கைது அச்சத்தில் கம்மன்பில: தாய்லாந்தில் இருந்து வந்த கோரிக்கை
முன்னாள் அமைச்சர் மற்றும் பிவிதுரு ஹெல உறுமய தலைவரான உதய கம்மன்பில, தன்னை கைது செய்வதைத் தடுக்கக் கோரி மேல் நீதிமன்றத்தில் மனுத் தாக்கல் செய்துள்ளார்.
இன்று (செப்டம்பர் 1) அவரது சட்டத்தரணி குழுவின் மூலம் தாக்கல் செய்யப்பட்ட இந்த மனுவில், குற்றப்புலனாய்வுத் திணைக்களத்தினால் (CID) தன்னை கைது செய்யும் முயற்சிக்கு எதிராக தடையுத்தரவு பிறப்பிக்குமாறும் சான்றிதழ் வழங்குமாறு கோரப்பட்டுள்ளது.
அத்தோடு, சர்வதேச குடிமக்கள் மற்றும் அரசியல் உரிமைகள் குறித்த உடன்படிக்கைச் சட்டம் (ICCPR Act) தவறாகப் பயன்படுத்தப்படுவதாகவும், அதன்மூலம் தன்னை விசாரணை இல்லாமல் நீண்டகாலம் அல்லது ஒரு வருடம் வரை தடுத்து வைக்கப்படலாம் என்ற ஆபத்து உள்ளதாகவும் கம்மன்பில தெரிவித்துள்ளார்.
வழக்கின் காரணம்
தற்போது தாய்லாந்தில் உள்ள கம்மன்பில, பொது பாதுகாப்பு அமைச்சின் செயலாளர், காவல் துறை மா அதிபர், CID உயர் அதிகாரிகள் மற்றும் குடிவரவு-குடியுரிமை திணைக்கள பொது பணிப்பாளர் உள்ளிட்டோரை பிரதிவாதிகளாக குறிப்பிட்டுள்ளார்.
முன்னாள் அமைச்சர் என்ற அடிப்படையிலும், LTTE-க்கு எதிரான திறந்த விமர்சகராக இருந்த பின்னணியிலும் தனது நிலையை விளக்கியுள்ள கம்மன்பில, முன்னாள் கடற்படை தளபதி நிசாந்த உலுகெதென்ன மீது முன்னாள் LTTE தலைவரின் சாட்சியத்தின் அடிப்படையில் எடுக்கப்பட்ட நடவடிக்கையை விமர்சித்ததே தமக்கெதிரான வழக்கின் காரணம் என்றும் சுட்டிகாட்டியுள்ளார்.
அத்துடன், அவர் தனது கருத்துக்கள் இனவெறி அல்லது மதவெறியை தூண்டுவதாக அல்லாமல், முன்னாள் LTTE உறுப்பினர்களின் சாட்சியத்தை பயன்படுத்தி மூத்த இராணுவ அதிகாரிகளை குற்றம் சாட்டும் அரசின் தவறான அணுகுமுறையை வெளிக்கொணரும் நோக்கத்துடன் மட்டுமே கூறப்பட்டவை எனவும் வலியுறுத்தியுள்ளார்.
வாக்குமூலங்கள்
மேலும், ஊடக சந்திப்புகளில் பயன்படுத்திய “புலிகள்” என்ற சொல், இலங்கைத் தமிழர்களை அல்ல, LTTE உறுப்பினர்களையே குறிப்பதாக அவர் விளக்கமளித்துள்ளார்.
அவரது ஊடகச் சந்திப்புகள் மற்றும் நேர்காணல்கள் தொடர்பாக பல பத்திரிகையாளர்களிடம் CID பதிவு செய்த வாக்குமூலங்கள் தன்னை குறிவைத்து கட்டியமைப்பதாகவும், இது அரசியல் கருத்துக்களை ஒடுக்க முயலும் அடக்குமுறை என்றும் அவர் குற்றம் சாட்டியுள்ளார்.
இதன்படி, இந்த மனுவை விரைவில் மேல்முறையீட்டு நீதிமன்றம் விசாரணைக்கு எடுத்துக்கொள்ளும் என எதிர்பார்க்கப்படுகிறது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
தெல்லிப்பழை, பேராதனை, கொழும்பு, Fredericton, Canada, Toronto, Canada
08 Oct, 2025
Kuala Lumpur, Malaysia, தொல்புரம், Gunzenhausen, Germany
24 Sep, 2025
யாழ்ப்பாணம், கொழும்பு, London, United Kingdom, Scarbrough, Canada
19 Oct, 2024
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
