நேற்று (07) பிற்பகல் இடம்பெற்ற இச்சம்பவத்தில் காணாமல்போன ஏனைய இருவரையும் தேடும் பணிகளில் கடற்படையினரும் காவல்துறையினரும் பிரதேசவாசிகளின் உதவியுடன் தீவிரமாக ஈடுபட்டு வருகின்றனர்.

தெனியாய, பெவரலிய பகுதியில் அமைந்துள்ள கெலேதொல எனும் இடத்திற்கு நீராடச் சென்ற நான்கு இளைஞர்களே இவ்வாறு நீரில் மூழ்கி காணாமல்போயிருந்தனர்.

சுற்றுலா 

கொள்ளுப்பிட்டியில் உள்ள தனியார் தகவல் தொழில்நுட்ப நிறுவனம் ஒன்றில் பணிபுரியும் 7 இளைஞர்கள் அடங்கிய குழுவினர் சுற்றுலா சென்றிருந்த நிலையில், அவர்களுள் 6 பேர் குறித்த பகுதியில் நீராடச் சென்றுள்ளனர்.

அவர்களிலேயே நால்வர் நீரில் மூழ்கிக் காணாமல்போயிருந்தனர். காணாமல்போனவர்களைக் கண்டுபிடிப்பதற்காகக் கடற்படையினரும் காவல்துறையினரும் நேற்று பிற்பகல் தொடங்கிய தேடுதல் நடவடிக்கைகள் இன்றும் தொடர்ந்து முன்னெடுக்கப்பட்டு வருகின்றன.

இதன் போதே இரு இளைஞர்களின் சடலங்கள் மீட்கப்பட்டுள்ளன.  

அதன்படி, எதிர்வரும் நவம்பர் 11ஆம் திகதியளவில் ஏற்படும் இந்த தளம்பல் நிலையானது நவம்பர் 13ஆம் திகதியளவில் குறைந்த காற்றழுத்த தாழ்வுப் பகுதியாக மாறும் என தெரிவிக்கப்பட்டுள்ளது.

அதனைத் தொடர்ந்து நவம்பர் 15ஆம் திகதியளவில் காற்றழுத்த தாழ்வு மண்டலமாகவும் வலுவடையக்கூடும் என வளிமண்டலவியல் திணைக்களத்தின் கடமைநேர வானிலை அதிகாரி உதேனி வீரசிங்க தெரிவித்துள்ளார்.

அவதானத்துடன் செயற்படுதல் 

இதனால் குறித்த கடற்பிராந்தியங்களில் மீன்பிடி மற்றும் கடற்போக்குவரத்து நடவடிக்கைகளில் ஈடுபடுவோர் இது குறித்து அவதானத்துடன் செயற்படுமாறு அறிவுறுத்தப்பட்டுள்ளனர்.

இதேவேளை, நாட்டின் பெரும்பாலான பகுதிகளில் இன்று (08) பிற்பகல் ஒரு மணிக்குப் பின்னர் மழை அல்லது இடியுடன் கூடிய மழை பெய்யக்கூடிய சாத்தியக்கூறுகள் நிலவுகின்றதாக தெரிவிக்கப்பட்டுள்ளமை குறிப்பிடத்தக்கது.

அம்பன்பொல, சேருகொட பகுதியைச் சேர்ந்த ராஜபக்சலாகே நிலூகா ராஜபக்ச என்ற பெண்ணே இவ்வாறு காணாமல் போயுள்ளதாக தெரிவிக்கப்படுகின்றது.

ஆவணங்கள் மற்றும் தகவல்களின்படி, அவர் 2012ஆம் ஆண்டு ஏப்ரல் 10ஆம் திகதி சவுதி அரேபியா நோக்கிப் புறப்பட்டுச் சென்றுள்ளதாக குறிப்பிடப்படுகின்றது.

