காசாவின் கட்டட இடிபாடுகளுக்குள் ஆயிரக்கணக்கான பொதுமக்களின் உடல்கள் : பலஸ்தீன சுகாதாரத்துறை
இஸ்ரேல் மீது கடந்த ஒக்டோபர் 7ஆம் திகதி தாக்குதல் நடத்திய ஹமாஸ் அமைப்பினருக்கு எதிராக இஸ்ரேல் தொடர்ந்தும் தாக்குதல் நடத்தி வருகிறது.
இதேவேளை காசாவில் உள்ள ஹமாஸ் பயங்கரவாதிகளை ஒழிக்கும் வரை, தாக்குதல் ஓயாது என இஸ்ரேல் தெரிவித்துள்ளது.
இஸ்ரேலின் தொடர் தாக்குதலால் காசா சீர்குலைந்துள்ளதுடன் இஸ்ரேலின் ஏவுகணைத் தாக்குதலைத் தாக்குப்பிடிக்க முடியாமல் கட்டங்கள் இடிந்து வீழ்ந்த வண்ணம் உள்ளது.
ஐ.நாவின் முகாம்களில் தங்கியுள்ளனர்
இந்த தாக்குதலில் இதுவரை காசாவில் 8,500இற்கும் மேற்பட்ட பலஸ்தீனர்கள் உயிரிழந்துள்ளனர்.
காசாவில் 2.3 மில்லியன் பலஸ்தீனர்கள் உள்ளனர். இவர்களை உடனடியாக தென்பகுதிக்கு செல்ல இஸ்ரேல் கேட்டுக்கொண்டுள்ள நிலையில் மக்கள் வெளியேற மறுப்பு தெரிவித்துள்ளனர்.
தற்போது அரைவாசிக்கும் மேற்பட்டோர், தங்களது வீடுகளில் இருந்து வெளியேறி ஐ.நா. நடத்தும் முகாம்களில் தங்கியுள்ளனர். ஐ.நா. பள்ளிகளையும், மருத்துவமனைகளையும் தற்காலிக முகாமாக மாற்றியுள்ளது.
உடல்களை மீட்க முடியாத நிலை
இந்த நிலையில், சேதமடைந்த கட்டட இடிபாடுகளுக்குள் பலியான ஆயிரக்கணக்கான பொதுமக்களின் உடல்கள் இருப்பதாகவும் அந்த இடங்களுக்கு சென்று உடல்களை மீட்க முடியாத நிலை ஏற்பட்டுள்ளது என பலஸ்தீன சுகாதாரத்துறை அமைச்சகம் தெரிவித்துள்ளது.
ஐ.நா. பொதுச்சபையில் காசா மீதான போரை நிறுத்த தீர்மானம் நிறைவேற்றப்பட்டது. இந்த தீர்மானத்தை விமர்சித்த இஸ்ரேல், போரின் 2ஆம் கட்ட நிலையைத் தொடங்கியுள்ளது என அறிவித்தமை குறிப்பிடத்தக்கது.
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
