ஈரான் இராணுவத்தின் செய்தித் தொடர்பாளார் முகமது அக்ரமினியா ஈரானிய அரசு தொலைக்காட்சிக்கு அளித்த பேட்டியில், “எதிர்காலத்தில் ஏற்படக்கூடிய போர் முந்தைய போரை விட நீண்டகாலம் நீடிக்கும். அந்த போர் முடியும் நேரத்தையோ அல்லது நிபந்தனைகளையோ தீர்மானிக்கும் நிலையில் அமெரிக்க ஜனாதிபதி ட்ரம்ப் இருக்கமாட்டார்” என்று அவர் தெரிவித்துள்ளார்.

தாக்கத்தை ஏற்படுத்தக்கூடிய பதிலடி

அதேபோன்று, ஈரானின் பாதுகாப்பு அமைச்சர் மெஹர்தாத் அக்லாகி பேசுகையில், “ஈரான் மீது எந்தவொரு தாக்குதல் நடத்தப்பட்டாலும், அதற்கு சமமான தாக்கத்தை ஏற்படுத்தக்கூடிய பதிலடி வழங்கப்படும். ஈரானுக்கு அச்சுறுத்தலை ஏற்படுத்தும் விதமாக செயல்படுபவர்கள், ஈரானின் தற்காப்பு நடவடிக்கையின் தாக்கத்தையோ அதன் விளைவுகளையோ தீர்மானிக்க முடியாது” என எச்சரித்துள்ளார்.

ஈரானின் புரட்சிகர காவல்படையின் செய்தித் தொடர்பாளரான ஹுசைன் மொஹேப்பி, நாட்டின் புதிய உச்ச தலைவர் அயதுல்லா மொஜ்தபா கமெனி அனுப்பிய செய்தியை பிரதிபலிக்கும் விதமாக அரசு தொலைக்காட்சியில் பேசினார். அதில், “அமெரிக்காவுடனான மோதலில் எந்தவொரு புவியியல் வரம்புகளும் எங்களுக்கு இல்லை. எதிரிகளைத் தாக்குவதற்கு ஒரு மிகப்பெரிய களத்தை வரையறுத்துள்ளோம்” என்று தெரிவித்தது குறிப்பிடத்தக்கது.

2026 ஒக்டோபர் 21 அன்று நீதிமன்றத்தில் ஆஜராகத் தவறிய முன்னாள் பிரதி அமைச்சர் பிரேமலால் ஜெயசேகரவை (சோக்க மல்லி) கைது செய்து நீதிமன்றத்தில் ஆஜர்படுத்துமாறு உச்ச நீதிமன்றம் ஒரு திறந்த பிடியாணையை (கண்டதும் கைது செய்வதற்கான ஆணை) பிறப்பித்தது.

காவல்துறை மா அதிபருக்கும் உத்தரவு

குற்றவியல் புலனாய்வுத் திணைக்களத்தின் பணிப்பாளர் மூலம் பிடியாணையை நிறைவேற்றுமாறு காவல்துறை மா அதிபருக்கும் உத்தரவிடப்பட்டது. மேலும் சில உத்தரவுகளும் பிறப்பிக்கப்பட்டன.

இதற்கிடையில், நீதிபதி பிரீத்தி பத்மன் சூரசேன தலைமையிலான மூன்று நீதிபதிகள் கொண்ட உச்ச நீதிமன்ற அமர்வு, நீதிமன்றத்தில் ஆஜரான இச்சம்பவத்தில் குற்றம் சாட்டப்பட்ட மற்ற இருவரையும் விளக்கமறியலில் வைக்குமாறு உத்தரவிட்டது.

சுட்டுக் கொல்லப்பட்ட சம்பவம்

2015 ஜனாதிபதித் தேர்தலின் போது கஹவத்த பகுதியில் ஒருவர் சுட்டுக் கொல்லப்பட்ட சம்பவம் தொடர்பாக, அவர்களை விடுவித்து விடுதலை செய்த மேல்முறையீட்டு நீதிமன்றத்தின் தீர்ப்பை எதிர்த்து தாக்கல் செய்யப்பட்ட மனுவைத் தொடர்ந்து, குற்றம் சாட்டப்பட்டவர்கள் நீதிமன்றத்தில் ஆஜராகுமாறு அவர்களுக்கு அழைப்பாணைகள் அனுப்பப்பட்டிருந்தன.

இருப்பினும், பிரேமலால் ஜெயசேகர ஆஜராகவில்லை என்றும், அவர் வெளிநாட்டில் இருப்பதாக பிரதி சொலிசிட்டர் ஜெனரல் ஜனக பண்டார நீதிமன்றத்தில் தெரிவித்தார் என்றும் கூறப்பட்டது.

"தமிழர் தேசமாக இந்த மண்ணின் பசுக்களுக்காக நாளை நாங்கள் ஒன்று சேருவோம், ஒன்று கூடுவோம், ஒன்றாவோம். ஒரு பெரும் எதிர்ப்பை, காலத்தின் எதிர்ப்பைப் பதிவு செய்வோம்" என்று அனைவருக்கும் அழைப்பு விடுக்கப்பட்டுள்ளது.

மயிலத்தமடு, மாதவனையில் தொடர்ந்துவந்த இந்தப் பிரச்சினை இப்போது திருகோணமலையிலும் தொற்றியுள்ளது. இந்த நிலத்தின் மக்களும், அவர்களுடைய கால்நடைகளும் நிம்மதியாக வாழ வேண்டும் என்பதற்காக, ஈழத்தமிழினம் ஒரு தேசமாகத் திரள வேண்டும் என அழைப்பு விடுக்கப்பட்டுள்ளது.