வெளிநாட்டு வேலைவாய்ப்பு பணியகம்

இந்தநிலையில், அவர் வெளிநாடு சென்றது முதல் கடந்த 14 ஆண்டுகளாக அவரைப் பற்றிய எவ்வித உறுதியான தகவலும் கிடைக்கவில்லை என அவரது குடும்ப உறவினர்கள் தெரிவிக்கின்றனர்.

குறித்த சம்பவம் தொடர்பில் இலங்கை வெளிநாட்டு வேலைவாய்ப்பு பணியகத்தில் உறவினர்கள் பலமுறை முறைப்பாடுகளை அளித்துள்ளனர்.

அதன்படி, 2022 ஓகஸ்ட் 17 ஆம் திகதி CD/183/2208 என்ற இலக்கத்தின் கீழ் முறைப்பாடு பதிவு செய்யப்பட்டுள்ளது.

அத்துடன்  2023 மற்றும் 2024 ஆகிய ஆண்டுகளில் வெளிநாட்டு வேலைவாய்ப்பு பணியகம் மூலம் கடிதங்கள் அனுப்பப்பட்டுள்ளதுடன், 2025ஆம் ஆண்டில் ஜனாதிபதி செயலகத்துக்கும் இது குறித்து தெரியப்படுத்தப்பட்டுள்ளது.

எனினும், 14 ஆண்டுகளாகக் காணாமல் போயுள்ள நிலூகா ராஜபக்சவுக்கு என்ன நேர்ந்தது என்பது இதுவரை கண்டறியப்படவில்லை எனவும், அவரைப் பற்றி ஏதேனும் தகவல் அறிந்தால் அவரை கண்டறிய உதவுமாறு அவரது குடும்பத்தினர் கோரிக்கை விடுத்துள்ளமை குறிப்பிடத்தக்கது.  

தேசிய மாவீரர் நாள் நிகழ்வுகள் இம்முறையும் நவம்பர் 27ஆம் திகதி தமிழர் தாயகம் எங்கும் தமிழர்கள் வாழும் தேசமெங்கும் உணர்வுபூர்வமாக அனுஷ்டிக்கப்பட உள்ளது.

அந்த வகையிலே மாவீரர் நாள் நினைவேந்தல் நிகழ்வுகளை மேற்கொள்வதற்காக தமிழர் தாயக பகுதிகளில் மாவீரர் துயிலும் இல்லங்களில் சிரமதான பணிகள் ஆரம்பிக்கப்பட்டு வருகின்றன.

அந்த வகையில் 2009ஆம் ஆண்டு இறுதி யுத்தத்தின்போது உருவாக்கப்பட்ட இரணைப்பாலை மாவீரர் துயிலும் இல்லத்தில் மாவீரர் துயிலும் இல்ல பணிக்குழு மற்றும் மாவீரர்களுடைய பெற்றோர்கள், பொதுமக்கள் இணைந்து துயிலும் இல்லத்தில் மாவீரர்களுக்காக அஞ்சலி செலுத்தியதை தொடர்ந்து சிரமதான பணிகள் ஆரம்பிக்கப்பட்டு இடம்பெற்றன.

அனைவருக்கும் அழைப்பு

வழமைபோன்று இம்முறையும் நவம்பர் 27ஆம் திகதி மாவீரர் நாள் நிகழ்வுகள் மிகச் சிறப்பாக இடம்பெறும் எனவும் அதற்கான ஏற்பாடுகளை முன்னெடுப்பதற்காக பணிக்குழு தங்களை தயார்படுத்தி வருவதாகவும் தெரிவிக்கப்பட்டுள்ளது.

அத்துடன் தொடர்ச்சியாக இடம்பெறும் சிரமதான பணிகள், ஏற்பாட்டுப் பணிகள் மற்றும் நினைவேந்தல் நிகழ்வில் அனைத்து உறவுகளையும் கலந்துகொள்ளுமாறு பணிக் குழுவினர் அழைப்பு விடுத்துள்ளனர்.

