Sri Lanka Tamil News | Tamil News | Online Tamil News | Tamil News Live | தமிழ் செய்திகள் - IBC Tamil

தொடரும் கன மழை: நீர்ப்பாசனத் திணைக்களம் பொதுமக்களுக்கு விடுத்துள்ள எச்சரிக்கை

Dharu — 2026-10-26 01:31:01

இலங்கையிலுள்ள பிரதான ஆறுகளின் நீர்மட்டம் மற்றும் மழைப்பொழிவு நிலவரம் குறித்து நீர்ப்பாசனத் திணைக்களம் இன்று (2026 அக்டோபர் 26 அன்று நள்ளிரவு 12:30 மணி நிலவரப்படி) புதிய தரவுகளை வெளியிட்டுள்ளது.

நாடு முழுவதும் பரவலாக மழை பெய்து வரும் நிலையில், பெரும்பாலான ஆறுகளின் நீர்மட்டம் தற்போது சாதாரண நிலையில் இருந்தபோதிலும், சில குறிப்பிட்ட பகுதிகளில் மட்டும் நீர்மட்டம் அதிகரித்து வருவதால் வெள்ள அபாய எச்சரிக்கை விடுக்கப்பட்டுள்ளது.

அதன்படி கெஹல்கமுக ஓயா மாற்றும், கலு கங்கையின் நீர்மட்டம் அதிகரிக்ககூடும் என திணைக்களம் அறிவித்துள்ளது.

குறிப்பாக நுவரெலியா மாவட்டத்தின் நோர்வூர் பிரதேசம் மற்றும் இரத்தினப்புரி மாவட்டத்தின் கலு கங்கையை அண்டிய பகுதிகள் வெள்ளத்ததால் பாதிக்கப்படும் என தெரிவிக்கப்பட்டுள்ளது.

செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...!

பசில் ராஜபக்சவுக்கு அமெரிக்கா விதித்துள்ள தடை

Dharu — 2026-10-26 01:12:32

சர்வதேச சிவப்பு பிடியாணை பிறப்பிக்கப்பட்ட முன்னாள் நிதியமைச்சர் பசில் ராஜபக்ச தற்சமயம் பெரும் சிக்கலில் உள்ளதாக தெரிவிக்கப்படுகிறது.

இந்த சிவப்பு அறிவித்தல் காரணமாக, இரட்டை குடியுரிமை கொண்ட பசில் அமெரிக்காவில் இருந்து வேறு எந்த நாட்டிற்கும் தப்பிச் செல்ல முடியாதவாறு அமெரிக்காவை விட்டு வெளியேற தடை விதிக்கப்பட்டுள்ளதாக கூறப்படுகிறது.

பசில் ராஜபக்சவிற்கு எதிராக இலங்கையில் 4 நீதிமன்ற பிடியாணை உத்தரவுகள் பிறப்பிக்கப்பட்டுள்ளன.

முறைகேடாகப் பயன்படுத்திய அரசாங்க நிதி

அத்துடன் அரசாங்க நிதியை முறைகேடாகப் பயன்படுத்திய குற்றச்சாட்டின் கீழ், கொழும்பு கோட்டை நீதவான் நீதிமன்றம் அவருக்கு எதிராக திறந்த பிடியாணை மற்றும் இன்டர்போல் மூலம் சர்வதேச சிவப்பு அறிவித்தலை விடுத்துள்ளது.

இந்நிலையில் இலங்கை சட்டமா அதிபர் திணைக்களம் மற்றும் வெளிவிவகார அமைச்சு ஆகியவை அமெரிக்க நீதித்துறை மற்றும் வெளியுறவுத்துறையுடன் இணைந்து அவரை இலங்கைக்கு கொண்டு வருவதற்கான உத்தியோகபூர்வ ஆவணங்களை தயாரித்து வருவதாக தெரிவிக்கப்படுகிறது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

இனவாதத்தை தூண்ட துடிக்கும் கூட்டங்களின் ஒரு இரகசிய சந்திப்பு

Dharu — 2026-10-26 00:45:24

இலங்கையில் விஹாரமஹாதேவி பூங்காவில் முன்னெடுக்கப்பட்ட பௌத்த பிக்குகளின் போராட்டம், மத உரிமைகள் தொடர்பான விவகாரமாக மட்டுமன்றி, அரசியல் அதிகாரம், சட்டத்தின் ஆட்சி, பழைய அரசியல் - குற்றவியல் தொடர்புகள் மற்றும் மக்களின் அடிப்படை உரிமைகள் குறித்த விவாதமாகவும் மாறியுள்ளது.

பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரரை விடுவிக்க ஜனாதிபதி மன்னிப்பு வழங்க வேண்டும் என கோரி முன்னெடுக்கப்பட்ட இந்தப் போராட்டம், அரசாங்கத்திற்கும் போராட்டக்காரர்களுக்கும் இடையிலான அரசியல் முரண்பாடுகளை வெளிப்படுத்தியுள்ளது.

மூன்று பௌத்த பீடங்களின் மகாநாயக்க தேரர்களின் தலையீட்டைத் தொடர்ந்து போராட்டம் தற்காலிகமாக நேற்று இடைநிறுத்தப்பட்டது.

தலைதூக்க துடிக்கும் மதவாத அரசியல்

பலாங்கொடை கஸ்ஸப தேரர் தலைமையிலான போராட்டம், சிறையில் உள்ள பிக்குகள் காவி உடையை அணியும் உரிமை மற்றும் ஞானசார தேரரின் விடுதலை ஆகிய கோரிக்கைகளை முன்வைக்கிறது.

ஆனால், இந்தக் கோரிக்கைகள் தற்போதைய அரசாங்கத்தின் மீது அரசியல் அழுத்தத்தை ஏற்படுத்தும் முயற்சியாகப் பயன்படுத்தப்படுகிறது.

குறிப்பாக, ஜனாதிபதி அநுர குமார திஸாநாயக்க பதவி விலக வேண்டும் அல்லது ஞானசார தேரருக்கு மன்னிப்பு வழங்க வேண்டும் என்ற கோரிக்கை முன்வைக்கப்பட்டு இது தொடரப்பட்டது.

ஒரு மதத் தலைவரின் விடுதலைக்கான கோரிக்கை எவ்வாறு நாட்டின் ஜனாதிபதியின் பதவி விலகலைக் கோரும் அரசியல் அழுத்தமாக மாறியது என்பது இலங்கையின் அரசியலில் தலைதூக்க துடிக்கும் மதவாத அரசியல் பின்புலத்தை எடுத்துக்காட்டுகிறது.

தோல்வியடைந்த மற்றும் ஊழல் குற்றச்சாட்டுகளுக்கு ஆளாகியுள்ள பழைய அரசியல்வாதிகளே தங்களைக் காப்பாற்றிக் கொள்ள இந்தப் போராட்டத்திற்குப் பின்னால் இருந்து நிதியுதவி செய்து இயக்குகிறார்கள் என தெரிவிக்கப்படுகிறது.

வஸ் கவி சர்ச்சை

போராட்டத்தில் கலந்து கொண்டுள்ள சில சாதாரண மக்கள் வறுமையின் காரணமாகவும், பணம் மற்றும் உணவுக்காகவுமே அங்கு அழைத்து வரப்பட்டுப் பயன்படுத்தப்படுகிறார்கள் என்று சில சமூக செயற்பாட்டாளர்கள் விவரித்துள்ளனர்.

தூய்மையான பௌத்த மதத்தின் அடையாளமான காவி உடையை (சீவரத்தை) ஒரு போர்வையாகப் பயன்படுத்திக் கொண்டு, பிக்குகள் என்ற பெயரில் சிலர் அரசியல் சூதாட்டம் ஆடுகிறார்கள்.

பிறருக்குத் தீங்கு விளைவிக்கும் 'வஸ் கவி' (சாபக் கவிதைகளை) எழுதுவதும், பௌத்த தர்மத்திற்குப் புறம்பான செயல்களில் ஈடுபடுவதும் அசிங்கமானது.

இந்நிலையில்தான் போராட்டத்தில் முன்னணியில் இருக்கும் பலாங்கொடை கஸ்ஸப தேரர் கொழும்பிலுள்ள ஐந்து நட்சத்திர ஹோட்டலுக்குச் சென்றது தொடர்பான காணொளி சமூக ஊடகங்களில் விவாதத்தை ஏற்படுத்தியது.

இதற்கு பதிலளித்த தேரர், உடல்நலக்குறைவு காரணமாக பக்தர்களின் ஏற்பாட்டில் தங்குமிடமும் மருத்துவ உதவியும் பெற்றதாக விளக்கமளித்துள்ளார். முன்னாள் அமைச்சர் சரத் வீரசேகரவும் அதே இடத்தில் இருந்ததாக முன்வைக்கப்படும் தகவல் அரசியல் சந்தேகங்களை எழுப்புகிறது.

அந்த ஹோட்டலில் ஒரோ அரைக்குள் இருவரும் குழுவாக சென்று வந்த சிசிரிவி காட்சிகள் மேலும் கேள்விகளை எழுப்புகின்றன. சரத் வீரசேகவை பொருத்தவரையில் ஊடகங்கள் முன் இனவாத வார்த்தைகளால் தனது அரசியல் வாதங்களை விவாதிக்க கூடியவர்.

அச்சுறுத்தல் அல்லது வன்முறை

அப்படியான ஒரு முன்னாள் எம்.பி குற்றத்தண்டனை விதிக்கப்பட்ட, ஒரு தேரருக்கு ஆதரவான போராட்டத்தில் கலந்துக்கொண்ட கஸ்ஸப்ப தேரரை சந்தித்தமை இனவாதத்தை தூண்ட துடிக்கும் செயலின் கலந்துரையாடல் பின்னணியா என்ற ஊகங்களும் எழுப்பப்படுகிறன்றன.

இலங்கையின் அரசியல் வரலாற்றில் பௌத்த பிக்குகள் சமூக மாற்றங்கள், தேசிய அரசியல், மொழிக் கொள்கை மற்றும் மத உரிமைகள் போன்ற விவகாரங்களில் குறிப்பிடத்தக்க பங்காற்றியிருந்தாலும் இனவாதத்தை மதவாதத்தை வெளிப்படுத்தவென்றே சில தரப்பினர் முனைகின்றனர்.

ஜாதிக ஹெல உறுமய, பொதுபல சேனா போன்ற அமைப்புகளின் அரசியல் செல்வாக்கும், பௌத்த மதத் தலைவர்கள் தேர்தல் அரசியலிலும் பொதுக் கொள்கைகளிலும் ஏற்படுத்திய தாக்கமும் இன்றைய விவாதத்திற்கு வரலாற்றுப் பின்னணியை வழங்குகின்றன.

எனினும் மதத் தலைவர்கள் அரசாங்கத்தை விமர்சிப்பதற்கு நல்லென்னங்களின் அடிப்படையில் உரிமையுடையவர்கள். அதேவேளை, மத அதிகாரத்தைப் பயன்படுத்தி அச்சுறுத்தல் அல்லது வன்முறையை நியாயப்படுத்துவது ஏற்றுக்கொள்ள முடியாதது.

தமிழின அழிப்புக்கான நீதிக்கோரிக்கையை புதைத்தொழிக்க முயலும் சோமதேவவின் அறிக்கை!

Theepan — 2026-10-26 00:12:13

யாழ்ப்பாணம் - செம்மணி சித்துப்பாத்தி மனிதப்புதைகுழிகள் பற்றிய பேராசிரியர் ராஜ் சோமதேவ தலைமையிலான தடவியல் தொல்லியல் அகழாய்வு குழுவின் மூன்றாவது இடைக்கால அறிக்கையை முழுமையாக நிராகரிப்பதாகவும் வன்மையாகக் கண்டிப்பதாகவும் மக்கள் செயல் அமைப்பு அறிவித்துள்ளது.

யாழ். ஊடக அமையத்தில் இன்று ஞாயிற்றுக்கிழமை இடம்பெற்ற ஊடக சந்திப்பில் கருத்து தெரிவித்த போதே அமைப்பின் பிரதிநிதிகள் இதனை தெரிவித்துள்ளனர்.

இவ்வறிக்கையில் ஆவணப்படுத்தப்பட்ட பொருள்சார் ஆதாரங்களின் தொகுப்பு, ஆய்வு செய்யப்பட்ட புதைப்புகளின் தன்மை மற்றும் பண்பு குறித்து தனித்து ஒரு உறுதியான முடிவுக்கு வரப் போதுமானதல்ல எனவும் கூறியுள்ளனர்.

ஆயினும் கிடைத்த தொல்பொருட்களும் அவற்றுடன் தொடர்புடைய சூழல்சார் ஆதாரங்களும், உலகின் பிற பகுதிகளில் ஆவணப்படுத்தப்பட்ட மறைமுகப்புதைப்புத் தளங்களைவிட, முறையான புதைப்பு நடைமுறைகளால் வகைப்படுத்தப்படும் சூழல்களுடன் இந்தத் தளம் அதிக ஒற்றுமைகளைக் கொண்டுள்ளது என்பதைச் சுட்டுகின்றன எனவும் தெரிவித்துள்ளனர்.

பேராசிரியர் ராஜ் சோமதேவ’வின் இந்த மூன்றாவது இடைக்கால அறிக்கை, செம்மணி சித்துப்பாத்தி மனித புதைகுழித்தளங்கள், 'முறையான புதைப்பு நடைமுறைகளால் வகைப்படுத்தப்படும் சூழல்களுடன் இந்தத் தளம் அதிக ஒற்றுமைகளைக் கொண்டுள்ள இடுகாடு' என்கிற முன்முடிவுக்குள் மீட்கப்பட்ட மனித எச்சங்களையும், அவற்றின் பின்னால் திரண்டெழுந்த தமிழின அழிப்புக்கான நீதிக்கோரிக்கைகளையும் புதைத்தொழிக்க முயன்றிருக்கின்றது எனவும் கவலை வெளியிட்டுள்ளனர்.

வங்காள விரிகுடாவில் தீவிர புயல் அபாயம்! விடுக்கப்பட்ட எச்சரிக்கை

Dharu — 2026-10-25 23:39:08

வங்காள விரிகுடாவின் ஆழ்கடல் பகுதியில் நிலைகொண்டுள்ள தீவிர காற்றழுத்த தாழ்வு மண்டலம் அடுத்த சில மணி நேரங்களில் கடுமையான புயலாக மாறக்கூடும் என வளிமண்மலவியல் திணைக்களம் எச்சரிக்கை விடுத்துள்ளது.

இது குறித்து திணைக்களம் அவசர சிவப்பு எச்சரிக்கை அறிவிப்பை தொடர்ந்தும் நீடித்துள்ளது.

திணைக்களத்தின் இயற்கை இடர்கள் முன்னெச்சரிக்கை மையத்தினால் வெளியிடப்பட்டுள்ள விசேட அறிக்கையில் பின்வருமாறு கூறப்பட்டுள்ளது.

தீவிர காற்றழுத்த தாழ்வு

மத்திய கிழக்கு மற்றும் அதனை ஒட்டிய தென்கிழக்கு வங்காள விரிகுடா பகுதியில் நிலைகொண்டிருந்த காற்றழுத்த தாழ்வு மண்டலம், தற்போது தீவிர காற்றழுத்த தாழ்வு மண்டலமாக வலுப்பெற்றுள்ளது.

இது மேற்கு மற்றும் வடமேற்கு திசையை நோக்கி நகர்ந்து, அடுத்த சில தினங்களில் கடுமையான புயலாக (Severe Cyclonic Storm) தீவிரமடைய வாய்ப்புள்ளது.

கடுமையான இடியுடன் கூடிய பலத்த மழை

இதன் நேரடி விளைவாக, வரைபடத்தில் சிவப்பு நிறத்தில் குறிக்கப்பட்டுள்ள கடற்பகுதிகளில் காற்றின் வேகம் அவ்வப்போது மணிக்கு 70 கிலோமீட்டர் வரை மிக அதிகரிக்கக்கூடும்.

அத்துடன் இப்பகுதிகளில் கடுமையான இடியுடன் கூடிய பலத்த மழையும் பெய்ய வாய்ப்புள்ளது.

இதனால் கடல் பகுதிகள் கடுமையான கொந்தளிப்புடன் காணப்படும் என எச்சரிக்கப்பட்டுள்ளது.

திடீர் உடல்நலக் குறைவால் நட்சத்திர ஹோட்டலை நோக்கி ஓடிய கஸ்ஸப தேரர்

Dharu — 2026-10-25 23:20:50

கொழும்பு, விகாரமஹாதேவி பூங்காவில் நடைபெற்று வரும் தொடர் சத்தியாக்கிரகப் போராட்டத்தின்போது, தமக்கு ஏற்பட்ட திடீர் உடல்நலக் குறைவு காரணமாகவே நட்சத்திர ஹோட்டல்களுக்குச் சென்றதாக பலாங்கொடை கஸ்ஸப தேரர் தெரிவித்துள்ளார்.

நட்சத்திர ஹோட்டல்களுக்குச் சென்ற பின்னர், மருத்துவக் குழுவினர் வருகை தந்து தமக்குத் தேவையான சிகிச்சைகளை வழங்கியதாகவும் அவர் குறிப்பிட்டுள்ளார்.

ஊடகங்களுக்குக் கருத்துத் தெரிவிக்கும்போதே அவர் இதனைத் தெரிவித்துள்ளார்.

விடுக்கப்பட்ட அழைப்பு

தாம் காய்ச்சலால் பாதிக்கப்பட்டிருந்ததாகவும், ஒரு கட்டத்தில் 102 டிகிரி வரை காய்ச்சல் ஏற்பட்டதாகவும் தெரிவித்த கஸ்ஸப தேரர், போராட்டத்தில் ஈடுபட்டிருந்தவர்களுக்கு வழியில் ஓய்வெடுப்பதற்காகப் பல இடங்கள் ஏற்பாடு செய்யப்பட்டிருந்ததாகக் கூறினார்.

எனினும், சத்தியாக்கிரகப் போராட்டம் நடைபெறும் இடத்திலேயே தொடர்ந்து இருக்க வேண்டும் என்ற நோக்கில், அவ்விடங்களுக்குச் செல்வதைத் தவிர்த்து வந்ததாகவும் அவர் தெரிவித்தார்.

ஆனால், காய்ச்சலுடன் உடல் நடுக்கமும் ஏற்பட்டு மிகவும் சிரமப்பட்டதால், தமக்கு விடுக்கப்பட்ட அழைப்புகளின் பேரில் அந்த இடங்களுக்குச் செல்ல வேண்டிய நிலை ஏற்பட்டதாக அவர் விளக்கமளித்தார்.

பெட்ரோலின் விலை அதிகரிப்பு! IOC நிறுவனத்தின் அறிவிப்பு

Dharu — 2026-10-25 21:14:28

லங்கா IOC நிறுவனம் நேற்று (25) நள்ளிரவு 95 ஒக்டேன் பெட்ரோலின் விலையை அதிகரித்துள்ளது.

அதன்படி, IOC எரிபொருள் நிரப்பும் நிலையங்களில் ஒரு லிட்டர் 95 ஆக்டேன் பெட்ரோலின் புதிய விலை இன்று நள்ளிரவு முதல் ரூ. 495.00 ஆக உயரும் என தெரிவிக்கப்பட்டுள்ளது.

IOC எரிபொருள் நிலையங்கள்

அதன்படி, விலையானது 20 ரூபாய் உயர்த்தப்பட்டுள்ளதாக நிறுவனம் அறிவித்துள்ளது.(பழைய விலை 475)

இந்த விலை திருத்தம் இன்று நள்ளிரவு முதல் அனைத்து IOC எரிபொருள் நிலையங்களிலும் நடைமுறைப்படுத்தப்படும்.

