எட்டாவது திருமணத்திற்கு மாப்பிளை கிடைக்கவில்லை : 112 வயது பாட்டி சோகம்
இதுவரை ஏழு திருமணங்கள் செய்துள்ள 112 வயது மூதாட்டி ஒருவர், தனது எட்டாவது திருமணத்திற்கு மாப்பிள்ளை கிடைக்கவில்லை என சோகமாக கூறி இருப்பது பரபரப்பை ஏற்படுத்தி உள்ளது.
மலேசியாவை சேர்ந்த 112 வயது மூதாட்டி சிதி ஹவா என்பரே இவ்வாறு தெரிவித்துள்ளார்.
எட்டாவது திருமணத்திற்கு தயார்
தான் தற்போது எட்டாவது திருமணத்திற்கு தயாராக இருப்பதாகவும் ஆனால் தனக்கேற்ற மாப்பிள்ளை கிடைக்கவில்லை என்றும் சமீபத்தில் அவர் கூறியுள்ளார்.
தன்னுடைய முன்னாள் கணவர்கள் சிலர் இறந்துவிட்டனர், சிலருடன் கருத்து வேறுபாடு ஏற்பட்டதால் விவாகரத்து பெற்று பிரிந்து விட்டேன் என்று கூறியுள்ள அவர் இன்னும் சுறுசுறுப்பாக இருப்பதாக தெரிவித்துள்ளார்.
19 பேரக்குழந்தைகள், 30 கொள்ளு பேர குழந்தைகள்
தற்போது அவர் 19 பேரக்குழந்தைகள், 30 கொள்ளு பேர குழந்தைகளுடன் இருக்கும் நிலையில் எட்டாவது திருமணம் செய்து கொள்ள இருப்பதாகவும் தனக்கு ஏற்ற மாப்பிள்ளை விரைவில் கிடைக்கும் என்ற எதிர்பார்ப்பு தன்னிடம் இருப்பதாகவும் கூறியுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
