எவரும் சபாநாயகராகலாம் : மகிந்தவின் சகோதரர் அளித்துள்ள விளக்கம்

Parliament of Sri Lanka Chamal Rajapaksa Ashoka sapumal rangwalla

By Sumithiran Dec 15, 2024 07:14 PM GMT

Sumithiran

in அரசியல்

Report

சபாநாயகராக வருவதற்கு கலாநிதி பட்டமோ கல்விச் சான்றிதழோ தேவையில்லை என கூறியுள்ள முன்னாள் சபாநாயகர் சமல் ராஜபக்ச(Chamal Rajapaksa), கலாநிதி பட்டம் அல்லது கல்விச் சான்றிதழின்றி நாடாளுமன்றத்திற்கு தெரிவான எவரும் சபாநாயகராக முடியும் என தெரிவித்துள்ளார்.

முன்னாள் சபாநாயகர் அசோக ரன்வல(Ashoka Ranwala) கலாநிதி பட்டம் பெற்றவர் என்ற விபரங்களை நாடாளுமன்றத்தில் சமர்ப்பித்தால் மட்டுமே பிரச்சினை ஏற்படும் என அவர் ஊடகங்களுக்கு தெரிவித்துள்ளார்.

இது ஒரு பெரிய பிரச்சினை அல்ல

கலாநிதி பட்டம் தொடர்பான சர்ச்சை வெடித்ததை அடுத்து, சபாநாயகர் பதவியிலிருந்து ரன்வல விலகியது பாராட்டுக்குரியது என்று சமல் ராஜபக்ச கூறினார். "இது ஒரு பெரிய பிரச்சினை அல்ல," என்று அவர் மேலும் தெரிவித்தார்.

எவரும் சபாநாயகராகலாம் : மகிந்தவின் சகோதரர் அளித்துள்ள விளக்கம் | Anyone Elected To Parliament Can Become Speaker

இதேவேளை தனது கல்வித் தகைமை தொடர்பான உண்மை வெளிவந்ததை அடுத்து சபாநாயகர் பதவியில் இருந்து தேசிய மக்கள் சக்தியின் நாடாளுமன்ற உறுப்பினர் அசோக ரன்வல பதவி விலகியமை வரவேற்கத்தக்கது என்று சிறி லங்கா பொதுஜன பெரமுனவின் பொதுச் செயலாளர் சாகர காரியவசம்(Sagara Kariyawasam) தெரிவித்துள்ளமை குறிப்பிடத்தக்கது.