கனடா மீதான வர்த்தக வரிக் கொள்கை! ட்ரம்பை கடுமையாக விமர்சித்த ஒபாமா

Dharu — 2026-10-25 20:01:12

அமெரிக்க ஜனாதிபதி டொனால்ட் ட்ரம்பின் கனடா மீதான வர்த்தக வரிக் கொள்கைகளை அந்நாட்டின் முன்னாள் ஜனாதிபதி பராக் ஒபாமா கடுமையாக விவரித்துள்ளார்.

இந்த நடவடிக்கைகள் பொருட்களின் விலையை உயர்த்துவதுடன் அமெரிக்கப் பொருளாதாரத்திற்கும் பாதிப்பை ஏற்படுத்துவதாகக் குற்றஞ்சாட்டியுள்ளார்.

மிச்சிகன் மாநிலத்தின் டெட்ராய்ட் நகரில் ஜனநாயகக் கட்சி வேட்பாளர்களான அப்துல் எல்-சயீத் மற்றும் ஜோஸ்லின் பென்சன் ஆகியோருக்கு ஆதரவாக நடைபெற்ற தேர்தல் பிரசாரக் கூட்டத்தில் உரையாற்றியபோதே ஒபாமா இவ்வாறு தெரிவித்துள்ளார்.

ட்ரம்பின் அணுகுமுறை

கனடா அமெரிக்காவின் வரலாற்று எதிரி என்ற தொனியில் ட்ரம்பின் அணுகுமுறையை நையாண்டி செய்த ஒபாமா, அமெரிக்காவின் அண்டை நாடான கனடாவை ஓர் அச்சுறுத்தலாகக் கருதுவது அபத்தமானது எனக் குறிப்பிட்டார்.

மேலும், கனடா மக்களின் நட்புணர்வையும் இரு நாடுகளுக்கும் இடையிலான நெருக்கமான உறவையும் சுட்டிக்காட்டிய அவர், கனடா அமெரிக்காவுக்கு மார்ட்டின் ஷோர்ட் போன்ற கலைஞர்களையும் மேப்பிள் சிரப் போன்ற புகழ்பெற்ற உணவுப் பொருட்களையும் வழங்கிய நாடு என நகைச்சுவையாகக் கூறியுள்ளார்.

கனடாவை அமெரிக்காவின் 51ஆவது மாநிலமாக மாற்றுவது குறித்த ட்ரம்பின் கருத்துகளும் கனேடிய மக்களிடையே அதிருப்தியை ஏற்படுத்தியுள்ளதாக ஒபாமா சுட்டிக்காட்டினார்.

மீட்க்கப்பட்ட 40 ஈரானிய மாலுமிகள்! சிறிலங்கா கடற்படையின் விசேட நடவடிக்கை

Jaso — 2026-10-25 19:31:47

காலிக்கு அப்பால் உள்ள கடற்பரப்பில் சிக்கியுள்ள வணிகக் கப்பல்களில் இருந்த 40 ஈரானிய மாலுமிகள், சிறிலங்கா கடற்படையினரால் கரைக்கு கொண்டு வரப்பட்டு ஈரானுக்கு அனுப்பி வைக்கப்பட்டுள்ளனர்.

இந்த வெளிவிவிகார அமைச்சர் விஜித ஹேரத் இதனை உறுதிப்படுத்தியுள்ளார்.

நேற்றுக்காலை 40 ஈரானிய மாலுமிகளும் சிறிலங்கா கடற்படையின் இரண்டு படகுகள் மூலம் கரைக்கு கொண்டு வரப்பட்டு, கொழும்பில் உள்ள தனியார் மருத்துவமனையில் சிகிச்சை அளிக்கப்பட்ட பின்னர், இன்று காலை ஈரானுக்கு அனுப்பி வைக்கப்பட்டுள்ளனர்.

மாலுமிகள் உடல்நலக் குறைபாடுகள்

காலி கடற்கரையிலிருந்து சுமார் 24 கடல் மைல் தொலைவில் இருந்த வணிகக் கப்பல்களில் இருந்த இந்த மாலுமிகள், உடல்நலக் குறைபாடுகள் காரணமாக உதவி கோரியிருந்தனர்.

கொழும்பிலுள்ள ஈரானிய தூதரகம் இந்த மீட்பு நடவடிக்கையை ஏற்பாடு செய்தது. சிறிலங்கா அதிகாரிகள், காலி துறைமுகம் வழியாக இந்த மாலுமிகளை கரைக்குக் கொண்டு வருவதற்கான ஒருங்கிணைப்புப் பணிகளை மேற்கொண்டனர்.

இந்த மீட்பு நடவடிக்கைக்கு வசதி செய்துகொடுத்ததன் மூலம், இலங்கை தனது மனிதாபிமானக் கடமைகளை நிறைவேற்றியுள்ளதாக வெளிவிவகார அமைச்சின் பேச்சாளர் துஷார ரொட்ரிகோ ஏஎவ்பி செய்தி நிறுவனத்திடம் தெரிவித்தார்.

மனிதாபிமானக் கடமை

“நாங்கள் இந்த இடமாற்றத்தை ஒருங்கிணைத்து, எங்களது மனிதாபிமானக் கடமைகளைச் செய்துள்ளோம்” என்று கூறிய ரொட்ரிகோ, இந்த நடவடிக்கைகளுக்கான செலவுகளை ஈரான் தூதரகமே ஏற்றுக்கொண்டதாகவும் குறிப்பிட்டார்.

இலங்கை கடல் எல்லைக்கு அருகில் ஈரானிய வணிகக் கப்பல்கள் தொடர்ந்து நிலை கொண்டுள்ள சூழலில் இந்தச் சம்பவம் நடந்துள்ளது. அமெரிக்காவின் முற்றுகை மற்றும் தடைகள் காரணமாக, இந்தக் கப்பல்களால் தங்கள் சொந்த நாட்டுத் துறைமுகங்களுக்குத் திரும்ப முடியாமல் உள்ளதாக கூறப்படுகிறது.

இந்த எண்ணெய் தாங்கி கப்பல்கள், இலங்கையின் 12 கடல் மைல், பிராந்திய எல்லைக்கு அப்பால், அனைத்துலக கடல் பகுதியில் நிலை கொண்டுள்ளதாக இலங்கை அதிகாரிகள் தெரிவிக்கின்றனர்.

இந்தக் கப்பல்களைக் கண்காணிப்பதற்காக, உளவு விமானங்களும் கடற்படை ரோந்துப் படகுகளும் பணியமர்த்தப்பட்டுள்ளதாகப் பாதுகாப்புத்துறை அதிகாரிகள் தெரிவித்துள்ளனர்.

யேமான் அரச படைகளின் நகர்வு! தொடர்ந்து தாக்கி கொழல செய்யப்படும் ஹவுதிக்கள்

Dharu — 2026-10-25 19:23:21

ஈரான் ஆதரவு பெற்ற தாக்குதல் அமைப்பான ஹவுதிக்களுக்கு எதிராக நடத்தப்பட்ட தாக்குதலில் 218 ஹவுதி அமைப்பினர் கொல்லப்பட்டுள்ளதாக யேமன் அரசாங்கப் படைகள் தெரிவித்துள்ளன.

கடந்த 24 மணி நேரத்தில் 750-க்கும் மேற்பட்ட நடவடிக்கைகள் மூலம் இந்த முறியடிப்பு மேற்கொள்ளப்பட்டதாகவும் தெரிவிக்கப்படுகிறது.

மேலும், 78 வாகனங்களை அழித்ததாகவும் அல்லது செயலிழக்கச் செய்ததாகவும் யேமன் அரசாங்கப் படைகள் தெரிவித்துள்ளன.

விநியோக வழிமுறை

முன்னேறிய களக் கட்டளை மற்றும் கட்டுப்பாட்டு மையங்கள், ஆளும் அமைப்புகள், கோட்டைகள், தாக்குதல் மூலங்கள், கூட்டங்கள், போராளிக் குழுக்களின் வலுவூட்டல்கள் மற்றும் அவற்றின் நகர்வு மற்றும் விநியோக வழிமுறைகள் ஆகியவற்றை இந்த நடவடிக்கைகள் குறிவைத்தன என்று யேமன் ஆயுதப் படை தரப்புக்கள் கூறியுள்ளன.

அத்தோடு நேற்றைய தினம் இடம்பெற்ற தாக்குதலில் 300 ஹவுதி உறுப்பினர்களை ஒரே நாளில் தாக்கி கொலை செய்ததாக யேமன் அரசாங்கப் படைகள் தெரிவித்துள்ளமை குறிப்பிடத்தக்கது.

Torontoமேயர் தேர்தல்! பிராட் பிராட்ஃபோர்ட்டுக்கு தமிழ் மக்கள் மத்தியில் பெரும் ஆதரவு

Independent Writer — 2026-10-25 17:58:00

கனடா - Toronto மேயர் தேர்தலில் போட்டியிடும் பிராட் பிராட்ஃபோர்ட் (Brad Bradford), வரிச்சலுகைகள், வாழ்க்கைச் செலவைக் குறைத்தல் மற்றும் நகரப் பாதுகாப்பை மேம்படுத்துதல் உள்ளிட்ட வாக்குறுதிகளுடன் தேர்தல் களத்தில் இறங்கியுள்ளார்.

மேயராகத் தெரிவுசெய்யப்பட்டால் நிலப் பரிமாற்ற வரியைக் குறைப்பதற்கான அல்லது நீக்குவதற்கான நடவடிக்கைகள், முதல் ஆண்டில் சொத்து வரியை உயர்த்தாமல் வைத்திருத்தல் மற்றும் 1,000 புதிய காவல்துறை அதிகாரிகளை நியமித்தல் உள்ளிட்ட திட்டங்களை அவர் முன்வைத்துள்ளார்.

பிராட் பிராட்ஃபோர்ட்டுக்கு ஆதரவளிக்கும் தமிழ் செயற்பாட்டாளர்கள், அவரது தேர்தல் வாக்குறுதிகள் தமிழ் மக்களின் அன்றாட வாழ்க்கைச் செலவுகள் மற்றும் நகரப் பாதுகாப்பு தொடர்பான கவலைகளுக்குத் தீர்வுகளை வழங்கக்கூடும் எனத் தெரிவித்துள்ளனர்.

நகராட்சி நிதி நிர்வாகம்

மேலும், நகராட்சி நிதி நிர்வாகம் மற்றும் மாநகரசபை உறுப்பினர்களின் ஊதிய உயர்வு தொடர்பான விவகாரங்களிலும் அவரது ஆதரவாளர்கள் கருத்துகளை முன்வைத்துள்ளனர்.

தேர்தல் களத்தில் நாளுக்கு நாள் பிராட் பிராட்ஃபோர்ட்க்கான ஆதரவு அதிகரித்து வரும் நிலையில் கருத்துக் கணிப்புக்களில் பிராட் பிராட்ஃபோர்ட் ஏற்கனவே முன்னணி வகிக்க ஆரம்பித்துவிட்டார் என கூறப்படுகிறது.

ஒரு சாதாரண குடும்பத்தில் பிறந்து வளர்ந்தவரான பிராட் பிராட்ஃபோர்ட் மேயராக பதவியேற்றதும் நிலப் பரிமாற்ற வரியை நீக்குவதாக உறுதியளித்தமை வாக்காளர் மத்தியில் ஆதரவை அதிகரித்துள்ளதாக கருத்துக்கணிப்புகள் தெரிவிக்கின்றன. அதன்மூலம் குடியிருப்பாளர் 18,000 டொலர்கள் வரை சேமிக்க முடியும்.

மேலும் தண்ணீர்க் கட்டணத்தில் மாற்றங்களோடு, பதவியேற்ற முதல் ஆண்டில் சொத்து வரியை உயர்த்தாமல் வைத்திருப்பதாகவும் தேர்தல் உறுதிமொழியில் கூறியுள்ளார்.

கடந்த மேயர் ஆட்சிக் காலத்தில் நகரின் பாதுகாப்பு மோசமடைந்திருப்பதைச் சுட்டிக் காட்டிய அவர், அதிரடியாக 1,000 காவல்துறை அதிகாரிகளை நியமிக்கும் தனது எண்ணத்தையும் கோடிட்டுக் காட்டியுள்ளார்.

அதிகரித்து வரும் செலவீனங்கள்

அதிகரித்து வரும் செலவீனங்களால் மக்கள் படும் சிரமங்கள் குறித்த கவலை எதுவுமில்லாமல் மேயர் ஒலிவியா சோ நிதி விரயங்களை செய்வதாகவும் குற்றச்சாட்டுக்கள் எழுந்துள்ளன.

குறிப்பாக Toronto மாநகரசபை உறுப்பினர்களுக்கு 2025ஆம் ஆண்டு மேயர் ஒலிவியா சோவால் 24வீத சம்பள உயர்வு வழங்கப்பட்டதை Toronto மக்கள் ஆதரிக்கவில்லை.

இந்நிலையில் மக்களோடு மக்களாக ஊதிய உயர்வை எதிர்த்தவர்களில் பிராட் பிராட்ஃபோர்ட் ஒருவராக மக்கள் தனது கருத்துக்கள் மூலம் வெளிப்படுத்தியுள்ளனர்.

இதன்படி Torontoவுக்கான நகராட்சித் தேர்தல் திங்கள் கிழமை ஒக்டோபர் 26ந்திகதி காலை 10 மணி முதல் மாலை 8 மணி வரை நடைபெறவுள்ளது.

இந்நிலையில் Torontoவின் எதிர்கால நிர்வாகத்தைத் தீர்மானிக்கும் இந்தத் தேர்தலில் தமிழ் மக்களின் பங்கேற்பும் வாக்குகளும் முக்கியத்துவம் பெறுவதாக ஆதரவாளர்கள் சுட்டிக்காட்டுகின்றனர்.

ட்ரம்பின் தேர்தல் நகர்வுக்கு மத்தியில் அமெரிக்க - இஸ்ரேல் உறவில் விரிசல்

Dharu — 2026-10-25 17:45:58

ஈரான் விவகாரம் குறித்த ட்ரம்பின் கருத்து சர்வதேசத்தில் பெரும் அதிர்வலைகளை தூண்டியுள்ள நிலையில் அமெரிக்க-இஸ்ரேல் உறவில் விரிசல்கள் தோன்றியுள்ளதாக சர்வதேச வல்லுனர்கள் விவரித்துள்ளனர்.

இஸ்ரேலிய இராணுவம் கட்டாருக்குள் இருந்த இலக்குகளைத் தாக்கிய விவகரத்தில் இரு நாடுகளுக்கும் இவ்வாறு விரிசல் உறுவாகியுள்ளதாக மத்திய கிழக்கு ஊடக செய்திகளில் விவரிக்கப்படுகிறது.

ஈரானுக்கு எதிராகப் போரைத் தொடங்க இரு நாடுகளும் முடிவு செய்தபோது, அமெரிக்க அரசாங்கம் இஸ்ரேலை ஆதரித்து.

ட்ரம்ப் வெளியுறவுக் கொள்கை

எனினும் அமெரிக்க ஜனாதிபதி டொனால்ட் ட்ரம்ப் வெளியுறவுக் கொள்கையைச் செயல்படுத்தும்போது அதிகளவில் தனிப்பட்ட அரசியல் செய்வதாக கூறப்படுகிறது.

மேலும் இஸ்ரேலியப் பிரதமர் பெஞ்சமின் நெதன்யாகு மீதான விமர்சனங்களையும் வெளியிட்டிருந்தார்.

இந்நிலையில் கட்டாருக்குள் இருந்த இலக்குகளைத் தாக்கிய விவகாரம் அமெரிக்க தரப்பை மிகவும் கோபப்படுத்தியது.

அவர், அமெரிக்கா ஒரு மதிப்புமிக்க சகாவாக கருதும் ஒரு நாட்டின் மீதான தாக்குதலுக்காக, கட்டார் மன்னரிடம் தனிப்பட்ட முறையில் மன்னிப்புக் கேட்குமாறு பிரதமரைக் கட்டாயப்படுத்தினார் .

போர்க்களத்தில் இருகால்களையும் இழந்து 491 நாட்கள் தவித்த உக்ரைன் வீரர் : ராட்சத ட்ரோன் மூலம் மீட்பு

Jaso — 2026-10-25 16:28:40

போர்க்களத்தில் தனது இரு கால்களையும் இழந்து 491 நாட்கள் தவித்த உக்iரனிய வீரர் ஒருவர், ராட்சத ட்ரோன் மூலம் பாதுகாப்பாக மீட்கப்பட்ட சம்பவம் இராணுவ தரப்பில் பெரும் அதிசயமாக நோக்கப்படுகிறது.

உக்ரைனின் 30வது மெஷினரி படைப்பிரிவு வீரர் கான்ஸ்டான்டின் விளாசென்கோ (49) என்ற வீரரே மிகவும்பாதுகாப்பாக மீட்கப்பட்டவராவார்.

வரலாற்றிலேயே முதன்முறை

வரலாற்றிலேயே முதன்முறையாக ஒரு ட்ரோன் மூலம் வான்வழியாக உயிருடன் மீட்கப்பட்டவரும் அவரே என்று கூறப்படுகிறது.

ஜூன் 2025 இல், கார்கிவ் பிராந்தியத்தில் உள்ள குபியான்ஸ்க் அருகே வெர்டன் எனும் போர் முனைக்கு அவர் அனுப்பப்பட்டார். அங்கு அவருடன் இருந் சக வீரர் பெப்ரவரி 2026 இல் நடந்த ரஷ்ய ட்ரோன் தாக்குதலில் கொல்லப்பட்டார்.

இந்த தாக்குதலில் விளாசென்கோ தனது இடது காலை இழந்திருந்தார். வலது காலும் படுகாயமடைந்த நிலையில் தொற்று ஏற்பட்டு உடலில் பரவிவிட கூடாது என்பதற்காக தன் வலது காலை அவரே கத்தியால் வெட்டிக் கொண்டார்.

சிறிய குழியில் சுமார் 8 மாதங்களாக தஞ்சம்

தனித்து விடப்பட்ட விளாசென்கோ, ரஷ்ய குண்டுவீச்சில் இடிந்து விழுந்த ஒரு பழைய பள்ளிக் கட்டிடத்தின் பாய்லருக்கு அடியில் 80க்கு 60 சென்டிமீட்டர் மட்டுமே அளவுள்ள ஒரு சிறிய குழியில் சுமார் 8 மாதங்களாக தஞ்சம் புகுந்திருந்தார்.

முக்கியமான போர் முனை என்பதால் ரஷ்ய ட்ரோன்கள் அவர் இருந்த பகுதியை தொடர் கண்காணிப்பில் வைத்திருந்தன. எனவே தரைவழியாக அவரை மீட்பது உக்ரைன் இராணுவத்துக்கு சாத்தியமற்றதாக இருந்தது. அவரைக் காப்பாற்ற அனுப்பப்பட்ட இரண்டு தரைவழி ரோபோக்களும் தாக்குதலில் அழிக்கப்பட்டன.

கார்கிவ் நகரில் உள்ள மருத்துவமனையில் சிகிச்சை

இதனால், உக்ரைன் இராணுவம் சிறிய ட்ரோன்கள் மூலம் அவருக்கு உணவு, தண்ணீர், மருந்துகள் அனுப்பி வந்தது. பொழுதுபோக்கிற்கு வாசிக்க ஒரு ஸ்டீபன் கிங் நாவலையும் அனுப்பியுள்ளது.

இறுதியாக ஒக்டோபர் 4 அன்று, மனித எடையைச் சுமக்கும் திறன் கொண்ட Ayudag 6 என்ற ராட்சத ட்ரோனை உக்ரைன் இராணுவம் அனுப்பி வைத்தது. அதில் கட்டப்பட்ட சிறப்பு கயிற்றில் கான்ஸ்டான்டின் தன்னை இணைத்துக்கொண்டார். அந்த ட்ரோன் வான்வழியே சுமார் 70 மீட்டர் உயரத்திற்கு அவரை தூக்கிக்கொண்டு, 15 கிலோமீட்டர் தூரம் பயணித்து பத்திரமான இடத்திற்கு கொண்டு வந்து சேர்த்தது.

