உடுதும்பர பகுதியில், சிறுமி ஒருவருடன் குகையில் வைத்து கைது செய்யப்பட்ட 23 வயதுடைய இளைஞரை 5 இலட்சம் ரூபாய் சரீரப் பிணையில் செல்ல தெல்தெனிய நீதிவான் நீதிமன்றம் உத்தரவிட்டுள்ளது.

கடந்த 13ஆம் திகதி இந்த உத்தரவு பிறப்பிக்கப்பட்டுள்ளது.

எனினும், குறித்த இளைஞருக்கு உதவியதாகக் கூறப்படும் அவரது 31 வயதுடைய உறவினர் ஒருவரும் உடுதும்பர காவல்துறையினரால் கைது செய்யப்பட்டுள்ளார்.

அவரை எதிர்வரும் 20ஆம் திகதி வரை விளக்கமறியலில் வைக்க நீதிமன்றம் உத்தரவிட்டுள்ளது.

பிணையில் செல்ல அனுமதிக்கப்பட்ட இளைஞர் எதிர்வரும் ஜனவரி 13ஆம் திகதி நீதிமன்றத்தில் முன்னிலையாக வேண்டும் என்றும் உத்தரவிடப்பட்டுள்ளது.

முதலாம் இணைப்பு

நக்கிள்ஸ் மலைத்தொடர் பகுதியில் இருந்து மீட்கப்பட்ட 15 வயது சிறுமி மற்றும் அவரது குழந்தையின் எதிர்கால நலனுக்காக அரசாங்கம் நடவடிக்கை எடுப்பதாக தெரிவிக்கப்பட்டுள்ளது.

அவர்கள் இருவரின் பாதுகாப்பை உறுதிப்படுத்துவதற்குத் தேவையான அனைத்து நடவடிக்கைகளையும் உடனடியாக முன்னெடுக்குமாறு சம்பந்தப்பட்ட தரப்பினருக்கு அறிவுறுத்தப்பட்டுள்ளதாக மகளிர் மற்றும் சிறுவர் விவகார அமைச்சு தெரிவித்துள்ளது.

இது தொடர்பில் அறிக்கையொன்றையும் மகளிர் மற்றும் சிறுவர் விவகார அமைச்சர் சரோஜா சாவித்திரி போல்ராஜ் வெளியிட்டுள்ளார்.

பொருளாதார மற்றும் சமூகப் பிரச்சினை

அந்த அறிக்கையில், 'பாதுகாப்பற்ற முறையில் பிரசவித்த நிலையில் சிறுமி ஒருவர் குழந்தையுடன் கண்டெடுக்கப்பட்ட சம்பவம் அதிர்ச்சியளித்துள்ளார்.

இந்தச் சம்பவத்தைத் தனிப்பட்ட ஒரு சம்பவமாகக் கருத முடியாது, தற்போதைய பொருளாதார மற்றும் சமூகப் பிரச்சினைகளால் சிறுவர்கள் பல்வேறு வழிகளில் பாதுகாப்பற்ற நிலைக்குத் தள்ளப்படுகிறார்கள்.

குறிப்பாக, பெற்றோருக்கும் பிள்ளைகளுக்கும் இடையிலான தொடர்பாடல் மற்றும் நெருக்கம் குறைந்து வருவதும் இத்தகைய சம்பவங்களுக்கான முக்கிய காரணங்களில் ஒன்றாகக் காணப்படுகிறது. 

எனவே, பிள்ளைகள் தமது குடும்பத்தினரிடம் பாதுகாப்பாக இருப்பதாக உணரும் சூழலை உருவாக்குவதுடன், குடும்பங்களுக்குள் திறந்த உரையாடல்களையும் ஊக்குவிக்க வேண்டும்.

இதேவேளை, பாதுகாப்பற்ற சூழ்நிலைகளில் உள்ள சிறுவர்களுக்கான முறையான தீர்வுகளை வழங்கும் நோக்கில், 2027ஆம் ஆண்டு முதல் புதிய மாற்றுப் பாதுகாப்புக் கொள்கையை நடைமுறைப்படுத்த அமைச்சு திட்டமிட்டுள்ளது.

இதற்கான பாதீட்டு ஒதுக்கீடுகளைப் பெற்றுக்கொள்வது உள்ளிட்ட நடவடிக்கைகள் முன்னெடுக்கப்பட்டு வருகிறது. 

