13 வது திருத்தச்சட்ட முறையில் சிக்கிக்கொண்ட ரணில் - அனுப்பப்பட்ட அவசர கடிதம்

13th amendment Tamils Ranil Wickremesinghe

By Dharu Feb 02, 2023 11:33 AM GMT

Dharu

in சமூகம்

Report

அரசியலமைப்பின் 13ஆவது திருத்தத்தை நடைமுறைப்படுத்த வேண்டாம் என மகாநாயக்க தேரர்கள் சிறிலங்கா அதிபரிடம் அவசர கோரிக்கையொன்றை முன்வைத்துள்ளனர்.

இந்த கோரிக்கை அடங்கிய கடிதத்தை மகாநாயக்க தேரர்கள், அதிபர் ரணில் விக்ரமசிங்கவிற்கு அனுப்பியுள்ளனர்.

குறித்த கடிதத்தில், “நாட்டின் சுதந்திரம், ஆட்புல ஒருமைப்பாடு மற்றும் தேசிய பாதுகாப்பு தொடர்பில் பாரிய பிரச்சினைகளுக்கு வழிவகுக்கும் அரசியலமைப்பின் 13 ஆவது திருத்தத்தை நடைமுறைப்படுத்த வேண்டாம்.

நாட்டில் பிளவுகள்

13 வது திருத்தச்சட்ட முறையில் சிக்கிக்கொண்ட ரணில் - அனுப்பப்பட்ட அவசர கடிதம் | 13Th Amendment Request

நாட்டில் ஏற்பட்டுள்ள குழப்ப நிலை அரசியலமைப்பின் 13ஆவது திருத்தத்தை முழுமையாக நடைமுறைப்படுத்துவது தொடர்பில் அதிபர் விடுத்துள்ள கருத்து நாட்டில் குழப்ப நிலையை ஏற்படுத்தியுள்ளது.

அரசியலமைப்பின் 13ஆவது திருத்தத்தில் காவல்துறை மற்றும் காணி அதிகாரங்கள் மற்றும் அது தொடர்பான விடயங்கள் வழங்கப்பட்டுள்ளமை நாட்டில் பிளவுகளுக்கு மேலும் வழி வகுக்கும்.

13ஆவது திருத்தச் சட்டமானது நாட்டில் குழப்ப நிலையை ஏற்படுத்தக் கூடும் என்பதை உணர்ந்து அதனை முழுமையாக நடைமுறைப்படுத்துவதை முன்னைய அதிபர்கள் அனைவரும் தவிர்த்துள்ளனர் என சுட்டிக்காட்டப்பட்டுள்ளது.