Flash News
செய்திகள்
உள்ளக பொறிமுறையில் நம்பிக்கையில்லை; பரிந்துரையை செயற்படுத்த முடியும்
[ Friday,6 January 2017, 02:28:13 ]   

உள்நாட்டு பொறிமுறையில் நம்பக்கத் தன்மை இல்லை என்பதாலேயே சர்வதேச நீதிபதிகளையும், வழக்குத் தொடுணர்களையும், விசாரணையாளர்களையும் உள்ளடக்கசிய சர்வதேச நீதிப் பொறிமுறையை பாதிக்கப்பட்ட மக்கள் வலியுறுத்தியிருந்ததாக நல்லிணக்க பொறிமுறை பற்றிய கலந்தாலோசனை செயலணி வலியுறுத்தியுள்ளது.

இந்த நாட்டில் இதற்கு முன்னர் பல தடவைகள் இவ்வாறான ஆணைக்குழுக்களும், செயலணிகளும் உருவாக்கப்பட்டுள்ளதாகவும், குறித்த அறிக்கைகளில் சுட்டிக்காட்டப்பட்ட விடயங்களை அரசு நிராகரித்தமையாலேயே உள்ளக விசாரணையில் நம்பத்தன்மை அற்றுப்போயுள்ளதாகவும் அந்த செயலணி சுட்டிக்காட்டியுள்ளது.

நல்லிணக்கச் செயலணி நேற்று அரச தகவல் திணைக்களத்தில் நடத்திய ஊட சந்திப்பிலேயே இந்த விடயங்கள் வலியுறுத்தப்பட்டன.

நல்லிணக்கச் செயலணி நேரடியாக மக்களின் கருத்துகளைப் பிரதிபளிக்ககின்ற அதேவேளை மக்களின் அபிலாஷைகளைப் பூர்த்திச் செய்ய வேண்டும் எனவும் குறிப்பிட்டுள்ளது.

சுயாதீனமாக மேற்கொள்ளப்பட்டுள்ள இந்த விசாரணை அறிக்கையில் மக்களின் கருத்துகளை அரசு நிராகரிக்க முடியாது எனவும், அதற்கு சிவில் அமைப்புகள் இடமளிக்கக் போவதில்லை என்றும் கூறியுள்ளது.

இலங்கையில் நல்லிணக்கத்தை ஏற்படுத்தும் முகமாக ஐ.நா. மனிதவுரிமைகள் பேரவையில் நிறைவேற்றப்பட்டத் தீர்மானத்தின் முக்கிய நான்கு அம்சங்களை நடைமுறைப்படுத்துவது தொடர்பில் மக்கள் கருத்துகளைக் கோருவதற்காக பிரதமர் ரணில் விக்கிரமசிங்கவால் நியமிக்கப்பட்ட நல்லிணக்க பொறிமுறை பற்றிய கலந்தாலோசனை செயலணியின் அறிக்கை கடந்த 2ஆம் திகதி அரசாங்கத்திடம் கையளிக்கப்பட்டது. 

இந்த அறிக்கையில் வடக்கு, கிழக்கு மக்கள் சர்வதேச நீதிபதிகளை உள்ளடக்கிய கலப்பு நீதிப் பொறிமுறையின் மூலம் நம்பக்கத்தன்மையையும் பாதிக்கப்பட்ட நீதியையும் பெற்றுக்கொள்ள முடியுமென வலியுறுத்தியுள்ளனர்.

எனினும் சர்வதேச நீதிபதிகளையும், விசாரணையாளர்களையும் அரசு ஒருபோதும் ஏற்றுக்கொள்ளப்போவதில்லை என, வாராந்த அமைச்சரவை தீர்மானங்களை அறிவிக்கும் ஊடகவியலாளர் சந்திப்பில் அமைச்சர் ராஜித சேனாரத்னகூறியிருந்தார்.

