ஊழலுக்கு எதிரான திருத்த சட்டமூலம் சற்றுமுன்னர் நிறைவேற்றம்!

Parliament of Sri Lanka Sri Lanka

By pavan Nov 08, 2023 09:37 AM GMT

pavan

in அரசியல்

Report

ஊழலுக்கு எதிரான திருத்த சட்டமூலம் சற்றுமுன்னர் (08) நாடாளுமன்றத்தில் நிறைவேற்றப்பட்டது.

இந்த மசோதா முதலில் ஜூலை மாதம் 19 ஆம் திகதி வாக்கெடுப்பு இல்லாமல் திருத்தங்களுடன் நிறைவேற்றப்பட்டது. எவ்வாறாயினும், அது இலங்கையின் அரசியலமைப்பிற்கு முரணானது என்ற காரணத்தினால் பின்னர் திரும்பப் பெறப்பட்டது.

இந்த சட்டமூலம், ஆரம்பத்தில் சமர்ப்பிக்கப்பட்டபோது, பல சர்ச்சைகளால் சூழப்பட்டது

அரசியலமைப்பிற்கு முரணான விதிகள்

ட்ரான்ஸ்பரன்சி இன்டர்நேஷனல் சிறிலங்கா (TISL) உட்பட பல தரப்பினர், சட்டமூலத்தின் உட்பிரிவுகளுக்குள் உள்ள முக்கிய பிழைகளை எடுத்துரைத்து, கேள்விக்குரிய சட்டமூலத்தின் சில விதிகள் அரசியலமைப்பிற்கு முரணானது என்று குறிப்பிட்டது.

ஊழலுக்கு எதிரான திருத்த சட்டமூலம் சற்றுமுன்னர் நிறைவேற்றம்! | Anti Corruption Passed In Parliament

இது தொடர்பாக ஒரு மனுவை தாக்கல் செய்த TISL, ஊழல் தடுப்பு மசோதாவின் உட்பிரிவு 28(3), 161 மற்றும் 119 உட்பட மொத்தம் 37 ஷரத்துகளை சவால் செய்தது.

கருத்துச் சுதந்திரம், மற்றும் வெளிப்படைத்தன்மை மற்றும் பொறுப்புக்கூறல் ஆகியவற்றின் கருத்துகளைப் பாதிக்கலாம்.

இதற்கிடையில், ஊழல் தடுப்பு மசோதாவில் திருத்தம் செய்வதற்கான முன்மொழிவுகளை பெண் நாடாளுமன்ற உறுப்பினர்கள் குழுவும் (WPC) சமர்ப்பித்தது.

நீதிமன்றத்தின் தீர்மானம்

மசோதாவின் சில ஷரத்துக்கள் அரசியலமைப்புச் சட்டத்திற்கு முரணானவை என்றும், எனவே திருத்தங்களுக்குப் பிறகு தாக்கல் செய்யப்பட வேண்டும் என்றும் உச்ச நீதிமன்றம் தீர்மானித்துள்ளது.

எவ்வாறாயினும், உச்ச நீதிமன்றத்தின் தீர்மானத்தில் குறிப்பிடப்பட்டுள்ள திருத்தங்கள் சட்டமூலத்தில் மேற்கொள்ளப்படுமாயின், மேற்படி முரண்பாடுகள் நிறுத்தப்படும் என சபாநாயகர் மஹிந்த யாப்பா அபேவர்தன, உச்ச நீதிமன்ற தீர்மானத்தை வழங்கியுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்