வறுத்தலைவிளான் பகுதியை சேர்ந்த 65 வயதான முதியவரே உயிரிழந்துள்ளார்

துவிச்சக்கரவண்டியில் பயணித்தவேளை சம்பவம்

கட்டுவன் வீதியில் துவிச்சக்கர வண்டியில் பயணித்துக்கொண்டிருந்த முதியவரை, மோட்டார் சைக்கிளில் வந்த இளைஞன் மோதியதில், முதியவர் சம்பவ இடத்திலேயே உயிரிழந்துள்ளார்.

அதேவேளை விபத்தில் மோட்டார் சைக்கிள் ஓட்டியான இளைஞன் படுகாயமடைந்த நிலையில் தெல்லிப்பளை வைத்தியசாலையில் சிகிச்சைக்காக அனுமதிக்கப்பட்டுள்ளார்

விபத்து தொடர்பான விசாரணைகளை தெல்லிப்பழை காவல்துறையினர் மேற்கொண்டு வருகின்றனர்.

காவல்துறையை கண்டவுடன் ஒரு வாளை கிணற்றுக்குள் வீசியதாகவும் அதனை அந்த இளைஞரை கொண்டு கிணற்றுக்குள் இறக்கி எடுத்ததாகவும் காவல்துறையினர் தெரிவித்தனர்.

நீதிமன்றத்தில் முற்படுத்த நடவடிக்கை

சந்தேக நபரை ஊர்காவற்துறை காவல் நிலையத்தின் ஊடாக நீதிமன்றத்தில் முற்படுத்த நடவடிக்கை எடுக்கப்பட்டுள்ளதாகவும் தெரிவிக்கப்பட்டுள்ளது.

மேலதிக விசாரணைகளை காவல்துறையினர் முன்னெடுத்து வருகின்றனர். 

 தொழிலால் தச்சுவேலை செய்பவரான சந்தேகநபர், போதைப்பொருள் அடங்கிய அந்த சூட்கேஸைப் பெற்றுக்கொள்வதற்காக இன்று(01.11) பிற்பகல் விமான நிலையத்திற்கு வருகை தந்திருந்தார்.

துபாயிலிருந்து இலங்கை வருகை

சந்தேகநபர் ஒக்டோபர் 26 அன்று சவூதி அரேபியாவின் தபூக் விமான நிலையத்திலிருந்து துபாய்க்குப் பயணித்து, அங்கிருந்து 'பிளை துபாய்' (Flydubai) விமான சேவைக்குச் சொந்தமான FZ-579 விமானம் மூலம் இலங்கை வந்தடைந்ததாக காவல்துறையினர் தெரிவித்தனர்.

கொக்கைன் அடங்கிய அந்த சூட்கேஸ், அவர் இலங்கைக்குப் பயணித்த விமானத்தில் ஏற்றப்படவில்லை; பின்னர் அது வேறொரு விமானம் மூலம் கட்டுநாயக்க விமான நிலையத்திற்கு அனுப்பி வைக்கப்பட்டது.

காவல்துறை மா அதிபருக்கு கிடைத்த புலனாய்வுத் தகவல்

காவல்துறை மா அதிபருக்கு (IGP) கிடைத்த புலனாய்வுத் தகவலின் அடிப்படையிலேயே இந்த கைது நடவடிக்கை மேற்கொள்ளப்பட்டதாக காவல்துறையினர் தெரிவித்தனர்.

விமான நிலைய காவல்துறை போதைப்பொருள் தடுப்புப் பிரிவு இது குறித்து மேலதிக விசாரணைகளை மேற்கொண்டு வருகிறது.

தம்பலகாமம் பகுதியைச் சேர்ந்த பண்ணையாளர்கள் சிலர் அரசாங்கத்தின் முறையான அனுமதியுடன் மொரவெவ குளத்தை அண்டிய காட்டுப்பகுதியில் வைத்து தங்களுடைய கால்நடைகளை பராமரித்து வருகின்றார்கள்.

இந்நிலையில் கடந்த சனிக்கிழமை மாலை மேய்ந்து கொண்டிருந்த கால்நடைகளை விசமிகள் சிலர் மொரவெவ பிரதான வீதிக்கு துரத்திவிட்டதால் சில விபத்துச் சம்பவங்கள் இடம்பெற்று மாடு ஒன்றும் உயிரிழந்துள்ளது.

இதேநேரம் குறித்த குழுவினர் காட்டில் சில கால்நடைகளை கட்டி வைத்து இறைச்சிக்காக வெட்டியுள்ளதாகவும் இதேவேளை கடந்த திங்கட்கிழமை (26-10-2026) தங்களது தற்காலிக குடிசைகளை சேதமாக்கியிருந்ததாகவும் இது தொடர்பாக காவல் நிலையத்தில் முறைப்பாடு செய்தபோதும் இதுவரை எவ்வித நடவடிக்கையும் எடுக்கப்பவில்லை எனவும் பண்ணையாளர்கள் தெரிவிக்கின்றனர்.

கிழக்கு மாகாண கால்நடை உற்பத்தி சுகாதாரத் திணைக்களத்தின் 2026.10.21 திகதியிட்டு வழங்கப்பட்ட அனுமதிக் கடிதத்தில், பிரதியமைச்சர் அருண் ஹேமச்சந்திராவின் ஆலோசனை மற்றும் மொரவெவ பிரதேச நீர்ப்பாசணப் பொறியியலாளரின் 2023.11.20 திகதியிடப்பட்டு மேய்ச்சலுக்கான அனுமதி வழங்கப்பட்ட அனுமதிக்கு அமைவாகவும் கடவனை, அட்டவானை, மாணன்ட குளம், மாதுமை மற்றும் மொறவேவா ஆகிய இடங்களுக்கு மாடுகளை கால்நடையாக கொண்டு செல்ல அனுமதி வழங்கப்பட்டுள்ளது.

