யாழ்ப்பாணத்தில் மண்ணெண்ணெய் அருந்திய குழந்தைக்கு நேர்ந்த துயரம்
யாழ்ப்பாணம் (Jaffna)- கோப்பாய் பகுதியில் ஒரு வயதும் இரண்டு மாதங்களும் நிரம்பிய ஆண் குழந்தை ஒன்று இன்றையதினம் (09) மண்ணெண்ணெய் குடித்த நிலையில் உயிரிழந்துள்ளது.
இதன்போது கோப்பாய் மத்தி, கோப்பாய் பகுதியைச் சேர்ந்த தர்சிகன் சஸ்வின் குழந்தையே பரிதாபகரமாக உயிரிழந்துள்ளது.
இச்சம்பவம் குறித்து மேலும் தெரியவருகையில், இன்று மதியம் தாயார் சமையல் செய்துகொண்டு இருந்தவேளை குறித்த குழந்தை மண்ணெண்ணெயை குடித்துவிட்டு உடலிலும் பூசிவிட்டு விளையாடிக்கொண்டிருந்ததது.
யாழ். வைத்தியசாலை
இதை அவதானித்த தாயார் குழந்தையை தூக்கியபோது குழந்தை மயக்கமடைந்தது.
உடனடியாக கோப்பாய் வைத்தியசாலைக்கு கொண்டு செல்லப்பட்டு, அங்கிருந்து யாழ்ப்பாணம் போதனா வைத்தியசாலைக்கு கொண்டு செல்லப்பட்ட நிலையில் பிற்பகல் 4 மணியளவில் உயிரிழந்தது.
குழந்தையின் சடலம் மீதான மரண விசாரணைகளை திடீர் மரண விசாரணை அதிகாரி நமசிவாயம் பிறேம்குமார் மேற்கொண்டார்.
உடற்கூற்று பரிசோதனைகளின் பின்னர் சடலம் உறவினர்களிடம் ஒப்படைக்கப்பட்டது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