சிறுவர்களின் பாதுகாப்பையும் உரிமைகளையும் உறுதிப்படுத்துவது ஒட்டுமொத்த சமூகத்தின் பொறுப்பு என வலியுறுத்தியுள்ள அமைச்சர், சிறுவர்கள் தொடர்பான விடயங்களில் அனைத்து தரப்பினரும் பொறுப்புடனும் அக்கறையுடனும் செயற்பட வேண்டும்" என்றும் கேட்டுக்கொண்டுள்ளார்.

சிவாஜிலிங்கத்தின் மறைவையொட்டி அவர் விடுத்துள்ள செய்தியிலேயே அவர் இவ்வாறு தெரிவித்துள்ளார். அவர் மேலும் கூறியுள்ளதாவது,

ஈழவிடுதலைப்போராட்டத்தில் தமிழீவிடுதலை இயக்கத்தில் ஆரம்ப காலத்தில் இணைந்து செயல்பட்டவர், தமிழ்தேசிய விடுதலைக்காக தொடர்ச்சியாக உறுதியாக செயல்பட்டவர்.

பின்னர் தேர்தல் அரசியல் செயல்பாட்டில் தமிழ்தேசிய கூட்டமைப்பு உருவாக்கத்தின் பின்னர் இடம்பெற்ற அனைத்து தேர்தல்களிலும் அவர் வேட்பாளராக போட்டியிட்டு மக்கள் பிரதிநிதிகளாக தெரிவானார்.

2001 டிசம்பர் நாடாளுமன்றத் தேர்தலில் சிவாஜிலிங்கம் தமிழ்த் தேசியக்கூட்டமைப்பில் வேட்பாளராக யாழ்ப்பாண மாவட்டத்தில் போட்டியிட்டு வெற்றி பெற்று முதற்தடவையாக நாடாளுமன்றம் சென்றார்.

அந்த தேர்தல் பிரசாரத்தின்போது யாழ்ப்பாணம், ஊர்காவற்றுறையில் 2001 நவம்பர் 28 மாவை சேனாதிராஜா, என்.கே.சிவாஜிலிங்கம் உள்ளிட்ட தமிழ்த் தேசியக் கூட்டமைப்பின் அரசியல் கட்சி உறுப்பினர்கள் மீது ஈபிடீபி யால் நடத்தப்பட்டதாக்குதலில் மயிரிழையில் காயங்களுடன் உயிர் தப்பினர் என்பது வரலாறு.

2004 ஏப்ரல் நாடாளுமன்றத் தேர்தலில் மீண்டும் போட்டியிட்டு வெற்றி பெற்றார். சிவாஜிலிங்கம் 2010 ஜனாதிபதி தேர்தலில் சுயேட்சை வேட்பாளராகப் போட்டியிடு 9,662 வாக்குகளைப் பெற்று ஒன்பதாவது இடத்தை பெற்றார்.

2010 தேர்தலில் இவரை தமிழ்த் தேசியக்கூட்டமைப்பு தனது வேட்பாளர் பட்டியலில் இணைக்கவில்லை. இதனை அடுத்து இவர் தான் பிரதிநிதித்துவப்படுத்தும் தமிழீழ விடுதலை இயக்கத்திலிருந்தும், தமிழ்த் தேசியக் கூட்டமைப்பிலிருந்தும் விலகி, தமிழ்த் தேசிய விடுதலைக் கூட்டமைப்பு என்ற பெயரில் புதிய அரசியல் கட்சியை ஆரம்பித்தார்.

இக்கூட்டமைப்பின் சார்பில் இவர் 2010 நாடாளுமன்றத் தேர்தலில் போட்டியிட்டு தெரிவாகவில்லை. இதனால் 2011 யூன் மாதத்தில் தனது கட்சியைக் கலைத்து விட்டு மீண்டும் டெலோ வில்இணைந்து தமிழ்தேசிய கூட்டமைப்பில் செயல்பட்டார்.

2011 உள்ளூராட்சி சபைத் தேர்தல்களில் தமிழ்த்தேசியக் கூட்டமைப்பின் வேட்பாளராகவல் வெட்டித்துறை நகரசபைக்குப் போட்டியிட்டு நகரசபை உறுப்பினராக தேர்ந்தெடுக்கப்பட்டார். 

2013 மாகாணசபைத் தேர்தலில் யாழ்ப்பாண மாவட்டத்தில் போட்டியிட்டு வடமாகாண சபைஉறுப்பினரானார். மாகாண சபை உறுப்பினருக்கான பதவிப்பிரமானத்தை முள்ளிவாய்க்கால் மண்ணில் கிராமத்தில் சமாதான நீதவான் ஒருவரின் முன்னிலையில் எடுத்துக் கொண்டார்.