இந்நிலையிலேயே இவ்வாறான சம்பவங்கள் இடம்பெற்று வருகின்றன.

இச்சம்பவங்கள் ஒவ்வொரு வருடமும் இந்த காலப்பகுதிகளில் இடம்பெற்று வருவதாக சட்டிக்காட்டப்பட்டுள்ளது.

தம்பலகாமம் பிரதேச செயலாளர் பிரிவில் மூவினத்தைச் சேர்ந்த பண்ணையாளர்களிடமும் தற்போது 7000 இற்கும் அதிகமான கால்நடைகள் இருக்கின்றன.

இவற்றில் 4000 இற்கும் அதிகமானவை எடுமை மாடுகள், இதில் 1200 இற்கும் மேற்பட்டவைகள் தம்பலகாமத்தைச் சேர்ந்த பண்ணையாளர்களுக்கு சொந்தமானவை.

இவற்றை பராமரிப்பதிலேயே சிக்கல்கள் நிலவுகின்றன.

பெரும்போக செய்கை மேற்கொள்ளும் நவம்பர் மற்றும் டிசம்பர் மாதங்களில் ஊருக்குள் வைத்து கால்நடைகளை பராமரிக்க முடியாது.

இந்த இரு மாதங்களும் காட்டுப்பகுதியில் வைத்தே கால்நடைகளை பராமரிக்கவேண்டியுள்ளது.

இருப்பினும் தம்பலகாமத்தைச் சேர்ந்த பண்ணையாளர்கள் பாட்டன் பூட்டன் காலத்தில் இருந்தே குறிப்பாக 1976 ஆம் ஆண்டு காலத்தில் இருந்தே மொரவெவ காட்டுப்பகுதியில் வைத்து கால்நடைகளை பராமரித்து வருகின்றார்கள்.

இது மொராவெவ பகுதியில் காலாகாலமாக வாழும் பெரும்பான்மையின மக்களுக்கு நன்கு தெரியும் ஆனால் பின்னர் குடியேறிய சிலரே இவ்வாறான குழப்பத்தை ஏற்படுத்தி இனக்கலவரத்தை ஏற்படுத்த முயற்சி செய்கின்றனர் என பண்ணையாளர்கள் தெரிவிக்கின்றனர்.

எனவே நாட்டின் அபிவிருத்திக்கு உதவும் தமக்கு தமது கால்நடைகளை பராமரிப்பதற்கு நிரந்தர தீர்வை பெற்றுத்தர வேண்டும் என பண்ணையாளர்கள் கோரிக்கை விடுத்துள்ளமை குறிப்பிடத்தக்கது.

குறித்த விபத்து இன்று (01-11-2026) இடம்பெற்றுள்ளது.

சுன்னாகம் பகுதியை சேர்ந்த 17 வயது மற்றும் 24 வயது இளைஞர்களே இவ்விபத்தில் உயிரிழந்துள்ளனர்.

மோட்டார் சைக்கிள்

சம்பவம் தொடர்பில் மேலும் தெரியவருகையில், 

குறித்த இளைஞர் இருவரும் மோட்டார் சைக்கிள் ஒன்றில் மிக வேகமாக பயணித்த வேளை  அளவெட்டி அலுக்கை சந்தி பகுதியில் மோட்டார் சைக்கிள் வேக கட்டுப்பாட்டை இழந்து வீதியோர மின் கம்பத்துடன் மோதி விபத்துக்குள்ளாகியுள்ளது.

இதையடுத்து இரு இளைஞர்களும் சம்பவ இடத்திலேயே உயிரிழந்துள்ளனர்.

உயிரிழந்த இரு இளைஞர்களின் சடலங்களையும் மீட்டு தெல்லிப்பழை வைத்தியசாலைக்கு அனுப்பி வைத்துள்ள தெல்லிப்பழை காவல்துறையினர் மேலதிக விசாரணைகளை முன்னெடுத்துள்ளமை குறிப்பிடத்தக்கது.

இந்த விளையாட்டு விழாவில் நேற்று (31)இடம்பெற்ற ஆண்களுக்கான உயரம்பாய்தல் போட்டியில் யாழ்ப்பாணம் மாவட்டத்தைச் சேர்ந்த ரூபன்விமல்ராஜ் வினோஜன் மூன்றாம் இடத்தை பெற்று சாதனை படைத்துள்ளார்

மூன்றாம் இடத்தை பெற்று மாவட்டத்திற்கு பெருமை

யாழ்ப்பாணம் மாவட்டத்தின் ஊர்காவற்துறை கதிர்கள் இளைஞர் கழகத்தை சேர்ந்த ரூபன்விமல்ராஜ் வினோஜன் நேற்றையதினம் இடம்பெற்ற ஆண்களுக்கான உரம் பாய்தல் போட்டியில் பங்கு பற்றி உயரத்தை பாய்ந்து மூன்றாம் இடத்தை பெற்று வெண்கலப் பதக்கத்தை பெற்றுக்கொண்டதோடு மாவட்டத்திற்கும் பெருமை சேர்த்துள்ளார்     

இன்று சனிக்கிழமை (31) இடம்பெற்ற இந்தச் சம்பவத்தில், 28 மற்றும் 29 வயதுடைய குறித்த இரு நபர்களும் பலமான நீரோட்டத்தில் சிக்கி, கரையிலிருந்து வெகுதூரம் இழுத்துச் செல்லப்பட்டதாக காவல்துறையினர் தெரிவித்தனர்.

