இலங்கை அணிக்கு எதிரான டெஸ்ட் தொடரில் இங்கிலாந்து ஆதிக்கம்
Thulsi
in விளையாட்டு
இலங்கை (srilanka) மற்றும் இங்கிலாந்து அணிகளுக்கு இடையிலான முதலாவது டெஸ்ட் போட்டி தற்போது நடைபெற்று வருகின்றது.
குறித்த போட்டி இங்கிலாந்தின் (england) மென்செஸ்டரில் உள்ள Old Trafford மைதானத்தில் கடந்த 21 ஆம் திகதி ஆரம்பமானது.
போட்டியின் நாணய சுழற்சியில் வெற்றி பெற்று முதலில் துடுப்பெடுத்தாடிய இலங்கை அணி சகல விக்கெட்டுக்களையும் இழந்து 236 ஓட்டங்களை பெற்றது.
இலங்கை அணி
இலங்கை அணி சார்பில் தனஞ்சய டி சில்வா 74 ஓட்டங்களையும் மிலான் ரத்னாயக்க 72 ஓட்டங்களையும் பெற்றனர்.
இந்நிலையில் இங்கிலாந்து அணி சார்பாக Chris Woakes மற்றும் Shoaib Bashir ஆகியோர் தலா 3 விக்கெட்டுக்களை வீழ்த்தினர்.
பதிலுக்கு தனது இரண்டாவது இன்னிங்சை ஆரம்பித்த இங்கிலாந்து அணி நேற்றைய தினம் போட்டி மழை காரணமாக இடைநிறுத்தப்படும் போது 6 விக்கெட்டுக்களை இழந்து 259 ஓட்டங்களை பெற்றிருந்தது.
இங்கிலாந்து அணி முன்னிலை
அவ்வணி சார்பில் Jamie Smith ஆட்டமிழக்காமல் 72 ஓட்டங்களை அதிகபட்சமாக பெற்றுக் கொண்டுள்ளார். மேலும், Harry Brook 56 ஓட்டங்களையும் மற்றும் Joe Root 42 ஓட்டங்களையும் பெற்றுக் கொண்டனர்.
பந்து வீச்சில் அசித பெர்ணான்டோ 3 விக்கெட்டுக்களையும் பிரபாத் ஜயசூரிய 2 விக்கெட்டுக்களையும் பெற்றுக் கொண்டுள்ளனர். இதற்கமைய, இலங்கை அணியை விட 23 ஓட்டங்களால் இங்கிலாந்து அணி முன்னிலை பெற்றுள்ளது.
போட்டியின் மூன்றாம் நாள் ஆட்டம் இலங்கை நேரப்படி இன்று பிற்பகல் 3.30 மணியளவில் ஆரம்பமாகவுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அல்வாய் தெற்கு, Montreuil, France, London, United Kingdom
25 Sep, 2025
ஆவரங்கால், கொழும்பு, London, United Kingdom
05 Oct, 2025
கோண்டாவில், சுண்டிக்குளி, Vancouver, Canada, Brampton, Canada
05 Oct, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
