தாய்லாந்திலிருந்து வந்த இலங்கையர் கட்டுநாயக்கவில் கைது

Sri Lanka Police Bandaranaike International Airport Thailand Law and Order

By Shalini Balachandran Dec 25, 2024 06:14 AM GMT

Shalini Balachandran

Report

தாய்லாந்திலிருந்து இலங்கை வந்த இலங்கையர் ஒருவ கட்டுநாயக்க விமான நிலையத்தில் வைத்து கைது செய்யப்பட்டுள்ளார்.

சுமார் நான்கு கோடியே 38 இலட்சத்து 80ஆயிரம் ரூபாய் பெறுமதியான குஷ் போதைப்பொருட்களுடன் குறித்த நபர் கைது செய்யப்பட்டுள்ளதாக தெரிவிக்கப்பட்டுள்ளது.

சம்பவம் தொடர்பில் மேலும் தெரியவருகையில், குறித்த நபர், நேற்று (24) காலை 11 மணியளவில் தாய்லாந்தின் பேங்கொக்கில் இருந்து ஸ்ரீலங்கன் எயார்லைன்ஸ் விமானமான UL 403 இல் கட்டுநாயக்க விமான நிலையத்தை வந்தடைந்துள்ளார்.

கட்டுநாயக்கவில் கைது

கட்டுநாயக்க விமான நிலையத்திலிருந்து வெளியேற முற்பட்ட போது சுங்க அதிகாரிகளால் அவர் கைது செய்யப்பட்டுள்ளார்.

கைது செய்யப்பட்ட சந்தேக நபர் கொழும்பில் வசிக்கும் 30 வயதுடைய முச்சக்கரவண்டி சாரதி என குறிப்பிடப்பட்டுள்ளது.

தாய்லாந்திலிருந்து வந்த இலங்கையர் கட்டுநாயக்கவில் கைது | Person Arrested Srilankan Airlines Flight Ul 403

அவர் வைத்திருந்த சூட்கேஸில் நான்கு கிலோகிராம் 388 கிராம் குஷ் என்ற போதைப்பொருள் அடங்கிய ஐந்து பார்சல்கள் இருந்ததாக தெரிவிக்கப்பட்டுள்ளது.

மேலும், குறித்த நபரும் அவர் கொண்டு வந்த குஷ் போதைப்பொருளும் மேலதிக விசாரணைகளுக்காக கட்டுநாயக்க விமான நிலைய காவல்துறை போதைப்பொருள் ஒழிப்புப் பிரிவின் அதிகாரிகளிடம் ஒப்படைக்கப்பட்டுள்ளமை குறிப்பிடத்தக்கது.