ஊழல் எதிர்ப்பு திருத்தச் சட்டமூலம் அரசியலமைப்புக்கு முரண் : உயர்நீதிமன்றம் தீர்ப்பு
ஊழல் எதிர்ப்பு திருத்தச் சட்ட மூலத்தின் சில ஏற்பாடுகள் அரசியலமைப்புக்கு முரணானது என உயர்நீதிமன்றம் தீர்மானித்துள்ளதாக தகவல் வெளியாகியுள்ளது.
குறித்த திருத்தச் சட்டமூலம் தொடர்பான உயர்நீதிமன்றின் தீர்மானத்தை சபாநாயகர் ஜகத் விக்ரமரத்ன இன்று (22) நாடாளுமன்றுக்கு அறிவித்தார்.
அதன்படி, குறித்த சட்டமூலத்தின் சில சரத்துகள் அரசியலமைப்புக்கு முரணானது என உயர்நீதிமன்றம் வியாக்கியானம் அளித்துள்ளதாக சபாநாயகர் தெரிவித்தார்.
சர்ஜன வாக்கெடுப்பு
அதற்கமைய, ஊழல் எதிர்ப்புச் சட்டமூலத்தின் 17 ஆவது சரத்தை நிறைவேற்றுவதற்கு நாடாளுமன்றத்தில் மூன்றில் இரண்டு பெரும்பான்மை மற்றும் சர்ஜன வாக்கெடுப்பு அவசியம் என உயர்நீதிமன்றம் அறிவித்துள்ளதாக சபாநாயகர் குறிப்பிட்டார்.
ஊழல் எதிர்ப்பு (திருத்தச்) சட்டமூலத்தின் சட்டமூலத்தின் 3,4,6(4) மற்றும் 6(5) ஆகிய வாசகங்கள் அரசியலமைப்புக்கு முரணானது அல்ல எனவும் இதனை சாதாரண பெரும்பான்மையுடன் நிறைவேற்ற முடியும் எனவும் தெரிவித்தார்.
சட்டமூலத்தின் 6(7) வாசகம், அரசியலமைப்பின் உறுப்புரைகள் 12(1) மற்றும் 14(1)(அ) உடன் முரண்படுவதாகவும் அரசியலமைப்பின் 84(2) உறுப்புரைக்கு இணங்க விசேட பெரும்பான்மை ஒன்றின் மூலம் மாத்திரமே அங்கீகரிக்கப்பட முடியும் எனவும் சுட்டிக்காட்டப்பட்டுள்ளது.
இந்த நிலையில் உயர் நீதிமன்றின் இந்த தீர்மானத்தை சபாநாயகர் இவ்வாறு நாடாளுமன்றத்திற்கு அறிவித்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