2019 ஜனாதிபதித் தேர்தல். சுயேச்சை வேட்பாளராகப் போட்டியிட்டு 12,256 வாக்குகளைப் பெற்றார். 2024, ஜனாதிபதி தேர்தலில் தமிழ் பொதுவேட்பாளர் என்னை (பா.அரியநேத்திரன்) ஆதரித்து வடகிழக்கில் பிரசாரங்களை முன்னெடுத்தார்.

வைத்தியசாலையில் மரணித்வேளையில் அவருடைய இறுதி நிகழ்வை சிவாஜிலிங்கம் தாமே முன்னின்று நடத்தினார்.

பாராளுமன்றத்திலும்சரி, பொது இடங்களிலும்சரி பல்வேறுபட்ட கவன ஈர்ப்பு போராட்டங்களை துணிச்சலுடன் முன்நின்று அச்சம் இன்றி பங்கேற்று குரல் கொடுப்பதில் இவர் எப்போதுமே பின்நிற்கவில்லை.

இனவிடுதலைக்கான ஆயுதப் போராட்டத்தில் இணைந்து பின்னர் அரசியல் நீரோட்டத்தில் தமிழ்தேசிய கொள்கைப்பற்றுடன் இறக்கும் வரை அற்பணிப்புடனும் துணிச்சலுடனும் செயல்பட்ட ஒரு தமிழ் தேசியவாதியான அமரர் சிவாஜிலிங்கம் அவர்களின் மறைவு ஈடு செய்ய முடியாத இழப்பாகும். என அவர் தெரிவித்துள்ளார். 

வெளிநாட்டவர்கள் இந்தியாவிற்கு வருகை தருவதை இலகுவாக்கும் நோக்கில் இந்த நடைமுறை கொண்டுவரப்படுவதாக தெரிவி்க்கப்பட்டுள்ளது. 

இதற்கமைய, தற்போது நடைமுறையில் உள்ள 13 பிரதான விசா வகைகளை 9 ஆகவும், 49 துணை வகைகளை 23 ஆகவும் குறைக்க நடவடிக்கை எடுக்கப்பட்டுள்ளது.

இந்தியா உள்துறை அமைச்சு

மேலும், விசா விண்ணப்பங்களில் குறிப்பிட வேண்டிய தகவல்களின் அளவை 65 முதல் 70 சதவீதம் வரை குறைக்கவும் தீர்மானிக்கப்பட்டுள்ளது.

குறிப்பாக, தற்போதுள்ள சுற்றுலா விசாவுக்குப் பதிலாக புதிய வருகையாளர் விசா (Visitor Visa) அறிமுகப்படுத்தப்படவுள்ளது.

இந்த விசாவின் ஊடாக சுற்றுலா மட்டுமன்றி, வர்த்தகப் பேச்சுவார்த்தைகள், மருத்துவ ஆலோசனைகள், நலவாழ்வு நிகழ்ச்சிகள் மற்றும் குறுகியகாலக் கல்வி நடவடிக்கைகளுக்காகவும் இந்தியாவிற்குச் செல்ல முடியும்.

புதிய வருகையாளர் விசா V-1 மற்றும் V-2 என இரண்டு பிரிவுகளாக அறிமுகப்படுத்தப்படவுள்ளது.

மருத்துவச் சிகிச்சை

இதில் V-1 விசா 30 நாட்களுக்கும், V-2 விசா ஒன்று முதல் பத்து ஆண்டுகள் வரையிலான காலப்பகுதிக்கும் வழங்கப்படவுள்ளது.

அதேவேளை, மருத்துவ சிகிச்சைகளுக்காக வழங்கப்படும் விசாக்களின் செல்லுபடியாகும் காலம் ஒரு வருடமாக நீடிக்கப்படவுள்ளதுடன், ஆயுர்வேதம் உள்ளிட்ட பாரம்பரிய மருத்துவச் சிகிச்சைகளுக்காகவும் தனியான விசா வகை அறிமுகப்படுத்தப்படவுள்ளது.

மேலும், வெளிநாட்டு மாணவர்களுக்கான கல்வி விசாக்கள் மற்றும் வர்த்தக நடவடிக்கைகளுக்கான விசாக்களிலும் புதிய மாற்றங்கள் மேற்கொள்ளப்படவுள்ளன.