மாத்தறை மற்றும் ஹம்பாந்தோட்டை மாவட்டங்களுக்குப் பொறுப்பான பிரதிகாவல்துறை மா அதிபர் சமிக்க விக்ரமசிங்க இந்த இடைநிறுத்தல் உத்தரவைப்  பிறப்பித்துள்ளார்.

மோட்டார் வாகனமொன்றைக் கொள்வனவு செய்தமை மற்றும் அதற்கான குத்தகை தவணைப் பணத்தைச் செலுத்தியமைக்கான நிதி மூலங்களை உறுதிப்படுத்தத் தவறியமை தொடர்பிலேயே வருணி போகஹவத்த குற்றப் புலனாய்வுத் திணைக்களத்தால் கைது செய்யப்பட்டிருந்தார்.

குற்றப் புலனாய்வுத் திணைக்களம்

அத்துடன் அவருக்குச் சொந்தமான சொகுசு மோட்டார் வாகனமொன்றும் அண்மையில் குற்றப் புலனாய்வுத் திணைக்கள அதிகாரிகளால் பொறுப்பேற்கப்பட்டது.

மாத்தறை கூட்டுறவுச் சங்கத்தில் ஒரு பில்லியன் ரூபாய்க்கும் அதிகமான பணத்தை மோசடி செய்த சம்பவத்துடன் தொடர்புடையவர் எனச் சந்தேகிக்கப்படும் நபரொருவரால் குறித்த மோட்டார் வாகனத்தின் குத்தகை தவணைப் பணம் செலுத்தப்பட்டுள்ளமை விசாரணைகளில் தெரியவந்ததைத் தொடர்ந்தே இந்த நடவடிக்கை எடுக்கப்பட்டுள்ளமை குறிப்பிடத்தக்கது.

அத்துடன் போட்டிப் பரீட்சை ஊடாகவே அரச சேவைக்கு நியமனங்கள் வழங்கப்படும் என்று அவர் மேலும் சுட்டிக்காட்டினார்.

கொழும்பில் நேற்று சனிக்கிழமை (07) நடைபெற்ற தொழிற்சங்க தேசிய மாநாட்டில் கலந்துகொண்டு உரையாற்றுகையில் ஜனாதிபதி இவ்வாறு குறிப்பிட்டார். 

போட்டிப் பரீட்சை

அவர் மேலும் தெரிவிக்கையில், அரச சேவைக்கு நியமனங்களை வழங்கவேண்டும் என்பதற்காக தொகை கணக்கில் வழங்க முடியாது. கடந்த காலங்களில் அவ்வாறு வழங்கப்பட்டதால் தான் அரச சேவையில் பல சிக்கல்கள் ஏற்பட்டுள்ளன.

ஏதேனும் பதவிக்கு நியமிக்கப்படும் நபர் அந்த துறைசார்ந்த தேர்ச்சியை பெற்றிருக்க வேண்டும். போட்டிப் பரீட்சை ஊடாகவே அரச சேவைக்கு நியமனங்கள் வழங்கப்படும்.

அப்போதுதான் அரச சேவை வினைத்திறனாக அமையும். மக்களுக்கும் சிறந்த சேவையை வழங்க முடியும். அதனை விடுத்து நியமனம் வழங்கவேண்டும் என்பதற்காக வெற்றிடங்களை நிரப்ப முடியாது.

அரச சேவையில் முழுமையான சம்பள அதிகரிப்பை எதிர்பார்க்க முடியாது. இருப்பினும் அத்தியாவசிய கொடுப்பனவுகள் அதிகரிக்கப்படும். அதேபோல் ஏனைய கொடுப்பனவுகளும் முழுமையாக அதிகரிக்கப்படும்.

அரச சேவையாளர்களின் சம்பள அதிகரிப்பை போன்று தனியார் துறைக்கும் சம்பளம் அதிகரிக்கப்படும். அதற்கான நடவடிக்கைகள் வரவு - செலவுத் திட்டத்தில் உள்ளடக்கப்பட்டுள்ளது.” என்று  தெரிவித்தார்.