பாதுகாப்பாக மீட்பு

  கோட்டவில காவல்துறை உயிர் காக்கும் பிரிவைச் சேர்ந்த அதிகாரிகள் உடனடியாக மீட்பு நடவடிக்கையில் ஈடுபட்டு, அவர்கள் இருவரையும் பாதுகாப்பாக மீட்டனர்.

மீட்கப்பட்ட சுற்றுலாப் பயணிகளுக்கு முதலுதவி சிகிச்சை அளிக்கப்பட்டது. இந்தச் சம்பவம் குறித்து கோட்டவில காவல்துறையினர் மேலதிக விசாரணைகளை மேற்கொண்டு வருகின்றனர்.

இதனடிப்படையில்  எதிர்வரும் டிசம்பர் 21ஆம் திகதிக்கு முன்னர் அறிக்கை வெளியிடப்படும்.

நீதி அமைச்சர் ஹர்ஷண நாணயக்கார இந்த விடயத்தை தெரிவித்துள்ளார்.

பாதுகாப்பாகப் பதிவு

குறித்த அறிக்கை காணாமல் போயுள்ளதாக சமூக ஊடகங்களில் பரவிய தகவல்களை அமைச்சர் முற்றிலும் பொய்யானவை என அவர் மறுத்துள்ளார்.

சபாநாயகரால் நியமிக்கப்பட்ட இந்தக்குழு, இதுவரை 16 சாட்சிகளிடம் வாக்குமூலங்களைப் பதிவு செய்துள்ளதாகவும் தொடர்புடைய அனைத்து ஆவணங்களும் நாடாளுமன்றத்தில் பாதுகாப்பாகப் பதிவு செய்யப்பட்டுள்ளதாகவும் அமைச்சர் மேலும் தெரிவித்துள்ளமை குறிப்பிடத்தக்கது.

செவ்வாய்க்கிழமை நடைபெறவிருக்கும் முக்கியமான இடைக்காலத் தேர்தல்களை எதிர்கொள்ள வாக்காளர்கள் தயாராகி வருவதால், இந்த எரிபொருள் நெருக்கடி ஒரு முக்கிய அரசியல் பிரச்சினையாக உருவெடுத்துள்ளது. குடியரசுக் கட்சியின் கோட்டையாகவும் விவசாய மாநிலமாகவும் விளங்கும் அயோவா போன்ற மாநிலங்களில் கூட, விவசாயிகள் எதிர்கொள்ளும் டீசல் விலை உயர்வு காரணமாக செனட் சபைக்கான போட்டிகள் கடுமையாக மாறியுள்ளன.

வரலாறு காணாத விலை உயர்வு 

பெட்ரோலியப் பகுப்பாய்வு நிறுவனமான கேஸ்படியின் தலைவர் பட்ரிக் டி ஹான், வரலாற்றில் வேறு எந்த ஆண்டிலும் இந்தக் காலகட்டத்தில் இவ்வளவு அதிக எரிபொருள் விலைகள் காணப்பட்டதில்லை என்று சுட்டிக்காட்டுகிறார்.

அமெரிக்கா முழுவதும் ஒரு கலன் பெட்ரோலின் சராசரி விலை $4.20 ஆக உயர்ந்துள்ளது (இது கடந்த ஆண்டை விட 40% அதிகரிப்பு). அதே நேரத்தில், போக்குவரத்து மற்றும் விவசாயத்திற்கு அத்தியாவசியமான ஒரு கலன் டீசலின் விலை சுமார் 70% உயர்ந்து $6.32 ஆக உள்ளது. ரஷ்யா-உக்ரைன் போர் தொடங்கிய 2022 இடைக்காலத் தேர்தல்களின் போது கூட, அதன் விலை $3.80 ஆக இருந்தது.

ஈரான் மீதான தாக்குதலால் வந்த வினை

  எண்ணெய் விலைகள் விண்ணை முட்டும் அளவுக்கு உயர்ந்ததற்கு முக்கிய காரணம், பெப்ரவரி 28 அன்று ஈரான் மீது தாக்குதல் நடத்துவதில் இஸ்ரேலுடன் சேர ஜனாதிபதி ட்ரம்ப் எடுத்த முடிவுதான். இதற்குப் பதிலடியாக, ஈரான் ஹோர்முஸ் நீரிணை வழியாகச் செல்லும் எண்ணெய் கப்பல்கள் மீது தொடர்ச்சியான தாக்குதல்களைத் தொடுத்து, உலகளாவிய எரிசக்தி போக்குவரத்து வழிகளைத் தடுத்தது.

மேலும், சவூதி அரேபிய சுத்திகரிப்பு நிலையங்கள் மீது ஹவுதி கிளர்ச்சியாளர்கள் நடத்திய தாக்குதல்கள் மற்றும் ரஷ்ய சுத்திகரிப்பு நிலையங்கள் மீது உக்ரைன் நடத்திய ஆளில்லா விமானத் தாக்குதல்கள் ஆகியவற்றால் இந்த நெருக்கடி மேலும் தீவிரமடைந்துள்ளது. பதவியேற்ற முதல் வாரத்திலேயே ரஷ்யா-உக்ரைன் போரை முடிவுக்குக் கொண்டுவருவதாக ட்ரம்ப் அளித்த வாக்குறுதி இன்னும் நிறைவேற்றப்படவில்லை என்று சிஎன்பிசி அறிக்கை காட்டுகிறது.

