அறிக்கையாளர்
மேலும்...
வடக்கில் புத்தர் சிலை உடைப்பு; தென்னிலங்கை கும்பலொன்றே மேற்கொண்டது
[ Thursday,5 January 2017, 12:35:29 ]
வடக்கில் புத்தர் சிலைகள் உடைக்கப்படுவதன் பின்னணியில் யெற்படும் சூத்தரதாரிகளைக் கண்டறிய அரசாங்கம் நடவடிக்கை எடுக்க வேண்டும் என்று ஜே.வி.பி வலியுறுத்தியுள்ளது.
மேலும்...
கேப்பாபுலவு மக்களுக்கு ஆதரவு தெரிவித்து யாழ்ப்பாணத்தில் கண்டனப் போராட்டம்
[ Thursday,5 January 2017, 12:35:29 ]
ஸ்ரீலங்கா விமானப்படையினரால் கையகப்படுத்தப்பட்டுள்ள தமது காணிகளை விடுவிக்குமாறு வலியுறுத்தி கேப்பாபுலவு மக்கள் முன்னெடுத்துள்ள போராட்டத்திற்கு ஆதரவு தெரிவித்து யாழ்ப்பாணத்தில் பாரிய ஆர்ப்பாட்டம் முன்னெடுக்கப்பட்
மேலும்...
பாலியல் வன்கொடுமைகள் தொடர்பில் ஜெனீவாவில் ஸ்ரீலங்கா மீது கடும் கேள்விக்கணை
[ Thursday,5 January 2017, 12:35:29 ]
ஜெனீவாவில் நடைபெற்றுவரும் ஐ.நா கூட்டத் தொடரில் ஸ்ரீலங்கா அரசு, பாலியல் வன்கொடுமைகள் உட்பட பெண்களுக்கு எதிரான வன்முறைகள் மற்றும் இராணுவ மயமாக்கல் தொடர்பில் கடுமையான கேள்விகளுக்கு முகம்கொடுத்துள்ளது.
மேலும்...
யுத்தக் குற்ற விவகாரம் : தண்டனை வழங்காதிருக்க ஸ்ரீலங்கா பிடிவாதம்
[ Thursday,5 January 2017, 12:35:29 ]
ஸ்ரீலங்காவில் இடம்பெற்ற இறுதிக் கட்ட யுத்தத்தின் போது சர்வதேச சட்டத்தின் கீழ் இழைக்கப்பட்ட போர் குற்றங்களுக்கு சட்டவிலக்களிப்பை வழங்குவதில் ஸ்ரீலங்கா அரசாங்கம் பிடிவாதமாக உள்ளதாக சர்வதேச மன்னிப்புச் சபை தெரிவித்துள
மேலும்...
சிறப்புச் செய்திகள்
அறிவித்தல்கள்
பெ திருமதி வேலுப்பிள்ளை மாரிமுத்து
பி யாழ். மிருசுவில்
வா யாழ். மிருசுவில்
தி 24-01-2017
பெ திருமதி தியாகராஜா மனோன்மணி
பி யாழ். வடமராட்சி கிழக்கு
வா யாழ். வடமராட்சி கிழக்கு
தி 23-01-2017
பெ திருமதி நேசமலர் காலிங்கராஜா
பி யாழ். இணுவில்
வா லண்டன்
தி 22-01-2017
பெ திரு சின்னத்துரை முருகேசு
பி யாழ். புத்தூர்
வா கனடா
தி 22-01-2017
பெ திருமதி சற்குணவதி தர்மராஜா (வனஜா)
பி கொழும்பு
வா நெதர்லாந்து Roermond
தி 21-01-2017
பெ திரு நாகேந்திரா நடராஜா
பி யாழ். உரும்பிராய்
வா கொழும்பு ரத்மலானை
தி 21-01-2017
பெ ஆறுமுகம் ரகுநாதன்
பி திருகோணமலை
வா திருகோணமலை
தி 19-01-2017
பெ திரு ஆறுமுகம் பசுபதிபிள்ளை
பி யாழ். புங்குடுதீவு
வா பிரான்ஸ்
தி 20-01-2017