தற்போது 172 நாடுகளுக்கு வழங்கப்படும் மின்னணு விசா வசதியையும் புதிய நடைமுறைக்கு ஏற்ப மேம்படுத்த நடவடிக்கை எடுக்கப்பட்டுள்ளது.

திருத்தப்பட்ட புதிய விசா நடைமுறையின் கீழ் விசா வழங்கும் பணிகள் 2026ஆம் ஆண்டு இறுதிக்குள் ஆரம்பிக்கப்படும் என இந்திய உள்துறை அமைச்சு தெரிவித்துள்ளது.

இன்று (15) காலை 8.00 மணியளவில் இவ் விபத்து இடம்பெற்றுள்ளது.

இதன்போது இராணுவ ட்ரக் வண்டியின் சாரதியை கைது செய்துள்ளதாக வாழைச்சேனை காவல்துறையினர் தெரிவித்தனர்.

சடலம் வைத்தியசாலையில்

குறித்த நபர் சம்பவ தினமான இன்று காலை 8.00 மணியளவில் கிரானில் இருந்து தொப்பிக்கலை நோக்கி பயணித்த போது பிரதேச செயலகத்துக்கு அருகாமையிலுள்ள வீதி வளைவை அண்மித்த பகுதியில் தொப்பிக்கலையில் இருந்து கிரான் நோக்கி பிரயாணித்த இராணுவ ட்ரக் வண்டியும் நேருக்கு நேராக மோதி விபத்துக்குள்ளாகியுள்ளது.

இதையடுத்து உயிரிழந்தவரின் சடலம் வாழைச்சேனை ஆதார வைத்தியசாலையில் ஒப்படைக்கப்பட்டுள்ளது.

மேலதிக விசாரணைகள்  காவல்துறையினரால் மேற்கொள்ளப்பட்டு வருகின்றன.

இந்த அறிவிப்பு நாளை (16.11.2026) விடுக்கப்பட்டுள்ளது. 

எரிவாயு விலை அதிகரிப்பு தொடர்பில் விளக்கம் கோருவதற்காகவே குறித்த நிறுவனம் அழைக்கப்பட்டுள்ளதாக நுகர்வோர் விவகார அதிகாரசபையின் பேச்சாளர் ஒருவர் தெரிவித்துள்ளார்.

லாஃப்ஸ் எரிவாயு நிறுவனம்

கடந்த 14ஆம் திகதி நள்ளிரவு முதல் நடைமுறைக்கு வரும் வகையில் லாஃப்ஸ் எரிவாயு நிறுவனம் விலைகளை அதிகரித்திருந்தது.

இதற்கமைய, 12.5 கிலோகிராம் நிறையுடைய வீட்டு உபயோக எரிவாயு சிலிண்டரின் விலை 1,775 ரூபாவால் அதிகரிக்கப்பட்டு, அதன் புதிய விலை 6,740 ரூபாவாக நிர்ணயிக்கப்பட்டுள்ளது.

அதேபோன்று, 1,988 ரூபாவாக இருந்த 5 கிலோகிராம் லாஃப்ஸ் எரிவாயு சிலிண்டரின் விலை 732 ரூபாவால் அதிகரிக்கப்பட்டு, தற்போது 2,720 ரூபாவாக விற்பனை செய்யப்படுகிறது.

இந்நிலையில், லாஃப்ஸ் எரிவாயு நிறுவனத்தின் பணிப்பாளரும் பிரதம நிறைவேற்று அதிகாரியுமான நளிந்த குருகுலசூரிய நேற்று (15) நடைபெற்ற ஊடகவியலாளர் சந்திப்பில் விலை அதிகரிப்புக்கான காரணங்களை விளக்கியுள்ளார்.

உலகச் சந்தையில் எரிவாயுவின் விலை அதிகரிப்பு, கப்பல் போக்குவரத்துக் கட்டண உயர்வு மற்றும் காப்புறுதிக் கட்டண அதிகரிப்பு உள்ளிட்ட பல காரணங்களால் எரிவாயு விலையை அதிகரிக்க வேண்டிய நிலை ஏற்பட்டதாக அவர் தெரிவித்துள்ளார்.

அமெரிக்காவை சேர்ந்த தனியார் விண்வெளி ஆராய்ச்சி நிறுவனம் ஸ்பேஸ் எக்ஸ். உலகின் பெரும் பணக்காரரான எலான் மஸ்க்கிற்கு சொந்தமான இந்நிறுவனம் பல்வேறு செயற்கைக்கோள்களை விண்ணுக்கு அனுப்பி வருகிறது. மேலும், மீண்டும் பயன்படுத்தக்கூடிய ரொக்கெட்டுகள், விண்கலங்களையும் சோதனை செய்து வருகிறது.

