ஜே.டி. வான்ஸை வரவேற்ற ட்ரம்பின் விருப்பத்துக்குரிய ஃபீல்ட் மார்ஷல்
பாகிஸ்தானின் சக்திவாய்ந்த இராணுவத்தின் தலைவரும், அமெரிக்க ஜனாதிபதி டொனால்ட் ட்ரம்பின் விருப்பமான ஃபீல்ட் மார்ஷலுமான ஆசிம் முனீர், ஜே.டி. வான்ஸை வரவேற்ற முதல் நபர்களில் ஒருவராக இருந்துள்ளார்.
இஸ்லாமாபாத்தில் இடம்பெறவுள்ள பேச்சுவார்த்தையையொட்டி இன்று வான்ஸ் பாக்கிஸ்தானை வந்தடைந்தார்.
ட்ரம்பின் இரண்டாவது பதவிக்காலத்தில் அமெரிக்காவுடனான பாகிஸ்தானின் உறவுகளை ஆழப்படுத்துவதில் முனீர் ஒரு முக்கியப் பங்காற்றியுள்ளார்.
தனிப்பட்ட செல்வாக்கு
மேலும், கடந்த ஜூன் மாதம் வெள்ளை மாளிகையில் ட்ரம்புடன் முன்னெப்போதும் இல்லாத வகையில் தனிப்பட்ட முறையில் மதிய உணவு அருந்தவும் அவர் கலந்துகொண்டார்.
இதன்படி முனீரே, ட்ரம்ப்புடனான தனது தனிப்பட்ட செல்வாக்கையும் ஈரானுடனான தனது நீண்டகால உறவையும் பயன்படுத்தி, இந்த வாரம் போர் நிறுத்தத்திற்கு மத்தியஸ்தம் செய்ய உதவியதாக கூறப்படுகிறது.
மேலும், போரை முடிவுக்குக் கொண்டுவருவதை நோக்கமாகக் கொண்ட பேச்சுவார்த்தைகளில் அவர் முக்கியப் பங்கு வகிப்பார் என்றும் எதிர்பார்க்கப்படுகிறது.
விமான ஓடுபாதையில், முனீர் கருப்பு நிற சூட் மற்றும் பச்சை நிற டை அணிந்து துணை ஜனாதிபதியை வரவேற்பதை காணொளிக் காட்சிகள் காட்டின.
எனினும் சில மணி நேரங்களுக்கு முன்பு அவர் தனது இராணுவ சீருடையில் ஈரானிய தூதுக்குழுவை வரவேற்றதிலிருந்து இது ஒரு மாறுதலாகும் என பாகிஸ்தான் வெளியுறவு அமைச்சகத்தின் தகவல்கள் தெரிவிப்பதாக ஊடகங்கள் விளக்கியுள்ளன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
