தேர்வுசெய்யுங்கள்

உங்கள் விருப்பமான ராசியை

மேஷம்

நேற்றைய ராசி கணிப்புகள் (23 November,2017)

Aries

குடும்பத்தினருடன் சுப நிகழ்ச்சிகளில் கலந்துகொள்வீர்கள். புண்ணிய ஸ்தலங்கள் சென்று வருவீர்கள். நவீன சாதனங்கள் வாங்குவீர்கள். வியாபாரத்தில் பழைய பாக்கிகள் வசூலாகும். உத்யோகத்தில் சக ஊழியர்கள் ஒத்துழைப்பார்கள். திடீர் திருப்பம் ஏற்படும் நாள்.

மேஷம்

உங்களின் இன்றைய ராசி கணிப்புகள் (24 November,2017)

Aries

சொன்ன சொல்லை காப்பாற்றுவீர்கள். பிள்ளைகளை புதிய பாதையில் வழி நடத்துவீர்கள். பிரியமானவர்களுக்காக சிலவற்றை விட்டுக் கொடுப்பீர்கள். வியாபாரத்தில் புது வாடிக்கையாளர்கள் அறிமுகமாவார்கள். உத்யோகத்தில் மூத்த அதிகாரிகள் முக்கிய அறிவுரைகள் தருவார்கள். சாதிக்கும் நாள்.

மேஷம்

இந்த வாரத்திற்கான உங்கள் ராசி கணிப்புகள்

Aries

இந்த வாரத்திலே உங்களுக்கு பொதுப்பலனாக சுபகாரியங்களை தொடங்க முடியும். சுபகாரியங்களை நடத்த முடியும். தலைமை ஏற்க முடியும் சுபகாரியங்களிலே கலந்து கொள்ள முடியும்.

உங்களுடைய நீண்ட நாள் விருப்பங்கள் நிறைவேறும். பெரியவர்களுடைய ஆசி உங்களுக்கு கிடைக்கும். உங்களுக்கு வரவேண்டிய சொத்துக்கள் கை வந்து சேரும்.

எதுவொல்லாம் நடந்தால் உங்களுக்கு திருப்தி நிறைவு கிடைக்குமோ அதுவொல்லம் நடக்கும். உங்களுடைய முயற்சிகளுக்கு வெற்றிகிடைக்கும்.

நல்ல அறிவுரை நல்ல ஆலோசனை கிடைக்கும். பெரியவர்களுடைய துணை இந்த வாரம் முழுக்க உங்களுக்கு இருந்து கொண்டே இருக்கும்.

மணவயதில் இருக்கக்கூடியவர்களுக்கு நல்ல வரன் அமையும். திருமண காரியங்களை தாரலமாக தொடங்கலாம். நல்ல தன்நம்பிக்கை உங்களிடத்திலே இருக்கும்.

ஆரோக்கியம் சிறப்பாக இருக்கும். போட்டிகள் தடைகள் கடன் பிரச்சனைகள் அகலும். உங்களுடைய பிள்ளைகள் விசயத்திலே கவனமாக இருக்க வேண்டும்.

உங்களுடைய உத்தியோகத்திலே எந்தவொரு தவறும் குறையும் நேராத அளவுக்கு முழு மனது முழு ஈடுபாட்டுடன் உங்களுடைய பணியை செய்யவேண்டும். அதிகாரிகளுக்கு கட்டுப்பட்டு நடக்க வேண்டும்.

சுய தொழில் செய்யக்கூடியவர்கள் கடன் பெறுவதை தவிர்க்கவும். இந்த வாரத்தில் உங்களுக்கு அதிஸ்டமான எண்கள் 3 மற்றும் 9 உங்களுக்கு அதிஸ்டமான நிறங்கள் சிவப்பு மற்றும் பச்சை.

