காவல்துறையினர் மக்களுக்கு விடுத்த முக்கிய அறிவிப்பு
தற்போது பெய்து வரும் கனமழை காரணமாக கன்னெலிய மற்றும் சிங்கராஜா வனப்பகுதியில் உள்ள நீர்வீழ்ச்சிகள் மற்றும் நீர்த்தேக்கங்களை பார்வையிடும் போது கூடுமானவரை பாதுகாப்பு நடவடிக்கைகளை பின்பற்றுவது மிகவும் அவசியம் என காவல்துறையினர் மக்களிடம் கேட்டுக் கொண்டுள்ளனர்.
நீர்வீழ்ச்சிகளை சுற்றியுள்ள பகுதிகளில் குறுகிய காலத்தில் பெய்த கனமழையால் அருவிகள் மற்றும் நீர்த்தேக்கங்களில் நீரின் அளவானது உடனடியாக அதிகரித்துள்ளது.
இதன் காரணமாக, குளிக்கும் போதும், இறங்கும் போதும், அருவிகளுடன் இணைந்திருக்கும் போதும் கூடுமானவரை கவனமாக இருப்பது மிகவும் அவசியம்.
எச்சரிக்கை
நீர்வீழ்ச்சிகள் மற்றும் நீர்த்தேக்கங்களில் நீரின் ஓட்டத்தில் உடனடி மாற்றம் ஏற்பட்டால் உடனடியாக அந்த பகுதிகளை விட்டு வெளியேறுமாறு காவல்துறையினர் தெரிவித்துள்ளனர்.
இதேவேளை, கன்னெலிய மற்றும் சிங்கராஜ வனப்பகுதியில் உள்ள நீர்வீழ்ச்சிகள் மற்றும் நீர்த்தேக்கங்களை பார்வையிடுவதற்காக உள்நாட்டு மற்றும் வெளிநாட்டு சுற்றுலாப் பயணிகள் பலர் வருவதாக தெரிவிக்கப்படுகின்றது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
