கிளிநொச்சியில் கோர விபத்து - சம்பவ இடத்திலேயே குடும்பஸ்தர் ஒருவர் பலி
கிளிநொச்சி காவல்துறை பிரிவிற்குட்பட்ட பரந்தன் பூநகரி வீதியில் இடம்பெற்ற மோட்டார் சைக்கிள் விபத்தில் குடும்பஸ்தர் ஒருவர் உயிரிழந்துள்ளார்.
இந்த சம்பவம் நேற்று (07) பிற்பகல் 4.30 மணியளவில் இடம்பெற்றுள்ளது.
கிளிநொச்சியில் இருந்து பூநகரி நோக்கி பயணித்த கப் ரக வாகனத்துடன் பூநகரியில் இருந்து கிளிநொச்சி நோக்கி பயணித்த மோட்டார் சைக்கிள் மோதி விபத்துக்குள்ளானது.
உயிரிழந்த நபர்
குறித்த விபத்தில் மோட்டார் சைக்கிளில் பயணித்த நபர் சம்பவ இடத்தில் உயிரிழந்துள்ளார்.
சம்பவத்தில் உயிரிழந்தவர் 35 வயதுடைய 2 பிள்ளைகளின் தந்தை என காவல்துறையினர் தெரிவித்துள்ளனர்.
குறித்த விதியில் நெல் உலர விடுவதனால் குறித்த விபத்து இடம்பெற காரணமாக அமைந்ததாக சம்பவத்தை அவதானித்தவர்கள் தெரிவிக்கின்றனர்.
மேலதிக விசாரணை
இதேவேளை, விபத்து இடம்பெற்று நீண்ட நேரத்தின் பின்பே காவல்துறையினர் சம்பவ இடத்துக்கு சென்றதாகவும், விபத்தை ஏற்படுத்திய வாகனத்தில் உடலத்தை ஏற்றி செல்ல காவல்துறையினர் அனுமதித்த பின்பே விசாரணைகளை ஆரம்பித்ததாகவும் மக்கள் குறிப்பிடுகின்றனர்.
குறித்த விபத்து தொடர்பான மேலதிக விசாரணைகளை கிளிநொச்சி காவல்துறையினர் மேற்கொண்டு வருகின்றனர்.
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025
புலோலி தெற்கு, கிளிநொச்சி, Bandarawela, கொழும்பு, Erkelenz, Germany, Madoc, Canada, Markham, Canada
06 Sep, 2024
புங்குடுதீவு 12ம் வட்டாரம், புங்குடுதீவு 2ம் வட்டாரம், கொக்குவில்
05 Sep, 2024