இலங்கைக்கு வந்து குவிந்த சுற்றுலாப் பயணிகள் : முதலிடத்தில் எந்த நாடு தெரியுமா...

Sri Lanka Tourism India Economy of Sri Lanka

By Sathangani Jun 23, 2025 08:50 AM GMT

Sathangani

in சுற்றுலா

Report

இந்த வருடத்தின் ஜூன் மாதத்தின் முதல் 18 நாட்களில் 74,570 சுற்றுலாப் பயணிகள் இலங்கைக்கு வருகை தந்துள்ளதாக தகவல் வெளியாகியுள்ளது.

இலங்கை சுற்றுலா அபிவிருத்தி அதிகார சபை (Sri Lanka Tourism Development Authority) வெளியிட்டுள்ள அறிக்கையில் குறித்த விடயம் தெரிவிக்கப்பட்டுள்ளது.

அதன்படி, ஜூன் மாதத்தின் முதல்18 நாட்களில் அதிக எண்ணிக்கையில் இந்தியாவிலிருந்து (India) 22,000 சுற்றுலாப் பயணிகள் வருகை தந்துள்ளனர்.

அதிக சுற்றுலாப் பயணிகள்

அத்துடன் ஐக்கிய இராச்சியத்திலிருந்து (UK) 6,158 சுற்றுலாப் பயணிகளும், சீனாவிலிருந்து (China) 4,789 சுற்றுலாப் பயணிகளும் நாட்டுக்கு வந்துள்ளனர்.

இலங்கைக்கு வந்து குவிந்த சுற்றுலாப் பயணிகள் : முதலிடத்தில் எந்த நாடு தெரியுமா... | 74 570 Tourists Have Come To Sri Lanka In June

மேலும் பங்களாதேஷிலிருந்து (Bangladesh) 4,515 சுற்றுலாப் பயணிகளும், அவுஸ்திரேலியாவிலிருந்து (Australia) 3,577 சுற்றுலாப் பயணிகளும், ஜேர்மனியிலிருந்து (Germany) 3,526 சுற்றுலாப் பயணிகளும் வருகை தந்துள்ளனர்.

அதன்படி, இவ்வாண்டின் ஜனவரி மாதம் முதலாம் திகதியில் இருந்து ஜூன் மாதம் 18 ஆம் திகதி வரையான காலப்பகுதிக்குள் 11 இலட்சத்து 04 ஆயிரத்து 373 சுற்றுலாப் பயணிகள் நாட்டுக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளமை குறிப்பிடத்தக்கது.