இந்நிலையில், டெக்சாஸ் மாகாணத்தில் உள்ள ஸ்பேஸ் எக்ஸ் நிறுவனத்தின் ஸ்டார் பேஸ் தளத்தில் இருந்து கடந்த 14ஆம் திகதி ஸ்டார் ஷிப் 15 விண்கலம் விண்ணில் ஏவப்பட்டது.

26 செயற்கைக் கோள்கள்

சூப்பர் ஹெவி பூஸ்டர் ரொக்கெட் மூலம் விண்கலம் ஏவப்பட்ட நிலையில் அதில் 26 அடுத்த தலைமுறை ஸ்டார்லிங் வி 3 செயற்கைக்கோள்கள் கொண்டு செல்லப்பட்டன.

புவி வெளி வட்டப்பாதையில் விண்கலத்தை செலுத்தியப்பின் சூப்பர் ஹெவி பூஸ்டரை மீண்டும் பூமியில் தரையிறக்க ஸ்பேஸ் எக்ஸ் முயற்சித்தது.

ஆனால், அந்த முயற்சி தோல்வியடைந்தது. அதேவேளை, விண்கலத்தில் இருந்த செயற்கைக்கோள்கள் வெற்றிகரமாக பிரிந்து புவி வட்டப்பாதையில் நிலைநிறுத்தப்பட்டன.

இதையடுத்து, ஸ்டார் ஷிப் 15 விண்கலம் சுமார் 22 மணி நேரம் புவி வட்டப்பாதையில் 14 முறை சுற்றியது. இதனை தொடர்ந்து ஸ்டார் ஷிப் 15 விண்கலத்தை மீண்டும் பூமிக்கு கொண்டு வர செயல்திட்டம் நடைமுறைப்படுத்தப்பட்டது.

சொப்ஸ்டிக்

அதன்படி, புவி வட்டப்பாதையில் சுற்றிய ஸ்டார் ஷிப் 15 விண்கலம் மீண்டும் பூமிக்கு திரும்பியது. டெக்சாஸ் மாகாணத்தில் உள்ள ஸ்பேஸ் எக்ஸ் நிறுவனத்தின் ஸ்டார் பேஸ் தளத்தில் உள்ள ஏவுதள கோபுரத்தின் ‘சொப்ஸ்டிக்’ இயந்திர கைகள் மூலம் முதன்முறையாக விண்கலத்தை வெற்றிகரமாக தரையிறக்கும் முயற்சி தொடங்கப்பட்டது.

புவி வட்டப்பாதையில் இருந்து பூமிக்கு வந்த ஸ்டார் ஷிப் 15 விண்கலம் ஏவுதள கோபுரத்தில் உள்ள எந்திர கைகளில் வெற்றிகரமாக தரையிறங்கியது. புவி வட்டப்பாதைக்கு சென்ற விண்கலம் மீண்டும் பூமிக்கு திரும்பி வெற்றிகரமாக தரையிறங்குவது இதுவே முதல் முறையாகும்.

இதன் மூலம் விண்கலத்தை மீண்டும் பயன்படுத்தும் ஸ்பேஸ் எக்ஸ் நிறுவனத்தின் முயற்சிக்கு மிகப்பெரிய வெற்றியாக பார்க்கப்படுகிறது. இந்த சாதனை குறித்து ஸ்பேஸ்எக்ஸ் நிறுவனர் எலான் மஸ்க் வெளியிட்டுள்ள எக்ஸ் பதிவில், ஸ்பேஸ்எக்ஸின் அபார திறமை வாய்ந்த குழுவினருக்கு நன்றி எனவும் அந்த மகத்தான நாள் வந்துவிட்டதாகவும் குறிப்பிட்டுள்ளார்.

அன்னாரின் இறுதிக்கிரியைகள் நாளை காலை 10.00 மணிக்கு, வீட்டு கிரியைகள் அவர் வசித்து வந்த வல்வெட்டித்துறை, நெடியகாடு, கல்றோட் வீதியிலுள்ள இல்லத்தில் நடைபெறும்.

அதனைத் தொடர்ந்து, நண்பகல் 12.00 மணியளவில் வல்வெட்டித்துறை சந்தியில் அன்னாரின் பூதவுடல் பொதுமக்களின் அஞ்சலிக்காக வைக்கப்பட்டு, அஞ்சலி உரைகளும் இடம்பெறும்.

