உயிர்த்த ஞாயிறு தாக்குதல்: அரசியல் நாடகத்தை நடாத்தும் உதய கம்மன்பில
உயிர்த்த ஞாயிறு தாக்குதல் தொடர்பில் அநுர அரசாங்கத்தின் மீது, குற்றம் சுமத்தி உதய கம்மன்பில (Udaya Gammanpila) அரசியல் நாடகத்தை நடத்துகின்றார் என இரத்தினபுரி மாவட்ட சர்வஜன பலய கட்சியின் வேட்பாளர் சமீர பிரசனக சோமரத்ன குற்றம் சுமத்தியுள்ளார்.
மேலும், திலித் ஜயவீர மற்றும் உதய கம்மன்பில ஆகியோரால் ஏற்பட்ட மன உளைச்சல் காரணமாக கட்சியில் இருந்து விலகுவதாகவும் குறிப்பிட்டார்.
இரத்தினபுரி பகுதியில் நேற்று(31.10.2024) இடம்பெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே இவ்வாறு தெரிவித்துள்ளார்.
கம்மன்பிலவின் அறிக்கை
இங்கு தொடர்ந்தும் கருத்து தெரிவித்த அவர், “உயிர்த்த ஞாயிறு தாக்குதல் தொடர்பாக ஷானி அபேசேகர மற்றும் ரவி சேனவிரத்ன உள்ளிட்ட புதிய அரசாங்கத்தின் மீது உதய கம்மன்பில குற்றம் சுமத்தி வருகிறார்.
எனினும் அதே குற்றச்சாட்டுடன் தொடர்புடைய தேஷபந்து தென்னகோன், பூஜித ஜயசுந்தர தொடர்பில் மௌன கொள்கையை உதய கம்மன்பில கடைப்பிடிக்கின்றார்.
அண்மையில் தனியார் ஊடகம் ஒன்றில் இடம்பெற்ற நிகழ்ச்சியில் சர்வஜன பலய அரசியல் கட்சியின் தலைவர் திலித் ஜயவீர, கோட்டாபய ராஜபக்சவை ஆட்சிக்கு கொண்டுவருவதற்காக மேற்கொள்ளப்பட்ட இனவாத வேலைத்திட்டம் குறித்து பெருமையடித்தமை வெட்கப்பட வேண்டிய விடயம்.
மேலும், இவ்வாறானதொரு கட்சியுடன் இணைந்து அரசியல் செய்வது அருவருப்பானது” என்றார்.
இதேவேளை, உயிர்த்த ஞாயிறு தாக்குதல்தாரிகள் சார்பாக செயற்படவே ரவி செனவிரத்ன மற்றும் சானி அபேசேகர தலைமையில் விசாரணைகளை முன்னெடுக்க அநுர அரசாங்கம் முயற்சிக்கின்றது என பிவிதுரு ஹெல உறுமய கட்சியின் தலைவர் உதய கம்மன்பில (Udaya Gammanpila) சுட்டிக்காட்டியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
மாதகல், மாங்குளம், Amsterdam, Netherlands, Nuremberg, Germany
01 Jun, 2024
இடைக்காடு, Muscat, Oman, நியூ யோர்க், United States, Boston, United States
14 May, 2025
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
மட்டக்களப்பு, Lusaka, Zambia, மஹிகெங், Mahikeng, South Africa
26 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015