ட்ரம்பின் சமாளிப்பு

மிச்சிகனில் நடந்த ஒரு பேரணியில் பேசிய ஜனாதிபதி ட்ரம்ப், ஈரான் அணு ஆயுதம் பெறுவதைத் தடுப்பதற்காக மக்கள் கொடுக்கும் "ஒரு சிறிய விலையே" எண்ணெய் விலை உயர்வு என்று கூறினார். மோதல் முடிவுக்கு வந்தவுடன் விலைகள் கடுமையாகக் குறையும் என்று வெள்ளை மாளிகை செய்தித் தொடர்பாளர் டெய்லர் ரோஜர்ஸ் கூறினார்.

  இருப்பினும், தேர்தல் தோல்விக்கு அஞ்சிய ட்ரம்ப் நிர்வாகம், சிரமப்படும் விவசாயிகளுக்காக 8 பில்லியன் டொலர் நிவாரணத் தொகுப்பை அறிவித்ததுடன், நெடுஞ்சாலைகளில் பாரவூர்திகளுக்கு விவசாய டீசலை வரியின்றிப் பயன்படுத்த அனுமதிக்கும் ஒரு நிர்வாக உத்தரவையும் பிறப்பித்தது.

புடினுடன் இரகசிய ஒப்பந்தம் : கிளம்பியுள்ள கடும் எதிர்ப்பு

இதைவிடவும் சர்ச்சைக்குரிய வகையில், நவம்பர் மாதம் உலகச் சந்தைக்கு 6 மில்லியன் பீப்பாய் டீசலை ஏற்றுமதி செய்வதற்காக ரஷ்ய ஜனாதிபதி விளாடிமிர் புடினுடன் ட்ரம்ப் ஒரு இரகசிய ஒப்பந்தத்தை மேற்கொண்டார். உக்ரைன் ஜனாதிபதி ஜெலென்ஸ்கி மற்றும் அமெரிக்க குடியரசுக் கட்சி செனட்டர்கள் கூட ட்ரம்பின் நடவடிக்கைகளைக் கடுமையாகக் கண்டித்து, இது ரஷ்யாவின் ஆக்கிரமிப்புக்கு வழங்கப்படும் பரிசு என்று கூறியுள்ளனர்.

இந்த நெருக்கடிக்கு மத்தியிலும் எக்ஸான் மொபில் போன்ற மாபெரும் எரிசக்தி நிறுவனங்கள் பெரும் இலாபம் ஈட்டி வருவதாகவும், அதிகரித்து வரும் ஜெட் எரிபொருள் விலை காரணமாக விமான நிறுவனங்கள் கட்டணங்களை உயர்த்தியிருப்பது, அமெரிக்காவில் பணவீக்கத்தைக் கட்டுப்படுத்தும் போராட்டத்திற்கு ஒரு மரண அடியைக் கொடுத்துள்ளதாகவும் சிஎன்பிசி அறிக்கை மேலும் கூறுகிறது.

மாவீரர் நாள் நிகழ்வுகள் நவம்பர் 27ஆம் திகதி தமிழர் தாயகம் எங்கும் உணர்வுபூர்வமாக அனுஷ்டிக்கப்பட இருக்கின்றது.

அதற்கமைய மாவீரர் நாள் நினைவேந்தல் நிகழ்வுகளை மேற்கொள்வதற்காக தமிழர் தாயக பகுதிகளில் மாவீரர் துயிலும் இல்லங்களில் சிரமதான பணிகள் ஆரம்பிக்கப்பட்டு வருகின்றன.

மாவீரர்களுக்காக அஞ்சலி

இன்று தேராவில் மாவீரர் துயிலும் இல்லத்தில் மாவீரர் துயிலும் இல்ல பணிக்குழு மற்றும் மாவீரர்களுடைய பெற்றோர்கள் பொதுமக்கள் இணைந்து மாவீரர்களுக்காக அஞ்சலி செலுத்தியதை தொடர்ந்து சிரமதான பணிகள் ஆரம்பிக்கப்பட்டுள்ளன.

வழமை போன்று இம்முறையும் நவம்பர் 27ஆம் திகதி மாவீரர் நாள் நிகழ்வுகள் மிகச் சிறப்பாக இடம்பெறும் எனவும் அதற்கான ஏற்பாடுகளை முன்னெடுப்பதற்காக பணிக்குழு தங்களை தயார்படுத்தி வருவதாகவும் தெரிவித்துள்ளனர்.

எனவே தொடர்ச்சியாக இடம்பெறும் சிரமதானப், பணிகள் ஏற்பாட்டுப் பணிகள் மற்றும் நினைவேந்தல் நிகழ்வில் அனைத்து உறவுகளையும் கலந்து கொள்ளுமாறு பணிக் குழுவினர் அழைப்பு விடுத்துள்ளமை குறிப்பிடத்தக்கது.

குறிப்பாக, தம்பலகாமம் பிரதேசத்தில் கால்நடை வளர்ப்பாளர்களின் தேவைக்காக மேய்ச்சல் நிலங்கள் இல்லாத நிலையில், கடவானை பகுதியில் மேய்ச்சலுக்குப் பொருத்தமான நிலப்பகுதி காணப்படுகின்றது.

இருந்தபோதிலும், குறித்த பகுதி கடற்படையினரின் கட்டுப்பாட்டில் இருப்பதால் அதனை கால்நடை வளர்ப்பாளர்கள் பயன்படுத்த முடியாத நிலை ஏற்பட்டுள்ளதாக தெரிவிக்கப்படுகிறது.