கடந்த 02ஆம் திகதி இரவு கப்பல்துறை சந்தியை நோக்கி பயணித்துக்கொண்டிருந்த வாடகை முச்சக்கரவண்டியின் பின் இருக்கையில் பயணித்த இருவர் மீது இனந்தெரியாத நபர் ஒருவர் துப்பாக்கிச்சூடு நடத்திவிட்டுத் தப்பிச் சென்றிருந்தார்.

இந்தத் தாக்குதலில் ஒருவர் உயிரிழந்ததுடன், மற்றொருவர் பலத்த காயமடைந்தார். இந்தச் சம்பவம் தொடர்பில் உப்புவெளி காவல்துறையினரும் மாத்தறை காவல் விசேட அதிரடிப்படையினரும் இணைந்து தீவிர விசாரணைகளை மேற்கொண்டு வந்தனர்.

காவல் நிலையத்தில் ஒப்படைப்பு

கிடைத்த இரகசியத் தகவலின் அடிப்படையில், விசேட அதிரடிப்படை அதிகாரிகளால் இந்தத் துப்பாக்கிச்சூட்டுச் சம்பவத்தின் பிரதான துப்பாக்கிதாரி கடந்த 6ஆம் திகதி இரவு திக்வெல்ல பகுதியில் வைத்துக் கைது செய்யப்பட்டார்.

கொலை மற்றும் கொலை முயற்சி குற்றச்சாட்டுகளின் கீழ் கைது செய்யப்பட்ட இவர், மேலதிக விசாரணைகளுக்காக உப்புவெளி காவல் நிலையத்தில் ஒப்படைக்கப்பட்டுள்ளார்.

மேலும் இரு சந்தேகநபர்கள் கடந்த 2ஆம் திகதியன்று 32 கிராம் 800 மில்லிகிராம் 'ஐஸ்' போதைப்பொருளுடன் கைது செய்யப்பட்டிருந்தனர். அவர்களிடம் தடுப்புக் காவல் உத்தரவின் கீழ் நடத்தப்பட்ட மேலதிக விசாரணைகளில், அவர்களுக்கும் இந்த முச்சக்கர வண்டி துப்பாக்கிச்சூட்டுச் சம்பவத்திற்கும் தொடர்பு இருப்பது உறுதி செய்யப்பட்டுள்ளது.

கைது செய்யப்பட்ட சந்தேகநபர்கள் 24, 28 மற்றும் 34 வயதுடையவர்கள் என்பதோடு, அவர்கள் திக்வெல்ல மற்றும் திருகோணமலை பகுதிகளைச் சேர்ந்தவர்கள் என்றும் தெரிவிக்கப்பட்டுள்ளது.

இராணுவத்தில் பணியாற்றியவர்

மேலும், இச்சம்பவத்தில் துப்பாக்கிதாரியாகச் செயல்பட்ட நபர் முன்னர் இலங்கை இராணுவத்தில் பணியாற்றி, சட்டப்பூர்வமாக விலகியவர் என்பதும் விசாரணைகளில் தெரியவந்துள்ளது.

இச்சம்பவம் தொடர்பில் உப்புவெளி காவல்துறையினர் தொடர்ந்து மேலதிக விசாரணைகளை மேற்கொண்டு வருகின்றனர்.

கொழும்பு பி.டி. சிறிசேன விளையாட்டரங்கில் நேற்று (07) இடம்பெற்ற தொழிற்சங்க தேசிய மாநாட்டில் கலந்துகொண்டு உரையாற்றும் போதே ஜனாதிபதி இதனைக் குறிப்பிட்டார்.

இங்கு அவர் மேலும் கருத்து தெரிவிக்கையில், "இந்த மக்கள் இருக்கும் வரையில் தேசிய மக்கள் சக்திக்கு அடக்குமுறைச் சட்டங்கள் தேவையில்லை. மக்கள் இல்லையென்றால், அடக்குமுறைகளைப் பயன்படுத்தி நாங்கள் ஆட்சியில் நீடிக்க மாட்டோம்.

