அரை ஏக்கர் நிலத்தினால் லட்சக்கணக்கில் இலாபம் ஈட்டும் இலங்கை விவசாயி!
Kathirpriya
in பொருளாதாரம்
அநுராதபுரம், புளியங்குளத்தைச் சேர்ந்த மிளகாய் விவசாயி ஒருவர் தனது அரை ஏக்கர் நிலத்த்தில் விதைத்த மிளகாய்ச் செய்கையிலிருந்து அதிகூடிய இலாபத்தை ஈட்டியுள்ளதாக விவசாய மற்றும் பெருந்தோட்ட கைத்தொழில் அமைச்சு தெரிவித்துள்ளது.
அதன்படி, நேற்றைய தினம் (17) அந்த அரை ஏக்கர் மிளகாய்ச் செய்கையிலிருந்து 10 மில்லியன் ரூபாய் பெறப்பட்டுள்ளது.
அரை ஏக்கரில் இதுவரை பெறப்பட்ட மிளகாயின் அதிக மகசூல் மற்றும் வருமானத்தை அவர் பதிவு செய்துள்ளதாக விவசாய மற்றும் பெருந்தோட்ட கைத்தொழில் அமைச்சு தெரிவித்துள்ளது.
புதிய தொழில்நுட்பம்
விவசாயத் துறை நவீனமயமாக்கல் திட்டத்தின் கீழ், அவர் மிளகாய்ச் செய்கையின் புதிய தொழில்நுட்பத்தைப் பயன்படுத்தி புளியங்குளம் பகுதியில் அரை ஏக்கரில் மிளகாய்ச் செய்கையை ஆரம்பித்துள்ளதாகவும் அமைச்சு தெரிவித்துள்ளது.
“குறிப்பாக, நம் நாட்டில் அதிக மகசூல் தரும் உள்ளூர் மிளகாய் ரகங்களான MICH 1 மற்றும் 2 ஆகியவை இந்த சாகுபடிக்கு தேர்ந்தெடுக்கப்பட்டுள்ளதாகவும், இந்த மிளகாய்ச் சாகுபடியைத் தொடங்கிய ஒன்பது மாதங்களில் 10 மில்லியன் நிதி ஒதுக்கீடு செய்யப்பட்டுள்ளதாக விவசாய மற்றும் பெருந்தோட்ட கைத்தொழில் அமைச்சர் மஹிந்த அமரவீரவுக்கு நேற்று அறிவிக்கப்பட்டது.
வேளாண்மைத் துறை நவீனமயமாக்கல் திட்டமானது மிளகாய் சாகுபடிக்கு அதிக அடர்த்தி சாகுபடி முறை மற்றும் புதிய விவசாய தொழில்நுட்பத்தை அறிமுகப்படுத்தியுள்ளது. பாரம்பரிய மிளகாய் சாகுபடி முறைப்படி, அரை ஏக்கரில் 6,000 மிளகாய் செடிகளை மட்டுமே நட முடியும், ஆனால் அதிக அடர்த்தி சாகுபடி முறையில், 13,000 செடிகளை நடலாம். அதன்படி, பல மடங்கு மகசூலை பெற முடியும்.
சொட்டு நீர்ப் பாசன முறை
மேலும், பாத்திகளை பொலித்தீன் கொண்டு மூடி, சொட்டு நீர்ப் பாசன முறையில் தண்ணீர் பயன்படுத்துவதால், தண்ணீர் வீணாக்கப்படாமல், களைகளை கட்டுப்படுத்த கூடுதல் பணம் செலவழிக்காமல், ஒரே நேரத்தில் அரை ஏக்கர் மிளகாய் சாகுபடிக்கு குறைந்த அளவு இரசாயன உரங்களைப் பயன்படுத்தி, பூச்சிக்கொல்லிகளைப் பயன்படுத்தாமல் செய்கையில் ஈடுபட்டமையால், மிளகாயின் தரமும் உயர்வாக காணப்படுவதாகத் தெரிவிக்கப்படுகிறது.
இதற்கு முன்னர் எமது நாட்டில் மிளகாய்ச் செய்கையின் மூலம் அதிக விளைச்சலையும் வருமானத்தையும் பெற்ற இரு விவசாயிகள் திறப்பனை மற்றும் யாழ்ப்பாணம் பிரதேசங்களில் இருந்து பதிவாகியிருந்தனர். அவர்கள் முறையே 05 மில்லியன் ரூபாய் மற்றும் 60 மில்லியன் ரூபாயைப் பெற்றிருந்தமை குறிப்பிடத்தக்கது.
அந்த வரிசையில் புளியங்குளத்தைச் சேர்ந்த பந்துல என்பவர் 2,000 கோடி ரூபாய்க்கு மேல் வருமானம் ஈட்டியுள்ள நிலையில், நேற்றைய தினம் (17) 10 மில்லியனைப் பெற்றுள்ளதுடன், மிளகாய்க்கான தற்போதைய சந்தை விலையின்படி குறைந்தபட்சம் 13 மில்லியன் ருபாய் வருமானத்தை ஈட்டக்கூடிய திறனை கொண்டிருக்கும் விவசாயியாக விளங்கி வருகிறார்.
Obersiggenthal, Switzerland, Kirchdorf, Switzerland, Nussbaumen, Switzerland, Mellingen, Switzerland
28 Jul, 2025
பருத்தித்துறை, திருகோணமலை, London, United Kingdom, Birmingham, United Kingdom
21 Jul, 2025
ஆலங்குளாய், சங்கானை, யாழ்ப்பாணம், Dammam, Saudi Arabia, Rheine, Germany, Rushden, United Kingdom
29 Jul, 2024
Kedah, Malaysia, சண்டிலிப்பாய், Cheam, United Kingdom
04 Aug, 2024
