கொழும்பு வைத்தியசாலையின் பெரும் பதவியில் வெற்றிடம்: மக்களுக்கு காத்திருக்கும் ஆபத்து!

Government Of Sri Lanka Sri Lankan Peoples Colombo Hospital Colombo National Hospital

By Dilakshan May 25, 2025 09:27 AM GMT

Dilakshan

in சமூகம்

Report

நாட்டின் மிகப்பெரிய வைத்தியசாலையான கொழும்பு தேசிய வைத்தியசாலையின் பணிப்பாளர் பதவி சுமார் இரண்டு மாதங்களாக வெற்றிடமாக உள்ளது.

இதுவரையிலும் குறித்த வெற்றிடத்தை நிரப்பத் தவறியதால் ஒரு பிரச்சனைக்குரிய சூழ்நிலை ஏற்பட்டுள்ளதாக அங்குள்ள வைத்தியர்கள் தெரிவித்துள்ளனர்.

வைத்தியசாலையின் முன்னாள் பணிப்பாளர் பதவி உயர்வு பெற்று சுகாதார அமைச்சின் மேலதிக செயலாளராக நியமிக்கப்பட்டு இரண்டு மாதங்கள் கடந்துள்ள நிலையில், றாகம வைத்தியசாலையின் சிரேஷ்ட பணிப்பாளர் ஒருவர் கொழும்பு தேசிய வைத்தியசாலையின் பணிகளை மேற்பார்வையிட நியமிக்கப்பட்டுள்ளதாக தெரிவிக்கப்படுகிறது.

சுகாதார அமைச்சின் சதி

1,500 வைத்தியர்கள் மற்றும் 200 நிபுணர்கள் உட்பட சுமார் 25,000 சுகாதாரப் பணியாளர்களைப் பணியமர்த்தும் வைத்தியசாலையின் பணிப்பாளரின் பணிகளை மேற்பார்வையிட மட்டுமே ஒரு அதிகாரியை நியமித்திருப்பது சில பிரிவுகளில் சிக்கல் நிறைந்த சூழ்நிலைகளுக்கு வழிவகுத்துள்ளதாக கூறப்படுகிறது.

கொழும்பு வைத்தியசாலையின் பெரும் பதவியில் வெற்றிடம்: மக்களுக்கு காத்திருக்கும் ஆபத்து! | Colombo National Hospital Director Issue

அத்துடன், ஒரு அதிகாரியை பணிப்பாளராகச் செயல்பட பரிந்துரைப்பது சுகாதார அமைச்சின் சில அதிகாரிகளின் சதியாக இருக்கலாம் என்றும் வைத்தியசாலை வட்டாரங்கள் தெரிவிக்கின்றன.

பெரும் ஆபத்தில் மக்கள்

கொழும்பு தேசிய வைத்தியசாலையின் பணிப்பாளர் நியமனத்திற்கான விண்ணப்பங்களை வரவேற்க சுகாதார அதிகாரிகள் தரப்பில் எந்தத் தயார்நிலையும் இல்லை என்றும், நீதிமன்ற வழக்கு காரணமாக துணை பணிப்பாளர் வைத்திய சேவைகள் எண் 2 பதவி நான்கு ஆண்டுகளாக நிரப்பப்படவில்லை என்றும் வைத்தியர்கள் சுட்டிக்காட்டியுள்ளனர்.

கொழும்பு தேசிய மருத்துவமனை நிர்வாகம் பலவீனமான நிலையில் தொடர்ந்தால், மக்கள் பெரும் ஆபத்தில் சிக்குவார்கள் என்றும், ஊழல் நிறைந்த அரசாங்கத்தின் கீழ் சுகாதார நிர்வாகம் இத்தகைய நிலைக்குத் தள்ளப்படுவது வருந்தத்தக்கது என வைத்தியர்கள் மேலும் தெரிவிக்கின்றனர்.