தேர்தலுக்கு தயாராக இருக்கின்றோம்

அடுத்த தேர்தலுக்குச் செல்லுமாறு மக்கள் கூறினால், நாங்கள் அதற்குத் தயாராகவே இருக்கிறோம். நாங்கள் அடக்குமுறைச் சட்டங்கள் மூலம் ஆட்சியில் நீடிக்கத் தயாராக உள்ள சக்தியல்ல.

நவம்பர் 12 அன்று சமர்ப்பிக்கப்படவுள்ள 2027-ஆம் ஆண்டுக்கான வரவு-செலவுத் திட்டத்தில், வருமானத்தின் மீது விதிக்கப்படும் வரி (PAYE tax) தொடர்பாக மேலதிக நிவாரணங்களை வழங்கவுள்ளோம்” என அவர் மேலும் தெரிவித்தார்.

you may like this

இம்மாதம் 11ஆம் திகதி கொழும்பில் நடைபெறவுள்ள உத்தியோகபூர்வ செயல்விளக்கத்துக்கு முன்னதாக இந்த பரிசோதனை இடம்பெறுகிறது.

நாட்டில் பயணிகள் ட்ரோன் தொழில்நுட்பத்தை அறிமுகப்படுத்துவதற்கான ஒரு ஆயத்த நடவடிக்கையாக இந்த விமானப் பரிசோதனைகள் இடம்பெறுகின்றன.

முன்னோடித் திட்டம்

இந்த முன்னோடித் திட்டத்தின் கீழ், இரண்டு பயணிகளை ஏற்றிச் செல்லும் திறன் கொண்ட முதல் ட்ரோன் ஏற்கனவே இலங்கைக்குக் கொண்டுவரப்பட்டுள்ளது.

பயணிகள் போக்குவரத்து மட்டுமின்றி, சுற்றுலா மற்றும் போக்குவரத்துத் துறைகளிலும் இந்தத் தொழில்நுட்பத்தின் சாத்தியமான பயன்பாடுகள் குறித்து ஆய்வு செய்யப்பட்டு வருகிறது.

குறித்த பகுதியில் இருந்து போராட்டக்காரர்கள் வெளியேற வேண்டும் என்று நீதிமன்றம் உத்தரவு பிறப்பித்த நிலையில்அதனைப் பொருட்படுத்தாமல் தொடர்ந்தும் சத்யாகிரகம் முன்னெடுக்கப்பட்டு வருகின்றது.

பலாங்கொட கஸ்ஸப தேரர் உள்ளிட்ட பிக்குகள் மற்றும் பொதுமக்கள் இணைந்து நேற்று (7) காலையில் அனுராதபுர ருவன்வெலிசாய அருகில் இந்தச் சத்யாகிரகத்தை தொடங்கினர்.

 நீதிமன்றம் உத்தரவு

அங்கு போராட்டக்காரர்கள் தற்காலிக கூடாரம் ஒன்றை அமைக்க முயன்றபோது, நேற்று மதிய வேளையில் அப்பகுதியில் அமைதியற்ற சூழல் உருவானது.

காவல்துறையினர் அங்கு சென்று கட்டுமான பணிகளைத் தடுக்க முற்பட்ட போது இரு தரப்பினருக்கும் இடையே மோதல் நிலை ஏற்பட்டது.

இச்சம்பவம் குறித்து அனுராதபுர தலைமையக காவல்துறை பரிசோதகர் நீதிமன்றத்தில் விபரங்களை சமர்ப்பித்ததை அடுத்து, அனுராதபுர நீதவான் நீதிமன்றம் உத்தரவு ஒன்றை பிறப்பித்துள்ளது.

