வெளிநாட்டுக் கடனை திருப்பி செலுத்துவதற்கான நிதி அரசாங்கத்திடம் உள்ளது:ஜனாதிபதி தெரிவிப்பு
அடுத்த இரண்டு ஆண்டுகளில் தனது வெளிநாட்டுக் கடன் சேவைப் பொறுப்புகளை நிறைவேற்றுவதற்குத் தேவையான பணப்புழக்கமும் நிதித் திறனும் அரசாங்கத்திடம் உள்ளது என்று ஜனாதிபதி அனுர குமார திசாநாயக்க தெரிவித்துள்ளார்.
நாடாளுமன்றத்தில் 2027ஆம் ஆண்டுக்கான நிதிநிலை அறிக்கை உரையை ஆற்றிய ஜனாதிபதி 2025 மற்றும் 2026ஆம் ஆண்டுகளில் செலுத்தப்பட்ட தொகைகளுடன் ஒப்பிடுகையில், அடுத்த இரண்டு ஆண்டுகளில் அரசாங்கம் குறைந்த அளவிலான வெளிநாட்டுக் கடனையே திருப்பிச் செலுத்த வேண்டியிருக்கும் என்று கூறினார்.
2025ஆம் ஆண்டில் அரசாங்கம் 3,707 மில்லியன் அமெரிக்க டொலர் வெளிநாட்டுக் கடனைத் திருப்பிச் செலுத்தியுள்ளதாகவும், 2026ஆம் ஆண்டில் 3,591 மில்லியன் அமெரிக்க டொலரைச் செலுத்த வேண்டியுள்ளதாகவும் அவர் தெரிவித்தார்.
ஜனாதிபதியின் கூற்றுப்படி, அரசாங்கத்தின் வெளிநாட்டுக் கடன் சேவைத் தேவை 2027ஆம் ஆண்டில் 2,986 மில்லியன் அமெரிக்க டொலராகவும், 2028ஆம் ஆண்டில் 3,674 மில்லியன் அமெரிக்க டொலராகவும் இருக்கும்.
தனது கடமைகளை நிறைவேற்றும் அரசாங்கத்தின் திறனைச் சில தரப்பினர் கேள்விக்குட்படுத்தும் கூற்றுக்கள் இருந்தபோதிலும், அடுத்த இரண்டு ஆண்டுகளில் வெளிநாட்டுக் கடனைத் திருப்பிச் செலுத்துவதற்குத் தேவையான பணப்புழக்கமும் நிதித் திறனும் அரசாங்கத்திடம் உள்ளது என்று ஜனாதிபதி திசாநாயக்க தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
அல்லைப்பிட்டி, பிரான்ஸ், France
12 Nov, 2011