போர் வரலாற்றிலேயே, காயமடைந்த ஒரு இராணுவ வீரர் போர்முனையில் ட்ரோன் மூலமாக வெற்றிகரமாக மீட்கப்பட்டது இதுவே முதல் முறையாகும். தற்போது அவர் கார்கிவ் நகரில் உள்ள மருத்துவமனையில் சிகிச்சை பெற்று வருகிறார்.

கொட்டும் மழையிலும் தையிட்டியில் காணி விடுவிப்புக்கான போராட்டம்

Theepan — 2026-10-25 15:36:14

தையிட்டி சட்டவிரோத விகாரை அமைந்துள்ள தமது காணிகளை மீளக் கையளிக்கக் கோரி காணி உரிமையாளர்கள் இன்றைய தினம் ஞாயிற்றுக்கிழமை இரண்டாவது நாளாகவும் போராட்டத்தில் ஈடுபட்டனர்.

குறித்த விகாரை அமைந்துள்ள காணி மற்றும் அதனைச் சூழவுள்ள காணிகளான தனியார் காணிகளை காணி உரிமையாளர்களிடம் மீளக் கையளிக்க வேண்டும் என காணி உரிமையாளர்கள் ஒவ்வொரு பௌர்ணமி தினத்திலும் போராட்டத்தை முன்னெடுத்து வருகின்றனர்.

இரண்டு நாட்கள் போராட்டம்

இந்நிலையில், நேற்றைய தினம் சனிக்கிழமை ஆரம்பித்த போராட்டம் இன்றைய தினம் ஞாயிற்றுக்கிழமை மாலை வரையில் கொட்டும் மழைக்குள்ளும் இரண்டு நாட்கள் முன்னெடுக்கப்பட்டது.

குறித்த போராட்டமானது 42ஆவது பௌர்ணமி தினமாக முன்னெடுக்கப்பட்டமை குறிப்பிடத்தக்கது.

பௌர்ணமி தினத்தில் யாழில் இடம்பெற்ற கைது

Theepan — 2026-10-25 15:12:34

யாழ்ப்பாணம், கொக்குவில் தொடருந்து நிலையத்திற்கு அருகிலுள்ள வீடொன்றில், நிலத்திற்குள் சாராய போத்தல்களை புதைத்து வைத்து இரகசியமாக விற்பனை செய்ததாக சந்தேகிக்கப்படும் நபர் ஒருவர் யாழ்ப்பாண காவல்துறையினரால் கைது செய்யப்பட்டுள்ளார்.

பௌர்ணமி தினமான இன்று (25) ஞாயிற்றுக்கிழமை, யாழ்ப்பாண தலைமை காவல் நிலைய பொறுப்பதிகாரி பாலித செனவிரத்தினவிற்கு கிடைத்த இரகசிய தகவலின் அடிப்படையில் காவல்துறையினர் குறித்த வீட்டில் சோதனை மேற்கொண்டனர்.

கிடங்கு வெட்டி மதுபான போத்தல்களை புதைப்பு

இதன்போது, வீட்டின் பின்புறத்தில் கிடங்கு வெட்டி, அதற்குள் மதுபான போத்தல்களை புதைத்து வைத்திருந்தமை கண்டுபிடிக்கப்பட்டுள்ளது.

மேலும், புதைக்கப்பட்ட போத்தல்களை வெளியே எடுத்து விற்பனை செய்வதற்காக கிடங்கில் சிறிய துளையொன்றும் அமைக்கப்பட்டிருந்ததாக தெரிவிக்கப்படுகிறது.

சோதனையின்போது 187.5 மில்லிலீற்றர் கொள்ளளவுடைய 45 சாராய போத்தல்கள் காவல்துறையினரால் கைப்பற்றப்பட்டுள்ளன. கைது செய்யப்பட்ட சந்தேகநபரை காவல் நிலையத்தில் தடுத்து வைத்து மேலதிக விசாரணைகளை காவல்துறையினர் முன்னெடுத்து வருகின்றனர்.

காவல்துறையால் கைது செய்யப்பட்ட இளம் குடும்பஸ்தர் கொடூரமாக தாக்கி படுகொலை : உறவினர்கள் குற்றச்சாட்டு

Jaso — 2026-10-25 14:34:11

போதைப்பொருள் குற்றச்சாட்டின் பேரில் இன்று (25)காலை ஹோமாகம காவல்துறை அதிகாரிகளால் கைது செய்யப்பட்டு சிறையில் அடைக்கப்பட்ட இளைஞர் ஒருவர் கொடூரமாகத் தாக்கிக் கொல்லப்பட்டதாக அவரது உறவினர்கள் குற்றம் சாட்டுகின்றனர்.

இறந்தவர், கிரிவத்துடுவ, முனமலேவத்த எனும் இடத்தைச் சேர்ந்த, ஒரு குழந்தைக்குத் தந்தையான 29 வயது இஷாரா ஹர்ஷ குமார ஆவார்.

காவல்துறை அதிகாரிகளின் தாக்குதலால் உயிரிழப்பு

கைது செய்யப்பட்ட இளைஞரின் உறவினர்கள் குழு ஒன்று ஹோமாகம பிரதம காவல் நிலையத்திற்கு சென்றபோது, குற்றப் புலனாய்வுப் பிரிவுக்கு அழைத்துச் செல்லப்பட்ட அந்த இளைஞர், நான்கு காவல்துறை அதிகாரிகளுடன் திரும்பி வந்ததாகவும், காவல்துறை அதிகாரிகளின் தாக்குதலின் விளைவாகவே அந்த இளைஞர் உயிரிழந்ததாகவும் உறவினர்கள் குற்றம் சாட்டுகின்றனர்.

உறவினர்களின் வேண்டுகோளுக்கு இணங்க, காவல்துறை சிறையில் இருந்த அந்த இளைஞரை ஹோமாகம ஆதார மருத்துவமனையில் சேர்க்க ஹோமகம காவல்துறை நடவடிக்கை எடுத்தபோதிலும், அவர் ஏற்கனவே இறந்துவிட்டதாக உறவினர்கள் கூறுகின்றனர்.

எனவே, தங்கள் இறந்த உறவினருக்கு இழைக்கப்பட்ட அநீதிக்கு நீதி வழங்கப்பட வேண்டும் என்று அவர்கள் கோருகின்றனர்.

ஹோமாகம ஆதார மருத்துவமனை வளாகத்தில் பதற்றம்

ஹோமாகம ஆதார மருத்துவமனை வளாகத்தில் இறந்த குடும்பஸ்தரின் உறவினர்கள் தகாத முறையில் நடந்துகொண்டதால், அருகிலுள்ள காவல் நிலையங்களிலிருந்து மேலதிக காவல்துறையினரை மருத்துவமனை வளாகத்திற்கு வரவழைக்க காவல்துறை நடவடிக்கை எடுத்திருந்தது.

இதன் காரணமாக, அந்த இடத்தில் மிகவும் பதற்றமான சூழல் ஏற்பட்டது.

ஹோமாகம காவல்துறை கண்காணிப்புப் பிரிவின் சிரேஷ்ட அதிகாரி ஒருவர், சம்பந்தப்பட்ட குற்றச்சாட்டு மறுக்கப்படுவதாகவும், இது தொடர்பாக ஒரு உதவி காவல்துறை கண்காணிப்பாளரின் மேற்பார்வையில் விசாரணை நடத்தப்படும் என்றும் கூறினார்.

விகாரமஹாதேவி சத்தியாக்கிரக போராட்டம் கைவிடப்பட்டது

Jaso — 2026-10-25 13:55:04

ஞானசார தேரரை விடுதலை செய்யுமாறு கோரி விகாரமஹாதேவி பூங்காவில் தேரர்களால் முன்னெடுக்கப்பட்டு வந்த சத்தியாக்கிரக போராட்டம் கைவிடப்பட்டுள்ளது. உலப்பனை சுமங்கல தேரர் இன்று (25) இந்த விடயத்தை தெரிவித்துள்ளார்.

மூன்று பீடங்களின் மகாநாயக்க தேரர்கள் வழங்கிய எழுத்துமூல ஆலோசனையின் அடிப்படையில் இந்த சத்தியாக்கிரகம் கைவிடப்பட்டுள்ளதாக அவர் குறிப்பிட்டுள்ளார்.

மகாநாயக்க தேரர்கள் தலையீடு செய்வதாக வழங்கிய உறுதி

ஞானசார தேரரின் விடுதலை தொடர்பான விவகாரத்திலும் மகாநாயக்க தேரர்கள் தலையீடு செய்வதாக வழங்கிய உறுதியின் அடிப்படையில், தாம் முன்னெடுத்து வரும் இந்த சத்தியாக்கிரகத்தை நிறைவுக்கு கொண்டு வருவதாக உலப்பனை சுமங்கல தேரர் தெரிவித்துள்ளார்.

அமெரிக்காவின் ஆளில்லா விமானத்தை சுட்டு வீழ்த்தியது ஈரான்

Jaso — 2026-10-25 13:38:27

ஈரான் தனது வான் பாதுகாப்பு அமைப்புகளைக் கொண்டு அமெரிக்காவின் லூகாஸ் (LUCAS) ஆளில்லா விமானம் ஒன்றைச் சுட்டு வீழ்த்தியுள்ளது.

அந்நாட்டின் அப்பாஸ் நகரின் மீது பறந்து கொண்டிருந்த ஆளில்லா விமானத்தை இந்தத் தாக்குதல் குறிவைத்ததாக ஈரானின் அரை அரசு செய்தி நிறுவனமான தஸ்னிம் செய்தி நிறுவனம் தகவலை வெளியிட்டுள்ளது.

புலம்பெயர் தமிழர்களைக் கண்டு அஞ்சும் அரசாங்கம்...!

Shalini Balachandran — 2026-10-25 13:37:59

தற்போதைய அரசாங்கம் புலம்பெயர் தமிழர்களை கண்டு அஞ்சுவதாக மருத்துவரும் சமூகச் செயற்பாட்டாளருமான உதயசீலன் கற்கண்டு தெரிவித்துள்ளார்.

ஐபிசி தமிழ் நேர்காணலில் கலந்துகொண்டு கருத்து தெரிவிக்கும் போதே அவர் இதனை தெரிவித்துள்ளார்.

இது தொடர்பில் மேலும் தெரிவித்த அவர், “புலம்பெயர் தமிழர்கள் அவரவர் நாடுகளில் உள்ள தூதரங்கங்களின் ஊடாக தமிழ் மக்களின் இந்த விசாரணைகள் குறித்து தமது அழுத்தங்களை பிரயோகிக்க வேண்டும்.

காரணம், பொருளாதார ரீதியிலும் கட்டமைப்பின் அடிப்படையிலும் புலம்பெயர் தமிழர்களின் பலம் யானையின் பலம்.

சட்டம் மூலமாக தமிழ்களுக்கான விசாரணைகள் மற்றும் தீர்வுகளை காணுவதை விட புலம்பெயல் ராஜதந்திரிகள் ஊடாக நகர்ந்தால் மாத்திரமே நீதி கிடைக்கும்” என அவர் தெரிவித்துள்ளார்.

மேலும் தற்போதைய செம்மணி விசாரணை, தமிழ் மக்களின் அரசியல் தீர்வு, தமிழ் மக்களின் அடுத்த கட்ட அரசியல் நகர்வு மற்றும் பலதரப்பட்ட விடயங்கள் தொடர்பில் அவர் தெரிவித்த கருத்துக்களுடன் வருகின்றது கீழுள்ள காணொளி,

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

சிறைச்சாலைகளில் நெரிசலைக் குறைக்க பத்து புதிய சட்டங்கள் அறிமுகம்

Jaso — 2026-10-25 13:35:55

சிறைச்சாலைகளில் நெரிசலைத் குறைப்பதற்காக சுமார் பத்து புதிய சட்டங்கள் அறிமுகப்படுத்தப்பட்டுள்ளன என்று நீதி மற்றும் தேசிய ஒருமைப்பாட்டு அமைச்சரும் சட்டத்தரணியுமான ஹர்ஷன நாணயக்கார தெரிவித்தார். போதைப் பொருட்கள் தொடர்பான அரசாங்கப் பகுப்பாய்வாளர் அறிக்கைகளை இரண்டு மாதங்களுக்குள் வழங்க வேண்டும் என்று விதிக்கும் புதிய சட்டம் சிறப்பு வாய்ந்தது என்றும் அவர் கூறினார்.

இந்த புதிய சட்டங்கள், விஷம், அபின் மற்றும் அபாயகரமான மருந்துகள் சட்டத்தில் செய்யப்பட்ட திருத்தங்கள் மூலம் அறிமுகப்படுத்தப்பட்டுள்ளன.

அரசாங்கப் பகுப்பாய்வாளர் திணைக்களம்

இதற்கிடையில், அரசாங்கத்தால் செயல்படுத்தப்பட்ட புதிய வழிமுறையின் கீழ், அனைத்துப் பகுப்பாய்வாளர் அறிக்கைகளையும் ஜனவரி 31, 2027-க்குள் மூன்று (03) மாதங்களுக்குள் வழங்கும் உத்தியோகபூர்வ இலக்கை அடைய அரசாங்கப் பகுப்பாய்வாளர் திணைக்களம் செயல்பட்டு வருகிறது.

முன்னதாக, பகுப்பாய்வாளர் அறிக்கைகளைப் பெற ஒரு வருடத்திற்கும் மேலாக ஆனது. புதிய அமைப்புமுறையின் மூலம், கடந்த சில மாதங்களில் மட்டும் 17,500-க்கும் மேற்பட்ட அறிக்கைகள் விரைவாக வழங்கப்பட்டுள்ளன.

அறிக்கைகள் வழங்குவதில் ஏற்படும் தாமதங்களால், சந்தேக நபர்கள் பிணை பெற முடியாமல் சிறையில் இருக்க வேண்டிய காலம் இதனால் கணிசமாகக் குறைக்கப்பட்டுள்ளது.

வெற்றிடங்களை விரைவாக நிரப்ப நடவடிக்கை

இது தொடர்பாக மேலும் கருத்து தெரிவித்த அமைச்சர், இந்த இலக்குகளை அடைவதற்காக, அரசுப் பகுப்பாய்வாளர் துறையில் உள்ள வெற்றிடங்களை விரைவாக நிரப்ப நடவடிக்கை எடுக்கப்படும் என்று கூறினார்.

மேலும், அத்துறைக்குத் தேவையான உபகரணங்கள் மற்றும் வசதிகளை வழங்கவும் நடவடிக்கை எடுக்கப்படும் என்று அவர் கூறினார். பகுப்பாய்வாளர் அறிக்கைகளை விரைவுபடுத்தியதன் காரணமாக, இரண்டு மாதங்களில் 5,000 பேர் சிறையிலிருந்து விடுவிக்கப்பட்டுள்ளதாகத் தெரிவிக்கப்பட்டுள்ளது.

அகதிகள் மறுவாழ்வு பெயரில் நிதி வசூல்: கனடியன் பேரவை - J.M.S அமைப்புக்களுக்கு எச்சரிக்கை

Bavan — 2026-10-25 12:56:45

இந்தியாவில் அகதிகளாக இருக்கும் இலங்கை தமிழ் மக்களை மீள இலங்கைக்கு கொண்டு வருவதாக கனடியன் பேரவை அமைப்பு மற்றும் ஜ.எம்.எஸ் என்ற அமைப்பு, அதற்கான திட்டம் இல்லாது இரு நாட்டு அரசுகளுடன் பேசாது ஒரு உத்தரவாதம் இன்றி மக்களிடம் பணம் வசூலித்து வருவதாக சுட்டிக்காட்டப்பட்டுள்ளது.

ஈரோஸ் கட்சியின் தலைவர் இராஜநாதன் பிரபாகரன் இந்த விடயத்தை தெரிவித்துள்ளார்.

எனவே இந்த அமைப்புகள் பணம் வசூலிப்பதை உடன் நிறுத்த வேண்டும் எனவும் வசூலித்த பணம் எவ்வளவு என உடன் அறிவிக்க வேண்டும் எனவும் அவர் வலியுருத்தியுள்ளார்.

முகாம்களுக்கும் விஜயம்

மட்டக்களப்பு வொய்ஸ் ஒப் மீடியாவில் நேற்று (24-10-2026) இடம்பெற்ற ஊடக மாநாட்டில் கருத்து தெரிவிக்கும் போதே அவர் இதனை தெரிவித்துள்ளார்.

இது தொடர்பில் மேலும் தெரிவித்த அவர்,

“இந்தியாவில் அகதிகளாக இருக்கும் இலங்கை தமிழ் மக்களை மீள இலங்கைக்கு கொண்டு வருவதாக கனடாவில் கனடியன் பேரவை அமைப்பு மற்றும் ஜ.எம்.எஸ் என்ற அமைப்பு பணம் வசூலித்து வருவது தொடர்பாக சில சர்ச்சைகள் இடம்பெற்று வருகின்றது.

இது தொடர்பாக இந்தியா திருச்சி மற்றும் புலால் முகாம்களில் உள்ள மக்கள் தாங்கள் தாய் நாட்டுக்கு வரப்போகின்றோம் அதற்கான ஆயத்தங்கள் செய்து தருமாறு என்னுடன் தொடர்பு கொண்டு கோரியுள்ளனர்.

இதற்கமைய எதிர்வரும் மாதம் இந்தியாவுக்கு குழு ஒன்றுடன் செல்லவுள்ளேன் அப்போது அனைத்து முகாம்களுக்கும் விஜயம் மேற்கொள்ளவுள்ளேன்.

கனடியன் பேரவை

இந்த நிலையில் கனடியன் பேரவை அமைப்பு மற்றும் ஜ.எம்.எஸ் என்ற அமைப்பும் பாதயாத்திரையாக சென்று பணம் வசூலிக்கின்றனர் இது கனடாவில் மாத்திரம் அல்ல பல ஐரோப்பிய நாடுகளில் இவ்வாறு பணம் வசூலித்து வருகின்றனர்

இந்த அமைப்புகள் பணம் வசூலிப்பதை பாராட்டுகின்றோம் இந்தியாவில் அகதிகளாக இருக்கும் மக்களை மீளக் குடியமர்த்துவது நல்ல விஷயம் ஆனால் அதற்கான திட்டமிடல் இருக்கிறது அந்த திட்டத்தை வெளிப்படுத்தியதா ? இலங்கை அரசுடன் அல்லது இந்திய அரசுடன் பேசினார்களா ? யார் உத்தரவாதம் தந்தார்கள் ? இவைகள் எதுவும் இல்லாமல் எப்படி பணம் வசூலிப்பார்கள்.

கடந்த காலத்தில் புலம்பெயர் நாடுகளில் உள்ள தமிழ் மக்கள் போராட்டத்தை ஆதரித்து கஷ்டப்பட்டு உழைத்து கொடுத்து இன்று கடனாளியாக எத்தனையோ பேர் கடன் கட்ட முடியாது இரண்டு அல்லது மூன்று தொழில்களை செய்து கஷ்டப்பட்டுக் கொண்டிருக்கிறார்கள்

இவ்வாறான நிலையில் முதலாவது அந்த மக்கள் வர விரும்ப வேண்டும் அவர்களை கொண்டு வந்தால் அவர்களுக்கான காணி, வீடுகள், வாழ்வாதாரம் மற்றும் இருப்பிடத்தை உறுதிப்படுத்த வேண்டும் அத்தோடு அந்த புலம் பெயர்ந்த மக்களை மீளக் கொண்டு வந்து குடியேற்றுவதற்கான சட்டதிட்டம் நிறைய இருப்பதுடன் இவ்வாறு பல பிரச்சனை இருக்கிறது.

