Facebook உள்ளிட்ட சமூக வலைத்தளங்கள் திடீர் முடக்கம்!

Facebook Instagram Meta

By Sathangani Jul 19, 2026 09:33 AM GMT

Sathangani

in சமூகம்

Report

உலகின் முன்னணி சமூக வலைத்தளங்களான முகநூல் (Facebook), மெசஞ்சர் மற்றும் இன்ஸ்டாகிராம் சேவைகளில் திடீர் தொழில்நுட்ப பிரச்சினை ஏற்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.

இன்று (19) ஏற்பட்ட இந்தப் பிரச்சினையால், பல பயனர்கள் தங்களது கணக்குகளை அணுக முடியாமல் சிரமங்களை எதிர்கொண்டுள்ளதாக தெரிவிக்கப்படுகின்றது.

குறிப்பாக, மெட்டா (Meta) நிறுவனத்தின் முகநூல் தளத்தின் டெஸ்க்டொப் (Desktop) பதிப்பே இந்தச் சிக்கலால் பாதிக்கப்பட்டுள்ளதாக குறிப்பிடப்படுகிறது.

மெட்டா நிறுவனம்

இந்தநிலையில், பயனர்கள் உள்நுழைய முயன்றபோது, "தளச் சிக்கல் காரணமாக உங்கள் கணக்கு தற்போது கிடைக்கவில்லை. இது விரைவில் சரிசெய்யப்படும் என எதிர்பார்க்கிறோம். தயவுசெய்து சில நிமிடங்களில் மீண்டும் முயற்சிக்கவும்" என்ற அறிவிப்பு காண்பிக்கப்பட்டுள்ளது.

Facebook உள்ளிட்ட சமூக வலைத்தளங்கள் திடீர் முடக்கம்! | Facebook Suffered A Worldwide Login Outage

இதனிடையே, இன்று முற்பகல் 9.00 மணியளவில் "Facebook Down" தொடர்பான முறைப்பாடுகள் திடீரென அதிகரித்துள்ளதாக சேவை முடக்கங்களைக் கண்காணிக்கும் DownDetector இணையத்தளம் தெரிவித்துள்ளது.

குறித்த தொழில்நுட்ப பிரச்சினைக்கான காரணம் குறித்து மெட்டா நிறுவனம் இதுவரை அதிகாரபூர்வ விளக்கமொன்றை வெளியிடவில்லை என தெரிவிக்கப்பட்டுள்ளமை குறிப்பிடத்தக்கது.