சுற்றுலாவிற்காக யாழ்ப்பாணம் வந்த பெண் பரிதாப மரணம்
தென்பகுதியில் இருந்து சுற்றுலாவிற்காக யாழ்ப்பாணம் (Jaffna) வந்தவர்களின் கார் மீது பட்டா ரக வாகனம் மோதி ஏற்பட்ட விபத்தில் பெண்ணொருவர் உயிரிழந்துள்ளார்.
குறித்த விபத்து சம்பவம் நேற்றையதினம் (11.11.2024) தெல்லிப்பழை சந்திக்கும் தெல்லிப்பழை காவல் நிலையத்திற்கும் இடைப்பட்ட பகுதியில் இடம்பெற்றுள்ளது.
இதன்போது கம்பஹாவைச் சேர்ந்த 60 வயதுடைய டோனி ப்ரெயன் பெரேரா ரணசிங்க வீரக்கொடியே குசும்புஸ்பராணி என்பவரே உயிரிழந்துள்ளார்.
யாழ்ப்பாணம் போதனா வைத்தியசாலை
இச்சம்பவம் குறித்து மேலும் தெரியவருகையில், ஒரே குடும்பத்தைச் சேர்ந்த மூவர் சுற்றுலாவிற்காக கடந்த ஒன்பதாம் திகதி யாழ்ப்பாணம் வந்துள்ளனர்.
இதன் போது தெல்லிப்பழை சந்திக்கும் காவல் நிலையத்திற்கும் இடைப்பட்ட பகுதியில் நேற்றுமுன்தினம் (10) பட்டா ரக வாகனமும், காரும் மோதி விபத்து சம்பவித்தது.
இதன்போது, படுகாயமடைந்த குறித்த பெண் சிகிச்சைக்காக யாழ்ப்பாணம் போதனா வைத்தியசாலையில் அனுமதிக்கப்பட்டார்.
இருப்பினும் சிகிச்சை பலனின்றி நேற்றையதினம் அவர் உயிரிழந்தார். அவரது சடலம் மீதான மரண விசாரணைகளை திடீர் மரண விசாரணை அதிகாரி ஜெயபாலசிங்கம் மேற்கொண்டார்.
உடற்கூற்று பரிசோதனைகளின் பின்னர் உறவினர்களிடம் சடலம் ஒப்படைக்கப்பட்டது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 1ம் வட்டாரம், புங்குடுதீவு 2ம் வட்டாரம், கொக்குவில் கிழக்கு
17 Oct, 2024
நெடுந்தீவு, நல்லூர், திருநெல்வேலி, சண்டிலிப்பாய், Scarborough, Canada
25 Oct, 2023
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021