மேலும், அமைப்புகளுக்கும், நிறுவனங்களுக்கும் இவ்வாறான  பரிந்துரைகளை முன்வைக்க முடியும். எனினும் அரசே இறுதியில் தீர்மானிக்கும். அரசின் நிலைப்பாட்டில் ஒருபோதும் மாற்றம் ஏற்படாது என்றும் கூறியிருந்தார்.

இந்நிலையிலேயே நேற்று நடைபெற்ற ஊடகவியலாளர் சந்திப்பில் கருத்து வெளியிட்ட, செயலணியின் தலைவர் மனோரி முத்தெட்டுவகம விசாரணைப் பொறிமுறைகள் குறித்து மக்கள் பெருமளவில் நம்பிக்கை கொண்டிராதபோதும், தமது காயங்களுக்கு இந்த அரசாங்கத்தின் கீழ் தீர்வு வழங்கப்படாவிட்டால் அது ஒருபோதும் கிடைக்கப்போவதில்லையென கூறியுள்ளதாக சுட்டிக்காட்டியுள்ளார்.

இதேவேளை, நிலைமாறு கால நீதிப் பொறிமுறையை தலைமைதாங்கி முன்னெடுத்துச் செல்லும் பணியை அரசாங்கம் தற்போது மேற்கொள்ளவில்லை அச்செயலணியின் செயலாளர் கலாநிதி பாக்கியசோதி சரவணமுத்து தெரிவித்துள்ளார்.

தமது பரிந்துரைகளில் அரசாங்கம் நிலைமாறு கால பொறிமுறைகளை தலைமைதாங்கி முன்னெடுத்துச்செல்லவேண்டும் என்பதை வலுவாக வலியுறுத்தியுள்ளதாக அவர் சுட்டிக்காட்டியுள்ளார்.


அவர் தொடர்ந்து உரையாற்றுகையில், “நிலைமாறு நீதியை முன்னெடுத்துச்செல்லும் தலைமைப் பாத்திரத்தை அரசாங்கம் பொறுப்பெடுத்துச் செல்லவேண்டியது அவசியமாகும் என்பதை நாம் காத்திரமான முறையில் கூறுகின்றோம் இதுவரையில் அரசாங்கம் அதனைச் செய்யவில்லை அதனை அரசாங்கம் செய்யவேண்டும்.

பொறிமுறைகளை அமைப்பதற்கு முன்பாக மட்டுமன்றி அதன் பின்னரும் மக்களுடன் கலந்தாலோசனை செய்யவேண்டியது அவசியமாகும் இந்த ஒவ்வொரு பொறிமுறையும் வெளித்தொடர்பை கொண்டிருப்பதற்கான தொடர்பாடல் பிரிவொன்றைக் கொண்டிருக்க வேண்டியது அவசியமாகும். அப்போதுதான் மாறுபட்ட பொறிமுறைகள் மேற்கொள்ளும் பணிகள் தொடர்பாக மக்களுடன் தொடர்ச்சியான பரிமாற்றம் இருக்கும்.

எமது பரிந்துரைகளைப் பொறுத்தமட்டில் தொடர்பாடல் என்ற விடயத்தை நாம் வலுவாக வலியுறுத்தியுள்ளோம். ஏனெனில் அது மிகமிக அத்தியாவசியமாக தேவைப்படுகின்றது என்பதை நாம் கண்டறிந்தோம். அத்தோடு நிலைமாறு கால நீதிக்கு அரசியல் சாசன உரிமையை பெற்றுக்கொடுப்பது தொடர்பாகவும் கருத்துக்களை முன்வைத்துள்ளோம்.“ எனக் குறிப்பிட்டுள்ளார்.

