தேர்வுசெய்யுங்கள்

உங்கள் விருப்பமான ராசியை

தனுசு

நேற்றைய ராசி கணிப்புகள் (23 November,2017)

Sagittarius

பழைய நினைவுகளில் மூழ்குவீர்கள். மற்றவர்களுடன் உங்களை ஒப்பிட்டுக் கொண்டிருக்க வேண்டாம். வர வேண்டிய பணத்தை போராடி வசூலிப்பீர்கள். வியாபாரத்தில் மறைமுகப் போட்டிகளை சமாளிப்பீர்கள். உத்யோகத்தில் ஓரளவு வேலைச்சுமை குறையும். மாலையில் மகிழ்ச்சி தொடங்கும் நாள்.

தனுசு

உங்களின் இன்றைய ராசி கணிப்புகள் (24 November,2017)

Sagittarius

கடந்த இரண்டு நாட்களாக கணவன்- மனைவிக்குள் இருந்த பிணக்குகள் நீங்கும். இழுபறியாக இருந்த வேலைகள் முடியும். ஆடை, ஆபரணம் சேரும். நட்பு வட்டம் விரியும். வியாபாரத்தில் வேலையாட்கள் ஒத்துழைப்பார்கள். உத்யோகத்தில் புது அதிகாரி உங்களை மதிப்பார். புத்துணர்ச்சி பெருகும் நாள்.

தனுசு

இந்த வாரத்திற்கான உங்கள் ராசி கணிப்புகள்

Sagittarius

இந்த வாரத்திலே உங்களால் கூடுதல் பெறுப்புக்கள் அதிகாரங்கள் தரப்படும் விரும்பியதை அடைய விடா முயற்சி கடின உழைப்பை வெளிப்படுத்துவீர்.

மாற்றம் பற்றிய சிந்தனை அதிகமாகும் தவறதக எடுத்துவிட்ட முடிவை மாற்றிக் கொள்ள முன்வருவீர். உங்களுக்கென்று நேரம் ஒதுக்க முயற்சிப்பீர்.

உடற்பயிற்சி உணவு கட்டுப்பாடு என்று ஆரோக்கியத்துக்கு முக்கியத்துவம் அளிப்பீர். துறை சார்ந்த அறிவை வளர்த்துக்கொள்ள தயாராவீர்.பரிசோதனை செய்து குறைகளை நிறைகளாக்க முனைவீர்.

வரவு செலவு சரிசமமாக இருக்கும். எனினும் வருத்தப்படமாட்டீர். பிறரிடம் நிக்க வேண்டிய கடன் வாங்க வேண்டிய சூழ்நிலை இல்லையே என பெருமிதம் கொள்வீர்.

நல்லவரை சந்தேகப்படுவதோ தீயவரை நம்பிவிடுவதோ நிகழ வாய்ப்பு உண்டு கவனமாக இருக்க வேண்டியது அவசியம் கல்வி பயிலக்கூடியவர்கள் மிகச் சிறப்பாக படித்து ஆசிரியர்கள் பெற்றோரிடததிலே பாராட்டு பெறுவீர்கள்.

உத்தியோகம் செய்பவர்கள் உங்களுடைய பணியினை மிகச்சிறப்பாக செய்து பாராட்டு பெறுவீர்கள். சுயதொழில் வியாபாரம் செய்பவர்கள் தர்மகாரியங்களிலே ஈடுபடுவீர்கள்.

அதிஸ்டமான எண்கள் 3 மற்றும் 9 உங்களுக்கு அதிஸ்டமான நிறங்கள் மஞ்சள் மற்றும் சிவப்பு.

தனுசு

இந்த மாதத்திற்கான உங்கள் ராசி கணிப்புகள் (November 2017)

Sagittarius

இப்போது பெரிய திட்டங்கள் தீட்டுவீர்கள். தினந்தோறும் எதிர்பார்த்து ஏமாந்த தொகை கைக்கு வரும். வெற்றி பெற்ற மனிதர்களின் நட்பு கிடைக்கும். சங்கம், இயக்கம் இவற்றில் பதவிக்கு தேர்ந்தெடுக்கப்படுவீர்கள். அரசாங்கத்தால் ஆதாயம் உண்டு.

பிதுர்வழி சொத்து கைக்கு வரும். தந்தைவழி உறவினர்கள் மத்தியில் மதிப்பு,மரியாதைக் கூடும். நண்பர்கள் வீட்டு விசேஷங்களை முன்னின்று நடத்துவீர்கள்.

