தொழிற்சங்க நடவடிக்கையால் சுகாதாரசேவைகள் ஸ்தம்பிதம்

அரச தாதிய உத்தியோகத்தர்கள் உட்பட பல்வேறு தொழிற்சங்கங்கள் 48மணிநேர தொழிற்சங்க நடவடிக்கையில் ஈடுபட்டுள்ளமையினால் பல்வேறு சுகாதார சேவைகள் ஸ்தம்பிதமடைந்திருப்பதாக தெரிவிக்கப்பட்டுள்ளது.

அதன்படி, இன்றும் நாளையும் இந்த தொழிற்சங்க நடவடிக்கை முன்னெடுக்கப்படவுள்ளதாக அறிவிக்கப்பட்டுள்ளது.

மேலதிக கொடுப்பனவுகளை அதிகரிக்கக் கோரி நாடளாவியரீதியில் அரச தாதிய உத்தியோகத்தர்கள் உட்பட இணைந்த சுகாதார தொழிற்சங்கங்களால் சுகயீன விடுமுறைபோராட்டம் முன்னெடுக்கப்பட்டவுள்ளது.

ஜேர்மனியில் இருந்து இரகசியமாக எடுத்துவரப்பட்ட நவீன ஸ்கேனர்: வைத்தியர் உள்ளிட்ட மூவர் கைது

பணிக்கு சமூகமளிக்கவில்லை

அதன்படி,மருத்துவ சேவைகளுக்கு வழங்கப்படும் 35,000 ரூபாய் கொடுப்பனவை ஏனைய சேவைகளுக்கும் வழங்குமாறு கோரியே இந்த தொழிற்சங்க நடவடிக்கை முன்னெடுக்கப்பட்டுள்ளது.

இந்த தொழிற்சங்க நடவடிக்கைக்கு வவுனியாவிலும் ஆதரவு வழங்கப்பட்டதன் காரணமாக வவுனியா பொதுவைத்தியசாலையின் தாதிய உத்தியோகத்தர்கள் இன்றையதினம் (10) பணிக்கு சமூகமளிக்கவில்லை.

வரி செலுத்துவோர் அடையாள இலக்கத்தை பெறுவதில் ஏற்படும் சிக்கல்கள்! அரசு கூறும் தீர்வு

அநீதியான பொருளாதார கொள்கை

இதன் காரணமாக வைத்தியசாலையின் சேவைகள் பல ஸ்தம்பிதமடைந்திருப்பதாக தெரிவிக்கப்படுகிறது.

இந்த ஆண்டு (2024) பெறுமதிசேர் வரி அதிகரிக்கப்பட்ட நிலையில் தமக்கான கொடுப்பனவுகள் அதிகரிக்கபடவில்லை எனவே, அரசாங்கத்தின் அநீதியான பொருளாதார கொள்கைகளுக்கு எதிர்ப்பு தெரிவித்தே இந்த பணிப்பகிஷ்கரிப்பு முன்னெடுக்கப்பட்டுள்ளதாக போராட்டகாரர்கள் தெரிவித்துள்ளனர்.

இதேவேளை குறித்த தொழிற்சங்க போராட்டத்தில் பொதுச்சுகாதார பரிசோதகரகள் பற்சிகிச்சை நிபுணர்கள், மருந்து கலவைகள் நிபுணர்கள், ECG தொழில்நுட்ப நிபுணர்கள், EEG தொழில்நுட்ப நிபுணர்கள், கண் மருத்துவ நிபுணர்கள், பொது சுகாதார ஆய்வக தொழில்நுட்ப நிபுணர்கள் மற்றும் பல் தொழில்நுட்ப வல்லுநர்கள் ஆகியோரை பிரதிநிதித்துவப்படுத்தும் பல தொழிற்சங்கங்கள் இந்த பணிப்பகிஷ்கரிப்பில் ஈடுபட்டுள்ளமை குறிப்பிடத்தக்கது.  

பிரபல சுற்றுலா பட்டியலில் உள்ள நாடுகள்: இலங்கை எத்தனையாவது இடம் தெரியுமா!