​“நல்லிணக்க கலந்தாலோசனைச் செயலணி அறிக்கையை முன்வைத்துள்ளபோதும் அதன் பரிந்துரைகளை அரசாங்க அமைச்சர் ராஜித நிராகரித்திருந்தார். இந்த நிலையில் உங்களுடைய அறிக்கை முன்னர் பல்வேறு ஆiணைக்குழுக்களால் சமர்ப்பிக்கப்பட்ட அறிக்கைகளைப் போன்று குப்பைக்கூடைக்குள் தூக்கி வீசிப்படமாட்டது என்பதற்கு என்ன உத்தரவாதம். இந்த அறிக்கை நடைமுறைப்படுத்தப்படும் என்பதில் நம்பிக்கை உள்ளதா?“ என ஊடகவியலாளர் ஒருவர் கேள்வி எழுப்பினார்.

"இரு வருடங்களுக்கு முன்பு இந்த நாட்டில் ஆட்சி மாற்றத்தை ஏற்படுத்துவதில் இந்த சிவில் சமூகமே பெரும் பங்கை வகித்திருந்தது. எங்கள் அறிக்கையை நிராகரித்த அரசாங்கத்திடம் அதனை ஏற்றுக்கொள்ளச் செய்யும் மாற்றத்தையும் எங்களால் ஏற்படுத்த முடியும் என்று நம்புகின்றோம்“)​ என செயலாளர் கலாநிதி பாக்கியசோதி சரவணமுத்து வலியுறுத்தியுள்ளார்.

அதேவேளை, யுத்தத்தில் உயிரிழந்தவர்களை நினைவு கூறுவதற்கு சகலருக்கும் உரிமை உள்ளது. அவர்களின் நினைவு இடங்களுக்கு மேல் உள்ள கட்டடங்களை அகற்றி நினைவு கூறுவதற்கான இடம் வழங்கப்பட வேண்டும். நினைவு பூங்காங்கள் அமைப்பதன் ஊடாக நல்லிணக்கத்தை ஊக்கப்படுத்த முடியும் என்ற விடயத்தை தமது அறிக்கையில் முன்மொழிப்பட்டுள்ளது.

வடக்கு, கிழக்கில் யுத்தத்தால் பாதிக்கப்பட்டவர்கள் மாத்திரமன்றி தெற்கில் பல்வேறு வன்முறைகளால் பாதிக்கப்பட்டவர்களின் குடும்பங்கள் கூட சர்வதேச நிபுணர்கள் அல்லது விசாரணையாளர்களை விரும்புவதாகவும் அச்செயலணி சுட்டிக்காட்டியுள்ளமை குறிப்பிடத்தக்கது.

