கொலை குற்றவாளிக்கு மரண தண்டனை : கிளிநொச்சி மேல் நீதிமன்றம் தீர்ப்பு

கிளிநொச்சி மேல் நீதிமன்றத்தினால் கொலை குற்றவாளி ஒருவருக்கு மரண தண்டனை விதித்து தீர்ப்பு வழங்கப்பட்டுள்ளது.

முல்லைத்தீவு புதுக்குடியிருப்பு காவல்துறை பிரிவுக்கு உட்பட்ட குரவில் கிராமத்தில் கடந்த 2014 ஆம் ஆண்டு இடம்பெற்ற கொலையின் பிரதான சந்தேக நபருக்கு இன்றைய தினம் (02) பகல் 12 மணியளவில் குறித்த தீர்ப்பு வழங்கப்பட்டுள்ளது.

இந்த சம்பவம் குறித்து தெரியவருகையில், கடந்த 2014ஆம் ஆண்டு மாசி மாதம் 11ஆம் திகதியன்று புதுக்குடியிருப்பு காவல்துறை பிரிவுக்குட்பட்ட உடையார்கட்டு குரவில் பகுதியில் பூப்புனித நீராட்டு விழா நிகழ்வில் கலந்து கொண்ட இருவருக்கிடையில் வாய்த்தர்க்கம் ஏற்பட்டுள்ளது.

கொழும்பில் நடைமுறைக்கு வரும் விசேட பாதுகாப்பு திட்டம்!

வவுனியா மேல் நீதிமன்றம்

அதன்போது அதே இடத்தை சேர்ந்த 19 வயதான அர்ச்சுனன் றஜீபன் என்பவர் கத்தியால் வயிற்றில் குத்தப்பட்டு படுகாயமேற்படுத்திய நிலையில் படுகாயமடைந்த நபர் புதுக்குடியிருப்பு வைத்தியசாலையில் அனுமதிக்கப்பட்டு பின்னர் மேலதிக சிகிச்சைகளுக்காக முல்லைத்தீவு மாவட்ட பொது வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார்.

இது தொடர்பில் விசாரணைகளை முன்னெடுத்த புதுக்குடியிருப்பு காவல்துறையினர் சம்பவத்துடன் தொடர்புபட்ட சந்தேக நபரை கைது செய்து இரத்த மாதிரிகள், சான்றுப் பொருட்கள் என்பவற்றையும் முல்லைத்தீவு மாவட்ட நீதிமன்றத்தில் முன்னிலைப்படுத்தியிருந்தனர்.

குறித்த வழக்கானது ஆரம்பத்தில் வவுனியா மேல் நீதிமன்றத்திலும் பின்னர் கிளிநொச்சி மேல் நீதிமன்றத்திலும் நீதிமன்ற நடவடிக்கைகள் ஆரம்பிக்கப்பட்டது.

யாழில் இராணுவத்தினரின் வாகனம் மோதி முதியவர் உயிரிழப்பு!

சட்டமா அதிபர் திணைக்களம்

இந்த நிலையில் சட்டமா அதிபர் திணைக்களத்தினால் குறித்த வழக்கு கிளிநொச்சி மேல் நீதிமன்றத்தில் முன்னெடுக்கப்பட்டு விசாரணைகள் நிறைவு பெற்றுள்ள நிலையில் இன்றைய தினம் (02-02-2026) கிளிநொச்சி மேல் நீதிமன்ற நீதிபதி G. அலெக்ஸ்ராஜா முன்னிலையில் தீர்ப்புக்காக எடுத்துக் கொள்ளப்பட்டது.

சந்தேகநபருக்கு எதிர் தரப்பு சட்டத்தரணி S. ஸ்ரீகாந்தா முன்னிலையில் தீர்ப்பு வாசித்துக் காட்டப்பட்டதுடன் அவருக்கு மன்றிற்கு ஏதாவது கூற விரும்புகின்றீர்களா என்று கேள்வி கேட்கப்பட்டு அவருக்கான சந்தர்ப்பம் வழங்கப்பட்டது.

இதனையடுத்து நீதிமன்றத்தின் அனைத்து மின் விளக்குகளும் அணைக்கப்பட்டு அனைவரும் எழுந்து நின்று மரண தண்டனை தீர்ப்பு வழங்கப்பட்டுள்ளமை குறிப்பிடத்தக்கது.

டித்வா பேரிடரால் பாதிக்கப்பட்ட மாணவர்களுக்கு கிடைக்கப்போகும் கொடுப்பனவு :கல்வி அமைச்சின் அறிவிப்பு