பிள்ளைகள், பேரப்பிள்ளைகளுடன் 100 ஆவது பிறந்தநாளை கொண்டாடிய பாட்டி

கொட்டுக்கச்சியவைச் சேர்ந்த மெணிக்ஹாமி என்பவர், தனது பிள்ளைகள், பேரக்குழந்தைகளுடன் இணைந்து, தனது நூறாவது பிறந்தநாளை மிகவும் மகிழ்ச்சியுடன் கொண்டாடியுள்ளார்.

1924ஆம் ஆண்டு பிறந்த மெணிக்ஹாமியின் சொந்த ஊர் மஹகும்புக்கடவல, சொஹொன்கல்ம்ப எனும் கிராமம்.அவர் கொட்டுக்கச்சியை சேர்ந்த ஏ.எம். பண்டாப்பு என்பவரை திருமணம் செய்து நூறு ஆண்டுகள் வாழ்ந்த பெருமையைப் பெற்றுள்ளார்.அவரது அன்புக் கணவன், ஒரு சில வருடங்களுக்கு முன் மரணமடைந்துள்ளார்.

11 பிள்ளைகள்,24 பேரக்குழந்தைகள் 

பதினொரு பிள்ளைகளைப் பெற்றெடுத்த அவர், அந்த பதினொரு குழந்தைகளையும் கஷ்டங்களுக்கு மத்தியில் வளர்த்துள்ளார். பதினொரு குழந்தைகளின் தாயான மெணிக்ஹாமிக்கு 24 பேரக்குழந்தைகள் உள்ளனர். பதினொரு பிள்ளைகளுக்கு அன்பைக் கொடுத்த இந்தத் தாய்க்கு அவருடைய பிள்ளைகள் வைத்திருக்கும் அன்பு வியக்கத்தக்கது.

வயதான பெற்றோரை வீதியோரத்தில் விட்டுச் செல்லும் குழந்தைகள் இருக்கும் நாட்டில், தாய் மெனிக்ஹாமியின் பிள்ளைகள் தங்கள் தாயை மிகவும் அன்புடன் கவனித்து உண்மையான குழந்தைகளாக தங்கள் கடமையை நிறைவேற்றுகிறார்கள்.

மிருகங்களை போல் மக்களை கொன்று குவிக்கும் இஸ்ரேல்: கண்ணீரில் மிதக்கும் காசா

 உறவுகள் வாழ்த்தியதால் மகிழ்ச்சி

நூறு வயது பிறந்தநாளைக் கொண்டாடியபோது, ​​அக்கம்பக்கத்தினர், உறவினர்கள், நண்பர்கள் வந்து வாழ்த்தியமை தொடர்பில் மேலும் மகிழ்ச்சியடைவதாக அவர் தெரிவிக்கின்றார்.

கொட்டுகச்சிய கிராமத்தில் நூறு வயதைக் கொண்டாடிய ஒரேயொருவர் இவர் என தெரிவிக்கப்படுகின்றது. இதன்போது வருகை தந்திருந்தவர்கள், அவர் இன்னும் நீண்ட ஆயுளுடன் வாழ வாழ்த்தினர்.

இலங்கைக்கு அமெரிக்கா அளித்த நன்கொடை