இலங்கைக்கு கடத்தப்படவிருந்த பெருமளவான இஞ்சி இந்தியாவில் பறிமுதல்
இந்தியாவிலிருந்து (India) இலங்கைக்கு (Sri Lanka) கடத்துவதற்காக பதுக்கி வைக்கப்பட்டிருந்த பெருமளவிலான சமையல் இஞ்சி மண்டபம் சுங்கத்துறை அதிகாரிகளால் பறிமுதல் செய்யப்பட்டுள்ளது.
ராமநாதபுரம் (Ramanathapuram) மாவட்டம் மரைக்காயர் பட்டினம் கடற்கரை அருகே வீட்டின் பின்புறம் பதுக்கி வைக்கப்பட்டிருந்த 3 இலட்சம் ரூபா மதிப்பிலான 60 மூட்டை சமையல் இஞ்சி மூட்டைகள் இன்று (13) கைப்பற்றப்பட்டுள்ளன.
இதேவேளை குறித்த இஞ்சி மூட்டைகளை பதுக்கி வைத்திருந்த வீட்டின் உரிமையாளர் குறித்து அதிகாரிகள் விசாரணை நடத்தி வருகின்றனர்.
சட்டவிரோத கடத்தல்
ராமநாதபுரம் மாவட்டம் இலங்கைக்கு மிக அருகில் இருப்பதால் இந்த கடற்கரையிலிருந்து சட்டவிரோதமான முறையில் நாட்டுப்படகில் இலங்கைக்கு கடல் அட்டை, சமையல் மஞ்சள், ஏலக்காய், பீடி இலை, சமையல் இஞ்சி உள்ளிட்ட பொருட்கள் அதிகளவு கடத்தப்பட்டு வருகிறது.
இந்த நிலையில் இன்று அதிகாலை மரைக்காயர் பட்டினம் கடற்கரையிலிருந்து நாட்டுப் படகில் இலங்கைக்கு சமையல் இஞ்சி கடத்த இருப்பதாக மண்டபம் சுங்கத் துறை அதிகாரிகளுக்கு இரகசிய தகவல் கிடைத்தது.
இதன் அடிப்படையில் நேற்று இரவு (12) குறித்த பகுதியில் உள்ள வீடுகள் மற்றும் மீன் வைக்கும் இடம் உள்ளிட்ட பகுதிகளில் தொடர்ந்து அதிரடி சோதனை நடத்தினர்.
சுங்கத்துறை அதிகாரிகள் விசாரணை
அப்போது மரைக்காயர் பட்டினம் கடற்கரை ஓரமாக உள்ள வீட்டின் பின்புறம் இருந்து 60 சாக்கு மூட்டைகளில் சுமார் 2 தொன் எடை உள்ள சமையல் இஞ்சி பறிமுதல் செய்யப்பட்டது.
இதையடுத்து இஞ்சி மூட்டைகளை மண்டபம் சுங்கத்துறை அதிகாரிகள் அலுவலகத்திற்கு எடுத்து வந்து குறித்த வீட்டின் உரிமையாளர் யார் என்பது குறித்து விசாரித்து வருகின்றனர்.
முதல் கட்ட விசாரணையில் சமையல் இஞ்சி கடல் வழியாக இலங்கைக்கு கடத்த இருந்தமை தெரியவந்துள்ளதுடன் பறிமுதல் செய்யப்பட்ட இஞ்சி இந்திய மதிப்பு சுமார் 3 இலட்சம் ரூபாவாக இருக்கலாம் என சுங்கத்துறை அதிகாரிகள் தெரிவித்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