செய்தி சேவை
வவுனியாவில் காணாமல் ஆக்கப்பட்டோரின் உறவினர்கள் போராட்டம்
[ Friday,6 January 2017, 02:28:13 ]
வவுனியாவில் காணாமல் ஆக்கப்பட்டோரின் உறவினர்கள் மூன்று அம்ச கோரிக்கைகளை முன்வைத்து இன்று இரண்டாவது நாளாக உணவுதவிர்ப்பு போராட்டத்தை முன்னெடுத்து வருகின்றனர்.
மேலும்...
ஸ்ரீலங்கா படையினர் குறித்து ஐநா சிறப்பு அறிக்கையாளர் அறிக்கை
[ Friday,6 January 2017, 02:28:13 ]
வடமாகாணத்தில் நிலைகொண்டுள்ள படையினரை குறைக்க வேண்டும் எனவும் ஸ்ரீலங்கா படையினர் வசமுள்ள பொதுமக்களுக்குச் சொந்தமான 6124 ஏக்கர் காணிகள் உடனடியாக விடுவிக்கப்பட வேண்டும் என்றும் சிறுபான்மையினர் தொடர்பான ஐ.நா சிறப்பு அறிக்கையாளர்
மேலும்...
வடக்கில் புத்தர் சிலை உடைப்பு; தென்னிலங்கை கும்பலொன்றே மேற்கொண்டது
[ Friday,6 January 2017, 02:28:13 ]
வடக்கில் புத்தர் சிலைகள் உடைக்கப்படுவதன் பின்னணியில் யெற்படும் சூத்தரதாரிகளைக் கண்டறிய அரசாங்கம் நடவடிக்கை எடுக்க வேண்டும் என்று ஜே.வி.பி வலியுறுத்தியுள்ளது.
மேலும்...
கேப்பாபுலவு மக்களுக்கு ஆதரவு தெரிவித்து யாழ்ப்பாணத்தில் கண்டனப் போராட்டம்
[ Friday,6 January 2017, 02:28:13 ]
ஸ்ரீலங்கா விமானப்படையினரால் கையகப்படுத்தப்பட்டுள்ள தமது காணிகளை விடுவிக்குமாறு வலியுறுத்தி கேப்பாபுலவு மக்கள் முன்னெடுத்துள்ள போராட்டத்திற்கு ஆதரவு தெரிவித்து யாழ்ப்பாணத்தில் பாரிய ஆர்ப்பாட்டம் முன்னெடுக்கப்பட்
மேலும்...
பாலியல் வன்கொடுமைகள் தொடர்பில் ஜெனீவாவில் ஸ்ரீலங்கா மீது கடும் கேள்விக்கணை
[ Friday,6 January 2017, 02:28:13 ]
ஜெனீவாவில் நடைபெற்றுவரும் ஐ.நா கூட்டத் தொடரில் ஸ்ரீலங்கா அரசு, பாலியல் வன்கொடுமைகள் உட்பட பெண்களுக்கு எதிரான வன்முறைகள் மற்றும் இராணுவ மயமாக்கல் தொடர்பில் கடுமையான கேள்விகளுக்கு முகம்கொடுத்துள்ளது.
மேலும்...
யுத்தக் குற்ற விவகாரம் : தண்டனை வழங்காதிருக்க ஸ்ரீலங்கா பிடிவாதம்
[ Friday,6 January 2017, 02:28:13 ]
ஸ்ரீலங்காவில் இடம்பெற்ற இறுதிக் கட்ட யுத்தத்தின் போது சர்வதேச சட்டத்தின் கீழ் இழைக்கப்பட்ட போர் குற்றங்களுக்கு சட்டவிலக்களிப்பை வழங்குவதில் ஸ்ரீலங்கா அரசாங்கம் பிடிவாதமாக உள்ளதாக சர்வதேச மன்னிப்புச் சபை தெரிவித்துள
மேலும்...
சிறப்புச் செய்திகள்
அறிவித்தல்கள்
பெ திருமதி வேலுப்பிள்ளை மாரிமுத்து
பி யாழ். மிருசுவில்
வா யாழ். மிருசுவில்
தி 24-01-2017
பெ திருமதி தியாகராஜா மனோன்மணி
பி யாழ். வடமராட்சி கிழக்கு
வா யாழ். வடமராட்சி கிழக்கு
தி 23-01-2017
பெ திருமதி நேசமலர் காலிங்கராஜா
பி யாழ். இணுவில்
வா லண்டன்
தி 22-01-2017
பெ திரு சின்னத்துரை முருகேசு
பி யாழ். புத்தூர்
வா கனடா
தி 22-01-2017
பெ திருமதி சற்குணவதி தர்மராஜா (வனஜா)
பி கொழும்பு
வா நெதர்லாந்து Roermond
தி 21-01-2017
பெ திரு நாகேந்திரா நடராஜா
பி யாழ். உரும்பிராய்
வா கொழும்பு ரத்மலானை
தி 21-01-2017
பெ ஆறுமுகம் ரகுநாதன்
பி திருகோணமலை
வா திருகோணமலை
தி 19-01-2017
பெ திரு ஆறுமுகம் பசுபதிபிள்ளை
பி யாழ். புங்குடுதீவு
வா பிரான்ஸ்
தி 20-01-2017