அரலகங்விலயில் சோக சம்பவம்: மின்சாரம் தாக்கி சிறுவன் உட்பட இருவர் பலி!
அரலகங்வில, எல்லேவெவ பகுதியில் காணியொன்றைச் சுற்றி பாதுகாப்பற்ற முறையில் பொருத்தப்பட்டிருந்த மின்சாரக் கம்பியில் சிக்கி, ஐந்து வயது சிறுவன் உட்பட இருவர் உயிரிழந்துள்ளனர்.
குறித்த சம்பவம் நேற்று (23.10.2026) காலை இடம்பெற்றது.
சம்பவத்தைத் தொடர்ந்து இருவரும் உடனடியாக தெஹியத்தகண்டிய வைத்தியசாலையில் அனுமதிக்கப்பட்ட போதிலும், அவர்கள் ஏற்கனவே உயிரிழந்திருந்ததாக அரலகங்வில காவல்துறையினர் தெரிவித்துள்ளனர்.
காவல்துறையினரின் ஆரம்பகட்ட விசாரணை
உயிரிழந்தவர்களில் ஒருவர் எல்லேவெவ பகுதியைச் சேர்ந்த 41 வயதுடையவர் எனவும், மற்றையவர் ஜா-எல பகுதியைச் சேர்ந்த அவரது ஐந்து வயது உறவுச் சிறுவன் எனவும் தெரிவிக்கப்பட்டுள்ளது.
காட்டு யானைகளிடமிருந்து பாதுகாப்புப் பெறுவதற்காக வீட்டைச் சுற்றிப் பொருத்தப்பட்டிருந்த பாதுகாப்பற்ற மின்சாரக் கம்பியில் இருவரும் சிக்கியமையே இந்த விபத்துக்குக் காரணம் என காவல்துறையினரின் ஆரம்பகட்ட விசாரணைகளில் தெரியவந்துள்ளது.
இதற்கிடையில், மின்சாரம் தாக்கிய இருவரையும் காப்பாற்ற முயன்ற மேலும் இருவர் மின்சாரம் தாக்கி காயமடைந்துள்ளனர். அவர்கள் தெஹியத்தகண்டிய வைத்தியசாலையில் அனுமதிக்கப்பட்டுள்ளனர்.
சம்பவம் தொடர்பில் அரலகங்வில காவல்துறையினர் மேலதிக விசாரணைகளை முன்னெடுத்து வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024