மேய்ச்சலுக்காக அழைத்துச் செல்வதில் சிரமம்

இதன் காரணமாக தங்களது கால்நடைகளை மேய்ச்சலுக்காக அழைத்துச் செல்வதில் வளர்ப்பாளர்கள் பெரும் சிரமங்களை எதிர்கொள்வதாக தெரிவித்துள்ளனர்.

போதிய மேய்ச்சல் வசதிகள் இல்லாததால் மாடுகளுக்கான உணவுத் தேவையைப் பூர்த்தி செய்வதிலும், கால்நடை வளர்ப்புத் தொழிலைத் தொடர்வதிலும் பல்வேறு பிரச்சினைகள் உருவாகியுள்ளதாக சுட்டிக்காட்டப்பட்டுள்ளது.

இந்நிலையில், மேய்ச்சல் நிலத்தைத் தேடி மொரவெவ பகுதிக்கு கால்நடைகளை அழைத்து சென்ற போதிலும் அம்மக்களால் திருப்பி அனுப்பப்பட்டதாக கால் நடை வளர்ப்பாளர்கள் தெரிவித்துள்ளனர்.

இதனால் தம்பலாகாமம் காவல்துறையினரின் கட்டுப்பாட்டில் கால்நடைகளை அழைத்து சென்றுள்ளதாகவும் தெரிவிக்கின்றனர். இதனால் கால்நடை வளர்ப்பாளர்கள் மேலும் நெருக்கடிக்கு உள்ளாகியுள்ளனர்.

உரிய நடவடிக்கை எடுக்க வேண்டும்

கால்நடை வளர்ப்பை வாழ்வாதாரமாகக் கொண்டுள்ள பல குடும்பங்கள் இத்தொழிலை நம்பியே தமது அன்றாட பொருளாதார நடவடிக்கைகளை முன்னெடுத்து வருகின்றன.

இவ்வாறான சூழ்நிலையில், மேய்ச்சல் நிலப் பிரச்சினைக்குத் தீர்வு காணப்படாமை அவர்களின் வாழ்வாதாரத்தையும் பாதிக்கும் அபாயம் ஏற்பட்டுள்ளது.

எனவே, கடவானை பகுதியில் உள்ள மேய்ச்சலுக்குப் பொருத்தமான நிலத்தை கால்நடை வளர்ப்பாளர்கள் பயன்படுத்துவதற்கான சாத்தியக்கூறுகள் தொடர்பில் சம்பந்தப்பட்ட அரச அதிகாரிகள், பிரதேச நிர்வாகம் மற்றும் கடற்படை அதிகாரிகள் இணைந்து கலந்துரையாடி உரிய நடவடிக்கை எடுக்க வேண்டும் என கால்நடை வளர்ப்பாளர்கள் கோரிக்கை விடுக்கின்றனர்.

மேலும், தம்பலகாமம் பிரதேசத்தில் நீண்டகாலமாக நிலவி வரும் மேய்ச்சல் நிலப் பிரச்சினைக்கு உரிய தீர்வு வழங்கி, கால்நடை வளர்ப்பாளர்களின் வாழ்வாதாரத்தைப் பாதுகாக்க சம்பந்தப்பட்ட அதிகாரிகள் முன்வர வேண்டும் எனவும் அவர்கள் வலியுறுத்துகின்றனர். 

இந்த விளையாட்டு விழாவில் நேற்று (31)இடம்பெற்ற ஆண்களுக்கான 800 மீற்றர் ஓட்டப் போட்டியில் மன்னார் மாவட்டத்தைச் சேர்ந்த ரூபில் சராப் இரண்டாம் இடத்தை பெற்று சாதனை படைத்துள்ளார்

இரண்டாமிடம் பிடித்து சாதனை

 மன்னார் மாவட்டத்தின் நானாட்டான் பூவரசங்குளம் பகுதியைச் சேர்ந்த ரூபில் சராப் நேற்றையதினம் இடம் பெற்ற ஆண்களுக்கான 800 மீற்றர் ஓட்டப் போட்டியில் பங்கு பற்றி 1:52:59 நேரத்தில் போட்டியை ஓடி முடித்து இரண்டாம் இடத்தை பெற்று வெள்ளிப் பதக்கத்தை பெற்றுக்கொண்டதோடு மாவட்டத்திற்கும் பெருமை சேர்த்துள்ளார் 

இதற்கமைய, குறிப்பிடப்பட்ட காலத்தில் எரிபொருள் இறக்குமதிக்காக செலவிடப்பட்ட மொத்தத் தொகை 4,487.2 மில்லியன் அமெரிக்க டொலர்களாகும் என்று சுட்டிக்காட்டப்பட்டுள்ளது.

கடந்த 2025ஆம் ஆண்டின் முதல் 9 மாதங்களில் எரிபொருள் இறக்குமதிக்காக 2,961.3 மில்லியன் அமெரிக்க டொலர்கள் செலவிடப்பட்டிருந்ததாக குறிப்பிடப்பட்டுள்ளது.

மத்திய கிழக்கில் நிலவிய மோதல்

அதனுடன் ஒப்பிடுகையில், இந்த ஆண்டின் முதல் 9 மாதங்களில் எரிபொருள் இறக்குமதிக்காக 1,525.9 மில்லியன் அமெரிக்க டொலர்கள் மேலதிக செலவு ஏற்பட்டுள்ளதுடன், இது 51.5 வீத அதிகரிப்பாகும்.

எனினும், கடந்த செப்டம்பர் மாதத்தில் எரிபொருள் இறக்குமதிச் செலவு, முந்தைய ஆண்டின் செப்டெம்பர் மாதத்துடன் ஒப்பிடுகையில் 5.8 வீத (25.6 மில்லியன் டொலர்கள்) சிறிய குறைவைக் காட்டியுள்ளது.