இவ்வாறான நிலையில் இரண்டு நாட்டு அரசாங்கங்களுடன் கலந்து உரையாடாமல் எவ்வாறு பணம் வசூலிப்பீர்கள் ? எனவே பணம் வசூலிப்பதை உடன் நிறுத்தப்பட வேண்டும் என்பதுடன் கனடாவில் உள்ள புலம்பெயர் தமிழர்கள் மாத்திரம் அல்ல ஐரோப்பிய நாடுகளில் உள்ள தமிழ் மக்களும் விழிப்பாக இருக்க வேண்டும்.

புலம்பெயர் தேசம்

இந்த அகதிகளை மீளக் குடியேற்றுவது தொடர்பில் நாங்கள் புலம்பெயர் தேசத்தில் உள்ளவர்கள் உட்பட ஒரு குழுவை ஏற்படுத்தி ஆலோசனைகளை பெற்று முன்னெடுத்துக் கொண்டு வருகிறோம் என்பதுடன் அடுத்த மாதம் என்னுடன் குழு ஒன்று இந்தியாவுக்கு பயணமாகிறது.

அங்கு அனைத்து அகதி முகாம்களுக்கு சென்று பார்வையிட்டு அவர்களின் விருப்பு வெறுப்புகளை தெரிந்து கொண்ட பின்னர் இலங்கை அரசுடன் இந்திய அரசுடன் பேசமுடியும்.

எனவே இந்தியாவில் உள்ள அகதிகளை மீள கொண்டு வந்து குடியேற்றுவது தொடர்பாக எல்லோரும் ஒன்றிணைந்து செயற்பட கனடியன் பேரவை அமைப்பு மற்றும் ஜ.எம்.எஸ் என்ற அமைப்பு என்னுடன் தொடர்பு கொள்ளவும்.

அதேவேளை ஐரோப்பிய நாடுகளில் உள்ள இலங்கை வாழ் மக்களின் இலங்கை கடவுச்சீட்டு காலாவதியான மற்றும் புதிய பாஸ் போட்டுக்களை பெறுவதற்காக அந்தந்த நாடுகளில் உள்ள இலங்கை தூதரகங்களுக்கு சென்று கடவுசீட்டை புதிப்பித்து பெற்றுக் கொள்ள குறைந்தது ஆறு மாதம் தொடக்கம் இரண்டு வருட காலம் நீடிக்கின்றனர்.

அது மட்டுமல்ல அதற்கான கட்டணங்கள் அதிகரிக்கின்றது இதனால் அவசர தேவைக்காக அந்த மக்கள் இலங்கைக்கு திரும்ப முடியாத நிலையில் உள்ளனர் எனவே இந்த ஆட்சி காலத்தில் இப்படியான செயல்பாடு வரவேற்கதக்கது அல்ல” என தெரிவித்துள்ளார்.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

பிரான்ஸில் வெடித்த மக்கள் போராட்டம்...! ஆயிரக்கணக்கில் தொடரும் கைதுகள்

Shalini Balachandran — 2026-10-25 12:22:36

பிரான்ஸில் போராட்டத்தில் கைது செய்யப்பட்டவர்களின் எண்ணிக்கை 1300 ஆக உயர்ந்துள்ளது.

நாடு முழுவதும் அரசாங்கத்திற்கு எதிராக முன்னெடுக்கப்பட்டு வரும் தொடர் மக்கள் போராட்டங்கள் மற்றும் வன்முறை சம்பவங்களைத் தொடர்ந்து இந்த கைது நடவடிக்கை முன்னெடுக்கப்பட்டுள்ளது.

வாழ்க்கைச் செலவு உயர்வு, கல்வி நிதியொதுக்கீட்டுக் குறைப்பு மற்றும் நாட்டின் நிதிச் சீர்திருத்தங்களுக்கு எதிராகப் போராட்டத்தில் ஈடுபட்டுள்ள ஆயிரக்கணக்கான மக்கள் மற்றும் இளைஞர்கள், முக்கிய நகரங்களில் காவல்துறையினருடன் மோதலில் ஈடுபட்டு வருகின்றனர்.

வணிக வளாகங்கள்

இந்தநிலையில் பேரணிகளின் போது சட்டம் ஒழுங்கை மீறியமை, பொதுச் சொத்துக்களுக்குச் சேதம் விளைவித்தமை மற்றும் கொள்ளைச் சம்பவங்களில் ஈடுபட்டமைக்காக இதுவரை 1300 இற்கும் அதிகமானோர் காவல்துறையினரால் கைது செய்யப்பட்டுள்ளனர்.

கைது செய்யப்பட்டவர்களில் 900 இற்கும் மேற்பட்டோர் மீது வழக்கு விசாரணை நிலுவையில் உள்ளதாகவும் அவர்களை விரைவாக நீதிமன்றத்தில் முன்னிலைப்படுத்த நீதி அமைச்சு நடவடிக்கை எடுத்து வருவதாகவும் தெரிவிக்கப்பட்டுள்ளது.

பாரிஸின் முக்கிய வீதிகள் மற்றும் வணிக வளாகங்கள் பேரணிகளால் முற்றுகையிடப்பட்டுள்ளதுடன் லியோன் மற்றும் மார்சேய் போன்ற நகரங்களிலும் தீ வைப்பு சம்பவங்கள் பதிவாகியுள்ளன.

காவல்துறை படைகள்

பாரிஸின் சில குறிப்பிட்ட பகுதிகளில் (République மற்றும் Les Halles) இரவு நேரப் போக்குவரத்து மற்றும் மக்கள் நடமாட்டத்தைக் கட்டுப்படுத்த காவல்துறையினர் கூடுதல் கட்டுப்பாடுகளை விடுத்துள்ளனர்.

பிரான்ஸின் இந்த பாரிய மக்கள் போராட்டம் மற்றும் வன்முறைச் சூழல், ஜனாதிபதி இமானுவேல் மாக்ரோனின் நிர்வாகத்திற்குப் பெரும் சவாலாக மாறியுள்ளது.

இந்தநிலையில் நாடு முழுவதும் பாதுகாப்பைப் பலப்படுத்த மேலதிக ஆயுதமேந்திய காவல்துறை படைகள் குவிக்கப்பட்டுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

ரூபா ஐம்பது இலாபம் பார்த்த வியாபாரிக்கு விதிக்கப்பட்டது ஐந்து இலட்சம் அபராதம்

Jaso — 2026-10-25 12:07:25

அம்பாறை பகுதியில் இறக்குமதி செய்யப்பட்ட கீரி சம்பா அரிசியை அதிக விலைக்கு விற்ற ஒரு பல்பொருள் அங்காடிக்கு ஐந்து லட்சம் ரூபாய் அபராதம் விதிக்கப்பட்டுள்ளது.

ஜூன் 15, 2026 அன்று அல்லது அதற்கு அருகில் நடத்தப்பட்ட சோதனையைத் தொடர்ந்து,நுகர்வோர் விவகார அதிகாரசபை அம்பாறை நீதவான் நீதிமன்றத்தில் இந்த வழக்கை தாக்கல் செய்தது.

மேற்கூறிய ஆணையம் நடத்திய சோதனையின் போது, இரண்டு கிலோகிராம் இறக்குமதி செய்யப்பட்ட கீரி சம்பா அரிசி, நுகர்வோர் விவகார அதிகார சபையின் விசாரணை அதிகாரி ஒருவருக்கு ரூ. 560-க்கு விற்கப்பட்டது தெரியவந்தது.

அதிகவிலைக்கு அரிசி விற்பனை

ஆனால், ஒரு கிலோகிராமின் அதிகபட்ச சில்லறை விலை ரூ. 255 ஆகும். அதன்படி, ஒரு கிலோகிராம் அரிசி ரூ. 280-க்கு விற்கப்பட்டது. மேலும், நிர்ணயிக்கப்பட்ட அதிகபட்ச சில்லறை விலையை விட கிலோகிராமுக்கு ரூ. 25 அதிகமாக வசூலிக்கப்பட்டது. இதன் மூலம், இரண்டு கிலோகிராம் அரிசிக்கு வசூலிக்கப்பட்ட மொத்தத் தொகை ரூ. 560 ஆகும்.இதன்படி மேலதிகமாக ரூபா 50 வசூலிக்கப்பட்டது.

21 ஒக்டோபர் 2025 திகதியிட்ட சிறப்பு அரசிதழ் எண் 2459/12-இல் வெளியிடப்பட்ட ஆணை எண் 94-இன் படி, ஒரு கிலோகிராம் இறக்குமதி செய்யப்பட்ட கீரி சம்பா அரிசியின் அதிகபட்ச சில்லறை விலை ரூ. 255 என நிர்ணயிக்கப்பட்டது.

தொடர்புடைய விதிகளின் கீழ் சட்ட நடவடிக்கை

இந்த ஆணையை மீறியதற்காக, நுகர்வோர் விவகார ஆணையச் சட்டம் எண் 09/2003 மற்றும் திருத்தச் சட்டம் எண் 20/2021 ஆகியவற்றின் தொடர்புடைய விதிகளின் கீழ் சட்ட நடவடிக்கை எடுக்கப்பட்டுள்ளது.

நுகர்வோர் விவகார ஆணையத்தின் புலனாய்வு அதிகாரிகள், வாங்கப்பட்ட அரிசி, பரிவர்த்தனை தொடர்பான பணம் மற்றும் ரசீது ஆகியவற்றை வழக்கு ஆவணங்கள் உட்பட நீதிமன்றத்தில் சமர்ப்பித்தனர். அதன்படி, இந்த வழக்கில் 22 ஒக்டோபர் 2026 அன்று அம்பாறை நீதவான் நீதிமன்றத்தில் ரூ. 500,000 அபராதம் விதிக்கப்பட்டது.

மட்டக்களப்பு கடலில் மிதக்கும் ஆணின் சடலம்

Bavan — 2026-10-25 11:42:49

மட்டக்களப்பு முகத்துவாரம் ஆற்று வாய் பகுதிக்கு நேராகக் காணப்படும் கரை நிலமட்டம் தெரியாத கடற்பரப்பில் ஆண் ஒருவரின் சடலம் இன்று ஞாயிற்றுக்கிழமை (25) மிதந்து கொண்டிருப்பதாக கடற்றொழிலாளர்கள் தெரிவித்தனர்.

மட்டக்களப்பு பாலமீன்மடுவிலிருந்து கடலுக்கு படகில் மீன்பிடிக்க சென்ற கடற்றொழிலாளர்கள் ஆண் ஒருவரின் சடலம் மிதந்து கொண்டிருப்பதை கண்டு அதனை காணொளி பதிவு செய்துள்ளனர்.

கரை ஒதுங்க கூடும்

குறித்த சடலம் கடுமையாக ஊதி காணப்படுவதுடன் சடலம் மட்டக்களப்பு, கல்லடி, அல்லது ஏறாவூர், காத்தான்குடியை சுற்றியுள்ள கடற்கரை பகுதியில் கரை ஒதுங்க கூடும் என அவர்கள் தெரிவித்தனர்.

கீரிமலை கற்குவாரியில் கொட்டப்பட்ட கழிவுகள்: ஆளுநர் உத்தரவிட்டும் அகற்றப்படாத அவலம்

Theepan — 2026-10-25 11:32:16

கீரிமலை கற்குவாரியில் கொட்டப்பட்ட கழிவுகளை மீள அள்ளுமாறு வடமாகாண ஆளுநர் மற்றும் வடமாகாண உள்ளூராட்சி ஆணையாளர் உத்தரவிட்டுள்ள போதிலும் அவை மீள அள்ளப்படவில்லை என குற்றம் சாட்டப்பட்டுள்ளது.

வலி. வடக்கு பிரதேச சபை உறுப்பினர்கள் இந்த குற்றச்சாட்டை முன்வைத்துள்ளனர்.

அது தொடர்பில் விசாரணைகளை முன்னெடுக்க விசேட விசாரணை குழு அமைக்க வேண்டும் எனவும் அவர்கள் கோரியுள்ளனர்.

பெருந்தொகையான கழிவுகள்

கீரிமலை பகுதியில் உள்ள கற்குவாரியில் அனுமதியின்றி பெருந்தொகையான கழிவுகள் வலி. தெற்கு பிரதேச சபையினால் கொட்டப்பட்டது.

இந்தநிலையில் வலி.வடக்கு பிரதேச சபை ஆளுகைக்கு உட்பட்ட பகுதியில் வலி. தெற்கு பிரதேச சபையினால் கொட்டப்பட்ட கழிவுகளுக்கு எதிராக வலி. வடக்கு பிரதேச சபை உறுப்பினர்கள் எதிர்ப்பு தெரிவித்தனர்.

அது தொடர்பில் வடமாகாண ஆளுநர் , வடமாகாண உள்ளூராட்சி ஆணையாளர் ஆகியோரிடமும் முறையிட்டதை தொடர்ந்து அவர்கள் அப்பகுதிக்கு நேரில் சென்று பார்வையிட்டதுடன் அவற்றினை உடனடியாக மீள அள்ளுமாறு உத்தரவிட்டனர்.

விரிவான விசாரணை

உத்தரவுக்கு அமைய சிறியளவிலான கழிவுகளை மாத்திரம் மீள அள்ளிய நிலையில் பெருந்தொகையான கழிவுகள் மீள அள்ளப்படவில்லை.

அவ்வாறான நிலையில் யாழ்ப்பாணத்தில் தற்போது பருவ மழை ஆரம்பித்துள்ள நிலையில் கடந்த சில நாட்களாக பெய்து வரும் கடும் மழை காரணமாக குவாரி கிடங்குகளில் வெள்ள நீர் தேங்கியுள்ளது.

அவ்வாறு தேங்கியுள்ள நீரில் கழிவுகளும் கலந்துள்ளமையால் அப்பகுதியை சூழவுள்ள பிரதேச நிலத்தடி நீர் மாசுபடும் பெரும் அபாயம் காணப்படுகிறது.

இவ்வாறான நிலையில் கீரிமலை கற்குவாரியில் கொட்டப்பட்ட கழிவுகள் தொடர்பில் விரிவான விசாரணைகளை முன்னெடுக்க ஏதுவாக விசேட விசாரணை குழுவினை அமைத்து விசாரணைகள் முன்னெடுக்கப்பட வேண்டும் என வலி. வடக்கு உறுப்பினர்கள் கோரியுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

செம்மணியில் மீட்கப்பட்ட நீலப்பையும் ராஜ் சோமதேவாவின் நீண்ட கறுப்பு அறிக்கையும் : சண் மாஸ்டர் கண்டனம்

Independent Writer — 2026-10-25 11:27:44

தமிழ் மக்களின் இரத்தமும், சதையும் இரண்டறக் கலந்த செம்மணி மனிதப் புதைகுழியின் நீதியை முழுமையாக குழி தோண்டி புதைத்து குற்றவாளிகளை பாதுகாக்கும் நீண்ட திட்டத்துடன் செயற்பட்ட சிங்கள தொல்லியல் பேராசிரியர் ராஜ் சோமதேவாவின் நீண்ட கறுப்பு அறிக்கையை வன்மையாகக் கண்டிப்பதாக அரசியல் விமர்சகரும் மனித உரிமை செயற்பாட்டாளருமான சண் மாஸ்டர் தெரிவித்துள்ளார்.

ராஜ் சோமதேவாவின் கறுப்பு அறிக்கை தொடர்பில் பல முரண்பாடுகளையும், பல கேள்விகளையும் எழுப்பி மனித உரிமைச் செயற்பாட்டாளர் சண் மாஸ்டர் விசேட அறிக்கை ஒன்றை வெளியிட்டுள்ளார்.

அவ் அறிக்கையில் அவர் கூறியிருப்பதாவது, சிங்கள பேராசிரியர் ராஜ் சோமதேவா செம்மணி மனிதப் புதைகுழி தொடர்பான இடைக்கால அறிக்கையை நீதிமன்றத்திற்கு வழங்கி இருந்தார்.

பாரிய மனிதப் புதைகுழி

சுமார் 170 பக்கங்களைக் கொண்ட குறித்த இடைக்கால அறிக்கை குற்றவாளிகளைப் பாதுகாக்கும் நீண்ட திட்டத்துடன் வெளியிடப்பட்ட ஒரு கறுப்பு அறிக்கையாகவே பார்க்கிறேன்.

ஈழத்தில் தமிழ் மக்கள் பல்வேறு காலகட்ட பகுதிகளில் சிங்கள பேரினவாதத்தினால் வேட்டையாடப்பட்டு இரத்தமும், சதையுமாக குற்றுயிர்களாக மண்ணில் புதைக்கப்பட்ட வரலாறுகள் தொடர்கதையாக எழுதப்பட்டிருக்கின்றன.

இலங்கை சுதந்திரம் அடைந்த நாள் முதல் சிங்கள தேசத்தினால் தமிழ் மக்கள் மீது கட்டவிழ்த்து விடப்பட்ட இன வன்முறைகள், மனித குலத்துக்கு எதிரான குற்றங்கள் மற்றும் போர் குற்றங்கள் இன்றுவரை நீதியைப் பெற்றுக் கொள்ள முடியாத கண்ணீருடனேயே காணப்படுகின்றனர்.

இந்த ஒரு சூழ்நிலையில் செம்மணி மனிதப் புதைககுழியில் சுமார் 580 வகையான மனித எலும்புக்கூடுகள் வெளிவந்து உலகம் முழுவதும் உள்ள தமிழர்களை மட்டுமல்ல மனிதநேயம் கொண்ட அனைவரின் நெஞ்சங்களையும் உறையவைத்துள்ளது.

இலங்கையில் சுமார் 17 மனிதப் புதைகுழிகள் திறந்த நிலையில் அகழ்வு செய்யப்பட்டுள்ள நிலையில் அதில் செம்மணி மனிதப் புதைகுழி பாரியதொரு மனிதப் புதைகுழியாக கருதப்படுகிறது.

இந்தப் புதை குழியின் அகழ்வுக்கு பொறுப்பாக இருந்த சிங்கள பேராசிரியர் ராஜ் சோமதேவா யாழ்ப்பாண நீதிமன்றத்திற்கு வழங்கிய செம்மணி இடைக்கால அறிக்கை ஒரு கறுப்பு அறிக்கை.

அவரது அறிக்கையில் முரண்பாடானதும் மறைக்கப்பட்ட பல விடயங்கள் அவதானிக்கப்பட்டுள்ள நிலையில் அது தொடர்பில் வெளிப்படுத்த வேண்டிய பொறுப்பு மானுட உணர்வுகொண்ட அனைவருக்கும் இருக்கிறது.

மீட்கப்பட்ட புத்தகப்பை

முதலிலே அவர் வெளியிட்ட இடைக்கால அறிக்கையில் செம்மணியை மனிதப் புதைகுழி என கூறாமல் செம்மணி புதைகுழி என கூறி இருக்கின்றமை கறுப்பு அறிக்கையின் பிள்ளையார் சுழி எனலாம்.

மேலும் அவரது அறிக்கையின் பிரகாரம் செம்மணியில் புதைக்கப்பட்டவர்கள் தொற்று நோய் அல்லது இயற்கை அனர்த்தத்தினால் புதைக்கப்பட்டிருக்கலாம் எனக் குறிப்பிட்டுள்ளார்.

யாழ்ப்பாணத்தில் எந்த ஆண்டிலாவது இவ்வாறு பாரிய அளவிலானோர் தொற்று நோய் அல்லது இயற்கை அனர்த்தத்தினால் இறந்தார்கள் என்பது எந்த ஒரு வைத்தியசாலைகளிலும் பதிவுகள் இல்லை.

செம்மணியில் புதைக்கப்பட்டவர்களின் காலப்பகுதியை சரிவர கூற முடியாது எனக் கூறும் சிங்களத்தின் கைக்கூலி ராஜ் சோமதேவாவிடமும் தமிழ்த் தேசியவாதிகள் என தம்மைத் தானே கூறிக் கொள்ளும் வடகிழக்கு அரசியல்வாதிகளிடமும் சில கேள்விகளை கேட்க விரும்புகிறேன்.

