யாழில் திடீர் சுற்றிவளைப்பில் சிக்கிய பல்பொருள் அங்காடி: லட்சக்கணக்கில் தண்டப்பணம்

Jaffna Sri Lanka Magistrate Court Northern Province of Sri Lanka

By Shalini Balachandran Mar 18, 2024 08:52 AM GMT

Shalini Balachandran

in சமூகம்

Report

யாழ்ப்பாணம் திருநெல்வேலி பகுதியில் உள்ள பல்பொருள் அங்காடி(food city) ஒன்றின் உரிமையாளருக்கு யாழ் மேலதிக நீதவான் நீதிமன்றால் ஒரு இலட்சத்து 80 ஆயிரம் ரூபாய் தண்டம் அறவிடப்பட்டுள்ளது.

திருநெல்வேலி பகுதியில் உள்ள இரண்டு பல்பொருள் அங்காடிகளில் பொது சுகாதார பரிசோதகர்களினால் திடீர் பரிசோதனைகள் முன்னெடுக்கப்பட்டுள்ளது.

அதன் போது, காட்சிப்படுத்தப்பட்ட காலாவதியான பொருட்கள் மற்றும் வண்டுகள் மொய்த்த பழுதடைந்த பொருட்கள் உள்ளிட்டன மீட்கப்பட்டுள்ளன.

வழக்கு

மீட்கப்பட்ட பொருட்களை சான்று பொருட்களாக நீதிமன்றில் முன்னிலைப்படுத்திய சுகாதார பரிசோதகர், அங்காடி உரிமையாளர்களுக்கு எதிராக வழக்கு தொடர்ந்துள்ளார்.

யாழில் திடீர் சுற்றிவளைப்பில் சிக்கிய பல்பொருள் அங்காடி: லட்சக்கணக்கில் தண்டப்பணம் | 180 000 Rupees Penalty For Food City In Yali

குறித்த வழக்கானது பா.சஞ்சீவனால் தாக்கல் செய்யப்பட்டுள்ளது.

குற்றச்சாட்டுக்கள்

மேற்படி வழக்கு இன்று (18) நீதிமன்றில் அழைக்கப்பட்ட போது ஒருவர் நீதிமன்றில் முன்னிலையாகாத நிலையில் , முன்னிலையான ஒரு அங்காடி உரிமையாளருக்கு எதிராக 18 குற்றச்சாட்டுக்கள் முன்வைக்கப்பட்டுள்ளது.

இந்நிலையில் குறித்த குற்றச்சாட்டுகளின் அடிப்படையில் தண்டப்பணமாக 180,000 ரூபா அறவிடப்பட்டதுடன் கடுமையான எச்சரிக்கையும் விடுக்கப்பட்டமை குறிப்பிடத்தக்கது.