2025 செப்டெம்பர் மாதத்தில் எரிபொருள் இறக்குமதிக்கு 440.7 மில்லியன் டொலர்கள் செலவிடப்பட்டிருந்த நிலையில், இந்த ஆண்டின் செப்டெம்பர் மாதத்தில் அது 415.1 மில்லியன் டொலர்களாகக் குறைந்துள்ளது.

இதேவேளை, 2026 ஆம் ஆண்டின் முதல் காலாண்டின் இறுதியில் மத்திய கிழக்கில் நிலவிய மோதல் நிலைமைகள் தீவிரமடைந்ததைத் தொடர்ந்து, உள்ளூர் சந்தையில் எரிபொருள் விலைகள் உயர்ந்தமை குறிப்பிடத்தக்கது.

இந்தச் சம்பவம் குறித்து சமூக ஊடகங்களில் பதிவிட்டுள்ள காவல்துறையினர், தங்களை நிறுத்துமாறு பணித்த உத்தரவை மதிக்காமல் சென்ற முச்சக்கர வண்டி மீது அதிகாரிகள் துப்பாக்கிச் சூடு நடத்தியதாகத் தெரிவித்துள்ளனர்.

சட்டத்திற்கு மதிப்பளிக்கும் குடிமகனாக இருக்க வேண்டும்

 குற்றச் செயல்கள் மற்றும் போதைப்பொருள் கடத்தலை ஒழிக்கும் முயற்சியில், பொதுமக்கள் சட்டத்திற்கு மதிப்பளித்து அதிகாரிகளுக்கு ஒத்துழைப்பு வழங்குமாறு அந்தப் பதிவில் கேட்டுக்கொள்ளப்பட்டுள்ளது.

"நீங்கள் சட்டத்திற்கு மதிப்பளிக்கும் குடிமகனாக இருக்க வேண்டும்" என்று குறிப்பிட்டுள்ள காவல்துறையினர், குற்றச் செயல்களையும் போதைப்பொருள் கடத்தலையும் தடுப்பதற்கு பொதுமக்களின் ஒத்துழைப்பும் ஆதரவும் மிக முக்கியம் என்று வலியுறுத்தியுள்ளனர்.

இந்தச் சம்பவம் ஒக்டோபர் 31 அன்று கடவத்த, மஹகட சந்திக்கு அருகில் இடம்பெற்றுள்ளது. அங்கு போக்குவரத்துப் பணியில் ஈடுபட்டிருந்த காவல்துறையினர், அந்த முச்சக்கர வண்டியை நிறுத்துமாறு சைகை காட்டியுள்ளனர்.

நிறுத்தாமல் சென்றதால் துப்பாக்கிசூடு

காவல்துறையினர் வெளியிட்டுள்ள அறிக்கையின்படி, வாகனங்கள் மற்றும் நபர்களைச் சோதனையிடும் பணியின் போது இந்த முச்சக்கர வண்டியை நிறுத்துமாறு சைகை காட்டப்பட்டது. ஆனால், சாரதி வாகனத்தை அதிகாரிகளை நோக்கிச் செலுத்திவிட்டு, பின்னர் அங்கிருந்து வேகமாகச் சென்றுள்ளார்.

இதன்போது, ​​வாகனத்தின் பின்புறம் அமர்ந்திருந்த 16 வயது சிறுவன் ஒருவன் துப்பாக்கிச் சூட்டுக் காயங்களுக்கு உள்ளாகி, ராகம வைத்தியசாலையில் அனுமதிக்கப்பட்டுள்ளான். அந்தச் சிறுவனின் உடல்நிலை ஆபத்தான நிலையில் இல்லை என்று காவல்துறையினர் தெரிவித்துள்ளனர்.

சாரதியிடம் செல்லுபடியாகும் சாரதி அனுமதிப்பத்திரம் இல்லாத காரணத்தினாலேயே அவர் வாகனத்தை நிறுத்தாமல் சென்றிருக்கலாம் என்று ஆரம்பகட்ட விசாரணைகளில் தெரியவந்துள்ளது.

முச்சக்கர வண்டியைச் செலுத்திய 17 வயதுடைய சாரதி, கடவத்த காவல் நிலையத்தில் சரணடைந்ததைத் தொடர்ந்து கைது செய்யப்பட்டார். கோனஹேனவில் உள்ள ஒரு வீட்டில் மறைத்து வைக்கப்பட்டிருந்த அந்த முச்சக்கர வண்டியையும் காவல்துறையினர் கைப்பற்றியுள்ளனர். 

புளோரிடாவிலுள்ள தனது மார்-ஏ-லாகோ (Mar-a-Lago) ஓய்வு விடுதியில் ஹாலோவீன் ஆடை அலங்கார விருந்து முன்னெடுக்கப்பட்டுள்ளது.

அதில் கலந்துகொண்டு கருத்து தெரிவிக்கும் போதே அவர் இதனை தெரிவித்துள்ளார்.

மத்தியஸ்தர்கள் 

இதுதொடர்பில் மேலும் தெரிவித்த அவர், 

“இன்றைய ஹாலோவீன் விருந்திற்கு நான் டொனால்ட் ட்ரம்ப் ஆக வேடமிட்டே வந்துள்ளேன்" எனத் தெரிவித்தார்.

அமெரிக்கா - இஸ்ரேல் மற்றும் ஈரான் இடையே முழு அளவிலான புதிய போர் ஒன்று வெடிப்பதைத் தடுப்பதற்கு சர்வதேச மத்தியஸ்தர்கள் தீவிர தூதரக முயற்சிகளை மேற்கொண்டு வருகின்றனர்.

