சாதிக்கத் துடிக்கும் களுவாங்கேணி மாணவர்களுக்கு கரம்கொடுத்த நன்கொடையாளர்கள்

Sri Lankan Tamils Batticaloa

By Vanan Oct 31, 2022 05:14 PM GMT

Vanan

in சமூகம்

Report

மட்டக்களப்பு - களுவாங்கேணி விவேகானந்தா வித்தியாலய எல்லே அணியினருக்கு கிழக்கு பல்கலைக்கழக கலை கலாசார பீட மாணவர் ஒன்றியம் விளையாட்டு (ஜேர்சி) உடைகளை வழங்கியுள்ளதுடன், நன்கொடையாளர் ஒருவர் மூலம் காலணிகளும் கிடைக்கப்பெற்றுள்ளன.

குறித்த எல்லே அணி இம்முறை (2022) கிழக்கு மாகாணத்தில் இடம்பெற்ற எல்லே போட்டியில் சம்பியன் பட்டம் வென்று தேசிய மட்டத்திற்கு தெரிவாகியுள்ளது.

அணியில் இடம்பிடித்த மாணவர்கள் மிகவும் வறுமைக்கோட்டிற்கு உட்பட்ட குடும்பங்களைச் சேர்ந்தவர்கள் எனவும், போசனைக்கான உணவு, காலணி, தாம் அணிந்து விளையாடும் உடைகள் என்பவற்றை பெறுவது கடினமாக இருக்கிறது எனவும், இவை கிடைத்தால் தமது வெற்றிக்கு ஏதுவாக இருக்கும் எனவும் அணியின் தலைவர் எமது ஊடகத்திற்கு வழங்கிய செவ்வி ஒன்றில் தெரிவித்திருந்தார்.

சாதிக்கத்துடிக்கும் மாணவர்கள்

அவர்களது கோரிக்கைகள் அடங்கிய செய்தியை நாம் ஒக்டோபர் 5 ஆம் திகதி அன்று எமது ஊடகத்தில் பிரசுரித்த நிலையில், இன்று அவர்களுக்கான கோரிக்கைகள் நன்கொடையாளர்கள் மூலம் நிறைவேறியிருக்கிறது.

இந்த மாணவர்களுக்கான உற்சாகப்படுத்தல்களை கிழக்கு பல்கலைக்கழக கலை கலாசார பீட மாணவர் ஒன்றியம் இன்று நேரில் சென்று வழங்கியதுடன், வெற்றி வாகை சூடி வர வேண்டும் என அவர்களை வாழ்த்தியுள்ளது.

சாதிக்கத் துடிக்கும் தமிழ் மாணவர்கள் - ஆதரவு கோரும் பாடசாலை சமூகம்