Flash News
செய்திகள்
சமஸ்டி, வட,கிழக்கு இணைப்பு இன்றிய தீர்வை ஏற்க வேண்டாம்:சம்பந்தனிடம் வலியுறுத்து
[ Friday,6 January 2017, 15:55:07 ]   

சமஸ்டி முறைமை மற்றும் வடக்கு கிழக்கு இணைப்பு உள்ளிட்ட விடயங்களைத் தவிர வேறு தீர்வுகளை அரசாங்கம் முன்வைத்தால் அதனை நிராகரிக்கும்படி தமிழ் தேசியக் கூட்டமைப்பிலுள்ள கட்சிகள், கூட்டமைப்பின் தலைவரிடம் கூட்டாக இணைந்து வலியுறுத்தியுள்ளன.

அரசியல் தீர்வுத் திட்டம் தொடர்பாக அரசாங்கத்துடன் நேரடிப் பேச்சுவார்த்தைக்குச் செல்ல வேண்டும் என்ற கோரிக்கையையும் தமிழ் தேசியக் கூட்டமைப்பின் தலைவர் இரா. சம்பந்தனிடம் இன்றைய தினம் முன்வைக்கப்பட்டுள்ளன.


2016ஆம் ஆண்டின் இறுதிக்குள் தமிழர்களுக்கான தீர்வுத் திட்டம் வழங்கப்படும் என கடந்த ஆண்டு எதிர்கட்சித் தலைவரும், தமிழ்த் தேசியக் கூட்டமைப்பின் தலைவருமானஇரா.சம்பந்தன் உறுதியளித்திருந்தார்.  

எனினும், தமிழர்களுக்கான தீர்வுத் திட்டம் தமிழ்த் தேசியக் கூட்டமைப்பின் தலைவரது உறுதிமொழிக்கு அமைய கடந்த ஆண்டு வழங்கப்படவில்லை.  

இதன்படி, தமிழர்களுக்கான தீர்வுத் திட்டம் தொடர்பிலான கலந்துரையாடல்களை நடாத்த வேண்டும் என தமிழ்;த் தேசியக் கூட்டமைப்பில் அங்கம் வகிக்கும் வன்னிமாவட்ட நாடாளுமன்ற உறுப்பினர் சிவசக்தி ஆனந்தனினால் முன்வைக்கப்பட்ட வேண்டுகோளுக்கு இணங்க கூட்டமைப்பின் தலைவர் இரா.சம்பந்தன் கலந்துரையாடலை நடத்த இணக்கம் வெளியிட்டார்.

இதற்கமைய இந்தக் கலந்துரையாடல் இன்றைய தினம் கொழும்பிலுள்ள எதிர்கட்சித் தலைவரது உத்தியோகபூர்வ அலுவலகத்தில் நடைபெற்றது. 

இன்று மாலை 4.50 அளவில் ஆரம்பமான இந்தக் கலந்துரையாடல் சுமார் மூன்றரை மணிநேரம் நீடித்தது.

கலந்துரையாலின் இடையே கூட்டமைப்பின் பேச்சாளரான எம்.ஏ. சுமந்திரன் கலந்துரையாடலில் இருந்து எழுந்துச் சென்றார். 

இந்த நிலையில் இந்தக் கலந்துரையாடல் முடிவடைந்த பின்னர் எதிர்கட்சித் தலைவரும், தமிழ் தேசியக் கூட்டமைப்பின் தலைவருமான இரா. சம்பந்தன் ஊடகங்களுக்கு கருத்துக்களை வெளியிட்டார்.

இதேவேளை சமஸ்டி முறைமை மற்றும் வடக்கு கிழக்கு இணைப்பு உள்ளிட்ட தமிழ் மக்கள் எதிர்பார்க்கும் தீர்வுத் திட்டம் இல்லாத எந்தவொரு தீர்வையும் அரசாங்கம் வழங்கினால் அதனை நிராகரிக்கும்படி இந்தக் கலந்துரையாடலில் கூட்டமைப்பின் தலைமைத்துவத்திற்கு அழுத்தம் பிரயோகிக்கப்பட்டதாக தெரிவிக்கப்படுகிறது.

வடக்கு, கிழக்கு இணைப்பானது மிகவும் கடினமானதாகும் என்பதோடு அதற்கு முஸ்லிம் தரப்பினரும் எதிர்ப்பு தெரிவித்து வருவதாக தமிழரசுக் கட்சி சார்பில் கலந்துகொண்டிருந்த உறுப்பினர்கள் இதன்போது கருத்துக்களை முன்வைத்துள்ளனர்.

எனினும் ஈ.பி.ஆர்.எல்.எவ் சார்பில் கலந்துகொண்டிருந்த உறுப்பினர்கள் இதற்கு எதிர்ப்பை வெளியிட்டதோடு, மக்களின் ஆணையை மீறியும், மக்களுக்கு தேர்தல் காலத்தில் விஞ்ஞாபனத்தில் வழங்கிய உறுதிமொழியையும் மீறி செயற்படக் கூடாது என்பதையும் வலியுறுத்தியுள்ளனர்.

அவ்வாறு செய்வதாயின் அது தமிழரசுக் கட்சியின் நிலைப்பாடாகவே தவிர, தமிழ்த் தேசியக் கூட்டமைப்பின நிலைப்பாடாக இருக்கக்கூடாது என்பதையும் ஈ.பி.ஆர்.எல்.எவ் உறுப்பினர்கள் இரா. சம்பந்தனிடம் வலியுறுத்தியுள்ளனர்.