செம்மணியில் பல சிறுவர்களின் எலும்புக்கூடுகள் கண்டெடுக்கப்பட்ட நிலையில் அங்கு கண்டெடுக்கப்பட்ட நீல நிற அரச சார்பற்ற நிறுவனம் வழங்கிய புத்தகப்பையை உங்கள் அகழ்வு குழுவினர் மீட்டனர்.

குறித்த புத்தகப்பை தொடர்பான செய்திகள் அச்சு ஊடகங்களிலும், இலத்திரனியல் ஊடகங்களிலும் பரவலாக வெளிவந்த நிலையில் குறித்த நீல நிற புத்தகப்பை 1995 பின் யுத்த காலத்தில் பாடசாலை மாணவர்களுக்கு வழங்கப்பட்டமை யாவரும் அறிந்தது.

ஆனால் ராஜ் சோமதேவா நீல நிற புத்தகப்பையின் காலப்பகுதியை மறைத்து தனது கறுப்பு அறிக்கை மூலம் நீதிமன்றத்தையே ஏமாற்ற முனைந்துள்ளார்.

செம்மணி சூனியப் பிரதேசம் யுத்த காலத்திலும் யுத்தத்திற்கு பின்னரான காலத்திலும் சிறிலங்கா இராணுவ கட்டுப்பாட்டுக்குள் இருந்த பகுதி என்பது உலகறிந்த உண்மை.

சோமரத்ன ராஜபக்சவின் வாக்குமூலம்

கிருசாந்தி முதல் பல பெண்கள் சிறுவர்கள் வேட்டையாடப்பட்டு இரத்தமும், சதையுமாக புதைக்கப்பட்ட பிரதேசம் செம்மணி. இந்த உண்மையை அக்கால பகுதியில் இராணுவ கோப்ரலாக இருந்த சோமரத்ன தனது வாக்குமூலத்தில் சுமார் 600 வகையான தமிழ் மக்களை அங்கு புதைத்தோம் என சிறிலங்கா நீதிமன்றிலே ஒப்புதல் வாக்கு மூலம் வழங்கியிருக்கிறார்.

ஒரு மரண விளிம்பில் இருக்கின்ற சிங்கள இராணுவ சிப்பாயின் மனதில் இருந்து உண்மையான விடயங்கள் அம்பலமாகியுள்ள நிலையில் பணத்துக்கும், பதவிக்குமாக ராஜ் சோமதேவா தனது தொல்லியல் நுண்ணறிவை நீதிக்குப் புறம்பாக ஏன் பயன்படுத்தினார்?

ஆனால் ராஜ் சோமதேவாவின் கறுப்பு அறிக்கையில் செம்மணி யாருடைய கட்டுப்பாட்டுக்குள் இருந்த பிரதேசம் என்பதை கூட கூற முடியாத சிங்கள மேலாதிக்கத்தின் நலனை காப்பவராக இருந்திருக்கிறார்.

செம்மணி சித்துபாத்தி மயானம் இந்துக்களின் சமய முறைப்படி இடம்பெறும் ஒரு மயானமாக நல்லூர் பிரதேச சபையின் கீழ் பதிவு செய்யப்பட்டுள்ள ஒரு மயானம்.

ராஜ் சோமதேவாவின் கறுப்பு அறிக்கையில் குறித்த மயானம் இந்துக்களின் மயானம் என்பதை மறைத்தது மட்டுமல்ல இந்து சமய முறைப்படி உயிரிழந்தவர்களை குவியல்களாக புதைக்க மாட்டார்கள் என்பதை கூட அறியாதவராக இருந்திருக்கிறார்.

இலங்கை மனித உரிமைகள் ஆணைக்குழு செம்மணி மனித புதைகுழியை பார்வையிட்ட பின்னர் ஒரு காத்திரமான அறிக்கையை வெளியிட்டது. அந்த அறிக்கையில் குறித்த மனிதப் புதைகுழியில் குவியல்களாக காணப்படுகின்ற என்புக் கூடுகள் தொடர்பில் சந்தேகம் ஏற்படுவதாகவும் அது தொடர்பில் விசாரணை மேற்கொள்ளப்பட வேண்டும் என சுட்டிக்காட்டியது.

அதுமட்டுமல்லாது செம்மணி மனிதப் புதைகுழி தொடர்பில் வெளிநாட்டு நிபுணத்துவங்கள் தேவைப்படுமானால் அது தொடர்பில் ஆணைக்குழு தனது பரிந்துரையை வழங்கும் எனவும் அவர்களது அறிக்கையில் குறிப்பிட்டார்கள்.

மனித உரிமைகள் ஆணைக்குழுவின் அறிக்கை காத்திரமான செய்தியை வழங்கி இருக்கின்ற நிலையில் ராஜ் சோமதேவா சிறிலங்கா அரசாங்கத்தையும், சிங்கள இராணுவத்தையும் காப்பாற்றும் உள்நோக்குடன் தனது கறுப்பு அறிக்கை தனது அறிவை தந்திரமாக கையாண்டுள்ளார்.

சரி அவரது அறிக்கை பல்வேறு குளறுபடிகள் மத்தியில் வெளிவந்திருக்கின்ற நிலையில் ரணில் ஆட்சியை காப்பாற்றிய தமிழ் தரப்பு மதில் மேல் பூனைகளாக இருப்பது பல சந்தேகங்களை ஏற்படுத்துகிறது.

சோமதேவாவின் கறுப்பு அறிக்கை

ரணில் விக்ரமசிங்கவின் ஆட்சியை காப்பாற்றுவதற்கு படாது பாடுபட்ட தமிழ் தேசியத் தரப்புக்கள் செம்மணி விவகாரத்தில் ஓரணியாக நிற்பதை கூட தவிர்த்து வருகிறார்கள்.

தமிழ் மக்களை மந்தைகளாக்கி தேர்தல் காலங்களில் உசுப்பேற்றி வாக்கு வேட்டைகளில் ஈடுபட்டு வரும் தமிழ்த் தேசிய தரப்புக்கள் ராஜ் சோமதேவாவின் கறுப்பு அறிக்கை தொடர்பில் தூதரகங்களை ஏன் ஓரணியில் நின்று சந்திக்கவில்லை.

தமிழ் இளைஞர், யுவதிகள் முள்ளிவாய்க்கால் கொடூர படுகொலையின் பின்னாவது எமக்கான நீதிப் போராட்டத்தின் அறிவுசார் பயணத்தை ஆரம்பித்திருக்க வேண்டும் அதை நாம் செய்ய தவறிவிட்டோம்.

ஒரு மனிதப் புதைகுழியை ஆய்வு செய்யும் நிபுணத்துவத்தை வடகிழக்கு தமிழ் இளைஞர் யுவதிகளின் கையில் இல்லாததன் விளைவு தான் சிங்கள பேரினவாதி ராஜ் சோமதேவாவின் மூளைக்கு செம்மணி புதைகுழியின் ஆய்வுப்பணி சென்று இருக்கிறது.

சிறிலங்கா அரசாங்கம் நிபுணத்துவம் வாய்ந்த தமிழர் ஒருவரை நியமிக்காது என்பது அனைவருக்கும் தெரிந்த விடயமாக இருந்தாலும் நாங்கள் நிபுணத்துத்துவமானவர்கள் இல்லை என்பதால் சோமதேவாவின் கறுப்பு அறிக்கை துறை சார்ந்து விமர்சிக்க முடியாத பாவப்பட்ட இனமாகவுள்ளோம்.

தமிழினம் ஒன்றை சிந்திக்க வேண்டும் தம்மை தாமே ஆளுகின்ற அதிகாரம் என்பது வெறுமனே அரசியல் ரீதியாக அல்ல அந்த இனத்துக்கு இழைக்கப்படுகின்ற அநீதிகளுக்கு எதிராக குரல் கொடுக்க துறை சார்ந்து நிபுணத்துவத்தை பெற்றிருக்க வேண்டும்.

ஆகவே தமிழ் மக்கள் இனியாவது சிந்தியுங்கள் எமது இனத்தின் நீதிக்கான போராட்டம் முள்ளிவாய்க்காலுடனோ அல்லது செம்மணியுடனோ முடிவடையப் போவதில்லை சிங்கள பேரினவாதம் தமிழ் இனத்தை ஆயுதங்களால் மட்டுமல்ல அறிவு சார்ந்தும் வேட்டையாடுகிறது.” என்று குறிப்பிடப்பட்டுள்ளது.

ஞானசார தேரருக்கு பொதுமன்னிப்பு: பல்டியடிக்கும் சஜித்தரப்பு

Jaso — 2026-10-25 10:47:49

“பொதுபலசேனா அமைப்பின் பொதுச்செயலாளர் கலகொட அத்தே ஞானசார தேரருக்கு ஜனாதிபதி பொதுமன்னிப்பு வழங்கப்பட வேண்டும் என்ற நிலைப்பாட்டில் ஐக்கிய மக்கள் சக்தி இல்லை.” என்று அக்கட்சியின் நாடாளுமன்ற உறுப்பினர் முஜிபுர் ரஹ்மான்தெரிவித்தார்.

சமூக ஊடகமொன்றுக்கு வழங்கிய நேர்காணலின்போதே அவர் இவ்வாறு கூறினார். இது தொடர்பில் அவர் மேலும் கூறியவை வருமாறு ,

துறவற ஆடை அகற்றப்பட்ட விவகாரம்

“ஞானசார தேரருக்கு ஆதரவில்லாத சிங்கள மக்கள்கூட அவரின் துறவற ஆடை அகற்றப்பட்ட விவகாரம் குறித்து அதிருப்தியில் உள்ளனர். துறவற ஆடை என்பது மதத்துடன் சம்பந்தப்பட்ட விடயமாகும்.

இவ்விவகாரம் பற்றியே எதிர்க்கட்சி தலைவர் சஜித் பிரேமதாச கதைத்து வருகின்றார். மாறாக பொது மன்னிப்பு வழங்குமாறு அவர் கோரவில்லை.கட்சியின் நாடாளுமன்றக் குழு கூட்டத்திலும் இது பற்றி அவர் தெளிவுபடுத்தியுள்ளார்.

நாட்டில் இனவாதம் இன்னும் ஒழியவில்லை

அதேவேளை, இனவாத சக்திகள் காத்துக்கொண்டிருந்தன. அந்த சக்திகளுக்கு தெரிந்தோ, தெரியாமலோ இந்த அரசாங்கம் துருப்பொன்றை வழங்கிவிட்டது. இந்நாட்டில் இனவாதம் இன்னும் ஒழியவில்லை. அது ஒவ்வொரு காலத்திலும் வெவ்வேறான விடயங்களில் வெளிக்கிளம்பும்.”- என்றார் .

செம்மணிக்காக இப்போது பேசாவிட்டால் இனி எப்போதும் பேச முடியாது....

Independent Writer — 2026-10-25 10:44:50

பாதிக்கப்பட்ட ஒரு இனமாக நாங்கள் இனிமேலும் மௌனிகளாக இருக்க முடியாது. செம்மணி சித்துபாத்தி மனிதப் புதைகுழி தொடர்பாகப் பேராசிரியர் ராஜ் சோமதேவ யாழ். நீதிவான் நீதிமன்றில் சமர்ப்பித்த இடைக்கால சுருக்க அறிக்கையும், அதற்கு எதிராகப் பாதிக்கப்பட்ட குடும்பங்கள் தாக்கல் செய்த நகர்த்தல் பத்திரமும் இந்தப் பிரச்சினையை ஒரு தீர்மானிக்கும் இடத்தில் கொண்டுவந்து நிறுத்தியிருக்கின்றது.

அறிக்கையில் நமக்குள்ள சந்தேகங்கள்

பேராசிரியர் தனது முந்தைய மூன்று அறிக்கைகளிலும் "மனிதப் புதைகுழி" என்ற சொல்லையே பயன்படுத்தினார். இடைக்கால சுருக்க அறிக்கையில் அந்தச் சொல் இல்லை.

ஒரு இடத்தை மனிதப் புதைகுழி என்று குறிப்பிடுவதற்கும் சாதாரண அடக்கம் என்று குறிப்பிடுவதற்கும் இடையே சட்டரீதியாகப் பெரிய வேறுபாடு உண்டு.

முதலாவது குற்றம் நடந்தது என்ற அடிப்படையில் விசாரணையை நகர்த்தும். இரண்டாவது அந்தக் கேள்வியையே இல்லாமல் செய்துவிடும். களத்தில் கிடைத்த சான்றுகளும் அதே கேள்வியை எழுப்புகின்றன.

ஒரு மீற்றர் அல்லது அதற்கும் குறைவான ஆழத்தில் ஏராளமான எலும்புக்கூடுகள் கிடைத்திருக்கின்றன. சாதாரண மயானங்களில் இவ்வளவு மேலாகப் புதைப்பதில்லை. ஒரு வயதுவந்தவரின் எலும்புக்கூட்டோடு பிணைந்த நிலையில் ஒரு குழந்தையும் கிடைத்திருக்கிறது.

1991, 1994 ஆண்டுகளைக் கொண்ட நாணயங்களும் பாதணிகளும் கிடைத்திருக்கின்றன. அந்தக் காலத்தில் செம்மணி இராணுவக் கட்டுப்பாட்டில் இருந்தது. இவற்றைத் தொற்றுநோய் அல்லது இயற்கை அழிவு மரணங்கள் என்று விளக்கிவிட முடியாது.

இந்தப் பொருட்கள் அறிவியல் ரீதியாக வகைப்படுத்தப்படவில்லை, முறையான புகைப்படப் பதிவும் இல்லை என்றும் குடும்பங்கள் சுட்டிக்காட்டுகின்றன.

நமது கவனம் திசைமாற்றப்படும் பேராபத்து

எங்களில் பலர் தென்னிலங்கை அரசியலுக்குப் பின்னால் இழுபட்டுப் போயிருக்கிறோம். விகாரமகாதேவி பூங்காவில் பிக்குகள் போராடுகிறார்கள். அநுரகுமார திசாநாயக்கவைக் கொண்டாடும் மனநிலை இருக்கிறது.

தமிழர்களின் கவனம் இவற்றில் மூழ்கியிருக்கும் சம நேரத்தில், செம்மணியின் தடத்தையே அழிக்க நினைக்கிறார்கள் என்பதுதான் இப்போதுள்ள அச்சமாகும் . ஒரு விடயம் செய்திகளிலிருந்து மறைந்துவிட்டால், அதை மூடுவது எளிதானதொன்றாகிவிடும்.

அத்தோடு, இதைப் பற்றிப் பேசினால் நீதிமன்ற நடைமுறைக்கு முரணாகிவிடுமோ என்ற அச்சத்தையும் சமூகத்தில் சிலர் விதைக்கிறார்கள். நாங்கள் நீதிமன்றத்தை எதிர்க்கவில்லை.

நீதிமன்றத்தின் முன் உண்மை முழுமையாக வர வேண்டும் என்றுதான் கேட்கிறோம். அறிக்கையை விமர்சிப்பதும் குடும்பங்களின் கோரிக்கைகளை ஆதரிப்பதும் ஒரு பாதிக்கப்பட்ட சமூகத்தின் நியாயமான உரிமையாகும்.

இப்போது நாம் செய்ய வேண்டியது

முதலாவது, குடும்பங்கள் முன்வைத்த மூன்று கோரிக்கைகளைச் சமூகத்தின் பொதுக் கோரிக்கையாக்க வேண்டும். ஊகங்களின் அடிப்படையிலான பகுதிகள் நிராகரிக்கப்பட வேண்டும்.

சர்வதேசத் தடயவியல் நிபுணர்களின் சுயாதீன மதிப்பாய்வு வேண்டும். நாணயங்கள், பாதணிகள், எலும்புக்கூடுகளின் ஆழம் மற்றும் பரவல் சர்வதேசத் தரத்தில் ஆவணப்படுத்தப்பட்டு முந்தைய அறிக்கைகளோடு ஒப்பிடப்பட வேண்டும்.

இரண்டாவது, இந்த விடயத்தைச் சர்வதேச அரங்கில் தொடர்ந்து உயிர்ப்போடு வைத்திருக்க வேண்டும். புலம்பெயர் அமைப்புகளும் தனிநபர்களும் தாங்கள் வாழும் நாடுகளின் அரசாங்கங்களுக்கும் ஐ.நா. மனித உரிமைகள் பேரவை தொடர்பான தரப்புகளுக்கும் இந்த அறிக்கையின் முரண்பாடுகளை எழுத்து மூலம் தெரிவிக்க வேண்டும். ஒரே கடிதம் பல நூறு இடங்களிலிருந்து போனால் அதன் எடை வேறு.

மூன்றாவது, சாட்சிகளையும் சான்றுகளையும் நாமே பாதுகாக்க வேண்டும். காணாமல் போனவர்களின் குடும்பங்களின் வாக்குமூலங்கள், புகைப்படங்கள், அகழ்வு தொடர்பான செய்திகள், ஊடகப் பதிவுகள் ஆகியவற்றை முறையாகப் பதிவுசெய்து பாதுகாப்பாக வைத்திருக்க வேண்டும்.

முந்தைய அகழ்வுகளின் முடிவுகள் நம்பிக்கை தரும் விதத்தில் வெளிவரவில்லை என்பதே குடும்பங்களின் அனுபவம். அதனால் இந்த முறை எங்கள் கையிலும் ஒரு பதிவு இருக்க வேண்டும்.

நான்காவது, குடும்பங்களுக்குச் சட்ட ரீதியான ஆதரவு தொடர்ந்து கிடைக்க வேண்டும். வழக்கை நடத்தும் வழக்கறிஞர்களுக்கும் குடும்பங்களுக்கும் பின்னால் கட்சி, பிரதேசம் என்ற வேறுபாடில்லாமல் தமிழ்ச் சமூகம் ஒன்றாக நிற்க வேண்டும்.

ஐந்தாவது, ஊடகங்கள் இந்தச் செய்தியைக் கைவிடக்கூடாது. வழக்கு நகரும் ஒவ்வொரு கட்டத்திலும் என்ன நடந்தது, என்ன கோரப்பட்டது என்பதைத் தொடர்ந்து மக்களிடம் கொண்டுசெல்ல வேண்டும்.

இறுதியாக செம்மணியில் புதைக்கப்பட்டிருப்பது எங்கள் மக்களின் நீதிக்கான கேள்வியாகும் பல தசாப்த காலமாகத் தெருவிலும் நீதிமன்றங்களிலும் கண்ணீரோடு நிற்கும் தாய்மார்களுக்கு நாங்கள் பதில் சொல்ல வேண்டியவர்கள்.

இன்று பேசாமல் விட்டால், நாளை செம்மணிக்காகப் பேசவே முடியாத நிலை உருவாகிவிடும். ஒரு பாதிக்கப்பட்ட இனமாக ஒன்றிணைந்து, சட்டத்தின் வழியில், உரத்துப் பேச வேண்டிய சரியான நேரம் இதுவே....

யாழ். தையிட்டி விகாரைக்கு எதிராக 42ஆவது மாதமாக தொடரும் போராட்டம்

Independent Writer — 2026-10-25 10:19:02

யாழ்ப்பாணம் - தையிட்டியில் தனியார் காணியில் சட்டவிரோதமாக அமைக்கப்பட்டுள்ள திஸ்ஸ விகாரைக்கு எதிரான மக்கள் போராட்டம் 42 ஆவது மாதமாகவும் முன்னெடுக்கப்படுகின்றது.

குறித்த விகாரைக்கு எதிராக ஒவ்வொரு பௌர்ணமி தினத்திற்கு முந்தைய நாள் மாலையும் பௌர்ணமி தினத்தில் காலையில் இருந்து மாலை வரையும் போராட்டம் முன்னெடுக்கப்படுவது வழமை.

அந்த வகையில் தமிழ்த் தேசிய மக்கள் முன்னணி மற்றும் தமிழ்த் தேசியப் பேரவை ஆகியவற்றின் ஏற்பாட்டில் நேற்று (24.10.2026) ஆரம்பிக்கப்பட்ட இந்தப் போராட்டம் இன்றும் (25.10.2026) இரண்டாவது நாளாக தொடர்கின்றது.

