1000 அடி உயர மெகா சுனாமி : அமெரிக்காவிற்கு விடுக்கப்பட்டுள்ள அவசர எச்சரிக்கை
அமெரிக்காவை (United States) மெகா சுனாமி தாக்க வாய்ப்புள்ளதாக விஞ்ஞானிகள் எச்சரித்துள்ளதாக சர்வதேச ஊடகங்கள் செய்தி வெளியிட்டுள்ளன.
இதன்படி, காஸ்கேடியா துணைப்பிரிவு மண்டலத்தில் ஏற்பட உள்ள பெரிய நிலநடுக்கம், அமெரிக்காவில் மெகா சுனாமியை தூண்டக்கூடும் என தேசிய அறிவியல் அகாடமியால் வெளியிடப்பட்ட வர்ஜீனியா டெக் புவியியலாளர்களின் சமீபத்திய ஆய்வு எச்சரித்துள்ளது.
இந்த காஸ்கேடியா துணைப்பிரிவு மண்டலம், வடக்கு கலிபோர்னியாவிலிருந்து பிரிட்டிஷ் கொலம்பியா வரை நீண்டு கொண்டிருக்கும் 600 மைல் பிளவுக் கோடாகும்.
நிலநடுக்கம்
அடுத்த 50 ஆண்டுகளுக்குள், இந்தப் பகுதியில் 8.0 அல்லது அதற்கு மேற்பட்ட அளவிலான நிலநடுக்கம் ஏற்படுவதற்கு 15 சதவீதம் வாய்ப்பு இருப்பதாக இந்த ஆய்வு மதிப்பிடுகிறது.
இந்த நிலநடுக்கம் ஏற்பட்டால், சில அடிகளில் தோன்றும் வழக்கமான சுனாமியாக இல்லாமல், அடுத்த 15 நிமிடங்களில் 1000 அடி உயரத்திற்கு மெகா சுனாமி ஏற்படும் என எச்சரிக்கின்றனர்.
இதனால், மக்கள் பாதுகாப்பான இடங்களுக்கு இடம் பெயர கூட 15 நிமிட கால அவகாசமே இருக்கும் என கூறப்படுகிறது.
எரிமலை வெடிப்புகள்
இந்த மெகா சுனாமியானது, பாரிய பூகம்பங்கள், எரிமலை வெடிப்புகள் அல்லது விண்கல் மோதல்கள் போன்ற பெரிய அளவிலான நீருக்கடியில் ஏற்படும் பாதிப்புகளால் தூண்டப்படுகிறது.
தெற்கு வாஷிங்டன், வடக்கு ஓரிகான் மற்றும் வடக்கு கலிபோர்னியாவின் சில பகுதிகள் மிகவும் பாதிக்கப்படக்கூடிய பகுதிகள் என்று ஆய்வு எச்சரிக்கிறது.
அலாஸ்கா மற்றும் ஹவாய், காஸ்கேடியா பிழைக் கோட்டிலிருந்து வெகு தொலைவில் இருந்தாலும், இந்த பகுதிகளுக்கும் பெரிய அளவிலான பாதிப்பு ஏற்படும் என ஆய்வு முடிவுகள் தெரிவிக்கின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மனித நாகரிகத்தில் உயிர்நாடியான காடுகள்! 2 நாட்கள் முன்
பாரிய இனச்சிக்கல்களுக்கு வழிகோலிய தனிச்சிங்களச் சட்டம்….
5 நாட்கள் முன்
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
தாவடி தெற்கு கொக்குவில், Lenzburg, Switzerland, Staufen, Switzerland
22 May, 2025
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