தகனம் செய்யப்படும்

பின்னர், அன்னாரின் பூதவுடல் வல்வெட்டித்துறை ஊறணி இந்து மயானத்திற்கு எடுத்துச் செல்லப்பட்டு தகனம் செய்யப்படும்.

அன்னாரின் பூதவுடல் தற்போது வல்வெட்டித்துறை, நெடியகாட்டில் அமைந்துள்ள அவரது இல்லத்தில் அஞ்சலிக்காக வைக்கப்பட்டுள்ளமை குறிப்பிடத்தக்கது.

2026 மே மாதம் பெலாரஸிற்கு வெளியுறவு, வெளிநாட்டு வேலைவாய்ப்பு மற்றும் சுற்றுலா அமைச்சர் விஜயத ஹெரத் மேற்கொண்ட உத்தியோகபூர்வ பயணத்தைத் தொடர்ந்து இந்த தீர்மானம் மேற்கொள்ளப்பட்டுள்ளது.

இதற்கிடையில், தற்போது பெலாரஸில் கல்வி பயிலும் இலங்கை மாணவர்களைச் சந்திக்க விரும்பும் குடும்ப உறுப்பினர்களுக்கான விசா விண்ணப்ப நடைமுறைகளை எளிதாக்குவதற்கான நடவடிக்கைகள் ஆரம்பிக்கப்பட்டுள்ளன.

நிதி நிவாரணம்

இந்த நடவடிக்கைகள், பெலாரஸில் உயர்கல்வி பயில விரும்பும் இலங்கை மாணவர்களுக்கு நிதி நிவாரணம் அளிப்பதோடு, அவர்களது குடும்பத்தினர் அவர்களைச் சந்திப்பதை எளிதாக்கும் என்றும் எதிர்பார்க்கப்படுகிறது.

பெலாரஸ் நாட்டின் இந்தத் தீர்மானம் மாணவர்களின் கல்விக்கு உதவியாக இருக்கும் என்பது குறிப்பிடத்தக்கது.

அதன்படி தென்கிழக்கு வங்காள விரிகுடா கடற்பரப்பு மற்றும் காங்கேசன்துறையிலிருந்து திருகோணமலை, பொத்துவில் ஊடாக ஹம்பாந்தோட்டை வரையான கடற்பரப்புகளில் பயணிக்கும் பலநாள் கடற்றொழில் படகுகளுக்கு இந்த எச்சரிக்கை விடுக்கப்பட்டுள்ளது.

இலங்கைக்கு கிழக்கே வங்காள விரிகுடா கடற்பரப்பில் நிலவும் குறைந்த காற்றழுத்தப் பிரதேசம் வடக்கு நோக்கிய சாய்வுடன் வடமேற்குத் திசையில் நகர்ந்து, இன்று (15) காற்றழுத்தத் தாழ்வு மண்டலமாக வலுவடைய அதிக வாய்ப்புள்ளதாக வளிமண்டலவியல் திணைக்களம் தெரிவித்துள்ளது.

காங்கேசன்துறையிலிருந்து திருகோணமலை

இதற்கமைய, குறித்த வானிலைத் தொகுதி நாளை (16) மத்திய வங்காள விரிகுடா கடற்பரப்பில் புயலாக வலுவடையக்கூடும் எனவும் திணைக்களம் குறிப்பிட்டுள்ளது.

இதன் காரணமாக, வட அட்சரேகை 5 முதல் 15 வரையிலும், கிழக்கு நெடுங்கோடு 80 முதல் 90 வரையிலும் அமைந்துள்ள கடற்பரப்புகளிலும், காங்கேசன்துறையிலிருந்து திருகோணமலை, பொத்துவில் ஊடாக ஹம்பாந்தோட்டை வரையான கடற்பரப்புகளிலும் மறு அறிவித்தல் வரை கடற்றொழில் மற்றும் கடல்சார் நடவடிக்கைகளில் ஈடுபடுவதைத் தவிர்க்குமாறு அறிவுறுத்தப்பட்டுள்ளது.

அத்துடன், ஏற்கனவே குறித்த கடற்பரப்புகளில் கடற்றொழில் மற்றும் கடல்சார் நடவடிக்கைகளில் ஈடுபட்டுள்ளவர்கள் உடனடியாகப் பாதுகாப்பான இடங்களை நோக்கிச் செல்லுமாறும் வளிமண்டலவியல் திணைக்களம் மேலும் அறிவுறுத்தியுள்ளது.

