அமெரிக்கா தனது சர்வாதிகாரப் போக்கைக் கைவிட்டால் உடன்படிக்கை சாத்தியம் : ஈரான் ஜனாதிபதி

Donald Trump United States of America Iran

By Sathangani Apr 13, 2026 04:09 AM GMT

Sathangani

in உலகம்

Report

அமெரிக்க அரசு தனது ஆதிக்க மனப்பான்மையைக் கைவிட்டு, ஈரான் தேசத்தின் உரிமைகளை மதித்தால், அந்த நாட்டுடன் ஓர் உடன்படிக்கையை "நிச்சயமாகக் காண முடியும்" என்று ஈரான் ஜனாதிபதி மசூத் பெசெஷ்கியான் தெரிவித்துள்ளார்.

இது குறித்து தனது எக்ஸ் (X) தளத்தில் அவர் வெளியிட்டுள்ள பதிவில் இந்த விடயத்தினைக் குறிப்பிட்டுள்ளார்.

அந்த பதிவில், அமெரிக்க அரசாங்கம் தனது சர்வாதிகாரப் போக்கைக் கைவிட்டு, ஈரானிய தேசத்தின் உரிமைகளை மதித்தால், ஒரு உடன்பாட்டை எட்டுவதற்கான வழிகள் நிச்சயமாகக் காணப்படும்.

ஜனாதிபதி வெளியிட்ட பதிவு

இஸ்லாமாபாத் பேச்சுவார்த்தைகளின் போது மேற்கொண்ட முயற்சிகளுக்காக, நாடாளுமன்ற சபாநாயகர் முகமது பாகர் காலிபாஃப் உள்ளிட்ட ஈரானின் பேச்சுவார்த்தைக் குழுவையும் பெஷெஷ்கியன் பாராட்டினார்.

اگر دولت آمریکا دست از تمامیت‌خواهی بردارد و به حقوق ملت ایران احترام بگذارد حتما راه‌هایی برای دستیابی به توافق پیدا می‌شود.
به اعضای هیئت مذاکره کننده به ویژه برادر عزیزم آقای دکتر قالیباف خدا قوت می‌گویم.
— Masoud Pezeshkian (@drpezeshkian) April 12, 2026

இதேவேளை இஸ்லாமாபாத்தில் அமெரிக்காவுடனான பேச்சுவார்த்தைகள் தோல்வியடைவதற்கு முன்பு, வாஷிங்டனுடன் ஒரு அமைதி ஒப்பந்தத்தை எட்டுவதற்கு ஈரான் "சில அங்குல தூரத்தில்" இருந்ததாக ஈரானின் வெளியுறவு அமைச்சர் அப்பாஸ் அராக்சி தெரிவித்தார்.

அளவுக்கு மீறிய பிடிவாதம்

போரை முடிவுக்குக் கொண்டுவருவதற்காக ஈரானிய தூதுக்குழு அமெரிக்காவுடன் "நன்னம்பிக்கையுடன்" பேச்சுவார்த்தை நடத்தியதாகவும், ஆனால், அமெரிக்கத் தரப்பிலிருந்து அளவுக்கு மீறிய பிடிவாதம், மாறிக்கொண்டே இருக்கும் இலக்குகள் மற்றும் முற்றுகை ஆகியவற்றை அவர்கள் எதிர்கொண்டதாகவும் அவர் குறிப்பிட்டார்.

In intensive talks at highest level in 47 years, Iran engaged with U.S in good faith to end war.

But when just inches away from "Islamabad MoU", we encountered maximalism, shifting goalposts, and blockade.

Zero lessons earned

Good will begets good will.
Enmity begets enmity.
— Seyed Abbas Araghchi (@araghchi) April 12, 2026

எந்தப் பாடமும் கற்கப்படவில்லை. நல்லெண்ணம் நல்லெண்ணத்தையே உருவாக்கும். பகைமை பகைமையையே உருவாக்கும்" என குறிப்பிட்டார்.

முன்னதாக, ரஷ்ய ஜனாதிபதி விளாடிமிர் புடினுடனான கலந்துரையாடலின்போது, அமெரிக்காவுடனான ஒப்பந்தம் "எட்ட முடியாத ஒன்று அல்ல" என்று பெசெஷ்கியான் குறிப்பிட்டதாக ஈரான் ஊடகங்கள் செய்தி வெளியிட்டிருந்தமை குறிப்பிடத்தக்கது.