ரணிலுக்கு எதிரான மற்றுமொரு வழக்கு! உயர் நீதிமன்றம் விடுத்த உத்தரவு
Dilakshan
in சட்டம் மற்றும் ஒழுங்கு
முன்னாள் ஜனாதிபதி ரணில் விக்ரமசிங்க, முன்னாள் அமைச்சர்கள் மற்றும் பலருக்கு எதிராக தாக்கல் செய்யப்பட்ட அடிப்படை உரிமை மீறல் மனுவை முன்னெடுத்து விசாரணை நடத்த இன்று(01) உயர் நீதிமன்றம் அனுமதி வழங்கியுள்ளது.
சுற்றுச்சூழல் நீதிக்கான மையம் தாக்கல் செய்த இந்த மனுவில், முந்தைய அரசின் காலத்தில் எப்பாவளா பாஸ்பேட் கையிருப்புகள், சந்தை விலையை விட குறிப்பிடத்தக்க வகையில் குறைந்த விலையில், தெரிவுசெய்யப்பட்ட சில நிறுவனங்களுக்கு ஏற்றுமதி செய்யப்பட்டதாகவும், இதன் மூலம் அடிப்படை மனித உரிமைகள் மீறப்பட்டதாகவும் குற்றம் சாட்டப்பட்டுள்ளது.
பிரதிவாதிகள்
மனுவில் முன்னாள் ஜனாதிபதி ரணில் விக்ரமசிங்க, முன்னாள் அமைச்சர்கள், புவியியல் ஆய்வு மற்றும் சுரங்கத் திணைக்களம், அதன் பணிப்பாளர் நாயகம், சட்ட மா அதிபர் உள்ளிட்ட 32 பேரை பிரதிவாதிகளாக குறிப்பிடப்பட்டுள்ளது.
இந்த மனுவை நீதிபதிகள் ஜனக் டி சில்வா, பிரியந்த பெர்னாண்டோ மற்றும் சம்பத் அபேகோன் ஆகியோர் அடங்கிய மூன்று பேர் கொண்ட உயர் நீதிமன்ற அமர்வு இன்று பரிசீலித்துள்ளது.
மனுதாரர் சார்பில் சட்டத்தரணி ரவீந்திரநாத் தபரே, 2000 ஆம் ஆண்டில் எப்பாவல பாஸ்பேட் கையிருப்பு தொடர்பாக உயர் நீதிமன்றம் வழங்கிய உத்தரவுகளை மீறி, லங்கா பாஸ்பேட் நிறுவனம் பங்குகளை பெற்றுக்கொண்டதாக சுட்டிக்காட்டியுள்ளார்.
பெரும் நிதி இழப்பு
மேலும், இந்த பாஸ்பேட் கையிருப்புகள் சர்வதேச சந்தை விலையை விட மிகவும் குறைந்த விலையில் தெரிவுசெய்யப்பட்ட சில நிறுவனங்களுக்கு ஏற்றுமதி செய்யப்பட்டதாகவும் கூறியுள்ளார்.
இதன் மூலம் அரசுக்கும் பொதுமக்களுக்கும் பெரும் நிதி இழப்பு ஏற்பட்டதாக மனுவில் வலியுறுத்தப்பட்டுள்ளது.
அந்த நேரத்தில் இந்த விஷயத்தை மேற்பார்வையிட்ட முன்னாள் அமைச்சர் சாமர சம்பத் தசநாயக்க, பாஸ்பேட் வெளியீட்டிற்கு தேவையான உரிமங்களை வழங்க புவியியல் ஆய்வு மற்றும் சுரங்கப் பணியகம் உள்ளிட்ட அரசு நிறுவனங்களுக்கு அழுத்தம் கொடுத்ததாகவும் சட்டத்தரணி தெரிவித்துள்ளார்.
இதன்படி, முன்மொழிவுகளை ஆராய்ந்த பிறகு, உயர் நீதிமன்றம் இந்த மனுவை 2026 மார்ச் 9 ஆம் திகதி விசாரணைக்கு எடுத்துக் கொள்ள உத்தரவிட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
பருத்தித்துறை, ஓமான், Oman, India, London, United Kingdom
06 Mar, 2024
புங்குடுதீவு 5ம் வட்டாரம், புங்குடுதீவு 10ம் வட்டாரம், புங்குடுதீவு 11ம் வட்டாரம், கொட்டாஞ்சேனை
11 Mar, 2020
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