செய்தி சேவை
சவேந்திர சில்வாவுக்கு அழைப்பாணை; அடுத்தமாதம் தீர்ப்பை அறிவிக்கும் நீதிமன்றம்
[ Friday,6 January 2017, 15:55:07 ]
வன்னி இறுதிக்கட்ட போரில் சரணடைந்தவர்களுக்கு என்ன நடந்தது என்பது தொடர்பிலான வழக்கில் 58ஆவது படைப் பிரிவின் கட்டளைத் தளபதியாக செயற்பட்ட மேஜர் ஜெனரல் சவேந்திர சில்வாவுக்கு அழைப்பாணை விடுப்பதா, இல்லையா என்பது குறித்த தீர்மானத்தை
மேலும்...
புறக்கோட்டை குண்டுத் தாக்குதல் : குற்றவாளிக்கு 20 வருட சிறை
[ Friday,6 January 2017, 15:55:07 ]
புறக்கோட்டை புகையிரத நிலையத்தில் 2008 ஆம் ஆண்டு நடத்தப்பட்ட குண்டுத் தாக்குதல் தொடர்பில் குற்றஞ்சாட்டப்பட்டிருந்த நபருக்கு 20 வருட கடுழீய சிறைத்தண்டனை விதித்து நீதிமன்றம் தீர்ப்பளித்துள்ளது.
மேலும்...
ஸ்ரீலங்கா பிரஜைகளுக்கான அடிப்படை சம்பள அறிவிப்பு விரைவில்
[ Friday,6 January 2017, 15:55:07 ]
ஸ்ரீலங்கா பிரஜை ஒவ்வொருவரும் மாதாந்தம் பெற வேண்டிய ஆகக்குறைந்த அடிப்படைச் சம்பளம் தொடர்பிலான அறிவிப்பை பிரதமர் விரைவில் முன்வைப்பாரென ஐக்கிய தேசியக் கட்சியின் பொதுச்
மேலும்...
போரின் போது ஆங்காங்கே குற்றங்கள் இடம்பெற்றது உண்மையே : கோட்டா
[ Friday,6 January 2017, 15:55:07 ]
போரின் போது, அங்காங்கே சில குற்றச்செயல்கள் இடம்பெற்றன என்று சிறிலங்காவின் முன்னாள் பாதுகாப்புச் செயலர் கோத்தாபய ராஜபக்ச ஏற்றுக் கொண்டுள்ளார்.சிறிலங்காவின் அடுத்த ஜனாதிபதி தேர்தலில் போட்டியிடுவது
மேலும்...
புதிய அரசியலமைப்புக்கு மக்களின் அங்கீகாரம் அவசியம்
[ Friday,6 January 2017, 15:55:07 ]
அரசியலமைப்பிலுள்ள 13 ஆவது திருத்த சட்டத்தில் மாற்றங்களை ஏற்படுத்தி அனைத்து இன மக்களும் பயனடையும் பொருட்டு புதிய அரசியல் சாசனத்தை அமைப்பது குறித்து முன்னெடுப்புக்கள் இடம்பெற்று வருகின்றன.
மேலும்...
இராணுவ வீரர்களை சட்டத்தின் முன்நிறுத்த போவதில்லை
[ Friday,6 January 2017, 15:55:07 ]
பயங்கரவாதத்தை ஒழித்து நாட்டை பாதுகாத்த இராணுவ வீரர்களை சட்டத்தின் முன் நிறுத்தப் போவதில்லை என முன்னாள் ஜனாதிபதி சந்திரிக்கா பண்டாரநாயக்க குமாரதுங்க தெரிவித்துள்ளார்.
மேலும்...
சிறப்புச் செய்திகள்
அறிவித்தல்கள்
பெ திருமதி அபிதகுசலாம்பிகை தியாகேந்திரன்
பி யாழ். பருத்தித்துறை
வா யாழ். பருத்தித்துறை
தி 28-02-2017
பெ திரு சூசைப்பிள்ளை கிளமென்ற் பெர்னான்டோபிள்ளை
பி யாழ். ஊர்காவற்துறை
வா யாழ். ஊர்காவற்துறை
தி 27-02-2017
பெ திருமதி குமாரவேலு நாகம்மா
பி யாழ். நெடுந்தீவு
வா யாழ். நெடுந்தீவு
தி 26-02-2017
பெ திரு சிவசுப்பிரமணியம் சிவகணேசன்
பி யாழ். ஏழாலை
வா யாழ். ஏழாலை
தி 26-02-2017
பெ செல்வி சுகண்யா சிவஞானம்
பி புத்தளம் முந்தல்
வா லண்டன் Kingston
தி 25-02-2017
பெ திருமதி வைரமுத்து சிகாமணி
பி யாழ். அளவெட்டி
வா நெதர்லாந்து
தி 25-02-2017
பெ Dr. வயித்திலிங்கம் பாலசேகரம்
பி யாழ். கரம்பன்
வா பிரித்தானியா Ilford
தி 25-02-2017
பெ திருமதி மரியாம்பிள்ளை கனகம்மா
பி யாழ். நீர்வேலி
வா யாழ். சாவகச்சேரி
தி 24-02-2017