தமிழீழ விடுதலை இயக்கத்தின் ஆரம்பகால உறுப்பினராகத் தன் அரசியல் வாழ்வைத் தொடங்கிய அவர், 2001 முதல் 2010 வரை யாழ்ப்பாண மாவட்டத்தின் நாடாளுமன்ற உறுப்பினராகப் பணியாற்றினார்.

2013ஆம் ஆண்டு வடமாகாண சபை உறுப்பினராகத் தெரிவானபோது, இறுதிப் போர் நடந்த முள்ளிவாய்க்கால் மண்ணிலேயே பதவிப் பிரமாணம் எடுத்தார்.

2010, 2019 ஆகிய ஆண்டுகளில் ஜனாதிபதித் தேர்தலில் போட்டியிட்டு, தமிழர் தரப்பின் கோரிக்கைகளைத் தேசிய அரங்கில் உரத்து ஒலித்தார். இறுதியாக வல்வெட்டித்துறை நகர சபையின் தவிசாளராகப் பொறுப்பேற்றுத் தன் மண்ணின் மக்களுக்குப் பணியாற்றினார்.

பதவிகளைவிட, அவர் வாழ்ந்த விதமே அவரை அடையாளப்படுத்தியது. தன் வாழ்நாள் முழுவதையும் தமிழ்த் தேசத்தின் விடுதலைக்காகவும், தமிழ் மக்களின் அரசியல் விடிவுக்காகவும் அர்ப்பணித்தவர் அவர்.

தமிழர் தாயகத்தின் மீது சிங்கள தேசம் மேற்கொண்ட அடக்குமுறைகளுக்கு எதிராக எவ்வித அச்சமும் இன்றிக் குரல் கொடுத்தவர். போர்க்குற்றங்களுக்குச் சர்வதேச விசாரணை வேண்டும் என்று பல ஆண்டுகளாக வெளிப்படையாக வலியுறுத்தியவர். பலரும் அச்சத்தில் ஒதுங்கியிருந்த காலப்பகுதியில் நினைவேந்தல்களைத் துணிவோடு முன்னெடுத்தவர்.

நோயோடு போராடிய இறுதி நாட்கள் வரை, இந்த இனத்தின் அரசியல் விடிவே தன் ஒரே குறிக்கோள் என்பதிலிருந்து அவர் விலகவில்லை. தமிழ்த் தேசிய இனத்தின் அரசியல் ஆன்மாவில் அவர் ஆற்றிய பங்கை, அவர் வகித்த பதவிகளால் அளவிட முடியாது.

தனித்து நிற்க நேர்ந்த வேளைகளிலும் தன் நிலைப்பாட்டை விட்டுக்கொடுக்காமல், நீதிக்கான கோரிக்கையும் உயிர்நீத்தவர்களுக்கான நினைவும் மறக்கடிக்கப்படாமல் காத்த சிலரில் அவரும் ஒருவர். அத்தகைய ஒருவரின் இழப்பு, இந்த இனத்திற்கு அரசியல் ரீதியாகவும் ஆழமான வெற்றிடத்தை ஏற்படுத்தியுள்ளது.

இன்று நாம் உணர வேண்டிய இன்னொரு கசப்பான உண்மையும் உண்டு. நம் தேசத்தையும் தேசிய இனத்தையும் உளமார நேசிக்கும், எஞ்சியிருக்கும் பற்றாளர்களை நாம் தொடர்ச்சியாக இழந்துகொண்டிருக்கிறோம். இந்த இழப்புகள் இப்போது முடிவற்ற தொடர்கதையாகி வருகின்றன.

இந்நிலையில், தமிழ்த் தேசிய இனம் தன் அரசியல் அடைவுகளை எட்டுவதற்கும், அதற்கான ஒழுங்கமைந்த பாதையில் உறுதியோடு பயணிப்பதற்கும் இன்று எந்த அளவு வலிமை பெற்றிருக்கிறது என்ற கேள்வி நம் முன்னே நிற்கிறது. அண்ணன் சிவாஜிலிங்கம் போன்றோரின் தியாகத்திற்கும் உழைப்பிற்கும் நாம் செலுத்தும் உண்மையான அஞ்சலி, இந்தக் கேள்விக்குச் செயலால் விடை தருவதே ஆகும்.

