இன்று கடமைகளைப் பொறுப்பேற்கவுள்ள புதிய அமைச்சர்கள் : வெளியான அறிவிப்பு
இலங்கையின் அமைச்சரவை அமைச்சுப் பதவிகளுக்கு நியமிக்கப்பட்டுள்ள அமைச்சர்கள் சிலர் இன்று (19) பிற்பகல் தமது கடமைகளைப் பொறுப்பேற்கவுள்ளதாக தகவல் வெளியாகியுள்ளது.
அரசாங்க தகவல் திணைக்களம் (Government Information Department) இன்று விடுத்துள்ள ஊடக அறிக்கையிலேயே இந்த விடயம் தெரிவிக்கப்பட்டுள்ளது.
இலங்கையின் புதிய அமைச்சரவைக்கு நேற்று (18) நியமிக்கப்பட்ட 21அமைச்சர்களில் சிலர் கடமைகளைப் பொறுப்பேற்ற நிலையில் இன்றும் சிலர் கடமைகளைப் பொறுப்பேற்கவுள்ளனர்
கடமைகளைப் பொறுப்பேற்கவுள்ளோர்
இதன்படி, வர்த்தகம், வாணிபம், உணவுப் பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்ஹ, இளைஞர் விவகாரங்கள் மற்றும் விளையாட்டுத்துறை அமைச்சர் சுனில் குமார கமகே, நகர அபிவிருத்தி, நிர்மாணிப்பு மற்றும் வீடமைப்பு அமைச்சர் அனுர கருணாதிலக்க, வலுசக்தி அமைச்சர் புண்னிய ஸ்ரீ குமார ஜயகொடி ஆகியோரும் தமது கடமைகளைப் பொறுப்பேற்கவுள்ளனர்.
அத்துடன் கமத்தொழில், கால்நடை வளங்கள், காணி மற்றும் சுற்றுலாத்துறை அமைச்சர் கே.டி.லால் காந்த, கைத்தொழில் மற்றும் தொழில் முயற்சியாண்மை அபிவிருத்தி அமைச்சர் சுனில் ஹந்துன்நெத்தி, சுற்றாடல் அமைச்சர் தம்மிக்க படபெதி, கிராமிய அபிவிருத்தி, சமுகப் பாதுகாப்பு மற்றும் சமூக வலுவூட்டல் அமைச்சர் உபாலி பன்னிலகே ஆகிய அமைச்சர்களும் கடமைகளைப் பொறுப்பேற்கவுள்ளதாக குறிப்பிடப்பட்டுள்ளது.
மேலும், கடற்றொழில், நீரியல் மற்றும் கடல் வளங்கள் அமைச்சர் இராமலிங்கம் சந்திரசேகர், போக்குவரத்து, நெடுஞ்சாலைகள், துறைமுகங்கள் மற்றும் சிவில் விமானச் சேவைகள் அமைச்சர் பிமல் ரத்நாயக்க ஆகியோர் தமது கடமைகளைப் பொறுப்பேற்கவுள்ளதாக அரசாங்க தகவல் திணைக்களம் தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