மேஷம்

இந்த மாதத்திற்கான உங்கள் ராசி கணிப்புகள் (November 2017)

Aries

உங்களின் முன்னேற்றத்திற்கு தடைகள் வந்தாலும் போராடி வெற்றி பெறும் சக்தி கிடைக்கும். ஆடை, ஆபரண சேர்க்கை உண்டு. சுப நிகழ்ச்சிகளையெல்லாம் முன்னின்று நடத்துவீர்கள். பெரிய மனிதர்களின் அறிமுகம் கிடைக்கும்.

புண்ணிய ஸ்தலங்களுக்கு சென்று வருவீர்கள். மனைவிவழியில் செல்வாக்குக் கூடும். பிரிந்திருந்த கணவன்-மனைவி ஒன்று சேருவீர்கள். மனைவியின் ஆரோக்கியம் சீராகும். வாகனப் பழுதை சரி செய்வீர்கள். விபத்துகளிலிருந்து மீள்வீர்கள்.

அஷ்டமத்துச் சனி தொடர்ந்து கொண்டிருப்பதால் சின்னதாக ஒருவித சலிப்பு, வெறுப்பு, தாழ்வுமனப்பான்மை வந்து போகும். கொஞ்சம் நேரம் ஒதுக்கி யோகா, தியானம் செய்வது நல்லது. நண்பர்கள், புது நண்பர்கள் உதவிகரமாக இருப்பார்கள்.

உறவினர்கள் மதிக்கும்படி நடந்து கொள்வீர்கள். பிள்ளைகளால் அலைச்சல் இருக்கும். கொஞ்சம் பிடிவாதமாக இருப்பார்கள். கூடுதல் மதிப்பெண் பெற்றால் நல்லது. கூடுதலாக நேரம் ஒதுக்கி படித்தால் நல்லது என்றெல்லாம் கவலைப்படுவீர்கள். பூமி, வீடு வாங்குவது சாதகமாக அமையும். சகோதர வகையில் ஒத்துழைப்பு அதிகரிக்கும்.

கன்னிப் பெண்களே! உங்களுடைய திறமையை வெளிப்படுத்த முயற்சி செய்வீர்கள். நல்ல நண்பர்களின் அறிமுகம் கிடைக்கும்.

வியாபாரத்தில் புது வாடிக்கையாளர்களின் வருகையால் உற்சாகமடைவீர்கள். வேலையாட்களை அவர்கள் போக்கிலே விட்டுப் பிடிப்பது நல்லது.

உத்யோகத்தில் ஓரளவு முன்னேற்றம் உண்டாகும். உங்களை சிலர் ஓரம் கட்ட நினைப்பார்கள். உங்களின் கடின உழைப்பாலும், புத்திசாலித்தனத்தாலும் எல்லாவற்றையும் முறியடிப்பீர்கள்.

கலைத்துறையினரே! கிடைக்கின்ற வாய்ப்பை தக்க வைத்துக் கொள்ளுங்கள். விடாமுயற்சியால் முன்னேறும் மாதமிது.

மேஷம்

இந்த வருடத்திற்கான உங்கள் ராசி கணிப்புகள் (2017)

Aries

மேஷம் ராசிக்காரர்களின் கவனத்திற்கு

அசுவினி, பரணி, கார்த்திகை 1ம் பாதம்

வெளிநாடு செல்வீங்க! போட்டியில் வெல்வீங்க!

குடும்பத்தினர் மீது பாசமிக்க மேஷ ராசி அன்பர்களே!

ஹேவிளம்பி ஆண்டின் தொடக்கத்தில் குரு 6-ம் இடமான கன்னி ராசியில் வக்ரமாக உள்ளார். செப்.1ல் 7ம் இடமான துலாம் ராசிக்கு மாறும் குரு பிப்.13வரை அங்கு இருப்பார்.

அதன் பிறகு 8-ம் இடமான விருச்சிக ராசிக்கு செல்கிறார். ராகு 5-ம் இடமான சிம்மத்தில் இருந்து ஜீலை 26-ல் கடகத்திற்கு மாறுகிறார்.