பாதியில் நின்ற வீடு கட்டும் பணியை தொடங்க வங்கி லோன் கிடைக்கும். உறவினர்கள் சிலர் உங்களின் அதிரடியான வளர்ச்சியைக் கண்டு பொறாமைப்படுவார்கள். நிலுவையிலிருந்த வழக்கில் சாதகமான தீர்ப்பு வரும்.

சுப நிகழ்ச்சிகளால் வீடு களைக்கட்டும். மனைவிவழியில் நல்ல செய்தி உண்டு. வெளிநாடு செல்ல விசா கிடைக்கும். எதிர்த்தவர்கள் நண்பர்களாவார்கள். முன்னுக்குப் பின் முரணாகப் பேசிக் கொண்டிருந்த நிலை மாறும்.

குழந்தை பாக்யம் கிடைக்கும். பிள்ளைகளின் பிடிவாதம் தளரும். அவர்களின் உடல் நிலை சீராகும். பூர்வீக சொத்துப் பிரச்னைகள் உங்களுக்கு சாதகமாக முடியும். உடன்பிறந்தவர்கள் வலிய வந்து உதவுவார்கள்.

அயல்நாடு தொடர்புடைய நிறுவனத்தில் சிலருக்கு வேலை அமையும். உங்கள் ரசனைக் கேற்ப வீடு, வாகனம் வாங்குவீர்கள். பழைய கடனில் ஒரு பகுதியை பைசல் செய்ய சில உதவிகள் கிடைக்கும்.

வெள்ளிப் பொருட்கள் வாங்குவீர்கள்.அவ்வப்போது வருங்காலத்தைப் பற்றி ஒரு பயம் இருக்கும். யாரையும் நம்பி பெரிய பொறுப்புகளை ஒப்படைக்காதீர்கள். சில முக்கிய விஷயங்களுக்கெல்லாம் நீங்களே சென்று வருவது நல்லது.காலில் அடிப்பட வாய்ப்பிருக்கிறது. சின்ன சின்ன ஏமாற்றங்கள் வரக்கூடும்.

கன்னிப் பெண்களே! காதல் கசந்து இனிக்கும். ஆடை, அணிகலன் சேர்க்கை உண்டு. வியாபாரத்தில் புதுத் தொடர்புகள் கிடைக்கும். நெளிவு, சுளிவுகளை கற்றுக் கொள்வீர்கள்.

உத்யோகத்தில் பதவி உயர்வுக்காக உங்களுடைய பெயர் பரிசீலிக்கப்படும். கலைத்துறையினரே! புகழடைவீர்கள். தயாரிப்பாளர்கள், இயக்குனர்கள் பெருமைப்படும்படி நடந்து கொள்வீர்கள்.

தனுசு

இந்த வருடத்திற்கான உங்கள் ராசி கணிப்புகள் (2017)

Sagittarius

தனுசு ராசிக்காரர்களின் கவனத்திற்கு

மூலம், பூராடம், உத்திராடம் 1

தனக்கென தனி முத்திரை பதிக்கும் தனுசு ராசி அன்பர்களே!

விட்டு கொடுத்து போங்க விடாமுயற்சி பண்ணுங்க! ஆண்டின் தொடக்கத்தில் ராசிக்கு 10ம் இடத்தில் உள்ள குரு செப்.1ல் துலாம் ராசிக்கு மாறுகிறார். அங்கிருந்து 2018 பிப்.13-ல் குரு 12-ம் இடமான விருச்சிக ராசிக்கு மாறுகிறார்.

ராசிக்கு 9-ம் இடமான சிம்மத்தில் உள்ள ராகு, ஜீலை 26-ல் 8-ம் இடமான கடகத்திற்கு பெயர்ச்சியாகிறார். ராசிக்கு 3-ம் இடத்தில் உள்ள கேது, ஜீலை 26-ல் 2-ம் இடமான மகரத்திற்கு செல்கிறார்.

தற்போது 12-ம் இடமான விருச்சிகத்தில் உள்ள சனி டிச.18-ல் உங்கள் ராசிக்கு பெயர்ச்சியாகிறார். இந்த கிரகநிலைகளின் அடிப்படையில் பலனை காண்போம்.

 

ஏப்ரல் 14- ஜீலை 31

குடும்பத்தேவை ஓரளவு நிறைவேறும். முயற்சியில் தடை குறுக்கிடலாம். பெரியோர் ஆலோசனையை ஏற்பது நல்லது. சமூகத்தில் மதிப்பு சுமாராக இருக்கும். கணவன் மனைவியிடையே கருத்து வேறுபாடு உருவாகலாம்.

