இலங்கை வங்கி ஊழியர்கள் எடுத்துள்ள தீர்மானம் : முடங்கியுள்ள வங்கிச் சேவைகள்
இலங்கை வங்கியின் (BOC)அனைத்து கிளை வலையமைப்புகளையும் இன்று (29) மதியம் 12.30 மணிக்குப் பிறகு மூடிவிட்டு, வங்கிப் பரிவர்த்தனைகளிலிருந்து விலகுவதற்கு இலங்கை வங்கி ஊழியர் சங்கம் முடிவு செய்துள்ளது.
போனஸ் கொடுப்பனவு குறைப்புக்கு எதிர்ப்பு தெரிவித்தே இந்த தீர்மானம் எடுக்கப்பட்டுள்ளதாக தெரிவிக்கப்படுகின்றது.
அத்துடன் தங்கள் கோரிக்கைகள் முறையாக தீர்க்கப்படாவிட்டால், எதிர்வரும் 6 ஆம் திகதி அடையாள வேலைநிறுத்தத்தில் ஈடுபடப்போவதாகவும் குறித்த சங்கம் எச்சரிக்கை விடுத்துள்ளது.
திறைசேரிக்கு செலவு
இது குறித்து இலங்கை வங்கி ஊழியர் சங்க உறுப்பினர் ஒருவர் கருத்து தெரிவிக்கையில், "2024ஆம் ஆண்டு வரலாற்றில் அதிக இலாபம் ஈட்டிய நிறுவனமாக இலங்கை வங்கி சாதனை படைத்ததோடு, 107 பில்லியனை இலாபமாக ஈட்டியிருந்தது. இலங்கை வங்கி ஈட்டும் இலாபத்தில் பெரும்பகுதி திறைசேரிக்கே செலவிடப்படுகிறது.
இலங்கை வங்கி ஊழியர்களுக்கும் பணிப்பாளர் குழுவிற்கும் வழங்கப்படவுள்ள அங்கீகரிக்கப்பட்ட போனஸ் தொகையைக் குறைப்பது தொடர்பாக நிதியமைச்சுடன் நடைபெற்ற கலந்துரையாடலின் போது, பணம் தொடர்பாக இரண்டு பிரதி அமைச்சர்களால் எட்டப்பட்ட ஒப்பந்தங்களைச் செயற்படுத்த நிதியமைச்சு இன்னும் எந்த நடவடிக்கையும் எடுக்கவில்லை.
வேலைநிறுத்தத்தை முன்னெடுத்தல்
ஒன்றரை மாதங்கள் கடந்துவிட்ட நிலையில் ஒப்புக்கொள்ளப்பட்ட போனஸ் தொகையில் நியாயமற்ற குறைப்புக்கு எதிராக இந்த தொழிற்சங்க நடவடிக்கைகள் தொடங்கப்படுகின்றன.
எட்டப்பட்ட ஒப்பந்தங்களை செயற்படுத்துமாறு நாங்கள் அரசாங்கத்தை கட்டாயப்படுத்துகிறோம். இது கவலையளிக்கும் விடயமாக இருந்தாலும், தொழிற்சங்க நடவடிக்கையை தொடங்க வேண்டிய நிலைமை உருவாகியுள்ளது.
இதுபோன்ற பல தொழிற்சங்க நடவடிக்கைகளை நாங்கள் ஏற்பாடு செய்துள்ளோம். அரசாங்கம் தீர்வுகளை வழங்கவில்லை என்றால், அடுத்த வாரம் முதல் ஒரு நாள் வேலைநிறுத்தத்தை முன்னெடுக்க தீர்மானித்துள்ளோம்." என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ரணிலின் கைதும் இந்தியாவின் மௌனத்திற்கான பின்புலமும்
6 நாட்கள் முன்
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
கோண்டாவில் மேற்கு, Bad Vilbel, Germany, London, United Kingdom
02 Sep, 2025
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
சரவணை மேற்கு, யாழ்ப்பாணம், ஜேர்மனி, Germany, Ivry-sur-Seine, France, Limeil-Brévannes, France
15 Sep, 2024
பளை, கச்சார்வெளி, புளியங்குளம், வவுனியா, Weston, Canada, Whitchurch, Canada
03 Sep, 2020
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
