முள்ளியவளையில் தீயில் முற்றாக எரிந்து நாசமான வர்த்தக நிலையம் : கோரிக்கை விடுக்கும் வர்த்தகர்கள்
முல்லைத்தீவு மாவட்டத்தின் தண்ணீரூற்று பகுதியில் புடவையகத்தோடு கூடிய இலத்திரனியல் பொருட்கள் திருத்தகம் ஒன்று தீ விபத்தினால் முற்றாக எரிந்து நாசமாகியுள்ளது.
முள்ளியவளை காவல்துறை பிரிவுக்குட்பட்ட குறித்த பகுதியில் நேற்று (10) அதிகாலை திடீரென தீ விபத்து ஏற்பட்டதை அவதானித்த அருகில் உள்ளவர்கள் அனைவரும் ஒன்று கூடி குறித்த வர்த்தக நிலையத்தில் பரவிய தீயினை கட்டுப்பாட்டுக்குள் கொண்டு வந்தனர்.
எனினும் குறித்த தீப்பரவல் காரணமாக வர்த்தகநிலையத்தில் இருந்த அனைத்து பொருட்களும் முற்று முழுதாக எரிந்து அழிவடைந்துள்ளதால் பல இலட்சம் பெறுமதியான நஷ்டம் ஏற்பட்டுள்ளதாக குறிப்பிட்டுள்ளனர்.
காவல்துறையினர் விசாரணை
குறித்த தீ விபத்து எவ்வாறு ஏற்பட்டது என்பது தொடர்பிலான விசாரணைகளை முள்ளியவளை காவல்துறையினர் மேற்கொண்டு வருவதோடு கிளிநொச்சி தடயவியல் காவல்துறையினர் சம்பவ இடத்திற்கு வருகைதந்து தீ ஏற்ப்பட்டதற்கான காரணத்தை கண்டறிய ஆய்வுகளை மேற்கொண்டனர்.
தீ விபத்தின் போது அருகில் உள்ள இரண்டு கடைகளும் எந்த சேதங்களும் இன்றி தப்பியிருப்பதாக வர்த்தகர்கள் தெரிவிக்கின்றனர்.
முல்லைத்தீவு மாவட்டத்தில் தொடர்ச்சியாக இவ்வாறு ஏற்படுகின்ற தீ விபத்துகளின் போது பாரிய சொத்தழிவுகள் ஏற்படுகின்றமைக்கு தீயணைப்பு பிரிவு இல்லாமையே காரணம் என சுட்டிக்காட்டினர்.
தீயணைப்பு படை இன்மை
நேற்றைய தினம் தீயணைப்பு படையினர் வருகை தந்திருந்தால் தீயை உடனடியாக கட்டுப்பாட்டுக்குள் கொண்டு வந்து பல பொருட்களை காப்பாற்றியிருக்க முடியும் எனக் குறிப்பிட்டனர்.
ஆகவே மிக விரைவாக முல்லைத்தீவு மாவட்டத்திற்கான தீயணைப்பு பிரிவு ஒன்றை உருவாக்குவதற்கு உரிய அதிகாரிகள் நடவடிக்கை எடுக்குமாறு வர்த்தகர்கள் கோரிக்கை விடுத்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வண்ணார்பண்ணை, திருநெல்வேலி, யாழ்ப்பாணம், கொழும்பு, Toronto, Canada, Montreal, Canada
19 Sep, 2024
கேகாலை, யாழ்ப்பாணம், Herning, Denmark, Toronto, Canada
19 Sep, 2023
யாழ்ப்பாணம், மானிப்பாய், தொல்புரம், London, United Kingdom
12 Sep, 2024