சட்டவிரோதமாக கட்டப்பட்டுள்ள விகாரைகள்

இந்தப் போராட்டத்தில் கலந்துகொண்டு கருத்து தெரிவித்த தமிழ்த்தேசிய மக்கள் முன்னணியின் பேச்சாளர் கனகரட்ணம் சுகாஸ், தென்னிலங்கையில் பௌத்த பிக்குமார் நடத்திய போராட்டத்தின் போது, "இலங்கையில் ஒரு சட்டம் தான் இருக்கிறது, சட்டத்திற்கு முன்னால் யாவரும் சமம்" என நீதிமன்றம் தீர்ப்பளித்துள்ளதால் ஞானசார தேரருக்கு பொதுமன்னிப்பு வழங்க முடியாது என ஜனாதிபதி அநுரகுமார திசாநாயக்க கருத்துத் தெரிவித்திருந்தார்.

ஆனால், இதற்கு முரணாக வடக்கில் தமிழர்களின் காணிகள் ஆக்கிரமிக்கப்பட்டு, சட்டவிரோதமான முறையில் விகாரைகள் கட்டப்பட்டுள்ளன.

இலங்கையின் சட்டம் அனைவருக்கும் பொதுவானது என்றால், தென்னிலங்கையில் உள்ளது போன்றே வடக்கிலும் சட்டம் இருக்க வேண்டும். சட்டத்தை மீறி தமிழர்களின் காணிகளில் கட்டப்பட்டுள்ள இந்த விகாரை மற்றும் கட்டுமானங்கள் உடனடியாக அகற்றப்பட வேண்டும்.

போராட்டத்தில் கலந்துகொண்டவர்கள்

சிங்கள தேசத்திற்கும் தமிழ் தேசத்திற்கும் வெவ்வேறான சட்டங்களைக் காட்டுவதை ஏற்றுக்கொள்ள முடியாது. இந்தச் சட்டவிரோத கட்டுமானங்களை முற்றாக அகற்றும் வரை எங்களது போராட்டம் தொடரும்” என தெரிவித்தார்.

இந்தப் போராட்டத்தில், முன்னாள் நாடாளுமன்ற உறுப்பினர் செல்வராஜா கஜேந்திரன், நடராஜர் காண்டீபன், கனகரட்ணம் சுகாஸ், காணி உரிமையாளர்கள், பொது மக்கள் என பலரும் கலந்துகொண்டிருந்தனர்.

'முழு நாடும் ஒன்றாக' வேலைத்திட்டம்:108 பில்லியனுக்கும் அதிக மதிப்புள்ள போதைப்பொருள் மீட்பு

Sindu — 2026-10-25 10:13:58

'முழு நாடும் ஒன்றாக' தேசிய வேலைத்திட்டத்தின் கீழ் முன்னெடுக்கப்பட்ட நடவடிக்கைகளின் மூலம் 108 பில்லியன் ரூபாவுக்கும் அதிக மதிப்புள்ள போதைப் பொருட்கள் கைப்பற்றப்பட்டுள்ளதாக தெரிவிக்கப்பட்டுள்ளது.

இது கடந்த 2025ஆம் ஆண்டு ஒக்டோபர் முதல் இதுவரையான காலப்பகுதியில் கைப்பற்றப்பட்டுள்ளதாக கடற்படை தெரிவித்துள்ளது.

போதை ஒழிப்பு

குறிப்பாக 2026ஆம் ஆண்டில் மட்டும் 68 பில்லியன் ரூபாவுக்கும் அதிகமான போதைப்பொருள் கைப்பற்றப்பட்டுள்ளதாகவும் கடற்படை சுட்டிக்காட்டியுள்ளது.

நாட்டில் முழுமையாக போதைப்பொருளை இல்லாதொழிக்கும் நோக்கில் இலங்கை கடற்படையும் இலங்கைப் கடலோரப் பாதுகாப்பு படையும் இணைந்து தொடர்ச்சியான நடவடிக்கைகளை முன்னெடுத்து வருகின்றன என்றும் கடற்படை குறிப்பிட்டுள்ளது.

புளோரிடாவில் பல்கலைக்கழகக் கொண்டாட்டத்தில் பாரிய துப்பாக்கிச் சூடு!

Shalini Balachandran — 2026-10-25 10:11:36

அமெரிக்காவின் புளோரிடாவில் பாரிய துப்பாக்கி சூட்டு சம்பவமொன்று பதிவாகியுள்ளது.

குறித்த சம்பவத்தில் 6 சிறுவர்கள் உட்படக் குறைந்தபட்சம் 12 பேர் காயமடைந்துள்ளனர்.

புளோரிடா மாநிலத்திலுள்ள புளோரிடா ஏ & எம் பல்கலைக்கழகத்தின் (Florida A&M University) பாரம்பரிய ஹோம்கமிங் (Homecoming) கொண்டாட்ட வார இறுதி நாளில் கால்பந்து விளையாட்டு அரங்கிற்கு அருகில் இச்சம்பவம் இடம்பெற்றுள்ளது.

துப்பாக்கிச் சூடு

சம்பவம் தொடர்பில் மேலும் தெரியவருகையில்,

சம்பவ இடத்திற்கு விரைந்த டாலாஹாசி காவல் திணைக்களத்தின் (Tallahassee Police Department) அதிகாரிகள் மேலதிக விசாரணைகளைத் தீவிரப்படுத்தியுள்ளனர்.

இச் சம்பவத்தில் காயமடைந்த 12 பேரில் 11 பேர் துப்பாக்கிச் சூட்டுக் காயங்களுக்கு உள்ளாகியுள்ளனர்.

பாதிக்கப்பட்டவர்களில் ஆறு பேர் முதியவர்கள் என்றும் மற்றும் ஆறு பேர் சிறுவர்கள் (சிறுவர்களில் 11 வயதுச் சிறுவனும் அடங்குவர்) என்றும் காவல்துறையினர் உறுதிப்படுத்தியுள்ளனர்.

மேலதிக விசாரணைகள்

காயமடைந்தவர்களில் மூவரின் நிலைமை கவலைக்கிடமாக உள்ள அதேவேளை, ஏனைய ஒன்பது பேர் சீரான நிலையிலுள்ளதாக மருத்துவமனை வட்டாரங்கள் தெரிவிக்கின்றன.

பல்கலைக்கழகப் போட்டியின் பின்னர் கூட்ட நெரிசல்மிக்க பெர்ரி வீதியில் (Perry Street) இடம்பெற்ற பார்ட்டி ஒன்றில் இரு தரப்பினரிடையே ஏற்பட்ட தகராறு மற்றும் கைக்கலப்பே இந்தத் துப்பாக்கிச் சூட்டுச் சம்பவத்திற்கு வழிவகுத்துள்ளதாக ஆரம்பக்கட்ட விசாரணைகள் வெளிப்படுத்தியுள்ளன.

இதுவரை எவரும் கைது செய்யப்படவில்லை எனத் தெரிவித்த டாலாஹாசி காவல்துறை தலைமை அதிகாரி லாரன்ஸ் ரெவெல் (Lawrence Revell), சிறுவர்கள் இத் தாக்குதலில் காயமடைந்துள்ளது நெஞ்சை உலுக்கும் காரியமாகும் என வேதனை வெளியிட்டுள்ளார்.

இந்த சம்பவம் தொடர்பில் மேலதிக விசாரணைகள் முன்னெடுக்கப்பட்டுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

தொடருந்துடன் மோதியது பேருந்து : பலர் காயம் : மூவரின் நிலை கவலைக்கிடம்

Jaso — 2026-10-25 09:49:59

ஹபரதுவையில் உள்ளதொடருந்து கடவையில்,இன்று(25) பேருந்து ஒன்று தொடருந்துடன் மோதியதில் ஆறு பேர் காயமடைந்தனர்.

இந்த விபத்து நண்பகல் வேளையில் கொக்கலையில் உள்ள மார்ட்டின் விக்கிரமசிங்க அருங்காட்சியகத்திற்கு அருகில் நிகழ்ந்தது.

காயமடைந்த ஆறு பேரும் மருத்துவமனையில் அனுமதிக்கப்பட்டுள்ளதாகவும், அவர்களில் மூவரின் நிலை கவலைக்கிடமாக இருப்பதாகவும் காவல்துறையினர் தெரிவித்தனர்.

விபத்து நேரிட்ட சூழல் குறித்த மேலதிக விவரங்கள் இன்னும் உறுதிப்படுத்தப்படவில்லை.

நாட்டில் நிலவும் சீரற்ற வானிலையால் இதுவரை 12 பேர் உயிரிழப்பு

Sindu — 2026-10-25 09:38:48

இலங்கையில் நிலவும் சீரற்ற வானிலை காரணமாக இதுவரை 12 பேர் உயிரிழந்துள்ளதுடன், ஒருவர் காணாமல் போயுள்ளதாக அனர்த்த முகாமைத்துவ மத்திய நிலையத்தின் அறிக்கையில் தெரிவிக்கப்பட்டுள்ளது.

அனர்த்த முகாமைத்துவ மத்திய நிலையத்தின் உத்தியோகபூர்வ தகவல்களின் அடிப்படையில், நாடளாவிய ரீதியில் 21 மாவட்டங்களில் உள்ள 206 பிரதேச செயலகப் பிரிவுகள் பாதிக்கப்பட்டுள்ளன.

மொத்தமாக 2,826 குடும்பங்களைச் சேர்ந்த 10,311 பேர் சீரற்ற வானிலையால் பாதிக்கப்பட்டுள்ளதாகத் தெரிவிக்கப்பட்டுள்ளது. மேலும், 25 பேர் காயமடைந்துள்ளதாகவும் அறிக்கையில் குறிப்பிடப்பட்டுள்ளது.

அறிவுறுத்தல்கள்

வீடுகளுக்கான சேதங்கள் தொடர்பில், 28 வீடுகள் முழுமையாகச் சேதமடைந்துள்ளதுடன், 1,807 வீடுகள் பகுதியளவில் சேதமடைந்துள்ளன.

பாதிக்கப்பட்ட மக்களுக்கு நிவாரணம் வழங்கும் நடவடிக்கைகளும் முன்னெடுக்கப்பட்டு வருகின்றன. தற்போது 3 பாதுகாப்பு நிலையங்களில் 23 குடும்பங்களைச் சேர்ந்த 67 பேர் தங்கவைக்கப்பட்டுள்ளதாகவும் தெரிவிக்கப்பட்டுள்ளது.

சீரற்ற வானிலையால் பாதிக்கப்பட்ட பகுதிகளில் வசிக்கும் மக்கள் அவதானத்துடன் செயற்படுமாறும், அதிகாரிகளால் வெளியிடப்படும் வானிலை எச்சரிக்கைகள் மற்றும் பாதுகாப்பு அறிவுறுத்தல்களைப் பின்பற்றுமாறும் கேட்டுக்கொள்ளப்படுகின்றனர்.

திலீபன் சிலை விவகாரம் : கஜேந்திரனிடம் குற்றத் தடுப்பு பிரிவு 3 மணி நேர விசாரணை

Independent Writer — 2026-10-25 08:51:17

புதிய இணைப்பு

தியாக தீபம் திலீபனுக்கு புதிதாக அமைக்கப்பட்ட சிலை சம்பந்தமாக வாக்குமூலம் பதிவு செய்வதற்காக தமிழ்த் தேசிய மக்கள் முன்னணியின் செயலாளரும் முன்னாள் நாடாளுமன்ற உறுப்பினருமான செல்வராசா கஜேந்திரன் யாழ் மாவட்ட குற்றத்தடுப்பு பிரிவில் இன்று காலை முன்னிலையாகியிருந்தார்.

இந்தநிலையில் 3 மணிநேர விசாரணையின் பின்னர் திருவுருவச் சிலை தொடர்பாக வாக்குமூலம் பதிவுசெய்து விட்டு சற்றுமுன்னர் அங்கிருந்து வெளியேறியுள்ளார்.

மேலதிக தகவல்கள் - த.பிரதீபன்

முதலாம் இணைப்பு

தமிழ்த் தேசிய மக்கள் முன்னணியின் செயலாளரும் முன்னாள் நாடாளுமன்ற உறுப்பினருமான செல்வராசா கஜேந்திரனுக்கு யாழ் மாவட்ட குற்றத் தடுப்பு காவல்துறையினர் அழைப்பு விடுத்துள்ளனர்.

தியாக தீபம் திலீபனுக்கு புதிதாக அமைக்கப்பட்ட சிலை சம்பந்தமாக வாக்குமூலம் பதிவு செய்வதற்காக இன்று (25) ஞாயிற்றுக்கிழமை காலை 10 மணிக்கு யாழ் மாவட்டக் குற்றத் தடுப்பு காரியாலயத்திற்கு சமுகமளிக்குமாறு அவருக்கு அழைப்பு விடுக்கப்பட்டுள்ளது.

இந்த விடயம் தொடர்பில் செல்வராசா கஜேந்திரன் ஐபிசி தமிழுக்கு இன்று காலை தெரிவித்ததாவது, யாழ்ப்பாணம் காவல்துறையினரினால் நேற்றைய தினம் (24) கந்தர்மடத்திலுள்ள எனது வீட்டில் கட்டளை ஒன்று வழங்கப்பட்டிருக்கின்றது.

திலீபனின் திருவுருவச் சிலை

இன்று ஞாயிற்றுக்கிழமை 25 ஆம் திகதி காலை 10 மணிக்கு காவல்நிலையத்திலே வாக்குமூலம் அளிப்பதற்கு சமுகமளிக்குமாறு கூறப்பட்டிருக்கின்றது.

குறிப்பாக தியாக தீபம் திலீபனின் திருவுருவச் சிலை தொடர்பான விசாரணை என்று குறிப்பிடப்பட்டுள்ளது. அந்த விடயம் தொடர்பாக வாக்குமூலம் அளிப்பதற்கு வருமாறு கட்டளை வழங்கப்பட்டுள்ளது.

நான் இன்று 10 மணிக்கு அங்கே செல்ல இருக்கின்றேன். நேற்று தான் என்னுடைய கைக்கு அந்த கட்டளை கிடைத்தது.

இதற்கு முன்னர் இரண்டு தடவை கரவெட்டியிலுள்ள என்னுடைய தாயாரின் இல்லத்திற்கு கட்டளையை கொண்டு சென்றிருக்கின்றார்கள். மகன் யாழ்ப்பாணத்தில் இருக்கின்றார் அவரிடம் சமர்ப்பியுங்கள் என்று என்னுடைய தாயார் அவர்களிடம் சொல்லியிருக்கின்றார்.

வாக்குமூலம் அளிக்கவுள்ளார்

ஆனால் அவர்கள் என்னிடம் கையளிக்காமலேயே வாக்குமூலம் இரண்டு தடவை எனக்கு கட்டளை அனுப்பியும் நான் வரவில்லை என்று எங்களுடைய உறுப்பினரிடம் பொய் சொல்லியிருக்கின்றார்கள்.

நேற்றைய தினம் உரிய முறையில் கட்டளை எனக்கு கிடைத்தமையால் இன்று வாக்குமூலம் அளிக்கச் செல்கின்றேன் ” என தெரிவித்தார்.

இதேவேளை குறித்த விசாரணைக்கு சமூகமளிக்க தவறும் பட்சத்தில் அவருக்கு எதிராக இலங்கை தண்டனை சட்டக்கோவை 172ஆம் பிரிவின் கீழ் வழக்கு தொடரப்பட்டு நீதிமன்றம் மூலம் அழைப்பாணை பெறப்படும் எனவும் அந்தக் கட்டளையில் குறிப்பிடப்பட்டுள்ளது.

கேள்விக்குறியாகும் பாதுகாப்பு: காட்டு யானை தாக்கியதில் ஒருவர் உயிரிழப்பு

Sindu — 2026-10-25 08:51:05

நூருல் ஹுதா உமர்

அம்பாறை, இறக்காமம் 07– நைனாகாடு பகுதியில் காட்டு யானை தாக்கியதில் நிந்தவூரைச் சேர்ந்த 38 வயது நபர் ஒருவர் உயிரிழந்துள்ளார்.

குறித்த நபர் ஹோட்டல் ஒன்றில் பணியாற்றி வந்த நிலையில், நேற்று (24) இரவு மோட்டார் சைக்கிளில் வீடு திரும்பிக்கொண்டிருந்தபோது, வழியில் காட்டு யானை எதிர்பட்டுள்ளது.

காட்டு யானையைக் கண்டு அச்சமடைந்தவர் தப்பியோட முயன்றபோது அவர் இடறி விழுந்துள்ளார்.

பாதுகாப்பு கேள்விக்குறி

இதன்போது அவரை காட்டு யானை மிதித்ததில் சம்பவ இடத்திலேயே உயிரிழந்துள்ளதாக காவல்துறையினரின் ஆரம்பக்கட்ட விசாரணையில் தெரிய வந்துள்ளது.

அவரது உடல் பிரேத பரிசோதனைக்காக அம்பாறை மாவட்ட பொது வைத்தியசாலைக்கு அனுப்பி வைக்கப்பட்டுள்ளதாக காவல்துறையினர் தெரிவித்துள்ளதோடு சம்பவம் தொடர்பில் மேலதிக விசாரணைகளும் முன்னெடுக்கப்பட்டு வருகின்றது.

காட்டு யானைகள் மக்கள் நடமாட்டம் அதிகமுள்ள பகுதிகளிலும் வீதிகளிலும் பிரவேசிப்பதால், பொதுமக்களின் பாதுகாப்பு கேள்விக்குறியாகியுள்ளது.

படையினரால் கொல்லப்பட்டவர்களே செம்மணியில் புதைக்கப்பட்டனர் : மீண்டும் உறுதிப்படுத்திய சோமரத்ன ராஜபக்‌ச

Independent Writer — 2026-10-25 08:32:48

யாழ்ப்பாணத்தில் 1996ஆம் ஆண்டு காலப்பகுதியில் படையினரால் கொல்லப்பட்டவர்களின் உடல்கள் செம்மணியில் புதைக்கப்பட்டதாகத் தான் ஏற்கனவே வெளிப்படுத்திய தகவல்கள் முற்றிலும் உண்மையானவை என்று மரண தண்டனைக் கைதியான லான்ஸ் கோப்ரல் சோமரத்ன ராஜபக்‌ச தெரிவித்துள்ளார்.

அவற்றைத் தான் சுயநினைவுடனேயே வெளிப்படுத்தியதாகவும், தற்போது செம்மணி - சித்துபாத்தி மயானத்தை அண்மித்த பகுதியிலிருந்து அகழ்ந்து எடுக்கப்பட்டுள்ள மனித எலும்புக்கூடுகளில் படையினரால் கொல்லப்பட்டோரின் எலும்புக்கூடுகளும் இருக்கக்கூடும் எனவும் அவர் சுட்டிக்காட்டினார்.

செம்மணி மனிதப்புதைகுழி தொடர்பான பேராசிரியர் ராஜ் சோமதேவாவின் இடைக்கால அறிக்கை அண்மையில் சமர்ப்பிக்கப்பட்டுள்ள நிலையில, சோமரத்ன ராஜபக்‌ச அவரது சகோதரி ஊடாக ஊடகமொன்றின் கேள்விகளுக்கு அனுப்பிவைத்த பதில்களில் மேற்குறித்த விடயங்களை உறுதிப்படுத்தியுள்ளார்.

கிருஷாந்தி குமாரசுவாமி கொலை

அண்மையில் அகழ்வுப்பணிகள் மூலம் 500க்கும் மேற்பட்ட மனித எலும்புக்கூடுகள் கண்டறியப்பட்ட செம்மணி பகுதியில் படையினரால் கொல்லப்பட்டவர்கள் புதைக்கப்பட்டார்கள் என உறுதியாக நம்புவதாகவும் சோமரத்ன ராஜபக்ச குறிப்பிட்டுள்ளார்.