பிராந்திய அமைதியை நிலைநாட்ட முயற்சிகள் நடந்து வரும் அதேவேளையில், ஈரானில் உள்ள ஒன்று அல்லது இரண்டு முக்கிய இராணுவ தளங்களை இன்னமும் அமெரிக்கா கவனிக்க வேண்டியுள்ளது.

ஈரான் மீதான இராணுவ நடவடிக்கையை அவசரமாக முன்னெடுப்பதற்குப் பதிலாக மத்திய கிழக்கின் தற்போதைய கள நிலவரங்கள் மற்றும் ஈரானின் நடவடிக்கைகளைத் தீவிரமாகக் கண்காணித்த பின்னரே இறுதி முடிவு எடுக்கப்படும்” என அவர் தெரிவித்துள்ளார்.

நாட்டின் தேசிய மற்றும் மாகாணப் பாடசாலைகளில் நிலவும் சிங்களம், தமிழ் மற்றும் ஆங்கில மொழிமூல ஆசிரியர் வெற்றிடங்களுக்காக, அரச சேவையில் பணியாற்றும் பட்டதாரிகள் மற்றும் அரச சேவையில் இல்லாத ஏனைய பட்டதாரிகளை இலங்கை ஆசிரியர் சேவையின் 3-(அ) தரத்திற்கு ஆட்சேர்ப்பு செய்வதற்கான நடவடிக்கைகள் முன்னெடுக்கப்பட்டு வருகின்றன.

இதற்கமைய, கடந்த 2026 ஒக்டோபர் 14ஆம் திகதி வெளியிடப்பட்ட ஆவணங்களின் அடிப்படையில், நேர்முகப் பரீட்சைக்குத் தகைமை பெற்ற விண்ணப்பதாரர்களுக்கான நேர்முகப் பரீட்சை நடாத்தப்படும் திகதி, நேரம், இடம் மற்றும் நேர்முகப் பரீட்சைச் சபை இலக்கம் தொடர்பான தகவல்கள் அடங்கிய ஆவணங்கள், ஒவ்வொரு மாகாணத்திற்கும் மொழி மூலத்திற்கும் உரியவாறு 2026.10.30 ஆம் திகதி முதல் கல்வி, உயர்கல்வி மற்றும் தொழிற்கல்வி அமைச்சின் உத்தியோகபூர்வ இணையத்தளத்தில் காட்சிப்படுத்த நடவடிக்கை எடுக்கப்பட்டுள்ளது.

கல்வி அமைச்சு அறிவுறுத்தல்

அத்துடன், நேர்முகப் பரீட்சைக்குச் சமூகமளிப்பது தொடர்பான அறிவுறுத்தல்கள் அடங்கிய G3 மற்றும் G4 அறிவுறுத்தல் பத்திரங்களும், நேர்முகப் பரீட்சையின்போது சமர்ப்பிக்க வேண்டிய ஆவணங்களுக்கான F2, F3, F4 மற்றும் F5 மாதிரிப் படிவங்களும் இணையத்தளத்தில் பதிவேற்றப்பட்டுள்ளன.

எனவே, தகுதி பெற்ற விண்ணப்பதாரர்கள் குறித்த அறிவுறுத்தல்களை கவனமாகப் பரிசீலித்து, தமக்கு அறிவிக்கப்பட்டுள்ள திகதி மற்றும் நேரத்தில் உரிய ஆவணங்களுடன் நேர்முகப் பரீட்சைக்குச் சமூகமளிக்குமாறு கல்வி அமைச்சு அறிவுறுத்தியுள்ளது.

மேலும், நேர்முகப் பரீட்சைக்கான அழைப்புக் கடிதங்கள் விண்ணப்பதாரர்கள் தமது விண்ணப்பப் படிவங்களில் குறிப்பிட்டுள்ள முகவரிகளுக்கு எதிர்வரும் நவம்பர் 2ஆம் திகதி முதல் பதிவுத் தபால் மூலம் அனுப்பி வைக்கப்படவுள்ளதாகவும் அமைச்சு தெரிவித்துள்ளது.

இன்று (1) டெம்பிள் ட்ரீஸில் நடைபெற்ற ஒரு விழாவில் பேசிய அமைச்சர், 2025-2035ஆம் ஆண்டுக்கான தேசிய சுகாதாரக் கொள்கை மற்றும் உத்திசார் திட்டத்தின் கீழ் கணிக்கப்பட்ட பணியாளர் தேவைகளின் அடிப்படையில் இந்த நியமனத் திட்டங்கள் வகுக்கப்பட்டுள்ளதாகத் தெரிவித்தார்.

மூன்றாண்டு காலத்திற்குள் 13,000 செவிலியர்களை நியமிக்கும் இந்த நடவடிக்கை, நிதி அமைச்சகத்தின் மேலாண்மை சேவைகள் திணைக்களத்தின் ஒப்புதலுக்கு உட்பட்டது என்றும் அவர் கூறினார்.

ஜனாதிபதி தலைமையில்

புதிதாகப் பயிற்சி பெற்ற 2,819 செவிலியர்கள், மூன்றாம் தர செவிலியர் அதிகாரிகளாக அரசாங்க சுகாதார சேவையில் சேர்வதற்கான நியமனக் கடிதங்களைப் பெற்ற நிலையில் இந்த அறிவிப்பு வெளியானது.

இந்த விழா ஜனாதிபதி அனுரகுமார திசாநாயக்கவின் தலைமையில் நடைபெற்றது.