வெளிநாட்டு வேலை வாய்ப்பு!! பெண்களின் வயதெல்லையில் மாற்றம்
இலங்கைப் பெண்கள் வீட்டு மற்றும் வீட்டுப் பணிகள் சார்ந்த வெளிநாட்டு வேலை வாய்ப்புக்களில் ஈடுபடுவதற்கான குறைந்தபட்ச வயதெல்லையில் மாற்றம் ஏற்படவுள்ளது.
இதன்படி, வெளிநாட்டு வேலைவாய்ப்புக்களில் ஈடுபடும் பெண்களின் குறைந்தபட்ச வயதை 21 ஆக திருத்தம் செய்வதற்கு அங்கீகாரம் வழங்க அமைச்சரவை தீர்மானித்துள்ளது.
அமைச்சரவையில் சமர்ப்பிக்கப்பட்ட முன்மொழிவுகள்
தொழில் மற்றும் வெளிநாட்டு வேலை வாய்ப்பு அமைச்சரால் வயதெல்லையை திருத்தம் செய்வதற்கான முன்மொழிவுகள் அமைச்சரவையில் சமர்ப்பிக்கப்பட்டது.
குறித்த வயதெல்லையைத் திருத்தம் செய்தல் தொடர்பாக விடயங்களை ஆராய்ந்து அமைச்சரவைக்குப் பரிந்துரைகளைச் சமர்ப்பிப்பதற்காக நீதி, சிறைச்சாலைகள் விவகாரங்கள் மற்றும் அரசியலமைப்பு மறுசீரமைப்பு அமைச்சரின் தலைமையில் அமைச்சரவை உப குழுவொன்றை நியமிப்பதற்கு 2022 யூன் மாதம் 06 ஆம் திகதி இடம்பெற்ற அமைச்சரவைக் கூட்டத்தில் தீர்மானிக்கப்பட்டது.
அதற்கமைய, குறித்த உபகுழுவால் சமர்ப்பிக்கப்படும் பரிந்துரைகளைக் கருத்தில் கொண்டு வயதெல்லையை மாற்ற தீர்மானம் எடுக்கப்படவுள்ளது.