விட்டுக் கொடுத்தால் மகிழ்ச்சிக்கு குறைவிருக்காது. பணியாளர்கள் பணிச்சுமைக்கு ஆளாக நேரிடும். சிலர் விரும்பாத இடமாற்றம் கிடைக்கப்பெறுவர். தொழில், வியாபாரத்தில் லாபம் சுமாராக இருக்கும்.

வரவு செலவு கணக்கை சரியாக வைத்து கொள்வது நல்லது. கலைஞர்கள் சற்று முயற்சி எடுத்தால் புதிய ஒப்பந்தம் கிடைக்கும். அரசியல்வாதிகள் ஓரளவு முன்னேற்றம் காண்பர்.

விவசாயிகளுக்கு சுமாரான விளைச்சல் கிடைக்கும். கேதுவால் வழக்கு விவாகாரத்தில் சாதகமான தீர்ப்பு கிடைக்கும். மாணவர்கள் ஆசிரியர்களின் வழிகாட்டுதலை ஏற்பது நல்லது. பெண்கள் குடும்பத்தோடு ஆன்மிகச் சுற்றுலா சென்று வருவர்.

 

ஆகஸ்ட் 1- 2018 ஜனவரி

குடும்பத்தினருக்காக எதிலும் விட்டு கொடுப்பது நன்மையளிக்கும். விடாமுயற்சி செய்தால், வசதியான் வீட்டுக்கு குடிபுக வாய்ப்புண்டு. சுபவிஷயத்தில் தடை குறுக்கிட்டு விலகும். பணியாளர்கள் அதிகாரிகளின் ஆதரவால் ஓரளவு சலுகை கிடைக்கப்பெறுவர்.

தொழில், வியாபாரம் காரணமாக அடிக்கடி பயணம் மேற்கொள்ள நேரிடும். அரசு வகையில் அனுகூலமான போக்கு இருக்காது. கலைஞர்களுக்கு எதிர்பார்த்த புகழ், பாரட்டு வந்து சேரும். அரசியல்வாதிகள் பலனை எதிர்பார்க்காமல் பாடுபட வேண்டியதிருக்கும்.

மாணவர்கள் முயற்சிக்கு தகுந்த முன்னேற்றம் காண்பர். விவசாயிகள் நெல், கோதுமை, கேழ்வரகு போன்ற பயிர்கள் மூலம் அதிக மகசூல் காண்பர். பெண்கள் பிள்ளைகளின் நலனுக்காக பாடுபடுவர்.

 

2018 பிப்ரவரி 1-ஏப்ரல் 13

குடும்பத்தில் வீண்செலவு அதிகரிக்கும். கணவன் மனைவி இடையே கருத்துவேறுபாடு உருவாகலாம். சுபவிஷயத்தில் தாமதம் ஏற்படலாம். வீடு, வாகனம் வாங்க கடன் வாங்க நேரிடும்.

பணியாளார்கள் சீரான வளர்ச்சி காண்பர். சம்பள உயர்வு வழக்கம் போல் இருக்கும். தொழில், வியாபாரத்தில் எதிர்பார்த்த லாபம் கிடைக்கும். ஆனால் நிர்வாக செலவு அதிகரிக்கும். அரசு வகையில் நன்மை கிடைக்காது.

கலைஞர்களுக்கு எதிர்பார்த்த புகழ், பாராட்டு கிடைக்காமல் போகலாம். அரசியல்வாதிகள் ஓரளவு வளர்ச்சி காண்பர். பதவி கிடைப்பதில் தாமதம் உண்டாகும். மாணவர்கள் ஆசிரியர்களின் அறிவுரையை ஏற்பது நல்லது.

விவசாயிகள் அதிக செலவு பிடிக்கும் பயிரை தவிர்க்கவும். சொத்து வாங்கும் எண்ணம் தடைபடலாம். பெண்களுக்கு தாய்வீட்டாடின் உதவி கிடைக்கும்.

 

பரிகாரங்கள்

ராகுவுக்கு பாலபிஷேகம், பெருமாளுக்கு துளசி அர்ச்சனை. செல்ல வேண்டிய கோவில் காஞ்சிபுரம் வரதராஜப் பெருமாள்.

மேலும்

ஐபிசி செய்திகளிலிருந்து

மேலும் விளையாட்டுச்செய்திகள்


Loading, Please Wait for a while...