கிழக்கில் கண்டுபிடிக்கப்பட்ட நீல நிற ஐஸ் போதை பொருள்! சந்தேக நபர் கைது
வாழைச்சேனை காவல்துறை பிரிவிலுள்ள பிறைந்துறைச்சேனை பகுதியில் போதை பொருள் வியாபாரத்தில் ஈடுபட்டுக் கொண்டிருந்த பிரபல பெண் வியாபாரி ஒருவரை அதிரடிப்படையினர் கைது செய்துள்ளனர்.
குறித்த சந்தேக நபரை நேற்று (04) இரவு விசேட அதிரடிப்படையினர் கைது செய்துள்ளதாக தெரிவிக்கப்படுகிறது.
வாழைச்சேனை கடதாசி ஆலை முகாம் விசேட அதிரடிப்படைக்கு கிடைத்த தகவல் ஒன்றினையடுத்து, அம்பாறை மட்டக்களப்பு உதவி காவல்துறை பணிப்பாளரின் ஆலோசனைக்கமைய, பொறுப்பதிகாரி கே.ஜி.லக்மால் தலைமையிலான குழுவினர் பிறந்துறைச்சேனை பகுதியிலுள்ள சந்தேக நபரின் வீட்டை முற்றுகையிட்டுள்ளனர்.
ஐஸ் போதை பொருள்
இதன்போது, அவரிடமிருந்து 340 மில்லி கிராம் புதிய வகையான நீல நிறம் கொண்ட ஐஸ் போதை பொருள் மற்றும் வெள்ளை நிறமுடைய 4 கிராம் 130 மில்லி கிராம் உட்பட 4 கிராம் 470 மில்லி கிராம் ஐஸ் போதை பொருள் மற்றும் 8 ஆயிரத்து 750 ரூபா பணத்தை மீட்டுள்ளனர்.
இதில் கைது செய்யப்பட்ட 36 வயதுடைய பெண்ணை விசேட அதிரடிப்படையினர் தம்மிடம் ஒப்படைத்துள்ளதாகவும், கைது செய்யப்பட்ட பெண்ணின் கணவர் ஏற்கனவே போதை பொருள் வியாபாரத்தில் ஈடுபட்ட நிலையில் கைது செய்யப்பட்டு தற்போது விளக்கமறியலில் வைக்கப்பட்டுள்ளதாகவும் காவல்துறையினர் தெரிவித்துள்ளனர்.
இந்த நிலையில், விசேட அதிரடிப்படையினரால் கைது செய்யப்பட்ட பெண்ணை நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாகவும் காவல்துறையினர் மேலும் தெரிவித்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
