ட்ரம்ப் மற்றும் அமெரிக்க அதிகாரிகளுக்கு எதிராக சர்வதேச நீதிமன்றில் சாட்சிய அறிக்கை
காசாவில் நடந்ததாகக் கூறப்படும் குற்றங்கள் தொடர்பாக அமெரிக்க ஜனாதிபதி டொனால்ட் ட்ரம்ப் மற்றும் பிற மூத்த அமெரிக்க அதிகாரிகளுக்கு எதிராகப பிடியானைகளை பிறப்பிக்குமாறு வலியுறுத்தி, சர்வதேச குற்றவியல் நீதிமன்றத்தின் அலுவலகத்தில் ஆதாரங்களைச் சமர்ப்பிக்கத் திட்டமிட்டுள்ளதாக தெரிவிக்கப்பட்டுள்ளது.
மனித உரிமை சட்டத்தரணிகள் மற்றும் ஆர்வலர்கள் அடங்கிய குழு ஒன்று அடுத்த வாரம் இந்த நடவடிக்கையை மேற்கொண்டுள்ளதாக கூறப்படுகிறது.
பாலஸ்தீனப் பகுதிகளில் இனப்படுகொலை, போர்க்குற்றங்கள் மற்றும் மனிதகுலத்திற்கு எதிரான குற்றங்களுக்கு உதவுவதிலும், உடந்தையாக இருப்பதிலும் அமெரிக்க அதிகாரிகளின் பங்கு இருப்பதாகக் கூறப்படும் குற்றச்சாட்டுகள் தொடர்பான ஆவணங்களைச் சமர்ப்பிப்பதற்காக, இனப்படுகொலைக்கு எதிரான வரி செலுத்துவோர் கூட்டணியின் உறுப்பினர்கள், நவம்பர் 11 அன்று சர்வதேச குற்றவியல் நீதிமன்றத்துக்கு செல்வார்கள் என எதிர்பார்க்கப்படுகிறது.
நேரில் கண்ட சாட்சிகளின் வாக்குமூலங்கள்
கிட்டத்தட்ட ஒரு வருட கால ஆதார சேகரிப்பிற்குப் பிறகு தயாரிக்கப்பட்ட தங்களது சமர்ப்பிப்பில், காசாவில் பணியாற்றிய மருத்துவர்களின் உறுதிமொழி வாக்குமூலங்கள், நேரில் கண்ட சாட்சிகளின் வாக்குமூலங்கள், தகவல்களை அம்பலப்படுத்தியவர்களின் சாட்சியங்கள், காணொளிக் காட்சிகள் மற்றும் இஸ்ரேலுக்கான அமெரிக்காவின் அரசியல், இராணுவ, இராஜதந்திர மற்றும் நிதி ஆதரவு தொடர்பான ஆவணங்கள் ஆகியவை அடங்கியுள்ளதாக அந்தக் குழு தெரிவித்துள்ளது.
இந்தக் குற்றச்சாட்டுகள் சர்வதேச குற்றவியல் நீதிமன்றத்தால் இன்னும் விசாரிக்கப்பட்டு தீர்ப்பளிக்கப்படவில்லை என்றும் மேலும் திட்டமிடப்பட்ட இந்தச் சமர்ப்பிப்பு என்பது, நீதிமன்றம் இந்தக் கோரிக்கைகளை ஏற்றுக்கொண்டது என்றோ அல்லது கைது பிடியானைகளை பிறப்பிக்க முடிவு செய்துவிட்டது என்றோ அர்த்தமல்ல என கூறப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