அத்துடன் 1996 ஆம் ஆண்டு கிருஷாந்தி குமாரசுவாமி மற்றும் அவரது குடும்பத்தினரின் உடல்கள் செம்மணி சோதனைச்சாவடிக்கு அண்மையில் கண்டறியப்பட்டபோது, அதுகுறித்து நீதிமன்றத்துக்கு அறிக்கை சமர்ப்பித்த மருத்துவர், அந்த உடல்கள் யாருடையவை என்பதை அடையாளம் காணமுடியாது என்றும், அந்த உடல்கள் மனித என்பு எச்சங்களுக்கு இடையிலிருந்து கண்டறியப்பட்ட எலும்புக்கூடுகள் என்றும் தெரிவித்திருந்தார்.

இருப்பினும் பின்னர் இந்த வழக்கில் அரசாங்கத்தின் தலையீட்டைத் தொடர்ந்து, மருத்துவ அறிக்கைகளின்படி மேற்படி உடல்கள் கிருஷாந்தி குமாரசுவாமி மற்றும் அவரது குடும்பத்தினருடையவை என அடையாளம் காணப்பட்டிருப்பதாக நீதிமன்றத்தில் தெரிவிக்கப்பட்டது என்றும் விளக்கமளித்துள்ளார்.

1999 ஆம் ஆண்டு செம்மணியை அண்மித்த பகுதிகளில் இருந்து 15 உடல்கள் அகழ்ந்தெடுக்கப்பட்டன. அவற்றில் சில உடல்கள் யாழ்ப்பாண மக்களால் அடையாளம் காணப்பட்டன.

அதுபற்றி என்னால் மேற்கொள்ளப்பட்ட வெளிப்படுத்தல்களை அடுத்து, அவற்றுடன் தொடர்புடைய இராணுவ உயரதிகாரிகள் சிலர் கைதுசெய்யப்பட்டு சிறையில் அடைக்கப்பட்டனர்.

சித்துபாத்தியில் கண்டறியப்பட்டுள்ள உடல்கள்

அத்தோடு அக்காலப்பகுதியில் செம்மணி சோதனைச்சாவடியில் சுமார் 400 பேர் வரை கைதுசெய்யப்பட்டதாகவும், கொல்லப்பட்டோரில் ஒரு பகுதியினரின் உடல்கள் செம்மணியை அண்மித்த பகுதிகளுக்கும், மற்றொரு பகுதியினரின் உடல்கள் வேறு பகுதிகளுக்கும் அனுப்பிவைக்கப்பட்டதாகவும் நான் வெளிப்படுத்தியுள்ளேன்.

அதுமாத்திரமன்றி பல உடல்கள் மயானப்பகுதிக்கு அண்மையிலும் செம்மணியை சூழவும் புதைக்கப்பட்டதாகவும் நான் கூறியிருக்கிறேன்.

எனவே தற்போது மயானப்பகுதியில் (சித்துபாத்தி) கண்டறியப்பட்டுள்ள உடல்களில் படையினரால் படுகொலை செய்யப்பட்டவர்களின் உடல்களும் இருக்கக்கூடும்' என்றும் சோமரத்ன ராஜபக்‌ஷ தெரிவித்துள்ளார்.

இது இவ்வாறிருக்க மரணதண்டனைக் கைதியான சோமரத்ன ராஜபக்‌ஷவிடம் மீண்டும் விசாரணைகளை முன்னெடுப்பதற்கு புலனாய்வுப் பிரிவினருக்கு நீதிமன்றம் அனுமதி அளித்துள்ளமை குறிப்பிடத்தக்கது.

நாட்டில் அதிகரிக்கும் மின்சார வாகனங்களின் பதிவு: வெளியான தகவல்

Shalini Balachandran — 2026-10-25 08:23:54

இலங்கையில் கடந்த இரண்டு ஆண்டுகளில் மின்சார வாகனங்களின் பதிவு குறிப்பிடத்தக்க வளர்ச்சியைப் பதிவு செய்துள்ளதாக தெரிவிக்கப்பட்டுள்ளது.

மோட்டார் போக்குவரத்து திணைக்களத்தின் (DMT) தரவுகள் இதனை வெளிப்படுத்தியுள்ளன.

மோட்டார் போக்குவரத்து திணைக்களத்தின் உத்தியோகபூர்வ புள்ளிவிவரங்களின்படி, 2025 ஆம் ஆண்டில் 41,443 மின்சார வாகனங்களும் மற்றும் 2026 ஆம் ஆண்டில் 39,700 மின்சார வாகனங்களும் நாட்டில் பதிவு செய்யப்பட்டுள்ளன.

தொழில்நுட்ப கண்டுபிடிப்புகள்

இந்தநிலையில் மேல் மாகாணம் (Western Province), மத்திய மாகாணம் (Central Province) மற்றும் தென் மாகாணம் (Southern Province) ஆகிய பகுதிகளில் மின்சார வாகனங்களின் பதிவில் மிக அதிகமான வளர்ச்சி பதிவாகியுள்ளதாக திணைக்களம் சுட்டிக்காட்டியுள்ளது.

மின்சார வாகனங்களின் பதிவில் உயர்வு காணப்பட்ட போதிலும் நாடு முழுவதும் பயன்பாட்டிலுள்ள நான்கு மில்லியனுக்கும் அதிகமான உள் எரி பொறி (Internal Combustion Engine - ICE) வாகனங்களின் எண்ணிக்கையுடன் ஒப்பிடும் போது நாட்டில் உள்ள மொத்த மின்சார வாகனங்களின் சதவீதம் மிகவும் குறைந்த மட்டத்திலேயே காணப்படுவதாக சுட்டிக்காட்டப்பட்டுள்ளது.

இந்த சமநிலையற்ற தன்மையைத் தவிர்த்து மின்சார வாகனப் பயன்பாட்டை நாடு முழுவதும் பெருமளவில் ஊக்குவிப்பதற்குத் தொடர்ந்து நிதிசார் ஊக்கத்தொகைகள் (Financial Incentives) மற்றும் நவீன தொழில்நுட்ப கண்டுபிடிப்புகள் அறிமுகப்படுத்தப்பட்டிருக்க வேண்டும் எனவும் வலியுருத்தப்பட்டுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

ஈரான் ஒருபோதும் அணுஆயுதம் பெற முடியாது: பிரச்சாரப் பேரணியில் ட்ரம்ப் முழக்கம்

Shalini Balachandran — 2026-10-25 08:05:32

ஈரான் அணுஆயுதம் பெறுவதை ஒருபோதும் அனுமதிக்க முடியாது என மீண்டும் அமெரிக்க ஜனாதிபதி டொனால்ட் ட்ரம்ப் வலியுருத்தியுள்ளார்.

அமெரிக்காவின் தொடர்ச்சியான இராணுவ நடவடிக்கைகளால் தெஹ்ரானின் தலைமைத்துவமும் தற்காப்புத் திறன்களும் முற்றாக அழிக்கப்பட்டுள்ளதாகவும் அவர் குறிப்பிட்டுள்ளார்.

ஜோர்ஜியா மாநிலத்தில் நடைபெற்ற தேர்தல் பிரச்சாரப் பேரணியில் கலந்து கொண்டு உரையாற்றிய போதே ட்ரம்ப் இதனை தெரிவித்துள்ளார்.

போர்க் கப்பல்கள்

இது தொடர்பில் மேலும் தெரிவித்த ட்ரம்ப், யாருடன் பேச்சுவார்த்தை நடத்துவது ? ஈரானியத் தலைவர்களைக் கொல்வதை நான் நிறுத்த வேண்டியுள்ளது.

ஏனெனில், நாம் யாருடன் தான் பேச்சுவார்த்தை நடத்திக் கொண்டிருக்கிறோம் என்பதை நான் முதலில் அறிந்துகொள்ள வேண்டும்.

ஈரானிடம் தற்போது விமானங்கள், போர்க் கப்பல்கள் என எதுவுமே இல்லை, அந்நாட்டின் முதல் மற்றும் இரண்டாம் நிலை உயர்மட்டத் தலைவர்கள் அனைவரும் கொல்லப்பட்டுவிட்டனர்” என தெரிவித்துள்ளார்.

மோசமான ஒப்பந்தங்கள்

அத்தோடு, 2018 ஆம் ஆண்டில் அப்போதைய ஜனாதிபதி பராக் ஒபாமா தலைமையிலான நிர்வாகத்தால் மேற்கொள்ளப்பட்ட 2015 அணுசக்தி ஒப்பந்தத்தில் (JCPOA) இருந்து அமெரிக்கா வெளியேறிய தீர்மானத்தை ட்ரம்ப் நியாயப்படுத்தினார்.

இந்தநிலையில் ஈரான் அணுஆயுதம் தயாரிப்பதற்கு வழிவகுத்த வரலாற்றின் மிக மோசமான ஒப்பந்தங்களில் ஒன்றான பராக் ஹுசைன் ஒபாமாவின் ஒப்பந்தத்தை நல்வாய்ப்பாக சரியான நேரத்தில் நான் ரத்து செய்தேன் என அவர் குறிப்பிட்டுள்ளார்.

2025 மற்றும் 2026 ஆம் ஆண்டுகளில் மேற்கொள்ளப்பட்ட ஒப்பரேஷன் மிட்நைட் ஹேமர் (Operation Midnight Hammer) மற்றும் ஒப்பரேஷன் எபிக் ஃபியூரி (Operation Epic Fury) ஆகிய இராணுவ நடவடிக்கைகளின் மூலம் ஈரானின் யூரேனியம் செறிவூட்டல் திறனை அமெரிக்கா முற்றாக அழித்துவிட்டது என ட்ரம்ப் தெரிவித்துள்ளார்.

இராணுவ ரீதியாகவும், நிதி ரீதியாகவும், ஏனைய அனைத்து வழிகளிலும் ஈரானை நாம் வீழ்த்திவிட்டோம் எனவும் அவர்கள் இனி எப்போதும் அணுஆயுதத்தைப் பெறாமல் இருப்பதை நாம் உறுதி செய்ய வேண்டும் எனவும் அவர் மேலும் தெரிவித்துள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

சமையல் துறைக்குப் பேரிழப்பு: செஃப் தாமு மறைவுக்கு முதல்வர் விஜய் இரங்கல்

Sindu — 2026-10-25 07:38:57

சமையல்கலை நிபுணர் தாமு மறைவு மிகுந்த வேதனை அளிக்கிறது என தமிழக முதமைச்சர் விஜய் இரங்கல் தெரிவித்துள்ளார்.

சமையல் கலை நிபுணர் தாமு உடல்நலக்குறைவால் சென்னையில் உள்ள தனியார் மருத்துவமனையில் சிகிச்சை பெற்று வந்தநிலையில் இன்று காலமானார்.

இதுதொடர்பில் முதலமைச்சர் விஜய் அவரது எக்ஸ் தளத்தில் குறிப்பிட்டுள்ளதாவது,

கின்னஸ் சாதனை

சமையல் கலை நிபுணர் தாமு என்று அழைக்கப்படும் தாமோதரனின் மறைவு மிகுந்த வேதனையளிக்கிறது. தனது சமையல் திறமையாலும், தனித்துவமான அணுகுமுறையாலும், தொலைக்காட்சி நிகழ்ச்சிகள் வாயிலாகச் சமையல் கலையை மக்களிடம் கொண்டு சேர்த்தவர்.

2010 ஆம் ஆண்டில் தனிநபரின் மிக நீண்ட சமையல் மாரத்தான் என்ற கின்னஸ் உலக சாதனையைப் படைத்ததோடு, பத்மஸ்ரீ விருது பெற்ற பெருமைக்குரியவர்.

அவரது மறைவு சமையல் கலைத் துறைக்குப் பேரிழப்பாகும். அவரை இழந்துவாடும் குடும்பத்தினருக்கும், உறவினர்களுக்கும், நண்பர்களுக்கும், சமையல் கலையை நேசிக்கும் ரசிகர்களுக்கும் எனது ஆழ்ந்த இரங்கலையும், ஆறுதலையும் தெரிவித்துக் கொள்கிறேன் இவ்வாறு அதில் தெரிவித்துள்ளார்.

சொந்தக் காணிகளை விடுவிக்கக் கோரி பலாலியில் கொட்டும் மழையிலும் போராட்டம்!

Theepan — 2026-10-25 07:35:02

தமது பூர்வீக வாழிடங்களையும் காணிகளையும் விடுவிக்கக் கோரி பலாலி மக்கள் கொட்டும் மழைக்குள் தொடர் போராட்டத்தை முன்னெடுத்துள்ளனர்.

குறித்த போராட்டம் இன்றைய தினம் ஞாயிற்றுக்கிழமை 19 ஆவது வாரமாக முன்னெடுக்கப்பட்டது.

கடந்த 36 வருடங்களாக காணிகளை இழந்த மக்கள் இராணுவத்தின் வசமுள்ள தமது காணிகளை விடுவிக்குமாறு கோரி குறித்த போராட்டத்தினை முன்னெடுத்துள்ளனர்.

19ஆவது வாரமாக போராட்டம்

தமது காணிகளில் இராணுவம் விவசாய நடவடிக்கைகள் மற்றும் வர்த்தக நிலையங்களை அமைத்து தமது சொந்த தேவைகளுக்கு பயன்படுத்தி வரும் நிலையில் தாம் நீண்ட காலமாக நிலங்கள், வீடுகள் அற்று வாழ்ந்து வரும் நிலையில் தமது வீடுகள் காணிகளை விடுவிக்க வேண்டும் என கோரியுள்ளனர்.

பிரதி ஞாயிற்றுக்கிழமைகளில் பலாலி சந்தியில் போராட்டம் முன்னெடுக்கப்பட்டு வரும் நிலையில் இன்றைய தினம் 19ஆவது வாரமாக கொட்டும் மழையையும் பொருட்படுத்தாது அப்பகுதி மக்கள் போராட்டத்தில் ஈடுபட்டுள்ளமை குறிப்பிடத்தக்கது.

எரிவாயு தட்டுப்பாட்டுக்கு தீர்வு : விநியோகிக்கப்படவுள்ள 7 இலட்சம் சிலிண்டர்கள்

Sathangani — 2026-10-25 07:09:08

எதிர்வரும் 27 ஆம் திகதிக்குள் 7 இலட்சம் சமையல் எரிவாயு சிலிண்டர்களை நாடு முழுவதும் விநியோகிக்கத் திட்டமிட்டுள்ளதாக லிட்ரோ எரிவாயு நிறுவனம் தெரிவித்துள்ளது.

சந்தையில் நிலவும் அதிக தேவை மற்றும் நுகர்வோரின் தேவைகளைக் கருத்திற்கொண்டு, கடந்த 22 ஆம் திகதி வருகை தந்த கப்பலுக்கு மேலதிகமாக நேற்றைய தினமும் (24) 'GOODWILL' கப்பல் மூலம் 3,900 மெட்ரிக் தொன் எரிவாயு நாட்டிற்குக் கொண்டுவரப்பட்டுள்ளதாக அந்த நிறுவனம் குறிப்பிட்டுள்ளது.

அத்துடன், நாளை (26) மேலும் ஒரு எரிவாயு கப்பல் நாட்டை வந்தடைய உள்ளதாகத் தெரிவித்துள்ள லிட்ரோ நிறுவனம், அதற்கமைய 7 இலட்சம் சமையல் எரிவாயு சிலிண்டர்கள் சந்தைக்கு விநியோகிக்கப்படும் என அறிக்கையொன்றை வெளியிட்டுத் தெரிவித்துள்ளது.

350,000 சிலிண்டர்கள் விநியோகம்

கடந்த 22 ஆம் திகதி நாட்டை வந்தடைந்த 3,900 மெட்ரிக் தொன் எரிவாயுவைக் கொண்ட கப்பலிலிருந்து 350,000 எரிவாயு சிலிண்டர்கள் கடந்த 23, 24 மற்றும் இன்றைய தினமும் (25) தொடர்ச்சியாக விநியோகிக்கப்படுவதாக அந்த நிறுவனம் குறிப்பிட்டுள்ளது.

எனவே, எதிர்வரும் சில நாட்களில் நுகர்வோர் எவ்வித தட்டுப்பாடும் இன்றி சந்தையில் சமையல் எரிவாயுவைப் பெற்றுக்கொள்ள முடியும் என்றும் அந்த நிறுவனம் வெளியிட்டுள்ள அறிக்கையில் மேலும் தெரிவிக்கப்பட்டுள்ளது.

பசில் ராஜபக்சவுக்கு இன்டர்போல் சிவப்பு எச்சரிக்கை: நாட்டிற்கு அழைத்து தீவிர நடவடிக்கை

Shalini Balachandran — 2026-10-25 06:59:09

முன்னாள் நிதியமைச்சர் பசில் ராஜபக்சவை (Basil Rajapaksa) அமெரிக்காவிலிருந்து இலங்கைக்கு அழைத்து வருவதற்கான சர்வதேசச் சட்ட மற்றும் ராஜதந்திர நடவடிக்கைகளை இலங்கை அரசாங்கம் தீவிரப்படுத்தியுள்ளது.

இந்தநிலையில் தற்போது அமெரிக்காவில் வசித்து வரும் பசில் ராஜபக்சவிற்கு எதிராக இன்டர்போல் (Interpol) மூலம் சிவப்பு எச்சரிக்கை (Red Notice) பிறப்பிப்பதற்கான நடவடிக்கைகள் எடுக்கப்பட்டு வருகின்றன.

2014 ஆம் ஆண்டு ஊவா மாகாண சபை தேர்தலின் போது இலங்கை சுற்றுலா விளம்பரப் பணியகத்திற்கு (SLTPB) ஒதுக்கப்பட்ட ரூபாய் 7.8 மில்லியன் நிதியை விளம்பர நடவடிக்கைகளுக்குப் பயன்படுத்தாமல் 12,000 டி-ஷர்ட்டுகளை வழங்கி அரசுக்கு நிதியிழப்பு ஏற்படுத்தியதாகக் குற்றப் புலனாய்வுத் திணைக்களம் (CID) குற்றஞ்சாட்டியுள்ளது.

சிவப்பு எச்சரிக்கை

இந்தநிலையில் கொழும்பு கோட்டை நீதவான் நீதிமன்றம் பசில் ராஜபக்சவைக் கைது செய்ய சிங்களம் மற்றும் ஆங்கிலம் ஆகிய இரு மொழிகளிலும் திறந்த பிடியாணையைப் பிறப்பித்துள்ளதுடன் இன்டர்போல் மூலம் சிவப்பு எச்சரிக்கை பெறுமாறு காவல்துறையினருக்கு உத்தரவிட்டுள்ளது.

இதனடிப்படையில் அமெரிக்கா மற்றும் இலங்கை ஆகிய இரு நாடுகளின் குடியுரிமையைக் கொண்டுள்ள (Dual Citizen) பசில் ராஜபக்சவை நாட்டிற்கு அழைத்து வர 1999 ஆம் ஆண்டு இரு நாடுகளுக்குமிடையே கைச்சாத்தான குற்றவாளிகளை ஒப்படைக்கும் ஒப்பந்தம் (1999 Extradition Treaty) பயன்படுத்தப்படவுள்ளதாக தெரிவிக்கப்படுகின்றது.

பசில் ராஜபக்சவை அமெரிக்க நீதிமன்றங்கள் மற்றும் வெளியுறவுத் திணைக்களத்தின் (US State Department) மூலம் இலங்கைக்கு ஒப்படைப்பதற்கான சட்ட ஆவணங்களைத் தயாரிக்கும் பணியில் சட்டமா அதிபர் திணைக்களமும் (AG's Department) வெளி விவகார அமைச்சும் இணைந்து ஈடுபட்டுள்ளன.