கேது 11-ம் இடமான கும்பத்தில் இருந்து ஜீலை 26-ல் 10-ம் இடமான மகரத்திற்கு செல்கிறார். சனிராசிக்கு 8-ல் இருக்கிறார். அவர் டிச.18-ல் விருச்சிகத்தில் இருந்து தனுசு ராசிக்கு செல்கிறார். மேற்கண்ட நிலையில் இருந்து விரிவான பலனை காணலாம்.

 

ஏப்ரல் 14- ஜீலை 31

குருவின் பார்வையால் வருமானம் உயரும். கணவன் மனைவி ஒருவருக்கொருவர் விட்டு கொடுத்து போகவும்.

சுபநிகழ்ச்சிகள் விடாமுயற்சியால் கைகூடும் வீடு, மனை வாங்கும் எண்ணம் தடைபடலாம். பணியாளர்களுக்கு வேலைப்பளு அதிகரிக்கும். சிலருக்கு எதிர்பாராத வகையில் இடமாற்றம் ஏற்படலாம்.

வியாபாரத்தில் லாபம் சீராக இருக்கும். கலைஞர்களுக்கு விருது, பாராட்டு போன்றவை கைநழுவி போகலாம். அரசியல்வாதிகள் பலன் எதிர்பார்க்காமல் உழைக்க நேரிடும்.

மாணவர்களுக்கு முயற்சிகேற்ற வளர்ச்சி உண்டாகும். சிலருக்கு வெளிநாடு செல்லும் யோகம் ஏற்படும். விவசாயிகளுக்கு மானாவாரி பயிர்மூலம் மகசூல் அதிகரிக்கும். பெண்கள் ஆடம்பர செலவை தவிர்க்கவும்.

 

ஆகஸ்ட் 1-2018 ஜனவரி 31

குருவால் குடும்பத்தில் சுபநிகழ்ச்சி நடந்தேறும். பணப்புழக்கம் அதிகரிக்கும். பணியாளர்களுக்கு சலுகை கிடைக்கும்.

வியாபாரிகள் தொழிலில் நல்ல முன்னேற்றம் காண்பர். கலைஞர்கள் புதிய ஒப்பந்தம் கிடைக்கப்பெறுவர். அரசியல்வாதிகளுக்கு எதிர்பார்த்த பதவி கிடைக்கும். மாணவர்கள் கல்வி வளர்ச்சி காண்பர்.

போட்டியில் பங்கேற்று வெற்றி பெறுவர். விவசாயிகள் அதிகமாக உழைக்க வேண்டியதிருக்கும். அதற்கு ஏற்ப வருமானம் கிடைக்கும். பெண்கள் உற்சாகமாக காணப்படுவர்.

 

2018 பிப்ரவரி 1- ஏப்ரல் 13

மதிப்பு, மரியாதை சீராக இருக்கும். திருமணம் போன்ற சுபவிஷயம் தள்ளி போகலாம். பணியாளார்கள் பணிச்சுமைக்கு ஆளாவர்.

வியாபாரிகள் சீரான வளர்ச்சி காண்பர். குருவின் 5-ம் பார்வையால் வருமானத்திற்கு குறைவிருக்காது, கலைஞர்கள் எதிர்பார்த்த ஒப்பந்தம் பெறுவதில் தாமதம் ஆகும்.

அரசியல்வாதிகள் ஓரளவு வளர்ச்சி காண்பர். மாணவர்களுக்கு விடாமுயற்சி தேவை. மிதமான வருமானம் கிடைக்கும். பெண்கள் குடும்பத்தாரின் அன்பை பெறுவர்.

 

பரிகாரங்கள்

ராகு, கேதுவுக்கு அர்ச்சனை, சனீஸ்வரருக்கு எள் தீபம். செல்ல வேண்டிய கோவில் திருச்செந்தூர் முருகன்.

மேலும்

ஐபிசி செய்திகளிலிருந்து

மேலும் விளையாட்டுச்செய்திகள்


Loading, Please Wait for a while...