அதிபர் ரணில் மீது கொலை முயற்சி - தகவல் கசிந்ததால் பரபரப்பு

CID - Sri Lanka Police Sri Lanka Police Ranil Wickremesinghe Tiran Alles

By Sumithiran Jun 26, 2023 08:49 PM GMT

Sumithiran

in அரசியல்

Report

அதிபர் ரணில் விக்ரமசிங்க இலங்கைக்கு நாடு திரும்புவதற்கான பாதுகாப்பு ஏற்பாடுகள் தொடர்பான காவல்துறை உள்ளக தகவல் கசிந்தமை தொடர்பில் விசாரணைகளை மேற்கொள்ளுமாறு குற்றப் புலனாய்வு திணைக்களத்திற்கு (CID) உத்தரவிடப்பட்டுள்ளது.

தகவல் கசிவுக்கு காரணமானவர்களைக் கைது செய்யுமாறு குற்றப் புலனாய்வுப் பிரிவினருக்குப் பணிப்புரை விடுத்து, பொதுப் பாதுகாப்பு அமைச்சர் டிரான் அலஸ் இந்த உத்தரவைப் பிறப்பித்துள்ளார்.

கொலை முயற்சி -வதந்திகள் முற்றிலும் தவறானவை

அதிபர் ரணில் மீது கொலை முயற்சி - தகவல் கசிந்ததால் பரபரப்பு | Attempted Murder Of President Ranil

அறிக்கையொன்றை வெளியிட்ட பொது பாதுகாப்பு அமைச்சகம், அதிபர் மீது கொலை முயற்சி நடந்ததாகக் கூறப்படும் வதந்திகள் முற்றிலும் தவறானவை என்று கூறி, சமூக ஊடகங்களில் பரவிய வதந்திகளை நிராகரித்தது.

“அதிபர் அல்லது பிரதமர் உத்தியோகபூர்வ வெளிநாட்டுப் பயணங்களின் போது புறப்படுவதற்கும் திரும்புவதற்கும் நிலையான பாதுகாப்பு நடவடிக்கைகள் மற்றும் நடைமுறைகள் உள்ளன, அவை அதிபரின் தற்போதைய விஜயத்தின் போதும் நடைமுறைப்படுத்தப்பட்டுள்ளன. இந்த நடவடிக்கைகள் வழக்கமான நடைமுறையின் ஒரு பகுதியாகும், ”என்று அமைச்சக அறிக்கை கூறியது.

விசாரணைக்கு உத்தரவு

அதிபர் ரணில் மீது கொலை முயற்சி - தகவல் கசிந்ததால் பரபரப்பு | Attempted Murder Of President Ranil

எனினும், உள்ளக தகவல் கசிவு சமூக ஊடக தளங்களில் குறிப்பிடத்தக்க சலசலப்பை ஏற்படுத்தியது, பொது பாதுகாப்பு அமைச்சர், சிஐடி விசாரணையை நடத்தவும், கசிவுக்கு காரணமானவர்களைக் கைது செய்யவும் அறிவுறுத்தினார்.

அதிபர் ரணில் விக்ரமசிங்க ஐக்கிய இராச்சியத்திற்கும் பிரான்ஸிற்கும் தனது விஜயங்களை முடித்துக் கொண்டு இன்று இலங்கை வந்தடைந்தார், அங்கு பாரிஸில் நடைபெற்ற புதிய உலகளாவிய நிதிய ஒப்பந்தத்திற்கான உச்சி மாநாட்டில் கலந்து கொண்டார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்