பந்தாடப்படும் ராஜபக்சர்கள்! மஹிந்த கடும் தொனியில் பதில்

Mahinda Rajapaksa SL Protest Sri Lankan political crisis

By Vanan Oct 16, 2022 05:59 PM GMT

Vanan

in அரசியல்

Report

இலங்கையில் ஏற்பட்டுள்ள தவறுகளுக்கு தாம் மாத்திரமே பொறுப்பு என சிலர் கூறிவருவதாக முன்னாள் அதிபர் மஹிந்த ராஜபக்ஷ தெரிவித்துள்ளார்.

இன்று நாவலப்பிட்டி பகுதியில் இடம்பெற்ற சிறிலங்கா பொதுஜன பெரமுனவின் கூட்டத்தில் கலந்துகொண்டு உரையாற்றும்போது மஹிந்த ராஜபக்ஷ தெரிவித்தார்.

சேறுபூசும் நடவடிக்கை

பந்தாடப்படும் ராஜபக்சர்கள்! மஹிந்த கடும் தொனியில் பதில் | Sri Lankan Political Crisis Mahinda Speech

இதன்போது மேலும் கருத்து வெளியிட்ட அவர், “நாம் ஒரு நாடாக பல சவால்களை சந்தித்துள்ளோம். கொவிட் பிரச்சினையை எதிர்கொண்டு, மீண்டெழ முயற்சிக்கும்போது பொருளாதார சவால் ஏற்பட்டது. அதனை எதிர்கொள்கையில் பிரச்சினைகளும் ஏற்பட்டன.

மன்னர் காலத்தில் இருந்தே ஆக்கிரமிப்பு போன்ற சவால்களை, ஒன்றாக எதிர்கொண்ட வரலாறு எமக்கு உள்ளது. இது தெரிந்தும், தெரியாதவர்கள்போல் சிலர் செயற்படுகின்றனர்.

சவால்களை ஏற்பதற்கு தைரியமின்றி, விமர்சனங்களை மட்டும் முன்வைத்துக்கொண்டு, சுமைகளை எம்மீது திணிக்கின்றனர். தவறுக்கு நாம் மட்டுமே பொறுப்பு என எம்மை பந்தாடியும் வருகின்றனர். மறுபுறத்தில் சேறுபூசும் நடவடிக்கையும் இடம்பெறுகின்றது.

பொது வேலைத்திட்டம்

பந்தாடப்படும் ராஜபக்சர்கள்! மஹிந்த கடும் தொனியில் பதில் | Sri Lankan Political Crisis Mahinda Speech

தாங்கள் நல்லவர்கள் எனக் காட்டிக்கொள்ள முற்படுபவர்களும் தவறுகளை இழைத்துள்ளனர். தவறு இடம்பெறுவது இயல்பு. அதனை ஏற்க வெட்கப்பட வேண்டியதில்லை. தவறை திருத்திக்கொள்ள முற்படாமல் முடங்கி இருப்பதுதான் வெட்கம்.

பொதுவேலைத்திட்டத்துக்கு அழைப்பு விடுத்தாலும் வருவதில்லை. ஆட்சிகள் மாறும்போது அரச கொள்கைகளும் மாறுவது சிக்கலுக்குரிய விடயமாகும். எனவே, பொது வேலைத்திட்டத்தின்கீழ் ஒன்றாக இணைந்து பயணிக்க முன்வரவேண்டும்” என்றார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்