லொஹான் ரத்வத்தவின் பதிவுசெய்யப்படாத கார் குறித்து வெளியான தகவல்

Lohan Ratwatte Sri Lanka Sri Lanka Police Investigation Luxury Cars

By Sathangani Nov 08, 2024 08:27 AM GMT

Sathangani

in குற்றம்

Report

முன்னாள் இராஜாங்க அமைச்சர் லொஹான் ரத்வத்தவின் (Lohan Ratwatte) மனைவியின் மிரிஹான வீட்டில் மீட்கப்பட்ட கார் குறித்து புதிய தகவல்கள் வெளியாகியுள்ளன.

இதன்படி, லொஹான் ரத்வத்த சட்டவிரோதமாக பொருத்தப்பட்ட பதிவுசெய்யப்படாத இலகத்தகடுகள் அற்ற ஆடம்பர காரினை 2000ம் ஆண்டிலிருந்து பயன்படுத்தி வந்துள்ளமை விசாரணைகளின் போது தெரியவந்துள்ளது.

அத்துடன் கண்டியில் சமீபத்தில் தற்கொலை செய்து கொண்ட தனது செயலாளரே அந்த காரை கொண்டு வந்தார் என தெரிவித்ததன் மூலம் லொஹான் ரத்வத்த விசாரணையை குழப்ப முயன்றார் என காவல்துறை சட்டப்பிரிவின் தலைவர் பிரதி காவல்துறைமா அதிபர் ருவான் குணசேகர (Ruwan Gunasekera) தெரிவித்துள்ளார்.

பதிவுசெய்யப்படாத கார்

எனினும் விசாரணைகளின் போது மீட்கப்பட்ட பல காணொளிகள் மற்றும் ஆவணங்கள் ரத்வத்த அந்த காரை 2000ம் ஆண்டிலிருந்து பயன்படுத்துவதை வெளிப்படுத்தியுள்ளதாக குறிப்பிடப்பட்டுள்ளது.

லொஹான் ரத்வத்தவின் பதிவுசெய்யப்படாத கார் குறித்து வெளியான தகவல் | Information Of Lohan Ratwatte S Unregistered Car

மேலும் இது குறித்த விசாரணையின் போது போலியான செசி இலக்கத்தினை பயன்படுத்தியதும் தெரியவந்துள்ளது.

லொஹான் ரத்வத்த மிரிஹானவில் உள்ள அவரது மனைவியின் வீட்டில் பதிவுசெய்யப்படாத வாகனம் காணப்பட்டதை தொடர்ந்து கடந்த 31ஆம் திகதி கைது செய்யப்பட்டு இன்று வரை விளக்கமறியலில் வைக்கப்பட்டுள்ளமை குறிப்பிடத்தக்கது.