அவர் சுமந்த கனவைத் தொடர்ந்து சுமப்போம். அவர் காட்டிய உறுதியை நம் வழிகாட்டியாகக் கொள்வோம். அண்ணனின் பிரிவால் துயருறும் அவரது குடும்பத்தினருக்கும், உறவினர்களுக்கும், தோழர்களுக்கும், ஒட்டுமொத்த தமிழ்த் தேசிய உலகிற்கும் எமது ஆழ்ந்த இரங்கலைத் தெரிவித்துக் கொள்கிறோம்.

இந்த நடவடிக்கைகளுக்கு சட்ட ஆலோசனைகளை வழங்கி வருபவர், பசில் ராஜபக்சவின் நெருங்கிய நண்பரான முன்னாள் பிரதம நீதியரசர் சரத் என். சில்வா எனவும் தகவல்கள் தெரிவிக்கின்றன.

அமெரிக்காவிற்குச் சென்றுள்ள பசில் ராஜபக்சவை கைது செய்யுமாறு பிடியாணை பிறப்பிக்கப்பட்டுள்ளதாகக் கூறப்படும் நிலையில், சில தொழிற்சங்கங்களும் பல்வேறு குழுக்களும் இணைந்து அரசாங்கத்திற்கு எதிரான போராட்டங்களை முன்னெடுத்திருந்தன.

அரசாங்கத்திற்கு எதிரான போராட்டங்கள்

அதேவேளை, முன்னாள் ஜனாதிபதி கோட்டாபய ராஜபக்சவுக்கு நீதிமன்றத்தினால் வெளிநாட்டுப் பயணத் தடையும் விதிக்கப்பட்டுள்ளது.

இதற்கிடையில், அரச புலனாய்வுச் சேவையின் முன்னாள் பிரதானி சுரேஷ் சலே சாகும் வரையிலான உண்ணாவிரதப் போராட்டத்தை ஆரம்பித்ததுடன், அதற்கு இணையாகப் பல்வேறு போராட்டங்களும் முன்னெடுக்கப்பட்டிருந்தன.

இவ்வாறான பின்னணியில், தற்போது மீண்டும் பல்வேறு நடவடிக்கைகள் முன்னெடுக்கப்பட்டு வருவதாகத் தகவல்கள் வெளியாகியுள்ளன.

அரச மருத்துவ அதிகாரிகள் சங்கத்தினால் முன்னெடுக்கப்பட்ட போராட்டம் மற்றும் பலாங்கொட கஸ்ஸப தேரர் உள்ளிட்ட தரப்பினரால் நடத்தப்பட்ட போராட்டங்கள் ஆகியவை இத்தகைய நடவடிக்கைகளில் குறிப்பிடத்தக்கவையாக அமைந்துள்ளதாக அரசியல் ஆய்வாளர்கள் சுட்டிக்காட்டியுள்ளனர்.

ஈரானுக்கு எதிராக அமெரிக்கா மற்றும் இஸ்ரேல் இணைந்து கடந்த பெப்ரவரி 28ஆம் திகதி நடத்திய வான்வழி தாக்குதலில் அந்நாட்டின் உயர் தலைவர் அயதுல்லா அலி கொமெய்னி, அவருடைய குடும்பத்தினர் உட்பட ஆயிரக்கணக்கானோர் படுகொலை செய்யப்பட்டனர்.

பல மாதங்களாக இந்த மோதல் நீடித்து வந்த நிலையில், ஈரானுக்கு எதிரான தாக்குதலை அமெரிக்கா நிறுத்தியது. இதனால், மத்திய கிழக்கு பகுதியில் பதற்றம் சற்று தணிந்துள்ளது.

மற்றுமொரு தோல்வி

எனினும், அவ்வப்போது ஈரான் மீது அமெரிக்கா தாக்குதலில் ஈடுபட்டு வருகிறது. அதனை ஈரானும் தடுத்து வருகிறது.

இந்த நிலையில், ஈரானுக்கு உட்பட்ட காஷிம் தீவின் மீது தாக்குதல் நடத்தும் நோக்கில் பறந்து வந்த அமெரிக்காவின் எம்.கியூ.-1 ரக 17-வது ட்ரோன், வழியிலேயே மறிக்கப்பட்டு, அழிக்கப்பட்டது என்று ஈரான் தெரிவித்து உள்ளது.

புதிய நவீன வான்வெளி பாதுகாப்பு சாதனம் உதவியுடன் அந்த ட்ரோன் தாக்கப்பட்டு உள்ளது. இது எதிரியின் தாக்குதல் திட்டத்தின் மற்றொரு தோல்வியாகும் என்றும் குறிப்பிட்டது.