இந்தநிலையில் இன்டர்போல் மூலம் சிவப்பு எச்சரிக்கை விடுக்கப்படும் பட்சத்தில் பசில் ராஜபக்ச, அமெரிக்காவை விட்டு வேறு எந்தவொரு நாட்டிற்கும் தப்பிச் செல்ல முடியாது எனச் சட்ட அமலாக்கப் பிரிவினர் தெரிவித்துள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

மின்னல் தாக்கம் குறித்து வளிமண்டலவியல் திணைக்களத்தின் அறிவிப்பு

Sindu — 2026-10-25 06:50:25

ஊவா மாகாணம், அம்பாறை மற்றும் மட்டக்களப்பு மாவட்டங்களில் கடும் மின்னல் தாக்கம் குறித்த எச்சரிக்கையை வளிமண்டலவியல் திணைக்களம் விடுத்துள்ளது.

அதன்படி, இன்று (25) காலை 11:30 மணிக்கு விடுக்கப்பட்ட இந்த எச்சரிக்கை, இன்று இரவு 11:00 மணி வரை நடைமுறையில் இருக்கும்.

அதன்படி, ஊவா மாகாணத்தின் சில பகுதிகளிலும், அம்பாறை மற்றும் மட்டக்களப்பு மாவட்டங்களிலும் மாலை அல்லது இரவு நேரங்களில் கடும் மின்னலுடன் கூடிய இடியுடன் கூடிய மழை பெய்ய அதிக வாய்ப்புள்ளது.

பலத்த காற்று

இடியுடன் கூடிய மழை பெய்யும் பகுதிகளில் தற்காலிகமாக பலத்த காற்று வீசக்கூடும்.ஷ

மின்னல் தாக்கத்தினால் ஏற்படும் அபாயத்தைக் குறைக்க, பொதுமக்கள் தேவையான முன்னெச்சரிக்கை நடவடிக்கைகளை மேற்கொள்ளுமாறு அறிவுறுத்தப்பட்டுள்ளனர்.

50 கோடி மதிப்புள்ள போதைப்பொருளுடன் ஒருவர் கைது

Sindu — 2026-10-25 06:22:51

கம்பஹா, கட்டானா-கிரிவுல்ல வீதியருகிலுள்ள சமுர்த்தி மாவத்தை பகுதியில், 21 கிலோவுக்கும் அதிகமான ஹெரோயினுடன் சந்தேக நபர் ஒருவர் கைது செய்யப்பட்டுள்ளார்.

போதைப்பொருள் தடுப்புப் பிரிவு அதிகாரிகளால் அப்பகுதியில் நடத்தப்பட்ட சிறப்பு சோதனையின்போது இக் கைது நடவடிக்கை மேற்கொள்ளப்பட்டுள்ளது.

50 கோடி மதிப்பு

பறிமுதல் செய்யப்பட்ட போதைப்பொருளின் மதிப்பு சுமார் 50 கோடி ரூபாய் என தெரிவிக்கப்பட்டுள்ளது.

மேலதிக விசாரணைகளை காவல்துறையினர் மேற்கொண்டு வருகின்றனர்.

முடிவுக்கு வரும் பிக்குகளின் சத்யாகிரகப் போராட்டம்: நீதிமன்றத்தை நாடும் காவல்துறை

Shalini Balachandran — 2026-10-25 06:03:41

கொழும்பு விகாரமகாதேவி பூங்காவில் பிக்குகள் உள்ளிட்ட குழுவினரால் முன்னெடுக்கப்பட்டு வரும் சத்யாகிரகப் போராட்டத்தைக் கலைப்பதற்கான உத்தரவைப் பெற காவல்துறையினர் மீண்டும் நீதிமன்றத்தை நாட ஆயத்தமாகி வருவதாக தென்னிலங்கை ஊடகங்கள் செய்தி வெளியிட்டுள்ளன.

கலகொடஅத்தே ஞானசார தேரருக்கு ஜனாதிபதியின் பொது மன்னிப்பை வழங்குமாறு வலியுறுத்தி விகாரமகாதேவி பூங்காவில் சத்யாகிரகப் போராட்டம் முன்னெடுக்கப்பட்டு வருகின்றது.

ஏற்கனவே கணிசமான இடையூறுகளை ஏற்படுத்தி வரும் இந்த போராட்டத்தால் பொது அமைதிக்கு ஏற்படக்கூடிய அச்சுறுத்தல் குறித்து ஒரு மூத்த காவல்துறை அதிகாரி கவலை தெரிவித்துள்ளதாகவும் தகவல் வெளியாகியுள்ளது.

தொடர்ச்சியான பிரசன்னம்

குறித்த தகவல்களின்படி, போராட்டக்காரர்களின் தொடர்ச்சியான பிரசன்னத்தால் தூண்டப்படும் மேலதிக குழப்பங்கள் ஏற்படும் அபாயத்தைக் கட்டுப்படுத்தும் நோக்கில் இந்த சமீபத்திய சட்ட நடவடிக்கை எடுக்கப்படும் என எதிர்பார்க்கப்படுகிறது.

பூங்காவில் இதுபோன்ற நடவடிக்கைகளில் ஈடுபடுவதற்கு போராட்டக்காரர்கள் கொழும்பு மாநகர சபையிடமிருந்து தேவையான அனுமதிகளைப் பெறவில்லை என தெரிவிக்கப்படுகின்றது.

சில நாட்களுக்கு முன்பு அவ்விடத்திற்கு அருகே ஒரு சந்தேக நபர் கைது செய்யப்பட்ட சம்பவத்தைத் தொடர்ந்து இந்த அனுமதியின்மை பூங்காவில் இளைப்பாற விரும்பும் பொதுமக்களுக்கு ஏற்படும் சிரமத்தை மேலும் அதிகரித்துள்ளதாக சுட்டிக்காட்டப்படுகின்றது.

இந்தநிலையில் போராட்டங்கள் தொடர்ந்தால் வன்முறை வெடிக்க அதிக வாய்ப்புள்ளது என காவல்துறை தரப்பில் கணிக்கப்பட்டுள்ளது.

காவல்துறையினர் நம்பிக்கை

பூங்கா நிலத்தை ஆக்கிரமிப்பதைத் தடுப்பதற்காகக் கடந்த திங்கட்கிழமை காவல்துறையினர், நீதவான் நீதிமன்ற உத்தரவொன்றைப் பெற்றிருந்த போதிலும் போராட்டக்காரர்களைக் கைது செய்வதற்கான பிடியாணையை நீதிமன்றம் இதுவரை வழங்க மறுத்ததால் அக்குழுவினர் தொடர்ந்து அங்கு தங்கியுள்ளனர்.

இந்நிலையில், பூங்காவில் தங்கியிருப்பவர்களின் பெயர் பட்டியலைத் தயாரித்து நீதிமன்றத்தில் சமர்ப்பித்து அவர்களை கைது செய்வதற்கான பிடியாணையைப் பெற காவல்துறையினர் எதிர்பார்த்துள்ளனர்.

அத்தோடு, முந்தைய நீதிமன்ற உத்தரவைப் புறக்கணித்தமைக்காக அவர்களுக்கு எதிராக நீதிமன்ற அவமதிப்புச் (Contempt of Court) சாட்டப்படலாம் எனவும் தெரிவிக்கப்படுகின்றது.

இந்தநிலையில் நாளைய தினத்திற்குப் பிறகு இப் போராட்டக்காரர்களால் அங்கு தொடர்ந்து தங்கியிருக்க முடியாமல் போகும் என காவல்துறையினர் நம்பிக்கை வெளியிட்டுள்ளனர்.

மேலும் ஒரு சிறிய குழுவினர் பூங்காவின் ஒரு பகுதியை ஆக்கிரமித்து மக்களைத் திரட்டி வருவது தொடர்பாக கொழும்பு மாநகர ஆணையாளரால் குருந்தவத்தை (Kurunduwatte) காவல் நிலையத்தில் உத்தியோகபூர்வமாக முறைப்பாடு ஒன்று அளிக்கப்பட்டுள்ளதாகவும் தெரிவிக்கப்படுகின்றமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

ஒரு வருடத்தில் பல பில்லியன் பெறுமதியான போதைப்பொருட்கள் பறிமுதல்!

Sathangani — 2026-10-25 05:54:08

ஒரு வருட காலத்தில், 109 பில்லியன் ரூபாய்க்கும் அதிகமான பெறுமதி கொண்ட நச்சு போதைப்பொருட்களைத் தமது பொறுப்பில் எடுத்துள்ளதாக இலங்கை கடற்படை தெரிவித்துள்ளது.

கடந்த 2025 ஆம் ஆண்டு ஒக்டோபர் மாதம் முதல் இந்த ஆண்டின் ஒக்டோபர் மாதம் வரையிலான காலப்பகுதியில், கடற்படை மற்றும் கடலோரப் பாதுகாப்புத் திணைக்களம் இணைந்து மேற்கொண்ட நடவடிக்கைகளின் மூலம் இந்தப் போதைப்பொருட்கள் கடற்படையினரால் கைப்பற்றப்பட்டுள்ளன.

குறித்த நடவடிக்கைகளின் கீழ், இந்த ஆண்டின் தொடக்கம் முதல் இதுவரை மட்டுமே மேற்கொள்ளப்பட்ட சோதனைகளில் 68 பில்லியன் ரூபாய் பெறுமதியான நச்சு போதைப்பொருட்கள் பறிமுதல் செய்யப்பட்டுள்ளதாகக் கடற்படை குறிப்பிட்டுள்ளது.

கைப்பற்றப்பட்ட போதைப்பொருள்

நேற்றைய தினமும் (24) மாத்தறை, தலல்ல பகுதியில் ஹெரோயின் மற்றும் ஐஸ் (ICE) போதைப்பொருட்கள் கடற்படையினரால் கைப்பற்றப்பட்டன.

இதற்கமைய, 561 கிலோ கிராமிற்கும் அதிகமான ஹெரோயின் மற்றும் ஐஸ் போதைப்பொருட்களைக் கடற்படையினர் தமது பொறுப்பில் எடுத்ததுடன், அவற்றின் பெறுமதி சுமார் 11.8 பில்லியன் ரூபாய்க்கும் அதிகம் என கடற்படை தெரிவித்துள்ளமை குறிப்பிடத்தக்கது.

அநுராதபுரத்தில் விபத்து : 10 வயது சிறுமி ஸ்தலத்திலேயே உயிரிழப்பு!

Sathangani — 2026-10-25 05:34:24

அநுராதபுரம் - துருவில வீதியில் இடம்பெற்ற வாகன விபத்தில் 10 வயது சிறுமி ஒருவர் உயிரிழந்துள்ளதாக தகவல் வெளியாகியுள்ளது.

நேற்று (24) இரவு அநுராதபுரம் நகரத்திற்கு அருகில் இந்த விபத்து இடம்பெற்றுள்ளதாக தெரிவிக்கப்படுகின்றது.

தஹய்யாகம சுற்றுவட்ட வீதியில் இருந்து 55 வீடுகள் பகுதியை நோக்கிச் சென்ற இலங்கை போக்குவரத்துச் சபைக்குச் சொந்தமான (SLTB) பேருந்து ஒன்று, அதே திசையில் முன்னால் சென்று கொண்டிருந்த மோட்டார் சைக்கிளுடன் மோதியதில் இந்த விபத்து சம்பவித்துள்ளது.

காவல்துறையினர் விசாரணை

விபத்தின் போது மோட்டார் சைக்கிளில் பயணித்த குறித்த சிறுமி சம்பவ இடத்திலேயே உயிரிழந்துள்ளதாகத் தகவல்கள் தெரிவிக்கின்றன.

இந்த விபத்து தொடர்பில் பேருந்தின் சாரதி கைது செய்யப்பட்டுள்ளதுடன் அநுராதபுரம் காவல்துறையினர் மேலதிக விசாரணைகளை முன்னெடுத்துள்ளனர்.

சமையல்கலை நிபுணர் தாமு காலமானார்

Sindu — 2026-10-25 05:23:11

இந்தியாவின் சமையல்கலை நிபுணர் தாமு என்று அழைக்கப்படும் கே.தாமோதரன் காலமானார்.

அவரது 72 ஆவது வயதில் உடல்நலக் குறைவால் இன்று (25) காலமானதாக இந்திய ஊடகங்கள் தெரிவித்துள்ளன.

உடல்நலக் குறைவால் சென்னையில் உள்ள தனியார் வைத்தியசாலையில் சிகிச்சை பெற்று வந்த நிலையில் அவர் இன்றையதினம் காலமாகியுள்ளார்.

உலக சாதனை

இவர் தனியார் தொலைக்காட்சிகளில் ஒளிபரப்பான சமையல் நிகழ்ச்சிகள் மற்றும் 'குக் வித் கோமாளி' நிகழ்ச்சியின் மூலம் சிறியவர்கள் முதல் பெரியவர்கள் வரை ஏராளமான இரசிகர்களைப் பெற்றார்.

கடந்த 2010 ஆம் ஆண்டில், 24 மணி நேரம் 30 நிமிடங்கள் 12 வினாடிகளில் 617 விதமான உணவு வகைகளைத் தயாரித்து கின்னஸ் உலக சாதனை படைத்துள்ளார்.

சமையல் கலையில் இவர் ஆற்றிய சிறப்பான பங்களிப்பின் காரணமாக பத்மஸ்ரீ விருது வழங்கி இந்திய அரசு கௌரவப்படுத்தியுள்ளது.

உணவக முகாமைத்துவம், சமையல் கலைத் தொழில்நுட்பத்தில் முனைவர் பட்டம் பெற்ற முதல் இந்தியச் சமையல் நிபுணர் இவர் என்பதும் குறிப்பிடத்தக்கது.

சிறிலங்கன் எயர்லைன்ஸில் சைபர் ஊடுருவல்: முன்னெடுக்கப்பட்டுள்ள விசாரணை

Shalini Balachandran — 2026-10-25 05:13:25

சிறிலங்கன் எயர்லைன்ஸ் (SriLankan Airlines) நிறுவனத்தின் கணினி மற்றும் மின்னஞ்சல் அமைப்புகளை இலக்கு வைத்து மேற்கொள்ளப்பட்டதாகக் கூறப்படும் சைபர் பாதுகாப்பு மீறல் (Cybersecurity Breach) மற்றும் அது குறித்து இலங்கை சிவில் விமானப் போக்குவரத்து அதிகாரசபைக்கு (CAA) உடனடியாகத் தெரிவிக்கத் தவறியமை தொடர்பில் இரண்டு தனித்தனி விசாரணைகள் முன்னெடுக்கப்பட்டுள்ளன.

துறைமுகங்கள் மற்றும் சிவில் விமானப் போக்குவரத்து பிரதி அமைச்சர் ஜனித் ருவன் கொடித்துவக்கு கொடித்துவக்கு தெரிவித்துள்ளார்.

சிறிலங்கன் எயர்லைன்ஸ் நிறுவனத்தின் உள்நாட்டு அமைப்புகளுக்குள் ஹேக்கர்கள் ஊடுருவி, டார்க் வெப் (Dark Web) தளத்தில் காணொளி ஒன்றை வெளியிட்டு 50,000 அமெரிக்க டொலர்களைக் கிரிப்டோ நாணயமாகக் கப்பமாகக் கோரியுள்ளதாக நாடாளுமன்ற உறுப்பினர் தயாசிறி ஜயசேகர நாடாளுமன்றத்தில் அண்மையில் குற்றம் சாட்டியிருந்தார்.

உத்தியோகபூர்வ அறிக்கை

இருப்பினும், இந்த குற்றச்சாட்டுகளைத் திட்டவட்டமாக மறுத்து சிறிலங்கன் எயர்லைன்ஸ் உத்தியோகபூர்வ அறிக்கை ஒன்றை வெளியிட்டது.

குறித்த அறிக்கையில், தங்களது தகவல் தொழில்நுட்ப அமைப்புகள் ஹேக் செய்யப்படவோ அல்லது வேறு தரப்பினரின் கட்டுப்பாட்டிற்குள் செல்லவோ இல்லை எனத் தெரிவிக்கப்பட்டிருந்தது.

சைபர் அச்சுறுத்தலைத் தொடர்ந்து சர்வதேச விமானச் சேவைகளின் கூட்டமைப்பான Oneworld, உறுப்பு விமான நிறுவனங்களுக்கு இடையிலான தரவுப் பரிமாற்றத்திற்கான CarrierConnect பிணையத்திலிருந்து (Network) சிறிலங்கன் எயர்லைன்ஸ் அமைப்பைத் தற்காலிகமாகத் துண்டித்தது.

இயல்பு நிலை

இதையடுத்து, அதிகாரப்பூர்வத் தலையீட்டைத் தொடர்ந்து குறித்த இணைப்பு மீண்டும் இயல்பு நிலைக்குக் கொண்டுவரப்பட்டதாகப் பிரதி அமைச்சர் உறுதிப்படுத்தியுள்ளார்.

இலங்கை கணினி அவசர கால பதிலளிப்பு மன்றம் (Sri Lanka CERT) இது குறித்து விரிவான விசாரணைகளை நடத்தி வரும் நிலையில் அச்சுறுத்தல் ஏற்பட்டபோது, உடனடியாக ஒழுங்குமுறை அமைப்பான சிவில் விமானப் போக்குவரத்து அதிகாரசபைக்குத் தெரிவிக்கத் தவறியமை தீவிர கவனத்திற்குரிய விடயமாக உருவெடுத்துள்ளது.

இந்தநிலையில் ஜே.வி.பி (JVP) சார்பு நிறுவனங்களுக்கிடையிலான ஊழியர் சங்கத்தின் சிறிலங்கன் எயர்லைன்ஸ் கிளைத் தலைவர் நிசால் அதிகாரி தெரிவிக்கையில், சிங்கப்பூரிலுள்ள அமெரிக்கத் தூதரகத்தின் போக்குவரத்து பாதுகாப்பு அதிகாரி எச்சரிக்கை விடுத்த போதிலும் சிறிலங்கன் எயர்லைன்ஸ் நிர்வாகம் சுயாதீன தணிக்கையை நடத்தாது சம்பவத்தை மூடிமறைக்க முயன்றுள்ளதாகக் குற்றம் சாட்டியுள்ளமை குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!

மூதூர் பகுதியில் விபத்து: இளைஞன் உயிரிழப்பு

Sindu — 2026-10-25 04:57:07

எம்.என்.எம்.புஹாரி

திருகோணமலை-மட்டக்களப்பு பிரதான வீதியில் மூதூர் காவல் பிரிவில் உள்ள தனியார் எரிபொருள் நிரப்பு நிலையத்திற்கு முன்பாக இடம்பெற்ற விபத்தில் இளைஞர் ஒருவர் உயிரிழந்துள்ளார்.

நேற்று (24) இளைஞர்கள் இருவர் மோட்டார் சைக்கிளில் பயணித்துக் கொண்டிருந்தபோது முன்னால் சென்ற வாகனத்தை முந்திச் செல்ல முயன்றுள்ளனர்.

இதன்போது முன்னால் சென்ற லொறியின் பின்பகுதியில் மோட்டார் சைக்கிள் மோதியுள்ளது.

லொறியின் சாரதி கைது

தொடர்ந்து மோட்டார் சைக்கிளின் பின்னால் அமர்ந்திருந்தவர் தூக்கி வீசப்பட்டு லொறியின் சில்லில் சிக்கி சம்பவ இடத்திலேயே உயிரிழந்துள்ளார். மற்றுமொரு இளைஞர் காயமடைந்து மூதூர் வைத்தியசாலையில் அனுமதிக்கப்பட்டுள்ளார்.

உயிரிழந்த இளைஞனின் உடல் மூதூர் வைத்தியசாலையின் பிரேத அறையில் வைக்கப்பட்டுள்ளது.

விபத்து தொடர்பில் லொறியின் சாரதி கைது செய்யப்பட்டு மூதூர் காவல் நிலையத்தில் தடுத்து வைக்கப்பட்டுள்ளார்.

மேலதிக விசாரணைகள் மூதூர் காவல்துறையினரால் முன்னெடுக்கப்பட்டு வருகின்றது.