பிரான்ஸ் அதிபரின் அதிரடி அறிவிப்பு - 18 முதல் 25 வயதுள்ளவர்களுக்கு இலவச வாய்ப்பு
பிரான்ஸ் நாட்டில் உண்டாகும் தேவையற்ற கர்ப்பங்களைத் தடுக்கவும், பால்வினை நோய்களைத் தவிர்க்கவும் 18 முதல் 25 வயதுள்ளவர்களுக்கு இலவச ஆணுறைகள் கிடைக்க வழிவகை செய்யப்படும் என்று அந்நாட்டின் அதிபர் இமானுவேல் மாக்ரான் (Emmanuel Macron) அறிவித்துள்ளார்.
நாட்டில் 2020 மற்றும் 2021-ம் ஆண்டுகளில் பால்வினை நோய்களின் எண்ணிக்கை 30 சதவிகிதமாக அதிகரித்துள்ள நிலையில், அதனைத் தடுக்கும் முயற்சியாக இலவசமாக ஆணுறைகள் வழங்க பிரான்ஸ் அதிபர் முடிவு செய்துள்ளார்.
இலவச ஆணுறை
இதுகுறித்து இமானுவேல் மக்ரன் கூறுகையில், இது கருத்தடைக்கு எதிரான சிறிய புரட்சி.
ஆணுறைகள் இலவசமாகக் கிடைக்கும் என்ற இந்தத் திட்டம், 25 வயதுக்குக் கீழுள்ள பெண்கள் பிறப்பு கட்டுப்பாட்டைத் தீர்மானிக்கும் வகையில் இருக்கும்.
இந்த விடயம் குறித்து ஆசிரியர்களுக்குச் சிறந்த கல்வியை அளிக்க வேண்டி உள்ளது” எனத் தெரிவித்துள்ளார்.