வவுனியாவில் குடும்பத்திற்கு ஒரு ஏக்கர் காணி! நம்பிக்கை வழங்கிய தமிழ் எம்.பி

Vavuniya Ranil Wickremesinghe Sri Lankan Peoples

By Laksi Feb 18, 2024 09:19 AM GMT

Laksi

in அரசியல்

Report

வவுனியா - செட்டிகுளம் பகுதியில் 650 ஏக்கர் வயல் காணியினை 650 குடும்பங்களுக்கு வழங்க நடவடிக்கை எடுக்கப்பட்டுள்ளதாக மாவட்ட ஒருங்கிணைப்பு குழுத் தலைவரும், நாடாளுமன்ற உறுப்பினருமான கு.திலீபன் தெரிவித்துள்ளார்.

வவுனியாவில் இன்று (18) இடம்பெற்ற மக்கள் சந்திப்பு ஒன்றின் போதே அவர் இவ்வாறு தெரிவித்துள்ளார்.

ஒரு ஏக்கர் வீதம் வழங்குவதற்கு நடவடிக்கை

அவர் மேலும் தெரிவிக்கையில், வவுனியா, செட்டிகுளம் பிரதேச செயலக பிரிவுக்குட்பட்ட அருவித்தோட்டம் பகுதியில் பல நூறு ஏக்கர் காணிகளை விடுவித்துக் கொடுக்கப்பட்டிருந்தும் அதனை 15 பேர் மாத்திரமே செய்து வருகின்றனர்.

இவ் வயல் காணிகளை மீளப் பெற்று தலா ஒரு ஏக்கர் வீதம் காணியற்ற 650 குடும்பங்களுக்கு வழங்குவதற்கு நடவடிக்கை எடுத்துள்ளோம்.

இதனால் பல குடும்பங்கள் தமது வாழ்வாதாரத்திற்காக நெற் செய்கையில் ஈடுபட முடியும்.

வவுனியாவில் குடும்பத்திற்கு ஒரு ஏக்கர் காணி! நம்பிக்கை வழங்கிய தமிழ் எம்.பி | Ation To Grant Land

இது தொடர்பாக மாவட்ட ஒருங்கிணைப்புக் குழுக் கூட்டத்திலும் தீர்மானம் எடுக்கப்பட்டுள்ளதுடன் அரச அதிபர், பிரதேச செயலாளர், கமநலசேவை திணைக்கள உதவி ஆணையாளர் ஆகியோருக்கும் தெரியப்படுத்தியுள்ளேன்.

இவ்விடயம் தொடர்பில் அவர்கள் உடனடியாக நடவடிக்கை எடுப்பதாக தெரிவித்துள்ளனர் எனத் தெரிவித்தார்.