வர்த்தமானி அறிவித்தல்

அதன்படி, ருவன்வெலிசாய மற்றும் ஜய ஸ்ரீ மகா போதி உள்ளிட்ட புனித பூமி பகுதியிலிருந்து சத்யாகிரகத்தில் ஈடுபடும் நபர்கள் உடனடியாக வெளியேற வேண்டும் என்றும் தொல்பொருள் சின்னங்களுக்கு எவ்வித சேதமும் ஏற்படுத்தக்கூடாது என்றும், அமைக்கப்பட்ட தற்காலிக கூடாரங்களை அகற்ற நடவடிக்கை எடுக்க வேண்டும் என்றும் நீதிமன்றம் உத்தரவிட்டுள்ளது.

எனினும், நீதிமன்ற உத்தரவு பிறப்பிக்கப்பட்ட பின்னரும் பிக்குகள் உள்ளிட்ட போராட்டக்காரர்கள் அப் பகுதியிலிருந்து வெளியேறாமல் இரவையும் அங்கேயே கழித்து போராட்டத்தைத் தொடர்ந்து வருகின்றனர்.

அரசாங்கம் அனுராதபுர புனித நகர திட்டத்திற்கு தொடர்பான வர்த்தமானி அறிவித்தலை திரும்பப் பெறும் வரை இந்த போராட்டம் தொடர்ந்து முன்னெடுக்கப்படும் என பலாங்கொட கஸ்ஸப தேரர் தெரிவித்துள்ளமை குறிப்பிடத்தக்கது.

இது பூமிக்கு அடியில் சுமார் 40 கிலோமீட்டர் ஆழத்தில் உருவானதாக ஜப்பான் வானிலை ஆய்வு மையம் தெரிவித்துள்ளது.

ஐச்சி மாகாணத்தின் பல்வேறு பகுதிகளில் கடுமையான அதிர்வுகள் உணரப்பட்டுள்ளன. எனினும், இந்த நிலநடுக்கத்தால் சுனாமி எச்சரிக்கை எதுவும் விடுக்கப்படவில்லை என்று அதிகாரிகள் உறுதிப்படுத்தியுள்ளனர்.

22 பேர் காயம்

இந்த திடீர் நிலநடுக்கம் காரணமாக ஐச்சி மற்றும் ஷிசுவோகா மாகாணங்களில் குறைந்தது 22 பேர் காயமடைந்துள்ளனர்.

கட்டிடங்களிலிருந்து பீதியடைந்து வெளியே ஓடியபோதும், படிக்கட்டுகளில் இருந்து கீழே விழுந்தும் பலருக்கு காயம் ஏற்பட்டுள்ளது.

அப்பகுதிகளில் இருந்த பல கடைகளின் கண்ணாடிகள் சுக்குநூறாக உடைந்து வீதிகளில் சிதறியுள்ளன. நூலகங்கள் மற்றும் கடைகளில் இருந்த புத்தகங்கள் அலமாரிகளிலிருந்து கீழே விழுந்து குவிந்துள்ளன.

பாதிக்கப்பட்ட பகுதிகளில் ஷான்கன்சென் புல்லட் தொடருந்துகள் பாதுகாப்பு முன்னெச்சரிக்கை நடவடிக்கையாகக் குறைக்கப்பட்ட வேகத்தில் இயக்கப்பட்டுள்ளன.

அறிவுறுத்தல்

நிலநடுக்கம் ஏற்பட்ட ஷிசுவோகா மாகாணத்தில் உள்ள ஹமாோகா அணுமின் நிலையத்தில் எந்தவிதமான சேதமோ ஆபத்தோ ஏற்படவில்லை என சோதனைகளில் தெரியவந்துள்ளது.

அடுத்த சில நாட்களுக்குப் பின் அதிர்வுகள் இருக்கக்கூடும் என்று எச்சரித்துள்ள வானிலை ஆய்வு மையம், பொதுமக்கள் எச்சரிக்கையுடன் இருக்குமாறு அறிவுறுத்தியுள்ளது.