இரு சிறுநீரகங்களும் செயலிழப்பு! தமிழ் மக்களின் உதவியை நாடி நிற்கும் முன்னாள் போராளி

Sri Lankan Tamils Sri Lankan Peoples Tamil diaspora

By Independent Writer May 27, 2026 12:58 PM GMT

Independent Writer

in சமூகம்

Report

Courtesy: செய்தி - பூ.லின்ரன்

தனது இரு சிறுநீரகங்களும் செயலிழந்த நிலையில், அவசர சிறுநீரக மாற்று அறுவை சிகிச்சைக்காகத் தமிழ் மக்களின் நிதியுதவியை முன்னாள் போராளி ஒருவர் கோரியுள்ளார்.

முன்னாள் போராளியான எதிர்மன்னசிங்கம் கிரேசியன் என்பவருக்கே இந்த அவல நிலை ஏற்பட்டுள்ளது.

தனது வாழ்நாளின் பெரும் பகுதியைத் தடுப்பு முகாம்களிலும், சித்திரவதைக்கூடங்களிலும் கழித்துள்ள இவர், தற்போது கடுமையான உடல்நலப் பாதிப்புக்குள்ளாகியுள்ளார்.

70 இலட்சம் ரூபாய்க்கும் மேல் செலவு

இது குறித்து அவர் தனது ஆதங்கத்தைப் பகிர்ந்துகொள்கையில், "எனது இரு சிறுநீரகங்களும் செயலிழந்துவிட்டன. அவசரமாக சிறுநீரக மாற்று அறுவை சிகிச்சை செய்ய வேண்டும் என மருத்துவர்கள் அறிவுறுத்தியுள்ளனர். இந்தச் சிகிச்சையை உடனடியாகச் செய்யாவிட்டால் எனது உயிர் பிரிந்துவிடும் அபாயம் உள்ளது.

இரு சிறுநீரகங்களும் செயலிழப்பு! தமிழ் மக்களின் உதவியை நாடி நிற்கும் முன்னாள் போராளி | Ex Tamil Militant Seeks Help From People

அவ்வாறு நேர்ந்தால் எனது மனைவியும், பிள்ளைகளும் ஆதரவற்ற நிலைக்குத் தள்ளப்பட்டு, தனிமைப்படுத்தப்பட்டு விடுவார்கள்.

இந்த அறுவை சிகிச்சைக்குக் குறைந்தபட்சம் 70 இலட்சம் ரூபாய்க்கும் மேல் செலவாகும் என மதிப்பிடப்பட்டுள்ளது. என்னிடம் அதற்கான பொருளாதார வசதி இல்லை.

எனவே, எனது தமிழ் மக்கள் என்னை எந்நிலையிலும் கைவிட மாட்டார்கள் என்று நம்புகிறேன். தயவுசெய்து எனக்கு உதவுங்கள்," என அவர் கண்ணீருடன் பணிவன்போடு கோரிக்கை விடுத்துள்ளார்.

இந்த நிலையில், உயிர்ப் ஆபத்தான நிலையில் உள்ள இந்த முன்னாள் போராளியின் சிகிச்சைக்கு உதவ விரும்புபவர்கள் கீழே உள்ள வங்கி கணக்கு இலக்கத்தின் ஊடாகவோ அல்லது தொலைபேசி வழியாகவோ தொடர்புகொண்டு தங்களது பங்களிப்பை வழங்க முடியும் என தெரிவிக்கப்படுகிறது.