தப்பியோடிய சிரிய ஜனாதிபதியின் மனைவி விவாகரத்து கோரி விண்ணப்பம்
பதவி நீக்கம் செய்யப்பட்ட சிரிய(syria) ஜனாதிபதி பஷர் அல்-அசாத்தின்(bashar al assad) மனைவி அஸ்மா அல்-அசாத்(Asma al-Assad) விவாகரத்து கோரி விண்ணப்பித்துள்ளதுடன் பிரிட்டனுக்கு திரும்புவதற்கான தனது விருப்பத்தை வெளிப்படுத்தியுள்ளார் என்று துருக்கிய மற்றும் அரபு ஊடக ஆதாரங்களை மேற்கோள் காட்டி ஜெருசலேம் போஸ்ட் தெரிவித்துள்ளது.
அஸ்மா அல்-அசாத் மொஸ்கோவில் தனது வாழ்க்கையில் அதிருப்தி அடைந்துள்ளார். அஸ்மா நாட்டை விட்டு வெளியேற சிறப்பு அனுமதி கோரி ரஷ்ய நீதிமன்றத்தில் விண்ணப்பித்ததாக கூறப்படுகிறது.தற்போது அவரது விண்ணப்பம் ரஷ்ய அதிகாரிகளால் பரிசீலனையில் உள்ளது.
சிரிய பெற்றோருக்கு 1975 இல் லண்டனில் பிறந்த அஸ்மா அல்-அசாத் பிரிட்டிஷ்-சிரிய இரட்டை குடியுரிமை பெற்றுள்ளார். முதலீட்டு வங்கியில் தொழிலைத் தொடரும் முன் லண்டன் கிங்ஸ் கல்லூரியில் கணினி அறிவியல் மற்றும் பிரெஞ்சு இலக்கியத்தில் பட்டப்படிப்பை முடித்தார்.
லண்டனுக்கு செல்ல முயன்ற அஸ்மா
அஸ்மா டிசம்பர் 2000 இல் பஷர் அல்-அசாத்தை மணந்தார். தம்பதியருக்கு ஹஃபீஸ், ஜீன் மற்றும் கரீம் என மூன்று குழந்தைகள் உள்ளனர். சிரிய கிளர்ச்சி தொடங்கியதில் இருந்து அஸ்மா தனது குழந்தைகளுடன் லண்டனுக்கு செல்ல முயன்றதாக கூறப்படுகிறது.
கடும் கட்டுப்பாடுகளுடன் வாழும் அசாத்
தற்போது மொஸ்கோவில் புகலிடத்தின் கீழ் வசிக்கும் பஷர் அல்-அசாத், ரஷ்ய அதிகாரிகளால் விதிக்கப்பட்ட கடுமையான கட்டுப்பாடுகளை எதிர்கொள்கிறார். அவரது புகலிடக் கோரிக்கை ஏற்றுக்கொள்ளப்பட்ட போதிலும், அவர் மொஸ்கோவை விட்டு வெளியேறவோ அல்லது அரசியல் நடவடிக்கைகளில் ஈடுபடவோ தடை விதிக்கப்பட்டுள்ளது.
ரஷ்ய அதிகாரிகள் 270 கிலோகிராம் தங்கம், $2 பில்லியன் ரொக்கம் மற்றும் மொஸ்கோவில் உள்ள 18 சொத்துக்கள் உள்ளிட்ட அவரது சொத்துக்களை முடக்கியுள்ளனர்.
முற்றாக மறுக்கும் ரஷ்யா
இதேவேளை முன்னாள் சிரிய ஜனாதிபதி பஷர் அல்-அசாத்தின் பிரித்தானியாவில் பிறந்த மனைவி அஸ்மா அல்-அசாத் விவாகரத்து பெற்று ரஷ்யாவை விட்டு வெளியேற விரும்புவதாக வெளியான துருக்கிய ஊடக அறிக்கைகளை கிரெம்ளின் திங்களன்று நிராகரித்தது.
கிரெம்ளின் செய்தித் தொடர்பாளர் டிமிட்ரி பெஸ்கோவ் துருக்கிய ஊடக அறிக்கைகளை நிராகரித்தார். வெளியான ஊடக அறிக்கைகள் யதார்த்தத்துடன் ஒத்துப்போகின்றனவா என்று ஒரு மாநாட்டு அழைப்பில் கேட்கப்பட்டபோது, பெஸ்கோவ் "இல்லை அவை யதார்த்தத்துடன் ஒத்துப்போகவில்லை." என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஈழ விவகாரத்தில் கடமை தவறிய ஐ.நா! 3 நாட்கள் முன்
செஞ்சோலை… ஈழக் குழந்தைகளுக்காய் தலைவர் கட்டிய கூடு
4 நாட்கள் முன்
புங்குடுதீவு 11ம் வட்டாரம், புங்குடுதீவு 10ம் வட்டாரம், Montreal, Canada
25 Oct, 2020
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024